好想去京都旅行，而家嗰邊天氣係13度，好適合參觀寺廟。日本攝影師Hisa影咗輯秋天嘅清水寺景色，日與夜各有特色，而且唔再係人頭湧湧，好清靜、好靚，我幾時先可以去日本呀？入嚟有得follow埋攝影師IG，去唔到旅行嘅時候睇吓相都好過無。

心情跌到落谷底嘅時候，都要俾自己放鬆一下，去唔到旅行可以睇吓相當去咗。日本有網民放咗呢個彩虹沙灘嘅相片出嚟，位於沖縄嘅波照間島，紫粉紅色嘅沙、湖水綠嘅海，再配埋藍天白雲，好靚。入嚟有多啲小島日與夜嘅相回帶。

呢輯相超靚，難怪喺Twitter熱傳。日本攝影師@TauonQ最近喺Twitter分享咗呢輯沙灘煙花相，黃昏背景加上好靚嘅煙花效果，佢話用咗單焦點鏡頭，再加Adobe Photoshop Lightroom Classic嘅軟件執相，佢仲好大方咁寫咗篇blog介紹手法，入嚟有link。

日本嘅晴空塔好靚，仲經常成為攝影師取景嘅地點。日本Twitter最近熱傳呢幾張相，有網民影到月亮升起一刻，紫色拼黃色嘅晴空塔，配埋紅月亮，效果超靚，仲好有科幻感。另外攝影師仲拍埋片，入嚟有得睇。

今日天氣開始好返啲，日本似乎都唔錯，有日本網民喺Twitter分享咗幾張風景圖，特別在於每張相都好似動畫入面嘅場景，超靚！樓主分享返，話自己用嘅配備係SONYα7RIII相機，再用Adobe嘅Lightroom執相，將啲彩度調低咗，有興趣可以學吓。

「渋谷SKY」呢個新地標最近好多人去打咭，無敵靚景展望台可以喺230米高俯瞰東京，諗起都正。不過有日本攝影師發現原來由另一個角度影過去又有另一種美態。輯相無做過任何PS合成，只係透過喺企喺渋谷SKY展望台嘅人嘅倒影構成呢個超靚畫面，好高質！下次可以試吓。

左邊張相最近喺Reddit熱傳，再傳到去日本Twitter。有攝影師瞓咗喺地想影建築物嘅天花版，點知兩隻肥鴿突然走咗入鏡，仲眼定定望住佢，張相超搞笑，仲引嚟好多網民出圖回應同改圖，入嚟有回帶。

超靚！浜野浦嘅棚田係比較少人知嘅日本景點，位於日本嘅佐賀縣。棚田即係我哋所講嘅梯田，日本攝影師かず最近趁花火大會時拍攝咗啲靚相，煙花襯托梯田嘅夜景靚到癲，難怪輯相喺Twitter熱傳，去唔到睇吓相都正。

仲有櫻花？日本青森縣嘅櫻花其實由4月底先開始盛放，而弘前公園就係當地數一數二嘅賞櫻勝地，有攝影師去咗影靚相分享上Twitter，天朗氣清，湖面倒影櫻花嘅靚景，令人好想飛去日本，不過最近黃金週咁多人，都係留喺屋企睇相好啲。

落咗幾日雨，今日終於天晴嘞！日本攝影師かどばやし最近影咗輯「雨中的大阪」嘅靚相，輯相喺Twitter好多人RT，入嚟有得睇埋佢影雨中道頓堀嘅相，超靚！

日本嘅江之島好多人都去過，不過點解影唔到咁靚嘅夕陽？日本有網民分享咗幾張相，夕陽下嘅江之島靚到好似一幅畫，地面仲倒影返天空嘅景像，好似天空之鏡一樣，點解我去嘅時候影唔到？所以話技術、耐性同運氣，對影靚相嚟講真係缺一不可。BTW，樓主影落好多日本嘅風景靚相，入嚟有佢嘅精選相集，仲可以follow埋佢IG。

可唔可以唔好咁靚？睇到咁靚嘅景色，實在令人無心工作，好想即刻去旅行。呢輯相由日本網民喺福岡縣嘅「海の中道海浜公園」拍攝，春天嘅粉紅色櫻花，配上遍地粉藍色花海，靚到好似一幅風景畫，去開福岡嘅朋友記住去埋打咭嘞。

呢幾日Twitter仲熱烈討論緊「令和」新年號，有網民嘗試加咗「令和元年」字幕喺佢嘅夜景相度，即時有科幻電影嘅感覺！有網民跟住嚟試，效果真係唔錯。之後樓主分享多幾張佢影嘅夜景相，仲有佢之前影嘅新海誠作品風格風景相，包括秒速5厘米嘅聖地巡遊，啲相超高質，入嚟有回帶。

仲記唔記得之前影澳門景，影到好似超現實街景嗰位日本攝影師？佢最近去咗三藩市，影咗好多當地景色，又有天份又有技術，影出嚟嘅相真係超靚，靚到唔似三藩市，睇完好想去當地旅行。入嚟有得回帶睇返佢嘅其他作品，包括早前嚟香港影嘅靚相，推介。

又係呢位日本人氣好高嘅攝影師KAGAYA，最近佢喺Twitter回顧返幾張相，都係緊隨冬天之後嘅自然景像，包括東京嘅月亮、北海道凍結之湖、東京灣嘅大晦日同墨西哥嘅黃金之虹，全部都係超靚嘅自然景像，喺佢嘅鏡頭下顯得特別吸引！