Wii

動物頭骨興建孖寶場景   8bit Artshow藝術品
by / on 21/06/2013 at 11:07 am

動物頭骨興建孖寶場景 8bit Artshow藝術品

見倒孖寶兄弟,自不然諗起佢首背景音樂,加埋咁繽紛嘅顏色,點估倒原來呢輯相嘅場景係喺個動物頭骨上!由德國設計師Tobias Wüstefeld操刀嘅呢個裝置藝術,全部喺頭骨上製作,呢套咁前衞嘅作品,啱啱先參加完維也納舉行嘅8bit Artshow,將咁唔協調嘅兩樣嘢結合埋一齊,我諗呢啲就係我唔明白嘅藝術嘞。

Read more ›

孖寶蛋糕好離譜   成個關卡都食得
by / on 18/06/2013 at 8:22 am

孖寶蛋糕好離譜 成個關卡都食得

噚晚有內地人整嘅多啦A夢蛋糕巡禮,得啖笑。今日又係蛋糕,不過由網名cakecrumbs嘅西人操刀,質素仲相當高!呢個孖寶兄弟蛋糕睇到我目瞪口呆,厲害在於將成個關卡嘅版圖重新製作,趁壽星仔未出嚟前,偷粒金幣食先啦!

Read more ›
新片速報 綠帽大叔歡迎你 任天堂岩井聰社長 宮本茂 Reggie洛杉磯踩場
by / on 09/06/2013 at 3:57 pm

新片速報 綠帽大叔歡迎你 任天堂岩井聰社長 宮本茂 Reggie洛杉磯踩場

今年E3焦點係PS4同Xbox One,不過任天堂都喺E3開幕當日會有Direct網上發佈會,事先張揚大量新料公佈。唔只咁,任天堂社長岩井聰、孖寶之父宮本茂同歐美任記嘅Reggie都齊齊搭七人車到咗洛杉磯踩場,而且仲拍咗條短片放咗喺美國任天Twitter度,綠帽大叔Luigi仲去咗接車添。

Read more ›
孖寶鬼屋戴綠帽   Ghostbrother鬼上身
by / on 25/05/2013 at 8:52 am

孖寶鬼屋戴綠帽 Ghostbrother鬼上身

綠帽大叔有隻3DS鬼屋遊戲,於是呢個法國插畫家Donnie創作咗呢系列Tee,而且當中仲有個充滿捉鬼敢死隊風格嘅LOGO。講到捉鬼專家,主角梗係唔係Mario而係Luigi,話明捉鬼,點少得孖寶兄弟入面我最憎嘅鬼鬼? 今次創作仲出埋tee賺你一筆,男女裝同時推出,女仔仲有背心仔款式,好清涼。

Read more ›
3D印刷薩爾達    32款道具重現人間
by / on 12/05/2013 at 3:45 pm

3D印刷薩爾達 32款道具重現人間

一直好鍾意玩薩爾達傳說,係我心目中嘅三甲之選。外國最近有薩爾達死忠fans Hyrule Foundry,利用3D印刷技術,成功將遊戲內嘅32款經典道具全部印製出嚟,像真度極高,睇見啲心心、地圖、寶石、炸彈、弓箭、鎖匙,令我好有衝動拎返部機出嚟打。佢仲將呢套產品放上網賣,不過價錢相當和味,一粒寶石要成一百蚊港紙!唔想駛錢都可以上佢網站,入面教你點樣自己印製一套,仲有片睇,不過條片只係將產品晒冷,要學整,都係要上佢嘅Blog逐行英文慢慢讀,同埋買返部3D Printer。 

Read more ›
瑪利奧大叔扮文青   家族變潮
by / on 02/05/2013 at 8:14 am

瑪利奧大叔扮文青 家族變潮

瑪利奧又變樣?不過今似轉咗文青造型,戴眼鏡賊仔帽仲留鬚,加埋件披同支煙一樣隨風飄揚,好有詩意。呢輯名為「Hipster Super Mario Bros」系列嘅設計圖,由Sam Milham設計,除咗瑪利奧大叔之外,仲有配角Luigi、惡魔Bowser同埋Toad,靚仔到你唔信。

Read more ›

孖寶枱燈夠心思   入水管即著燈
by / on 22/04/2013 at 7:38 am

孖寶枱燈夠心思 入水管即著燈

都係Etsy網站,其實呢個網好多好嘢發掘,最重要係大部份都係handmade小工藝品,創作者嘅心血結晶。好似呢盞孖寶兄弟燈,用咗遊戲入面嘅主要道具 ─ 水管,只要拉一拉左手邊嘅孖寶兄弟,好似平時入水管咁,右邊盞燈就會著,有心思,仲有埋其他角色比你換公仔。價錢唔算貴,賣美金$200,呢排金價狂升,食一個金幣都夠買。

Read more ›
最硬淨瑪利奧大叔   砌罐頭做善事
by / on 23/03/2013 at 2:34 pm

最硬淨瑪利奧大叔 砌罐頭做善事

嘩,瑪利奧大叔呀!仲有佢個招牌勝利動作添,望吓後面,有最鍾意掟嘢嘅雲叔,同埋最狗嘅水管食人花,而且全部都係用罐頭砌成,勁3D。案發現場喺加拿大Calgary某商場,呢個地方每年都會舉行名為「Canstruction」嘅砌罐頭比賽,今年主題係「科技產品」,除咗瑪利奧,仲有Angry Birds、打字機等,最有意義係砌完兼展覽完嘅罐頭,全部會捐晒去當地嘅食物銀行,幫助有需要人士,值得支持!

Read more ›
孖寶復活蛋    任天堂手掣都出埋
by / on 18/03/2013 at 8:19 am

孖寶復活蛋 任天堂手掣都出埋

復活節就到,對一般學生、打工仔嚟講,只係多幾日假期開心吓,差啲唔記得咗復活節仲有復活蛋!呢幾隻孖寶兄弟復活蛋,整嗰個真係好有heart,連任天堂手掣都整埋。不過佢唔係用平時見倒嘅細size復活蛋,而係勁大隻嘅雞蛋,相信同手功造詣有關。我最欣賞係粒黑色子彈,橢圓形好襯佢本身造型,加上半合眼同埋鯊魚牙,真係幾得意。不過黑媽媽我唔係幾敢食。入嚟仲有詳細教學,而家整定差唔多。

Read more ›
薩爾達生日蛋糕      18歲人生交叉點
by / on 07/03/2013 at 3:48 pm

薩爾達生日蛋糕 18歲人生交叉點

外國人真係好鍾意喺蛋糕上整色整水,繼之前嘅毁容版復仇者後,今次呢個慈母就整咗個薩爾達海力盾生日蛋糕比仔仔Riorus,賀佢18歲牛一。老實,手功其實好精緻,之但係個樣睇落好膠,表面成層糖衣甜耶耶,唔食晒佢媽咪實話唔比面,食晒佢又分分鐘蛀晒棚牙。18歲成人禮就要考驗你識唔識做人,現實係咁殘酷o架嘞。 

Read more ›
瑪利奧1蚊美金    食飯比貼士收唔收?
by / on 06/03/2013 at 4:53 pm

瑪利奧1蚊美金 食飯比貼士收唔收?

一蚊美金用嚟食飯比貼士啱啱好,不過如果比呢張畫花晒嘅瑪利奧銀紙,唔知侍應肯唔肯收呢?銀紙中間嘅華盛頓後生咗,變咗瑪利奧大哥,仲成張油晒顏色色彩繽紛,仲正都係啲金幣飛嚟飛去,令人好想衝埋去食金幣。不過瑪利奧應該係日本人專利,幾時先有瑪利奧版円紙?

Read more ›

任天堂出蘑菇      超市有得賣?
by / on 04/03/2013 at 10:50 am

任天堂出蘑菇 超市有得賣?

任天堂出蘑菇你敢唔敢食?仲要係紅色菇,食完會增高2倍!嘻,講笑喳,呢個係加拿大女設計師Aiden Glynn嘅精心傑作,將孖寶兄弟嘅蘑菇,Key入超級市場蔬菜櫃,講真,如果細過媽咪比呢啲蘑菇我食,可能我就唔會好似今時今日咁,對所有菇菌類都咁抗拒。

Read more ›
2013年3月出GAME時間表 [PS3 / Xbox / PC / Wii / 3DS / PS Vita]
by / on 02/03/2013 at 12:30 am

2013年3月出GAME時間表 [PS3 / Xbox / PC / Wii / 3DS / PS Vita]

收入有限,3月正game無限,機迷點樣迎接呢個挑戰?點樣可以喺game海中存活過嚟?今個月大作浪接浪,利是錢終於有碇駛。最開心應該係PS3機主,有獨佔嘅《God of War:Ascension》、《ONE PIECE海賊無雙2》同埋《初音未來Project Diva-f》。另外,羅拉終於出場,《Tomb Raider》歐版噚日偷跑咗,想玩中文版就等多一個星期啦。手提機方面,3DS隻《超級機械人大戰UX》同埋PS Vita隻《Soul Sacrifice》都係等咗好耐嘅必玩大作,加上日版Vita大減價,跟手可以玩埋隻《ONE PIECE海賊無雙2》同埋《朧村正》,財散人安樂。

Read more ›
孖寶喵屋  水管食人花陪瞓
by / on 26/02/2013 at 10:12 am

孖寶喵屋 水管食人花陪瞓

點先算係滿分貓主人?我覺得呢個網名Geckoo_Designs嘅機迷一定榜上有名。話說佢用Super Mario主題自製咗一間貓屋,綠色水管可以比隻貓休憩,另一條水管嘅食人花,仲可以比隻貓當屋咁瞓覺,至於個寶箱,我諗可以放食物,嘻。雖然手功唔係專業級數,但係誠意同埋愛心值滿分。你睇隻貓大哥幾得戚!

Read more ›
新片速報  Lego版孖寶兄弟玩stop motion
by / on 15/02/2013 at 10:36 am

新片速報 Lego版孖寶兄弟玩stop motion

前嗰排睇過外國o靚仔自製Toy Story嘅stop motion短片,今日,終於輪到孖寶兄弟,今次仲要係Lego版,問你怕未?影片將幾版遊戲關卡重現,連大地圖都整埋,最鐘意都係打皇宮嗰部份,有Lego整成嘅火球同埋令人壞念嘅音樂。老實講,影片質素,我指解像度認真麻麻,你睇呢幅cap圖都知,但係創意同誠意真係爆燈,值得一睇。

Read more ›