唔想將星戰當射擊咁玩，而係想用光劍同原力制敵，呢隻應該啱。11月15日喺PS4、Xbox One、PC推出嘅《《星球大戰 絕地：組織殞落》，由Respawn Entertainment開發，故事設定在《Star Wars Episode III: Revenge of the Sith》之後。外國好多傳媒已經有試玩片，睇完覺得好對路喎。雖然星戰喺我心目中已經完咗，但就算唔睇戲，打機冇問題吖。

如果你玩咗《勇者鬥惡龍 10 Online》7年都仲玩緊，咁嚟緊有新嘢喇，就係10月24日發售嘅《ドラゴンクエストX　いばらの巫女と滅びの神　オンライン》。不過呢個唔係重點，重點係個TVCM，個好可愛嘅女經理人，係永田凜，即係之前《初めて恋をした日に読む話》做深田恭子「春見順子」高中時期嗰位。

正喎，嚟緊10月25日發售嘅《Call of Duty : Modern Warfare》，搵嚟出名鍾意打機嘅本田翼嚟拍日本版CM，呢條3分幾鐘片就睇埋幕後製作！遊戲會有PS4/Xbox One/PC。

戀愛模擬遊戲見得多，今次男主角竟然係肯德基炸雞嘅代言大叔，不過變咗做小鮮肉版，仲不時托眼鏡。呢款遊戲喺Steam而家有得免費下載玩，主角係蒸飪學校嘅女學生，上堂有得學炸雞，期間導師又爆衫又派心心，只可以講，KFC嘅宣傳真係走得好前。入嚟有Link下載試玩。BTW，遊戲全名好長，叫「I Love You, Colonel Sanders! A Finger Lickin’ Good Dating Simulator」。

本身已經幾難玩，如果變成第一身動作遊戲，仲要飛嚟飛去會唔會更難？呢位Zullie就製作咗《Sekiro: Shadows Die Twice》第一身MOD，睇片見到真係仲緊張，仲有啲暈。

新作新玩法，唔係生化危機Biohazard/Resident Evil正傳，但有關連嘅新作《PROJECT RESISTANCE》有gameplay睇喇，四人脫出，另一種玩法，得唔得？

由日本知名遊戲團隊CyberConnect2製作，跟住故事玩，有晒史詩式故事，龍珠迷都要買啦？呢隻PS4/Xbox One/PC《ドラゴンボールZ KAKAROT》公開咗發售日，係2020年1月16日，仲有3大早期購入特典。

之前流出咗，唯有公佈埋啦。PS4/XB1/Switch/PC將會推出《ロックマンゼロ&ゼクス ダブルヒーローコレクション》，2020年1月23日發售，內有系列6個作品再加新元素。

之前睇過清咗幾多，以remaster嚟講都ok啦，如果諗住喺Switch玩效果就更加好。連帶新片一齊公開嘅，有發售日期！係9月3日，好快有得玩啦！

如果你唔想再揸槍射爆頭，又如果你係貓奴想探討吓主子世界，咁呢隻遊戲就好啱玩啦。好耐之前已經開始集資製作，啱啱又有新畫面，Indie game嚟，開發者係Eric Blumrich，可惜暫時公佈只有PC、Mac版。

會有PS4/Switch/Steam版嘅系列新作《SD Gundam G Generation Cross Rays》，有發售日期喇，係11月28日！啱啱有13分鐘第2彈PV睇，亦都有早期購入3大特典公開。不過11月我諗真係未必得閒玩呢隻。

《One Piece》又嚟！「無雙」又嚟！如果你仲未覺得悶，可以睇吓《ワンピース 海賊無双4》嘅新片，2020年發售。

五十嵐孝司隻新作《Bloodstained: Ritual of the Night》，好多「月下夜想曲」fans玩緊啦？我本來諗，呢啲Game喺Switch玩正喎，於是就算Switch版遲一個星期都等，但點知當日想下載時，先發現原來日版原來有排未出，咁唯有買實體版，不過，最後都係忍唔住上網買番PS4版玩住先。不過啱啱外國有比較動畫出嚟，話PS4/XboxOne/PC版會有60fps，而Switch版則30fps，而且仲有唔少問題。官方見到冇玩潛水，即時出嚟正面回應，就係話會釋出更新，盡量解決問題。如果仲諗緊買Switch版定其他版本嘅，要再諗一諗。

Marvel同Square Enix前年已經公佈合作，今年E3終於有片睇啦。新遊戲《Marvel’s Avengers: A-Day》，角色樣貌唔會似電影宇宙，聲演隊長同Tony嘅會係Troy Baker、Nolan North。遊戲2020年5月15日發售。

之前都流出咗，就係《權力遊戲》作者George R.R. Martin同《Dark Souls》系列的開發商From Software會有新遊戲，啱啱公開喇，社長宮崎英高話呢隻遊戲同《Dark Souls》最大分別，係open world呀！遊戲會有PS4、Xbox One、PC版本。