冬天又到，又係要收埋啲手腳打機嘅時候。日本嘅Damegi 4G推出咗呢套專為機迷打機而設嘅連身服，仲搵咗好萌嘅coser「伊織もえ」Iori Moe 做model示範，特製嘅質料可以鎖住身體嘅熱力，仲可以收埋隻手，連個頭都可以冚埋，賣17160円。另外有其他款有不同顏色，同場加映埋工人褲款，不過就無乜保暖效果嘞。

有隻鍾意聞臭腳嘅喵其實都幾尷尬，日本有貓奴喺Twitter分享咗段片，隻喵攬實佢對鞋唔放，之後仲將個頭塞入鞋窿，嘩！好臭呀！有無貓奴屋企隻貓都係咁重口味嘅？

大家都應該買過或者夾過呢類吊飾公仔，不過佢個金屬珠鏈如果開、扣得多，可能隨時鬆脫咁就唔見咗個吊飾好唔抵啦。有日本網民就有好介紹，原來有呢款膠圈可以用嚟避免珠鏈鬆脫，Animate賣330円，好似話100円店都有得賣。

作為貓奴，成日都會搵機會整蠱貓主子。唔知你哋屋企嗰隻鍾唔鍾意玩拖鞋，不過如果咁樣玩過一次之後，佢應該會驚咗你對CROCS……

見到呢個情況，有網民話諗起《IT》隻小丑，好正常吖。影片中見到列車同月台間之空隙中，見到一個恐怖笑容，令人非常mind the gap……影片最後解釋咗呢個恐怖現象……

Hojicha(焙茶)Latte好多人都鍾意飲，估唔到呢隻日本喵星人都咁有品味，主人出賣咗佢，放咗佢拼死都要飲嘅連環圖上Twitter，好可愛！之後仲有網民出圖回應，入嚟有回帶。

Google搜尋有好多便利功能，最近有日本網民就發現咗呢個，快速查閱藝人大泉洋嘅年齡，輸入「2019年の大泉洋」，就會睇到佢今年46歲，貪玩啲輸入「2571年の大泉洋」，人中會見到「598歲」嘅搜尋結果！之後好多網民一齊玩，橋本環奈變咗過千歲，好好笑，入嚟有得睇。可惜試過用同一方法喺Google香港搜尋，似乎無得玩。

喵星人同小朋友一直都相處得唔錯，估唔到日本呢隻仲做埋保姆嘅工作。有網民放咗片上Twitter，見隻白貓極力阻止個小朋友爬上枱，過程超盡責，真係一隻好抵錫嘅喵！入嚟有片睇。

  本來吸引到我睇嘅係佢喺Twitter出咗張和服相，好靚，話係著和服嘅季節啦。入到去，發現原來仲有條片佢玩變樣濾鏡玩得好開心……不過，正如先前有讀者講過，佢挖鼻都唔割喇，呢啲小事更加冇問題，直情覺得佢可愛添。

喵星人每日平均要瞓12至16小時，瞓嘅地點都好隨意，好似日本有網民分享嘅呢隻喵，選擇咗瞓煎pan入面瞓，個位置瞓瞓好可以俾佢捲曲成圓形，超可愛！之後有其他網民出圖回應，有喵瞓洗衣機、電飯煲、微波爐‥‥‥入嚟有回帶，貓奴要睇。

玩《Minecraft》大家都見呢啲草方塊見得多，但有冇人諗過可以實體化？日本有高手就製作咗出嚟，而且仲有製作過程睇到。

一到冬天日本人嘅「暖桌」就會出動，不過最近有網民分享咗佢自製嘅「暖桌」，500円就可以有合成版，一張枱、一塊毛毯加一塊板，枱同板喺平價生活雜貨店3 Coins有得買，條毛毯就係佢自己私伙嘅，佢仲畫埋圖介紹，睇落好方便，以後冬天坐喺床上面都可以暖笠笠打機睇書用電腦，仲可以分拆開每樣物品嚟用，值得參考。

星之卡比個笑容好含蓄好善良，不過總有例外，最近日本有網民喺Twitter分享咗呢張圖，俾佢偷睇到星之卡比邪惡露齒笑嘅一臉！睇真啲原來係投射到旁邊部夾公仔機嘅另一款公仔，但係效果零違和好完美，真嘅一樣。

人有三急大家都試過，喺戶外唯有靠呢啲流動廁所。最近日本扭蛋品牌EPOCH整咗呢款迷你流動廁所，合共兩款，一款係和式嘅蹲廁連廁紙架，另一款係洋式嘅座廁連洗手盤，仲額外送多個男廁/女廁嘅牌同埋「故障中」嘅告示，好正！其中坐廁嘅廁板仲可以拉起，超細緻，11月推出，用嚟襯埋屋企嘅figure應該可以做到好多特別場景呀！

大阪御堂筋線嘅梅田駅經過得多，不過好少見到咁奇特嘅影像，有網民發現所有顯示屏同時出現呢個經典七色畫面，連成一線睇落幾震憾，聽講而家做緊改裝工程，應該好快會回復正常嘞。