2016年，新一年開始，係時候計劃定今年嘅打機行程表嘞！嚟到1、2月，好多勁game陸續推出，最期待嘅有《進撃の巨人》、《人中之龍 極》同《火影忍者 疾風傳：終極風暴 4》，夠玩晒兩個月，但係有囡囡陪打沙灘排球嘅《DEAD OR ALIVE Xtreme 3 Fortune》同新一集《Street Fighter V》又好吸引‥‥‥仲有等咗好耐，希望唔好再延期嘅PS Vita《艦これ 改》同《Mighty No.9》。話時話，嚟緊兩個月PS Vita都幾多正Game，有興趣出機嘅可以諗諗。

呢隻遊戲，雖然喺日本推出街機時反應麻麻，但有Wii U嘅都係任記fans，亦都極有可能係《寵物小精靈Pokémon》fans啦？咁3月18日有Game買嚟玩喇。《ポッ拳　POKKÉN TOURNAMENT》Wii U版嘅最新預告片出咗，亮點係初回特典，仲有，HORI會推出當時街機有嘅手掣「『ポッ拳』専用コントローラー for Wii U」，3480円。

希望真係唔好再延期喇。之前公佈咗美版2月9日、日版2月12日發售(PC/PS4/PS3/XboxOne/Xbox360/WiiU/PSVita/3DS/Mac版)，仲講咗話會有中文版，不過唔知係咪同步。好喇《Rockman》有Zero，由《Rockman》之父「稲船敬二」comcept開發嘅《Mighty No. 9》都應該要有位類似角色？呢隻Ray就係喇，不過睇落個樣，其實我覺得好似「世界最後之日」隻三一……

由Jeremy Scott操刀嘅時裝品牌Moschino一向鐘意玩嘢，之前出過McDonald’s系列，又玩過海棉寶寶，最近趁Super Mario Bros嘅30週年，決定同任天堂合作，殺入遊戲界。佢哋合作設計咗呢個「Super Moschino」系列，有Tee、衞衣、背囊、手袋、皮帶、銀包、高踭鞋等產品，講真嗰幾件tee設計麻麻，用靚女著都補救唔到，反而用星星、金幣、蘑菇設計嘅幾款monogram手袋就幾得意，可惜今次嘅合作似乎只得女士啱買，一班由細打Mario打到大嘅男玩家今次可以慳返。

今年係Super Mario嘅30週年，做得fans預咗要駛錢，不過點諗到要駛成10幾萬港紙？瑞士名錶品牌Romain Jerome最近宣佈推出Super Mario bors. 30週年限定版手錶，用咗46毫米直徑嘅鈦金黑錶盤，錶面有8bit風格嘅瑪利奧大叔，仲有一堆草、一嚿雲同一粒蘑菇，全球限量85隻，不過開價要$18,950美金，即係港紙超過14萬，夠買架日本車！其實今次都唔係JR第一次出限量版遊戲主題嘅錶，之前都出過《Space Invaders》同《Pac-Man》，都係開價萬萬聲(美金)，入嚟有回帶。

今朝晨早就有Nintendo Direct睇，好耐冇舉行網上發布嘅任天堂嚟咗個大晒冷！首先，「Pokémon」有懷舊嘢，就係《ポケモン赤･緑･青･ピカチュウ》，可以通過無線通信交換、對戰，以前有玩嘅，今次都要有！2016年2月27日下載‧另外，Wii U隻《ポッ拳 POKKÉN TOURNAMENT》就定咗2016年3月18日發售。仲有會推出WiiU《ゼルダの伝説 トワイライトプリンセス HD》，2016年3月10日，除咗HD化之外，仲會有新要素。而系列名作WiiU《Star Fox 零》就會喺2016年4月21日發售。仲有WiiU《Mario Tennis Ultra Smash》，2016年1月28日發售。WiiU/3DS《大亂鬥スマッシュブラザーズ》會有《FF VII》嘅「Cloud」參戰。最後，11月28日發售嘅皇牌作《Monster Hunter X》都有少少新情報公開，「荒鉤爪ティガレックス」初登場！入嚟睇片。

自從任天堂前社長「岩田聰」喺7月11日離開咗我哋之後，任天堂Direct好似只係舉行過一次，同之前差唔多一個月一次相比少咗好多。不過官方啱啱宣佈，會喺後日(13日)日本時間朝早7時再有「Nintendo Direct」網上發佈節目，會有來年春天發售嘅WiiU、3DS遊戲情報，香港6點，早啲起身咯！

11月至12月，天氣開始轉涼，仲有個聖誕假，最啱開機打！鍾意射擊game嘅最開心，有打緊嘅《Call of Duty: Black Ops III》，緊接住仲有《Star Wars: Battlefront》，仲未計大家等咗好耐，首次有中文版嘅RPG《Fallout 4》，以為就咁算？12月1日仲有呢隻《Tom Clancy’s Rainbow Six Siege》，差啲唔記得咗仲有11月27日PS4/PS3隻中文版嘅《Metal Gear Solid V: The Phantom Pain》同埋11月10日Xbox One嘅《Rise of the Tomb Raider》。講真，就算有錢買晒都未必有時間玩晒。 至於PS Vita機主11月至12月都有勁多新game，推介嘅有《英雄伝説 空の軌跡 SC Evolution》同《機動戦士ガンダム EXTREME VS. FORCE》，3DS仲有隻《Monster Hunter X》！好喇，今個聖誕節我嘅願望係比多個聖誕節假我。

由任天堂同Atlus開發、曾經叫過做《真・女神轉生 meets 聖火降魔錄》嘅《幻影異聞録＃FE》，12月26日推出，而且仲一次過出咗幾條新片，等大家睇吓平常喺現實世界街道/異世界中移動、戰鬥嘅場面同系統。睇落相當啱玩，有WiiU嘅玩家要留意，聖誕假可以摷番部機出嚟！

咁爽嘅？其實我都唔明，點解我要問佢過唔過海，可以唔過o架咩？香港搭的士車程唔長得去邊，但如果遇到「封橋」呢啲咁好彩嘅事，咁有得打機都開心番啲喎。喺秘魯，就有的士公司推出咗「Game Taxi」，車廂入面有部WiiU俾你玩《Mario Kart 8》，暫時有10架投入服務，係驚唔知啲的士司機會唔會學番《Mario Kart》嘅揸車風格啫……

好遊戲始終都會有人欣賞，就算主機唔算賣得……WiiU呢隻《Super Mario Maker(スーパーマリオメーカー)》全球銷量已經突破100萬隻，雖然比起其他主機遊戲，呢個數唔算係勁，但無論外國或日本網上都好多人玩同講。繼超難關卡之後，仲有大量音樂關卡，好似之前就有初音嘅〈千本櫻〉，啱啱仲有《FF V》嘅「ビッグブリッヂの死闘」音樂！

由《Rockman》之父「稲船敬二」comcept開發嘅《Mighty No. 9》，本來9月15日推出，但之前就宣佈延期到下年，啱啱有新消息喇，就係都唔算太遲，美版2月9日發售，日版就2月12日，會有PC/PS4/PS3/XboxOne/Xbox360/WiiU/PSVita/3DS/Mac版本，不過之前咪話有中文版嘅？影呢？

WiiU隻《Super Mario Maker》可以自己設計關卡，而呢位機迷「PangaeaPanga」佢就用咗5個鐘去設計咗呢個，每一個位每一次跳起都要好準，完全係變態級難度！又原來，呢位機迷之前已經玩過《Super Mario Bros.》幪眼Speedrun，難怪。

o依家街機玩緊，不過下年春季就會有WiiU版啦，對於有WiiU嘅Pokémon迷都算有個交待。呢隻《ポッ拳 POKKÉN TOURNAMENT》啱啱出咗新片，片中見到幪面比卡超有幾勁，啲招霸氣到爆開！

呢位巴西藝術家Butcher Billy嘅作品好正，之前都介紹過幾次，佢特別鐘意任天堂，之前試過將瑪利奧變punk友，宮本茂變瑪利奧，仲威到由官方親自邀請設計作品，前日撞正Mario誕生30周年，佢當然要露兩手贈慶，呢個「Super Mario Bros: 30 years of Pop Culture系列」將過去30年發生過嘅世界大事「孖寶兄弟化」，例如柏林圍牆倒下、解放者曼德拉以至最新嘅同性戀婚姻合法化彩虹標記嘅時刻，變成好有孖寶兄弟感覺嘅改圖，總共30張，真心講每張都好正，應該係送比Mario最好嘅生日禮物，唯一唔好嘅係啲圖好多雪花，睇到有啲眼花花。