專題熱話

新片速報 西人玩先! Wii U詳盡規格 遊戲陣容
by / on 14/09/2012 at 10:34 am

新片速報 西人玩先! Wii U詳盡規格 遊戲陣容

  唔好嬲住,你聽我解釋啦!Wii U喺美國11月18日就推出係有原因o架,因為人哋要趕喺感恩節前嗰個星期發售,等大家可以捧住部機返屋企食火雞呀!咁日本就遲廿日喺12月8日發售,不過跟機陣容就強好多,美國下年先有芒亨o架!睇吓以下詳盡規格同嚟緊會出嘅遊戲陣容先啦!專用光碟依然唔係藍光,容量只係25GB!?

Read more ›

Wii U發佈補完 32GB版得黑機 跟機遊戲暫得兩隻
by / on 13/09/2012 at 5:10 pm

Wii U發佈補完 32GB版得黑機 跟機遊戲暫得兩隻

基於天下武功唯快不破呢個硬道理,啱啱就率先速報咗Wii U售價係31,500日元(內置32GB)同26,250日元(內置8GB),推出日期係12月8日,仲有就係單買GamePad要13,440日元,Wii U Pro手掣都要5,040日元!唔駛講嘢,新主機未改變遊戲界就先改變機迷心態……以後咪掉手掣咁奢侈呀!o依家講番詳細啲,今次發佈會仲公佈咗跟機兩隻遊戲,吓?兩隻?唔只啩……仲有主機套裝唔同裝備。

Read more ›
Wii U 12月8日發售 售價26,259日元
by / on 13/09/2012 at 3:38 pm

Wii U 12月8日發售 售價26,259日元

啱啱火辣辣舉行完嘅任天堂日本地區網上發佈會「Nintendo Direct Wii U Preview」,終於公佈咗新主機Wii U嘅售價同發售日期!12月8日喺日本發售,價錢就分兩個,分別係31,500日元(內置32GB)同26,250日元(內置8GB),二千蚊港紙倒就入到場,包主機、火牛、一個GamePad同充電器,加埋HDMI,都算好OK!另外,配件價錢都公佈咗,嘩!一個GamePad賣13,440日元,女朋友唔好用呢個喇,用手掣算啦你……咦?普通手掣Wii U PRO都5,040日元!

Read more ›
即開即玩 《Super Mario Crossover》亂入角色開槍射龜
by / on 13/09/2012 at 2:59 pm

即開即玩 《Super Mario Crossover》亂入角色開槍射龜

嗱,你可以話我後知後覺舊嘢當新聞,但我真係啱啱先知!又雖然我有check過,呢隻名叫《Super Mario Crossover》喺2010年已經出現喺網上,但你唔可以排除有人好似我咁未玩過鬼咁驚喜!呢隻孖寶兄弟,基本玩法就係孖寶兄弟,但就可以用薩爾達個林克、惡魔城阿西蒙、魂斗羅條疑似史泰龍,仲有洛克人等等!而且最抵死係可以開槍,孖寶開槍喎!食完菇條鞭加長,單發槍變機關槍喎!勁過大亂鬥啦!最正係click入下面網站就玩到,好似我同事咁,忙咗成朝喇!

Read more ›
59張新圖 《JOJO奇妙冒險 All Star Battle》新系統新人物介紹
by / on 13/09/2012 at 9:00 am

59張新圖 《JOJO奇妙冒險 All Star Battle》新系統新人物介紹

轉自日本《Fami通》最新料。我夠膽講句,睇完呢59張新圖,JoJo迷瞓街都要買,冇機都要儲一隻!呢隻PS3獨佔遊戲由Namco Bandai Games推出、開發過《火影忍者》系列以及《.hack》系列嘅Cyberconnect2開發,格鬥系統一定唔差,睇埋畫面,超必有特寫,收盡第一至第七部故事,仲可以用「JoJo立」嚟避開敵人攻擊再反擊,確係正到核爆!今次仲正式有埋大量公佈咗嘅四個新角色新圖片,黃金體驗同喬魯諾·喬巴拿,加埋性感手槍同葛德·米斯達,綠色法皇加花京院典明同銀戰車加J·P·波魯那雷夫,啊啦啊啦啊啦啊啦啊啦啊啦啊啦啊啦啊啦!

Read more ›
新片!Bomba X Eminleo《Sleeping Dogs》跟大佬超爆笑 + 伍公子試玩片
by / on 12/09/2012 at 10:53 pm

新片!Bomba X Eminleo《Sleeping Dogs》跟大佬超爆笑 + 伍公子試玩片

啱啱我喺網上見到有段新片叫《推銷仔之大佬遮天》,係由本地曾經拍過芒亨、街霸 X 鐵拳片嘅單位Bomba拍嘅,咦?《Sleeping Dogs》喎!嘩好嘢喎!隻遊戲出咗成個月,學Eminleo喺段片入面話齋:「買咗喇喎!爆埋喇喎!」o依家先出段片?我即管click入去睇,同隻遊戲一樣咁多粗口之餘,堅好笑!玩完隻game回味吓啦!推介尾段搶車一幕,佢哋真係捉到遊戲嘅精髓!最後賣一賣廣告,GameoverHK搵咗Bomba佢哋做訪問,好快有得睇,留意!咪住先!啱啱又有一條,係香港專拍遊戲試玩片嘅伍公子作品,突然兩條官方《Sleeping Dogs》宣傳片現身,做咩呀?摶我買多隻儲呀?

Read more ›

「One Piece展覽」移師大阪 11月舉行
by / on 12/09/2012 at 11:36 am

「One Piece展覽」移師大阪 11月舉行

之前為慶祝連載15周年而喺東京六本木舉行嘅「尾田栄一郎監修 ONE PIECE展 ~原画×映像×体感のワンピース」展覽活動,雖然已經喺6月17日完咗,但未去嘅海賊迷唔駛驚呀!因為會方已經決定移師到大阪天保山特設展館(大阪市・海遊館附近)再次舉行,展覽日期由2012年11月24日至2013年2月17日,夥伴們,去關西旅行,點可以唔去呀?

Read more ›
唔駛諗唯有等《刺客教條 3》中文版齊晒料!
by / on 11/09/2012 at 7:59 pm

唔駛諗唯有等《刺客教條 3》中文版齊晒料!

早買早享受嘛,遲買仲要冇得平幾舊,咁我做咩要等呢?第一,10月31日推出嘅《刺客教條 3(Assassin’s Creed III)》係英文版,11月尾就會有中文版本登場;第二,就算你買連Figure嘅亞洲珍藏版(英文),都係多隻20cm高嘅Figure,DLC都唔夠中文版齊!係,中文版特典會有額外3個單人遊戲關卡、4個單人遊戲及多人模式嘅物件組合包,11月尾推出PS3/Xbox360/PC版,嗱,比埋香港行貨亞洲珍藏版包啲咩你睇,自己埋鏡拼拼喇。

Read more ›
《Evangelion新劇場版:Q》 X UCC 新罐曝光 歷代晒冷 牆布下載
by / on 10/09/2012 at 10:11 pm

《Evangelion新劇場版:Q》 X UCC 新罐曝光 歷代晒冷 牆布下載

鑊鑊都係咁!東京遊戲展嗰幾日開始賣唔得嘅?10月15日先開始賣你開心啲咩?會好賣啲咩?頂!我知UCC次次EVA上映又X出碟又X,我自己都有幾罐收藏,但今次唔同嘛!你睇啲畫,藍天背心仔迷彩褲,靚到!仲有抽獎Tee同真希波Figure,我真係好想要,不能逃避不能逃避不能逃避……好喇,發完癲,講番個網,今次堅,有Twitter頭像同Wallpaper下載,仲有電腦用、手機用Wallpaper免費下載,最正係仲有UCC歷代出過嘅EVA咖啡回顧,我睇到唔捨得走。最後,仲有一張第3新東京市專用自動販賣機地區分佈圖,又係堅靚呀呀呀呀呀!

Read more ›
饅頭專欄9/10 羞恥Play
by / on 10/09/2012 at 5:07 pm

饅頭專欄9/10 羞恥Play

饅頭(叔叔?)正式喺GameoverHK連載個人專欄,每周兩篇,想探討外表是少女內心是大叔的饅頭內心世界,快Like GameoverHK Facebook專頁,每次update都會提提你!   http://www.facebook.com/GameoverHK   想回顧饅頭昔日文章,可以揀選網站內嘅「專題熱話」。

Read more ›
《阿修羅之怒》展覽 睇原畫買底橫
by / on 10/09/2012 at 1:12 pm

《阿修羅之怒》展覽 睇原畫買底橫

由9月8日起,Capcom隻PS3/Xbox360動作遊戲《阿修羅之怒》會喺壽屋Kotobukiya秋葉原館搞展覽,展期到9月17日,仲有時間去睇吓。隻game都出咗一大輪啦,仲有咩睇?日本遊戲網4gamer就有現場報導,包括精品囉,原畫囉,精品方面就強力推嗰兩條底褲,設計有味道之餘,製作人松山洋同下田星児仲即場示範……仲有件Tee,堅係型,陣熱血味滲住出嚟呀!

Read more ›

黑道拉命 《人中之龍 5》主題拉麵推出
by / on 09/09/2012 at 6:38 pm

黑道拉命 《人中之龍 5》主題拉麵推出

玩完《Sleeping Dogs》,唔好忘記仲有隻PS3獨佔嘅日本黑道遊戲《人中之龍 5(龍が如く5 夢、叶えし者)》!呢隻由SEGA推出嘅遊戲搞作多多,之前又選靚女又盛,o依家仲出埋拉麵!呢幾款由拉麵公司「宅麵」推出嘅主題拉面,會喺日本五家拉麵舖推出,仲搵咗好似黑社會嘅製作人名越同橫山試食,睇佢哋個樣,食到嬲嬲哋咁喎!睇嚟今集遊戲都唔少得去食拉麵嘅場面喇。

Read more ›
本地Band友試玩 《Rocksmith》真結他自閉操!
by / on 09/09/2012 at 11:06 am

本地Band友試玩 《Rocksmith》真結他自閉操!

其實,自細聽Beyond、大少少就睇《20世紀少年》嘅我,一早就想投入搖滾嘅世界,拎住個結他跟住個節奏又彈又跳又fing。可惜吖,我返工好忙又唔敢自己一個行入通利琴行,求學無門,所以到o依家頂籠拎住個木結他扮民歌王子……機會嚟喇!只要你買隻遊戲,買支電結他或Bass(試玩兩個band友話$1,000樓下都大把有得揀),就可以自學彈結他,踏入band壇,大嗌香港只有娛樂圈,冇樂壇!

Read more ›
有相有片 本地兔耳女試玩PS Vita《LittleBIGPlanet》
by / on 07/09/2012 at 12:24 pm

有相有片 本地兔耳女試玩PS Vita《LittleBIGPlanet》

9月19日就推出嘅PS Vita中英文合版《LittleBIGPlanet》,同PS3版有咩分別?人哋全新遊戲嚟o架,梗係用埋輕觸、六軸同流動上網機能,而且最多可以4人Ad Hoc或Wi-Fi連線,同女性朋友玩到o依娃鬼叫就最開心!咦?今日拍試玩片嘅model做咩扮兔女郎呢?係喎!我樓下啱啱搞完盂蘭勝會,中秋節就嚟,月亮上面除咗有吳剛同羅莽之外,仲有隻玉兔仔吖嘛!

Read more ›
消息確定 中文版3DS遊戲港台分一區
by / on 07/09/2012 at 10:47 am

消息確定 中文版3DS遊戲港台分一區

老實講,3DS LL個芒大咗,雖然3D功能都係打到頭暈,但就算2D玩都爽好多!9月28日中文版3DS XL就推出喇,嘩!正呀!仲有五隻遊戲跟機,分別係《瑪利歐賽車 7》,係,瑪利歐……同埋《Biohazard Revelations》、《薩爾達傳說 時之笛 3D》等舊遊戲嘅中文版。不過,如果佢話你知你無論美版定日版嘅《New Super Mario Bro.2》都玩唔到,遲啲隻《Project X Zone》、《逆轉裁判 5》都唔知等到幾時先有得玩,你仲會唔會想買?係,噚日佢就喺台灣正式話你知,港、台部中文機要玩番港台區遊戲,咁港台區仲包括邊個地方呀?就淨係香港同台灣囉……BTW,我哋之前個3DS LL大抽獎,會於本周末頒獎,影咗靚相即同大家分享!點佢相!

Read more ›