遊戲名、動漫產品都好鍾意加個EX喺後面，冇咩問題吖，咁呢隻電話遊戲《ポケモンマスターズ EX》日文睇落都冇問題呀，但係變成英文之後，有分大細階都還好，《Pokémon Masters EX》，但有日本網民就發現有時候會出現問題……之後大家都好落力出圖回應添。

  Apple禁咗Epic嘅《Fortnite》，遊戲就下咗架喇，但之前裝咗嘅就仲玩到，係冇更新啫。於是eBay竟然有得賣裝咗《Fortnite》嘅iPhone，最貴仲叫價$10,000美元……喂你部機有冇呀？

好多貓呀！貓咪大戰爭呢款電話遊戲儲埋儲埋好多fans，Bandai Candy最近就公佈會喺10月推出「にゃんこ大戦争キッズ」嘅食玩，一共有15款造型，包括我最鍾意大大隻嘅「巨神貓」，仲有魚貓、鬥士貓同埋黃金貓！好想儲齊一套，amazon有一套訂，2875円，入嚟有Link。

呢位伯伯，好早開始已經玩《Pokémon Go》，好早已經將幾部電話整喺單車上面，但隨住時間嘅過去，阿伯亦都不斷進化，睇嘢越嚟越慢亦越嚟越多，最新消息係佢部單車已經有64部電話，連日本網都有報道……

啱啱又有Pokémon發佈會，今次主力係《Pokémon UNITE》，話係Pokémon同MOBA嘅混合體，5 vs 5實時對戰。會有Nintendo Switch、iOS/Android版。不過留意番，係由騰訊、TiMi Studios共同開發嘅。

呢排最人氣一定係網上漫畫《100日後に死ぬワニ》啦，出咗好多商品之餘又會出實體書版，而且仲會遊戲化，除咗電話App之外，係咪會有任天堂Switch版？點解咁講，因為有網民發現隻鱷魚拎住Switch個手掣囉。

外國有好多地區都唔俾市民出街，除非有特別理由。咁可以有咩特別理由？飲酒？食車仔麵？呢位77歲西班牙伯伯嘅理由竟然係玩《Pokémon Go》！雖然聽落幾搞笑，不過伯伯都係乖乖哋留喺屋企，好似呢張網民整嘅「Pokémon Dont Go」圖咁啦，人冇事先做到世界冠軍嘛。

之前已經公開咗，啱啱有片睇喇，首先係PS4嘅《鬼滅の刃 ヒノカミ血風譚》，由CyberConnect2製作，都算穩陣嘅。另一隻就係電話遊戲《鬼滅の刃 血風剣戟ロワイアル》，近月咁多fans，可以留意吓啦。

講起卡片遊戲動畫，梗係諗起《遊戲王》啦，不過下年4月就有多一套新嘅，就係Cygames嘅《Shadowverse（シャドウバース）》改編動畫。啱啱有PV睇，聲優陣有梶原岳人、榎木淳弥、本渡楓、小倉唯、田谷隼、種崎敦美、井口祐一等等。

「閃亂」嘅作品同奧浩哉漫畫《GANTZ》嘅女角們有咩共通點？有玩有睇嘅應該明。咁兩個作品合作會有咩火花呢？緊身衣更加緊，動感嘅更加動感，大阪隊出擊！搞到我想入坑添。

下載咗呢個嘅「SLAM DUNK Talkin’ to the Rim」應用程式未？作為入樽迷，呢$15真係要俾，可以睇到櫻木喺球場練波，仲可以玩AR將球場帶到現實！呢位日本網民就示範將球場帶去東京秋葉原站，見到櫻木練波，好正！

打機會有好多自製配件，之前都睇過唔少，不過今次勁，竟然係用「衣車」即係縫紉機嚟製作連打裝置……

呢段廣告宣傳片好型，龍珠手機遊戲《Dragon Ball Z Dokkan Battle》公佈全球下載數突破3億，段新片見到喺渋谷最旺嘅街頭，以至世界各地嘅屏幕，都被入侵見到斯路嘅宣言！段片喺Twitter一日唔夠已經超過500萬瀏覽，入嚟有片睇。

日本啲廣告一向高質，最近喺新宿JR站入面呢個廣告就喺Twitter好多人RT，牆上嘅圖案全部用土嚟畫成，5個主角各有不同甫士，宣傳語句係：「你會喜歡全力以赴嘅少女嗎？」，個廣告為宣傳棒球手機遊戲《八月のシンデレラナイン》而製作，表達手法好新穎亦好貼題，入嚟有得睇埋遊戲嘅trailer。

《北斗之拳 傳承者再臨》 製作人 岩本 耕平 先生訪港 與媒體交流及及披露遊戲最新情報