fbpx

Category: 主頁

【有片】橋本環奈級超美少女?14歲石川花贏「ミス・ティーン・ジャパン」

【有片】橋本環奈級超美少女?14歲石川花贏「ミス・ティーン・ジャパン」

橋本環奈當年憑「奇跡の一枚」爆發人氣時嗰份爆炸性,暫時後無來者喎?呢位有冇機會爆得起呢?啱啱參加「ミス・ティーン・ジャパン | Miss Teen japan」,喺7千幾人中突圍得到第一。14歲嘅石川花被形容為橋本環奈級數嘅超美少女。輪廓的確係靚,目測仲好似高啲……

Read more ›

【有片】日本高手製作FAN ART 《GODZILLA V. GAMERA》陸空大戰

【有片】日本高手製作FAN ART 《GODZILLA V. GAMERA》陸空大戰

哥斯拉對卡美拉喎!日本有高手今日(11日)喺自己頻道UE’s VFX公開咗一段接近兩分鐘影片,CG特技都製作得唔差,係人物方面就有啲上一代遊戲片頭嘅感覺。整體都有氣勢嘅。

Read more ›
【有片】香港特撮《守武者-夢翔》第六集月尾有得睇

【有片】香港特撮《守武者-夢翔》第六集月尾有得睇

製作者形容為「血汗工程」,本地小本製作有呢個質素絕對值得支持啦?《守武者-夢翔》第一季第六集,今個月尾有得睇,睇住預告先。

Read more ›
庵野秀明《真‧幪面超人》公開2號造型 「一文字隼人」生日快樂

庵野秀明《真‧幪面超人》公開2號造型 「一文字隼人」生日快樂

1971年特撮《仮面ライダー》中登場嘅「仮面ライダー2号」,即係「一文字隼人」嘅誕生日,就係今日10月10日。為咗記念呢個日子,庵野秀明版嘅《シン・仮面ライダー》就公開咗張2號造型圖,加埋腰帶嘅部份,仲有之前電單車嘅組裝……不過暫時未知演員係邊個喎。

Read more ›
Felix Ip《回收號照相館》加推手繪封面版$988

Felix Ip《回收號照相館》加推手繪封面版$988

我喺上個禮拜舉行嘅《玩具收藏家販售展秋之祭之港原創》買咗《回收號照相館》了,不過係普通版。好明顯係好賣啦,Felix Ip決定添食,家陣除普通版$138外,仲加推特別版(包書、手繪小畫板、編號相片紙袋、燈箱君證件相各一)$388同限量手繪封面版(包書、編號相片紙袋、燈箱君證件相、手繪封面各一)$988。豐儉由人,最緊要多多支持,呢句係我幫Felix Ip講嘅。

Read more ›
網圖分享:《魷魚遊戲》

網圖分享:《魷魚遊戲》

456號、218號、001號,一二三木頭人、空中拔河、打彈珠……喂,睇咗《魷魚遊戲》未呀?未呀,咁睇完靚圖就唔該快啲煲劇喇,唔睇驚你無話題呀。

Read more ›

地震過後 日本網民Figure櫃現奇景

地震過後 日本網民Figure櫃現奇景

日本關東地區噚晚6.1強震,咁唔少網民都發現屋企嘅figure櫃出現奇怪現象,慶幸係損傷唔算嚴重……

Read more ›
人咁高!《Pokémon》「ウインディ」 超巨攬枕

人咁高!《Pokémon》「ウインディ」 超巨攬枕

全長約1.5m,超巨型啦,49,500円呢個價都唔簡單呀。呢個「ぬいぐるみ 添い寝ウインディ」會喺2022年3月下旬開始派貨,冬天都過咗喇,我唔怕寂寞喇,pass。

Read more ›
《王小龍傳貳》好多Bug 連「下期預告」都出錯

《王小龍傳貳》好多Bug 連「下期預告」都出錯

作為一個死忠港漫迷,我甚少投訴,但今期第28期《王小龍傳貳》實在有點不敢恭維。唔知係咪年紀大咗眼水無咁多,硬係覺得成期書都濛查查,線條好唔實淨,分色又偏暗啞,每格畫面都有啲凌亂污穢感。人物面相亦唔掂,有幾格玉兒同王小龍一孖眼珠好似唔係望住同一方向,有一格阿谷次郎直頭畫到高低大細眼添。今期Bug都有唔少,東野庸子同王苦海情侶互動無疑幾有趣,但第7頁尾二嗰格出事,「夠喇,咪痴住晒。」出自王苦海把口無錯,但頭髮分錯色,變成好似東野庸子講緊嘢咁;第9頁旁白寫「……小龍的一席話,教王苦海不禁熱淚盈眶。」但阿王苦海就畫到兩隻眼碌到大一大,一副驚愕表情,眼淚都唔見多滴,何來熱淚盈眶?第27頁都出事,旁白係咁寫:「神秘人右腳一屈一舒,如雷吞吐……」但畫面所見,阿神秘人係用左腳踢王小龍的;最最最最離譜係書末「下期預告」有這麼的兩句──「救世主彌賽亞終極夢想展現,拯救世人同時製造滅世巨」,滅世巨「乜」呢?無句號嘅?唔係嘛,居然寫寫吓斷咗,好明顯係就圖擺位走唔晒啲字,喂呀,內文構圖就話一個不小心容易走漏眼啫,要幾千多億個不小心,先可以令簡單如齋text都可以咁錯法?唉,雖然暫時我仲未有棄書念頭,但說實在,係睇到有啲無奈、氣餒、無癮。

Read more ›
鄺彬強出精采截圖 你今日買咗《新著龍虎門》未?

鄺彬強出精采截圖 你今日買咗《新著龍虎門》未?

瘋狂洗版,有Noise有Voice,易手後由鄺彬強扯頭纜嘅第1118期《新著龍虎門》係今日港漫界焦點,睇留言九成九都係讚,總算開到個靚頭,恭喜恭喜。我當然有買書喇,嗱,呢個Post啲截圖係出自鄺彬強面書,我無劇透呀……不過都忍唔住講少少,王小虎喺八號風球下用降龍十八腿力戰嘍囉,一招一式有板有眼,呢種招接招一氣呵成嘅感覺真係久違了,呢啲先係格與格之間、每個肢體動作都有關連嘅真正「連環圖」吖嘛。唔係講笑,我係睇得好開心的,仲翻睇咗兩次,都唔知幾多年未試過同一本港漫睇三次了。睇公仔書求開心,我想個個禮拜都咁開心,希望鄺彬強嘅製作團隊可以撚盡十二成功力,唔好再玩無厘頭死而復生、唔好無端端整死重要主角、唔好有爺孫戀、唔好再提飛昇甚至唔好再出老祖宗,回饋我等仍真金白銀買實體港漫嘅港迷漫喇。

Read more ›
許景琛《龍虎門Z》Halloween番外篇 10月推出

許景琛《龍虎門Z》Halloween番外篇 10月推出

我係真心佩服到五體投地的,許景琛真勤力!之前嗰幾本《龍虎門Z》番外篇都仲未睇,話咁快已經賣定廣告話會推出第六本番外篇,主題係哈佬喂Halloween,暫定十月尾出版,仲話會送夜光卡同夜光公仔添喎。

Read more ›

香城映畫眾籌《堅尼地道殺人事件》 未開拍先推海報+黃秋生Figure

香城映畫眾籌《堅尼地道殺人事件》 未開拍先推海報+黃秋生Figure

成件事都幾熱血,話說香城映畫搞眾籌開戲,片名《堅尼地道殺人事件》,導演係趙羅尼,主角係我敬愛的黃秋生,顧定軒都有份演出。熱血在戲未拍,已經邀請到塵阿力幫手畫海報套裝,兼推出埋1:6教車師傅 figure,Figure原型當然係黃秋生喇,面相似到十足十。至於眾籌金額方面,由$58更多至$48888更多不等,各有唔同回饋Item,咁當然,想要海報套裝同Figure就要課多啲金喇。你願意做投資者?

Read more ›
Roy Cheng x《NBA2K22》 送Luka Doncic油畫

Roy Cheng x《NBA2K22》 送Luka Doncic油畫

畫NBA球星出晒名嘅Roy Cheng有嘢送,話說佢同遊戲《NBA2K22》聯乘,畫咗一幅靚靚油畫,油畫主角係靚仔到連女球證都敢公然調戲嘅Luka Doncic。很想要吧?Easy,只要答問題加填資料,即有機會得到100cm x 80cm原稿畫作,名額一個,而50cm x 40cm複製畫,則有10個名額。

Read more ›
Man僧靚畫惹姜糖垂涎 自發印製文件夾送街坊

Man僧靚畫惹姜糖垂涎 自發印製文件夾送街坊

Man僧手畫有幾強係有目共睹的,一幅姜濤fan art惹來姜糖垂涎好合理,係估到熱情到喺取得Man僧同意後,竟自發印製成文件夾大派街坊。想拎,可以上「格子」免費索取,每人限取一個。拎完,唔該畀番讚,係禮貌來的。

Read more ›
李志清x文化者《舊時香港》畫展

李志清x文化者《舊時香港》畫展

李志清又辦畫展了,今次聯乘「文化者」舉辦,展覽名稱《舊時香港》,主旨估計都係緬懷舊日好時光之類喇,各Fans記得捧場。

Read more ›