Category: 出Game表

【出GAME表】11月至12月 [PS4 / XBox One / PS3 / PC / Wii / 3DS / PS Vita]

今個月尾開始大家應該會忙過啲返補習班嘅小朋友,因為嚟緊有幾隻大作連續推出,11月22日先有《SD GUNDAM G GEN GENESIS》,緊接11月29日有《Final Fantasy XV》、12月6日又有等咗好多年嘅《The Last Guardian》,去到12月8日仲有中文版同步嘅《人中之龍6 生命詩篇。》,貼到咁密,唔好話錢,淨係安排時間打機都有難度,仲未計11月14日推出嘅《Watch Dog 2》同埋可能有人仲玩緊嘅《Call of Duty》。另外3DS呢兩個月都有大量新作,其中最多人留意嘅應該係《Pokémon Sun/Moon》。BTW,如果聖誕假可以由11月開始放你話幾好呢。

Read more ›

【出GAME表】9月至10月 [PS4 / XBox One / PS3 / Xbox / PC / Wii / 3DS / PS Vita]

年年都係咁,一到九月開學,啲大作就湧晒出嚟,鍾意踢波嘅有《FIFA 17》、《PES 2017》,鍾意籃球嘅有《NBA 2K17》,全部都係九月出。射擊類嘅又有大作《Battlefield 1》、《TITANFALL 2》同《Gears of War 4》,仲未計等咗好耐一定玩嘅《The Last Guardian》、仲有《DRAGON BALL XENOVERSE 2 》、《PERSONA 5》同《烙印戰士無雙》,老老實實,錢同假期就係得咁多,點分配好? 差啲唔記得講,10月13日出PS VR,到時有《Summer Lesson》、《Batman Arkham VR》同《初音ミク V》,好彩訂唔到。

Read more ›

【出GAME表】7月至8月 [PS4 / XBox One / PS3 / Xbox / PC / Wii / 3DS / PS Vita]

嚟到7、8月,讀緊書嘅最開心,因為又放暑假嘞,即係大把時間可以打機啦!先講PS4,《超級機器人大戰 OG The Moon Dwellers》中文版7月7日正式推出,有無人等緊?另外仲有《討鬼伝 2》同《The Idolm@ster: Platinum Stars》都係7月出,去到8月就有《初音未來: Project Diva X HD》、《The King of Fighters XIV》同《Tales of Berseria》;Xbox One或者PS4機主仲可以玩8月23日嘅《Deus Ex: Mankind Divided》。至於PSV嚟緊都幾多大作,例如7月21日嘅《Ys VIII -Lacrimosa of DANA-》、都係《討鬼伝 2》、7月4日嘅《英雄伝説 空の軌跡 The 3rd Evolution》。而3DS機主就可以玩龍珠玩合體溝到有埋「小雲」份嘅《Dragon Ball Fusion》同《世界樹の迷宮V 長き神話の果て》。最後到Wii U,講真7月至8月真係無乜game推出,都正常嘅,大家都等新機有消息先算啦。

Read more ›

【出GAME表】5月至6月 [PS4 / XBox One / PS3 / Xbox / PC / Wii / 3DS / PS Vita]

嚟到5月,PS4機主基本上都會玩嘅有5月10日出嘅《Uncharted 4》,另外PS4/PS3/PS Vita《勇者鬥惡龍Heroes II》都緊接住推出,不過係日文版,中文版就仲未知幾時出。去到6月就有《討鬼伝 2》、《超級機器人大戰 OG The Moon Dwellers》同講咗好耐應該終於出得成嘅《Mighty No.9》,冷門少少仲有隻《Mirror’s Edge Catalyst》。最後係3DS嘅機主,6月都有幾多大作,《逆転裁判 6》、《牧場物語 3》、《太鼓の達人》輪住出。

Read more ›

【2016出GAME表】1月至2月 [PS4 / XBox One / PS3 / Xbox / PC / Wii / 3DS / PS Vita]

2016年,新一年開始,係時候計劃定今年嘅打機行程表嘞!嚟到1、2月,好多勁game陸續推出,最期待嘅有《進撃の巨人》、《人中之龍 極》同《火影忍者 疾風傳:終極風暴 4》,夠玩晒兩個月,但係有囡囡陪打沙灘排球嘅《DEAD OR ALIVE Xtreme 3 Fortune》同新一集《Street Fighter V》又好吸引‥‥‥仲有等咗好耐,希望唔好再延期嘅PS Vita《艦これ 改》同《Mighty No.9》。話時話,嚟緊兩個月PS Vita都幾多正Game,有興趣出機嘅可以諗諗。

Read more ›

【聖誕出GAME表】11月至12月 [PS4 / XBox One / PS3 / Xbox / PC / Wii / 3DS / PS Vita]

11月至12月,天氣開始轉涼,仲有個聖誕假,最啱開機打!鍾意射擊game嘅最開心,有打緊嘅《Call of Duty: Black Ops III》,緊接住仲有《Star Wars: Battlefront》,仲未計大家等咗好耐,首次有中文版嘅RPG《Fallout 4》,以為就咁算?12月1日仲有呢隻《Tom Clancy’s Rainbow Six Siege》,差啲唔記得咗仲有11月27日PS4/PS3隻中文版嘅《Metal Gear Solid V: The Phantom Pain》同埋11月10日Xbox One嘅《Rise of the Tomb Raider》。講真,就算有錢買晒都未必有時間玩晒。 至於PS Vita機主11月至12月都有勁多新game,推介嘅有《英雄伝説 空の軌跡 SC Evolution》同《機動戦士ガンダム EXTREME VS. FORCE》,3DS仲有隻《Monster Hunter X》!好喇,今個聖誕節我嘅願望係比多個聖誕節假我。

Read more ›

【開學出GAME表】9月至10月 [PS4 / XBox One / PS3 / Xbox / PC / Wii U/ 3DS / PS Vita]

今個月個出GAME表遲咗,首先因為《METAL GEAR SOLID V》出咗,機迷實好唔得閒啦,再者 9月1日開學,大家都無乜時間打機啩我諗,加上呢幾日又落雨,今日又放假,聽日又星期五,後日又星期六……講返9月至10月真係勁多game玩,玩完《MGSV》仲有大量運動game接連推出 -《FIFA 16》、《Winning 2016》、《NBA 2K16》,淨係online約朋友都有排忙,嚟緊10月仲有隻刺客《Assassin’s Creed Syndicate》同Xbox One隻《Halo 5: Guardians》,仲未計PS4隻《Uncharted Collection》同《GOD EATER RESURRECTION》,點解年年都係返學先嚟出咁多game?

Read more ›

【暑假出GAME表】7月至8月 [PS4 / XBox One / PS3 / Xbox / PC / Wii / 3DS / PS Vita]

今個月準備呢份出Game表可以用四個字嚟形容:「輕輕鬆鬆!」因為嚟緊7、8月嘅大作唔多。點解呢?暑期喎?我想留喺屋企打機多過去動漫節迫呀!今個月有PS4嘅《戰國BASARA 4》,或者重製版嘅《God of War III Remastered》,下個月重有隻《Until Dawn》。仲有PS Vita隻《太鼓の達人 V》、《IA / VT -COLORFUL-》同《艦これ 改》都幾吸引。總結,留返啲彈藥等9月10月,又Metal Gear又Rainbow Six又刺客又盛。

Read more ›

【出GAME表】5月至6月 [PS4 / XBox One / PS3 / Xbox / PC / Wii / 3DS / PS Vita]

  最近日日都超過30度,放假都係留喺屋企開冷氣打機好過。5月至6月個人最期待有三隻Game,排名分先後:(1)《Batman: Arkham Knight》:回歸Rocksteady懷抱,蝙蝠迷同動作遊戲迷冇得唔玩!(2) 中文版《人中之龍0 誓約的場所》,5月14日出,雖然日文版出咗一排,但係系列首次中文化,又有李璨琛,點都會玩吓嘅。(3) 《The Witcher 3》:開放式世界RPG遊戲完結作,畫面靚到黐線。剩返可以一玩嘅仲有《Devil May Cry 4 Special Edition》、《Until Dawn》同埋《IA/VT -COLORFUL-》。

Read more ›

3月至4月出GAME時間表 [PS4 / XBox One / PS3 / Xbox / PC / Wii / 3DS / PS Vita]

首先要講句sorry,今個月出Game表遲咗出,希望大家啲利是錢仲未駛晒,因為3月到4月嘅大作勁多。最快推出係3月12日嘅《龍が如く 0 誓いの場所》,好彩呢隻可以等到5月14日買中文版,因為3月17日仲有隻《Battlefield Hardline》同埋高清重製嘅《Final Fantasy Type-0 HD》,等多兩日又有《BIOHAZARD REVELATIONS 2》,之後PS4機主仲有隻超難玩嘅《Bloodborne》等住你。咁仲未夠,因為3月26日又有隻《One Piece海賊無双 3》。PS3同PS Vita機主仲有《第 3 次超級機械人大戰Z  天獄篇》同埋《刀劍神域 Lost Song》玩。最後,延期再延期嘅PC版《GTA V》究竟係咪可以4月14日出?

Read more ›

1月至2月出GAME時間表 [PS4 / XBox One / PS3 / Xbox / PC / Wii / 3DS / PS Vita]

展望2015年,心情係唔同啲。嚟到下年1月至2月,大把Game等住玩,勇者鬥惡龍無雙《Dragon Quest Heroes》呢隻必玩,PS4/Xbox One第一隻龍珠遊戲《Dragon Ball Xenoverse》都走唔甩,仲有PS4隻《The Order:1886》。不過3隻都要等到2月先出,一月有咩玩?PS4/Xbox One隻《biohazard HD Remaster》同埋日頭殺喪屍夜晚要逃跑嘅《Dying Light》兩隻喪屍game都玩得過。至於PS3機主,可以玩埋隻《Tales of Zestiria》。其餘仲有《Dead or Alive 5: Last Round》、《BIOHAZARD REVELATION 2》、《Evolve》、《God Eater 2》,PS Vita都有大量紳士game輪住出。

Read more ›

11月至12月出GAME時間表 [PS4 / XBox One / PS3 / Xbox / PC / Wii / 3DS / PS Vita]

    嚟到年尾,天氣有開始涼涼地,真係好有打機嘅氣氛,有咩好得過年尾假期喺屋企煲機吖?啱啱出咗《Call of Duty》,之後仲有《Far Cry 4》,打香港人奸角喎,啱晒o依家嘅香港人玩啦!再嚟《刺客教條》、《GTA V》高清版,第一身模式,當新Game玩都得!再之後,3DS機主要玩《Pokemon》,《Biohazard》高清版又嚟緊,真係夠你玩到出年。

Read more ›

9月至10月出GAME時間表 [PS4 / XBox One / PS3 / Xbox / PC / Wii / 3DS / PS Vita]

9月開學,書要照讀,機都要照打!而且9月到10月勁多正game,首先3DS有等咗好耐嘅《Monster Hunter 4G》,仲有新型3DS,應該吸倒好多未買機嘅走去出機。另外跨平台嘅射擊遊戲《Destiny》9月9日出,爆頭女王Kali試過demo都話勁正,不過我最期待係10月15日嘅驚嚇遊戲《The Evil Within》,《Biohazard》之父三上真司製作喎,中文版PS4/PS3限時獨佔,要買!足球友,一年一度有《FIFA15》上網開波,最後仲有9月20日推出嘅WiiU《BAYONETTA 2》同埋PS Vita / PS3嘅《閃之軌跡II》,後者中文版同日本同步9月25日出,爽!

Read more ›

7月至8月暑假出GAME時間表 [PS4 / XBox One / PS3 / Xbox / PC / Wii / 3DS / PS Vita]

  放暑假唔通做暑期作業咩?唔通溫書咩?梗係打機啦!我同你講,除非你教書,否則出咗嚟做嘢之後,你退休之前都唔好妄想有暑假,所以,玩盡佢!7月有3DS嗰隻《One Piece Unlimited World Red》出喺PS3/PS Vita度,有得協力玩,同學仔啱晒。如果係PS4機主,《The Last of Us》高清版要有啦。去到8月仲正,任記fans,WiiU要玩《薩爾達無雙》,PS Vita有《Lovelive!》,而且最緊要係有《Monster Hunter Frontier G》出,據講10月有港台中文版,雖然要俾月費……但係,曾經講過PS Vita有芒亨即出機嘅,要找數喇,嘻嘻。

Read more ›

5月至6月出GAME時間表 [PS4 / XBox One / PS3 / Xbox / PC / Wii / 3DS / PS Vita]

5月雖然係考試季節,不過大量好Game等住出,機迷考生難免身痕。最大引誘嘅應該係Ubisoft隻《Watch Dogs》,延期之後終於要推出,5月英文版,6月中文版,睇你等唔等。另外亦有任天堂嘅招牌作《Mario Kart 8》。PS Vita紳士們仲大鑊,有《限界凸記》、《To Love》、《超女神信仰》等。

Read more ›