Wii

史萊姆手機叉電器  今日e-store開賣
by / on 22/11/2013 at 1:00 pm

史萊姆手機叉電器 今日e-store開賣

《勇者鬥惡龍》部特別版3DS我無乜興趣,不過呢款史萊姆手機叉電器我真心覺得幾得意。賣1980円,睇見佢個可愛樣我就想買返屋企,雖然明知佢唔荒多電。除咗立體淚滴型,仲有一款扁口扁面嘅史萊姆,都係藍色,想實用啲,之前都介紹過一歡老實款式黑色火牛咁款嘅史萊姆叉電器,男用家可能會鐘意,入嚟有回帶。

Read more ›

瑪利奧真人版短片   加特技手臂著火
by / on 19/11/2013 at 7:12 am

瑪利奧真人版短片 加特技手臂著火

瑪利奧真人版短片鬼佬拍落唔少,點解仲要推介比大家?因為今次上下集兩條片都拍得好認真,有劇情,演員亦交足戲。編劇Evan Daugherty之前拍過Snow White電影,今次呢兩套短片叫The Fixer同埋The Addict,開正佢嗰瓣,講瑪利奧同Luigi救公主前嘅種種經歷同埋恩怨情仇,最正係短片加入特技,例如手臂識著火,蘑菇曉發光等等,瑪利奧死忠要睇。

Read more ›
日本麥記送瑪利奧精品    任天堂主攻小朋友市場
by / on 18/11/2013 at 7:17 am

日本麥記送瑪利奧精品 任天堂主攻小朋友市場

香港嘅麥當勞開心樂園餐最近送緊Paul Frank精品,馬騮仔我麻麻,反而日本麥當勞嘅瑪利奧精品我有啲興趣。可能任天堂都知PS4同XBoxOne勢如破竹,所以今個月主攻小朋友市場,一式八款玩具11月22日起喺日本麥記買開心樂園套餐就有,主打係瑪利奧,不過都有一款公主同恐龍仔。最正係玩具有埋聲效,例如捐水管,過關拉旗仔嘅聲都有埋,一連三個星期,有無人去開日本幫我換返隻?

Read more ›
2013年11月出GAME時間表 [PS4 / XBox One / PS3 / Xbox / PC / Wii / 3DS / PS Vita]
by / on 01/11/2013 at 7:56 pm

2013年11月出GAME時間表 [PS4 / XBox One / PS3 / Xbox / PC / Wii / 3DS / PS Vita]

  好咯,今個月大把好嘢,因為兩部主機都喺今個月出,雖然只限美國,但總會有水貨嘛,想早享受嘅都實有計。唔買新機住,都有《Lightning Returns》,結局喎!Wii U機主都可以掃吓部機啲塵喇,有隻Mario,睇過啲片,玩得過o架!

Read more ›
公主營救瑪利奧    巨型雕塑反傳統
by / on 10/10/2013 at 7:11 am

公主營救瑪利奧 巨型雕塑反傳統

平時瑪利奧救公主救得多,估唔倒佢始終都要Game Over,波蘭藝術家Kordian Lewandowski整咗呢尊高過人嘅巨型雕像,今次輪到公主做主角,瑪利奧就係配角,仲要係死咗嘅配角。甫士情景明抄米高安哲羅嘅著名雕塑「哀悼基督」(Pietà)。不過Kordian居然用鋸作為製作雕像嘅主要工具,呢點相信原作者米高安哲羅都做唔倒。

Read more ›
宮本茂被惡搞 變身孖寶撒爾達
by / on 23/09/2013 at 7:46 am

宮本茂被惡搞 變身孖寶撒爾達

巴西藝術家Butcher Billy我哋之前介紹過幾次,佢好鐘意任天堂嘅作品,試過將瑪利奧變punk友,仲威到係由官方親自邀請設計嘅。最近佢又有新作,就係將任天堂之父宮本茂變成任記經典角色,包括瑪利奧、撒爾達、公主、King Kong、Standfox等等,最搞笑係將佢變成孖寶兄弟入面粒金星同埋鬼鬼,惡搞味極濃。有理由相信今次創作係非官方嘅,因為我諗宮本茂本人應該唔想見到自己呢幾個造型‥‥‥

Read more ›

孖寶兄弟主題房     幸福囡囡隨時開機打
by / on 19/09/2013 at 7:09 am

孖寶兄弟主題房 幸福囡囡隨時開機打

而家啲小朋友係喺Angry Birds、Candy Crush嘅世界下成長,孖寶兄弟?仲有細路仔玩咩?外國有個機迷爹哋,決定將自己囡囡間房變成瑪利奧主題,熟悉嘅過版拉旗畫面,跳高頂龜都有,我懷疑佢當滿足自己童年願望。BTW,佢總共用咗70小時完成今次巨作,間房開燈時仲會有瑪利奧經典音樂,仲有,門口有部電視長播瑪利奧遊戲,任何時候都可以開機玩,爽。

Read more ›
2013年9月出GAME時間表 [PS3 / Xbox / PC / Wii / 3DS / PS Vita]
by / on 31/08/2013 at 9:12 pm

2013年9月出GAME時間表 [PS3 / Xbox / PC / Wii / 3DS / PS Vita]

打波先嚟落雨,開學先嚟出勁game,I know that feel bro…9月開學,暑期作業未做過,返學預咗比人鬧,返屋企梗係要打機發洩吓!今個月無得傾,有3DS嘅,約齊人屠龍玩芒亨4!家用機嘅,全世界都煲《GTA V》,9月17日出,殺人放火金腰帶!想做運動健將有兩大足球遊戲《FIFA 14》同《WINNING 2014》,兩隻都係9月底出,玩邊隻好?都係跟大隊睇班friend頭啦!至於WiiU,都有隻《薩爾達傳說:風のタクト》咁大把,多謝晒喎。

Read more ›
新片速報     孖寶真人片 YouTube三日過百萬views
by / on 29/08/2013 at 8:33 am

新片速報 孖寶真人片 YouTube三日過百萬views

遊戲拍真人片睇過唔少,不過今次有齊Mario同埋Luigi,擺上YouTube短短三日已經過百萬views,影片入面兩個都好跳得摛得,唔知以為睇緊Assassin’s Creed。條片勁在有埋特技,食金幣、鑽水渠、射火球花、踩子彈仔乜都有,最尾仲遇倒大火球,睇見Mario同埋Luigi由大街玩到沙灘再玩埋上太空,的確幾過癮。不過Mario凌空翻時頂帽經常跌,證明遊戲世界入面係無地心吸力嘅。

Read more ›
超細緻!撒爾達自製figure   道具極多高6吋
by / on 27/08/2013 at 11:51 am

超細緻!撒爾達自製figure 道具極多高6吋

外國玩具迷Donald Kennedy好鐘意自製玩具再放上網賣,仲喺Etsy網站開埋網店KodykoalaToys,最新傑作有呢隻撒爾達機械人,身高6吋,坐喺機械人體內,最正係背部放晒藥水之類嘅道具,超細緻。佢話總共加咗55樣配件上身,難怪價錢都唔平,賣港幣2400左右,係佢歷來賣得最貴嘅玩具,入嚟仲有得睇佢之前整嘅喪屍Wario、黑武士Angry Birds同埋超音鼠,一樣正。

Read more ›
機迷牆上擺設    孖寶9格圖砌中無獎
by / on 14/08/2013 at 3:38 pm

機迷牆上擺設 孖寶9格圖砌中無獎

間中都會見倒孖寶嘅傢俱或者擺設,不過呢款我真心有啲想買。由設計師JamsBit整成嘅牆上擺設,9幅圖,有蘑菇、星星同埋花,有玩過孖寶兄弟嘅都會記得呢個minigame,拑中中間三格啱位就有嘢拎!用木、帆布、墨、Pixels製成,不過價錢都唔平,9塊砌圖開價港幣$1600,我知你諗乜,自己印吖嘛,嘻,我都係咁諗。

Read more ›

瑪利奧大叔1:1人像   開價港幤2萬3
by / on 01/08/2013 at 7:13 pm

瑪利奧大叔1:1人像 開價港幤2萬3

瑪利奧遊戲我由細玩到大,但講到隻瑪利奧大叔我又無特別喜好,不過正如好多靚女鐘意cosplay瑪利奧大叔一樣,我估計都有人想將佢捧返屋企日對夜對嘅,網上見倒有瑪利奧大叔嘅1:1人像公仔賣,150cm高,矮你少少,開價285000円,大約港紙2萬3左右,夠你買好多好多隻孖寶遊戲。

Read more ›
瑪利奧忽然藝術    8bit圖向大師致敬
by / on 31/07/2013 at 7:40 am

瑪利奧忽然藝術 8bit圖向大師致敬

打機經常被人話毒同埋無文化,我唔認同之餘,凡事亦總有例外,外國插畫師Super Magritte好鍾意瑪利奧,最近模仿超現實畫家René Magritte嘅經典畫作,將佢哋變晒瑪利奧8bit插畫,效果好夾一啲都無違和感,估唔倒瑪利奧都可以好有藝術感。大家一邊睇仲可以一邊重溫返大師嘅經典作品,學嘢之餘下次同人傾計仲可以扮吓型。

Read more ›
進撃の連射 專幫Wii/Wii U打飛機
by / on 11/07/2013 at 5:45 pm

進撃の連射 專幫Wii/Wii U打飛機

  實在太爛喇! 當大家都覺得進擊之乜乜開始玩到爛時, 日本仔竟然再嚟翻兜! 相裏面黑色件東西叫「進撃の連射くん」, 只要一經連上Wii或Wii U個遙控, 佢就可以將手掣上所有按鍵變成連射, 以前曾經被打極唔贏嘅飛機Game, 從此就可以開足Turbo搞返佢! 據知佢就話對應新舊歷代嘅手掣, 價錢1,680円。

Read more ›
sweet爆孖寶婚禮   火之花球配8bit煲呔
by / on 25/06/2013 at 7:39 am

sweet爆孖寶婚禮 火之花球配8bit煲呔

無幾耐前介紹過史力加婚禮,新郎新娘cosplay成史力加同埋公主,驚嚇十足。今次呢pair樸素好多,由於新娘子係瑪利奧迷,所以專登用孖寶嘅花花整成花球,又幾靚噃!而佢自己嘅手指都係瑪利奧主題,影相時當然唔少得一撇孖寶假鬚,連請帖都係瑪利奧拯救公主(係,我都有啲骨痺)。至於新郎哥就無咁姿整,呔都懶得打,索性print個8bit煲呔頂檔,唔怪得之個婚禮只係用咗咁美金$12000。

Read more ›