專題熱話

【有片】日本喵星人獨門「上貓床」方法 超古怪Twitter熱傳
by / on 17/01/2020 at 7:45 am

【有片】日本喵星人獨門「上貓床」方法 超古怪Twitter熱傳

喵星人嘅舉動真係好搞笑,最近呢隻喵喺日本Twitter好紅,段短片超過2百萬瀏覽。睇片見佢行去張貓床度瞓,不過佢唔係選擇跳入去,而係先撳底冚住個頭再碌過去,超搞笑!旁邊啲貓都睇到呆咗。以為佢咁啱得咁蹺?另一條片另一角度睇到佢用同一方法上貓床,好明顯已經成為佢嘅獨門絕技!

Read more ›

【有片】日本「喵大叔」超豪放睡姿 反肚大字瞓Twitter熱傳
by / on 17/01/2020 at 7:14 am

【有片】日本「喵大叔」超豪放睡姿 反肚大字瞓Twitter熱傳

喵星人有時啲行為真係幾似大叔,日本有網民一朝早起身就見到呢個情景:隻喵反肚大字型攤咗喺書枱上面瞓覺,當佢走埋去拍隻喵個肚時,隻喵嘅反應都好正,入嚟有片睇。

Read more ›
究竟咩嚟嘅? 日本Twitter熱傳「東京都交通局」古怪座椅
by / on 16/01/2020 at 7:58 am

究竟咩嚟嘅? 日本Twitter熱傳「東京都交通局」古怪座椅

日常生活成日都會見到啲解唔通嘅事物,好似日本有網民發現「東京都交通局」外有幾張好似座椅,但又太過高坐唔到嘅嘢,上面告示仲寫住唔可以坐同埋負重,咁究竟佢係咩嚟嘅?好彩謎底最終被解開,入嚟有答案。

Read more ›
日本超可愛鬼鬼筷子座 企起身當擺設Twitter熱傳
by / on 16/01/2020 at 7:44 am

日本超可愛鬼鬼筷子座 企起身當擺設Twitter熱傳

日本人嘅設計真係好出色,最近有日本網民分享咗呢個筷子座,係鬼鬼嚟嘅!兩隻手仔可以承托住對筷子,唔放筷子嘅時候,仲可以企返起身當擺設,超可愛。每個賣1,100円,入嚟有link。

Read more ›
日本7-11便當發現「假蛋黃」   遇熱即溶網民熱烈討論
by / on 16/01/2020 at 7:08 am

日本7-11便當發現「假蛋黃」 遇熱即溶網民熱烈討論

有無諗過平時喺日本便利店買到嘅便當,入面嘅蛋黃竟然唔係真蛋嚟?日本Twitter最近熱烈討論緊呢個話題,有網民做咗個測試,將「假蛋黃」放上煎pan加熱,好快佢就會溶解成液體狀!好多網民都表示震驚。原來為咗安全健康或者可以放入微波爐加熱,便利店嘅便當好多都會用「假蛋黃」,而專出BB蛋黃醬嘅公司Kewpie都有出產呢種產品,至於「假蛋黃」嘅成份方面都幾豐富,包括有葡萄糖漿、植物油、鹽、蛋清蛋白、色素等等。

Read more ›
日本「獅子狗卷」都有扭蛋 搓圓撳扁超可愛
by / on 15/01/2020 at 7:52 am

日本「獅子狗卷」都有扭蛋 搓圓撳扁超可愛

「竹輪」,即係我哋嘅「獅子狗卷」啦,唔講唔知,原來佢同日本古墳旁邊排列嘅陶器土偶「埴輪」好似,都係中間空心嘅。日本扭蛋公司「奇譚」最近將兩者結合,出咗呢個「はにちくわ」系列,一式六款,獅子狗卷變晒樣,質地仲係軟棉棉可以擠壓嘅,好可愛!預計今個月18日發售,fans記住留意返。

Read more ›

日本熊貓之穴「超頹吉祥物」系列 招財貓恰眼瞓
by / on 15/01/2020 at 7:44 am

日本熊貓之穴「超頹吉祥物」系列 招財貓恰眼瞓

日本扭蛋「熊貓之穴」嘅出品一向高質,最新公佈有呢款「まる疲縁起物」扭蛋系列,「緣起物」即係帶嚟好運嘅吉祥物,不過今次多咗個「疲」字,因為佢哋全部都好頹好癈,例如招財貓將隻手借力放喺個金幣上面恰眼瞓、紅牛直情瞓死咗,仲有跌咗嘅不倒翁「達摩」,一共五款,全部都好正,1月20日推出,記住留意返。

Read more ›
《FINAL FANTASY VII REMAKE》延期1個月    4月10日推出原因係咩?
by / on 15/01/2020 at 7:15 am

《FINAL FANTASY VII REMAKE》延期1個月 4月10日推出原因係咩?

原來都係要delay,講緊嘅係好多人等緊嘅《FINAL FANTASY VII REMAKE》,本來3月3日推出,不過噚晚官方就喺Twitter公佈要延期至4月10日,大致都係話想追求更好嘅品質所以要延期。延1個月相信大家都肯等,不過唔少網民就搞投票,例如估佢最終嘅推出日期(大部份人揀2020年冬天),同埋延期嘅主要原因(大部份人話因為官方想加大Tifa嘅胸部呎吋或者Square Enix想提高股價),仲有好多高質嘅回應圖同片,入嚟有回帶。

Read more ›
超可愛生物「箭豬BB」 cute爆外表日本Twitter熱傳
by / on 15/01/2020 at 7:00 am

超可愛生物「箭豬BB」 cute爆外表日本Twitter熱傳

呢隻咁可愛嘅動物係咩嚟嘅?最近佢喺日本Twitter熱傳,原來係箭豬BB嚟!睇佢啲刺仲未成型,好似一條條豎起嘅頭髮咁,超蠢超可愛。不過唔好以為可愛又同刺猬仔差唔多,就可以拎返屋企養,其實箭豬係攻擊性好強嘅動物,唔適宜做籠物,俾佢啲脫落嘅箭吉到仲會越陷越深,可以有嚴重後果,所以都係離遠望吓好嘞。

Read more ›
東京品川影出科幻感 日本網民諗起呢啲
by / on 14/01/2020 at 7:43 pm

東京品川影出科幻感 日本網民諗起呢啲

前面好似住宅矮樓,後面就好似有科幻高牆,應該好多動漫都有類似場景。啱啱就有日本網民喺東京品川區影咗呢張相,有人諗起第3新東京市,又有人諗起早年有人喺澳門影葡京嗰張相……入嚟有地址,下次去駛唔駛打個卡?

Read more ›
日本設計書套書籤超高質 彩色雪條/法包書籤Twitter熱傳
by / on 14/01/2020 at 7:36 am

日本設計書套書籤超高質 彩色雪條/法包書籤Twitter熱傳

日本嘅設計真係好出色,好似最近Twitter熱傳嘅呢套書封套加書籤,由大阪嘅「正和堂書店」(Seiwado book store)設計兼出品,將書封面變成雪條、書籤變成雪條棒,唔睇書嘅都想買返套。佢哋之前嘅另一個project用嘅就係紙袋做書套再加法包嘅書籤,一樣好靚,入嚟有回帶!

Read more ›

日本貓奴推介     防黐貓毛Uniqlo Dry Soft系列
by / on 14/01/2020 at 7:19 am

日本貓奴推介 防黐貓毛Uniqlo Dry Soft系列

作為貓奴,好明白全身黐滿貓毛嘅煩惱。最近有日本網民推介咗呢個Uniqlo嘅Dry Soft系列俾貓奴。佢話呢個系列又輕又暖又唔會皺,最重要係唔會黐貓毛!樓主強調咗3次,似乎係親身經歷之後力推。如果買,貓奴應該會買黑色,因為平時黑色衫褲最黐毛,著咗佢以後就可以狂玩貓都唔怕。

Read more ›
新設計UNO紙牌超簡約      仲記唔記得點玩?
by / on 14/01/2020 at 7:09 am

新設計UNO紙牌超簡約 仲記唔記得點玩?

好耐無玩過UNO嘞!要上網search先記得返點玩。另外官方話用功能牌原來係可以埋尾架,唔一定要用數字牌,仲記唔記得?啱啱喺日本Twitter見到大家熱傳呢款好簡約、新設計嘅UNO,名為Uno Minimalista,每張牌嘅設計同顏色都好靚,每盒賣美金$8,兩盒仲有折賣美金$12,入嚟有Link,新年可以買返副傍身。

Read more ›
【新片速報】鼻孔呼氣吹牧童笛    一邊吹一支神乎其技
by / on 14/01/2020 at 7:02 am

【新片速報】鼻孔呼氣吹牧童笛 一邊吹一支神乎其技

牧童笛大家吹得多,用鼻吹真係第一次見。日本有網民分享咗段片上Twitter,見到個女仔用鼻孔呼氣吹奏牧童笛,仲要一邊鼻孔吹一支,好高難度!入嚟有片睇。不過吹完記住清潔返‥‥‥

Read more ›
【有片】當Thomas火車頭遇到貓 變貓用按摩槍?
by / on 13/01/2020 at 7:55 pm

【有片】當Thomas火車頭遇到貓 變貓用按摩槍?

可能你都見過,啲貓瞓低咗真係點推佢都唔會理你,但瞓喺路軌上面實在太危險……

Read more ›