Category: 主頁

網圖分享:寺沢武一RIP

網圖分享:寺沢武一RIP

又一位大師級漫畫家離我們而去,以《哥布拉》聞名於世嘅日本漫畫家寺沢武一魂歸天國,享年68歲。再見了,魔幻槍,一路好走。

Read more ›

啱睇!莊韻澄Cos《海賊王》女帝!

啱睇!莊韻澄Cos《海賊王》女帝!

唔知點解,身邊好多朋友都唔多Like莊韻澄,我就相反非常鍾意嘞,有樣有身材,笑容甜美又識派福利,我諗唔到乜咩原因唔Like囉。呢輯佢Cos《海賊王》女帝嘅相片,我覺得好正,強烈建議莊小姐繼續Cos,如果可以Cos埋不知火舞就好了。

Read more ›
志祥 x Jollymap 義賣《單車漫騎》為登山家籌旅費

志祥 x Jollymap 義賣《單車漫騎》為登山家籌旅費

有無買志祥新作《單車漫騎》?未買又心郁郁想買的話,依家多個藉口課金喇。話說為鼓勵年輕人追夢,Jollymap聯乘志祥搞預購義賣,現買親筆簽名《單車漫騎》一本,即等同幫緊登山專家曾朗傑勇闖南極洲挑戰文森峰,所有義賣收益扣除書商成本,會全數用嚟支持曾朗傑今次登山旅費。志祥話希望賣到200本,買書送多個單車造型鎖匙扣,大家識做喇!

Read more ›
米奇2024年特撮英雄月曆 $70有交易

米奇2024年特撮英雄月曆 $70有交易

Wow,家陣尚係9月,話咁快已經有2024年月曆嘅消息。If,你係米奇Fans的話,咁就有必要留意吓佢最新推出嘅產品:一,昭和特撮英雄伝座枱月曆$70;二,月曆加特撮英雄結集水晶畫板,套裝價$188,限30套;三,月曆加手繪彩色親筆畫板,套裝價$1500,限10套。有興趣者可聯絡「先達漫畫店」訂購,收到未?

Read more ›
網圖分享:抱抱!笑番!

網圖分享:抱抱!笑番!

畫面係好有喜感嘅,女主角長長頭髮,霎眼望亦幾靚女。水浸好慘咩?梗慘喇,但有消防員抱抱咪開心番笑囉,而作為網民見到呢個瘋傳畫面亦笑得出。活在香港當下,苦中作樂又好乜都好喇,有得開心就笑多啲啦。

Read more ›
Keep住送李小龍畫板 第八彈阮大勇獻畫

Keep住送李小龍畫板 第八彈阮大勇獻畫

面書專頁「4 in 1」舉辦嘅免費送李小龍畫板好評如潮,參與獻畫嘅港漫人陸續出場,睇個走勢有排都未送完。話咁快嚟到第八彈,今次輪到——啪啪啪啪啪,畀熱烈掌聲先——阮大勇獻畫呀喂。名額70個,索取截止日為9月17日8:00pm,郵寄送到你府上,額滿即止,點索取就自己睇番面書專頁喇。

Read more ›

李健良《恐龍世界》一日兒童繪畫班 加開第二班

李健良《恐龍世界》一日兒童繪畫班 加開第二班

再開班,即係有好評喇,即係啲小朋友玩得開心喇。由資深港漫人李健良做導師嘅《恐龍世界》一日兒童繪畫班決定加開新班,日期係10月2日,對象係6至13歲小朋友。照舊,班費已包畫筆、畫紙、水彩同木顏色,乜都唔使帶帶個人去就得嘞。輕輕鬆鬆兩粒鐘,不失為一個幫小朋友放電嘅好節目。

Read more ›
極罕只此一件 利志達十三Tee $813

極罕只此一件 利志達十三Tee $813

識玩原來係咁玩?咁先係真真正正嘅限量吖嘛,限量到每個Item就係唯一Item,問你服未?先要問大家有無撐利志達喺動漫節推出嘅最新作《十三箭》先?有?Good,咁你應該大有興趣收藏埋呢件《十三箭》珍藏版Tee。食番書名,Tee有13款,13個Print分別係漫畫書裡面13個名場面,極罕到每款只此一件!所以Total只有13件,保證唔會撞衫!每款$813,9月13日率先發售當中兩款,要搶!

Read more ›
馮志明《X暴族超武世紀》 普通版$180

馮志明《X暴族超武世紀》 普通版$180

港漫復刻之風Keep住熾熱,9月又來一本馮志明《X暴族超武世紀》,呢套作品我未睇過,望封面幾靚仔吓,都有啲興趣買番來望望,而「馮志明」三個字始終有一定號召力,相信唔少之前睇過此書嘅港漫迷都會入手。價錢方面,繼續進取,普通版$180;豪華硬皮版$260,限量150本,可以優惠價$40換人型立牌一個;手繪封面版$1800,限量38本。報告完畢。

Read more ›
原稿登場 麥天傑《一個人的漫畫》展覽

原稿登場 麥天傑《一個人的漫畫》展覽

繼「石子地攤」後,麥天傑又有新搞作,舉辦《一個人的漫畫》展覽,主要展品有《非常道零》內文原稿,當中以黑白稿佔多數,有少量彩色,仲有少少關於香港電影嘅故事板分鏡草圖。展覽係互動的,期間麥天傑會搞埋講座分享創作漫畫點滴,仲會即席揮毫示範作畫添。未去之前,不妨先欣賞吓呢張A3宣傳海報,係咪好靚呢?無得唔去,到時見喇喂。

Read more ›
情懷呀喂 塵阿力畫展《留下雅座》

情懷呀喂 塵阿力畫展《留下雅座》

情懷不會倒退呀喂!塵阿力開畫展《留下雅座》,主旨係「愛情親情友情不了情,茶走檸啡蛋撻菠蘿油」,心嗰句,淨係睇呢兩句已經覺得好型。講實在啲,即係乜呢?即係出現喺電影裡面「飲杯啡食件撻」嘅經典場景,透過畫筆一一呈現喺大家眼前囉。到時可以邊賞畫邊估屬於邊套戲場景,成件事幾Funny。

Read more ›

支持!桃姐水晶繪板$200!

支持!桃姐水晶繪板$200!

桃姐畫女,原來是這樣性感而不令人反感的,落色淡淡線條唔多,有種小清新感覺。佢要離開香港了,臨走製作幾款水晶繪板,大家有無興趣收藏?我有。價錢方面,簡單直接,有A同B兩套選擇,各售$200,兩套齊買$380,各限量25套,希望大家支持吓啦喂。

Read more ›
唔好停 栢迪《龍虎門GO》連載一周年

唔好停 栢迪《龍虎門GO》連載一周年

唉,甚麼天網,甚麼武當罪人,跟住來個纖纖玉手刀魂,再跟住來個九唔搭八嘅乜鬼氣霸寰宇吞天,阿馬小靈小姐仲要學埋萬毒心經跟天下無敵唔知飛去邊添⋯⋯《龍虎門》劇情大暴走到⋯⋯都唔知講緊乜。有時,雖則作為底線放到好低好低甚至係虛線嘅死忠,我睇書末專欄《龍虎門GO》仲有心機過睇正文。早兩日,栢迪面書出咗張賀圖,話唔經唔覺呢個專欄已經連載咗一年,劇情亦講到舊著186期,而我亦逐粒字逐粒字咁睇足一年,公仔係幾cutie嘅,有追看性,希望呢個專欄唔好停之餘,鄺彬強都可以將呢本書皇盡快納回正軌啦。栢迪加油!鄺彬強更加要加油呀!

Read more ›
李健良《恐龍世界》一日兒童繪畫班

李健良《恐龍世界》一日兒童繪畫班

恐龍對於小朋友嚟講,唔知點解有一份莫名吸引力,如果你都有小朋友鍾情恐龍的話,不妨考慮吓呢個《恐龍世界》一日兒童繪畫班,由資深港漫人李健良擔當導師,教大家畫唔同品種恐龍。6至13歲小朋友可參加,放心,免煩,帶個人去就得㗎嘞,費用已包畫紙同各種畫具,輕輕鬆鬆兩粒鐘,當親子活動亦唔錯。

Read more ›
係乜玩法?上官小威《南拳北腿原畫集》$8!

係乜玩法?上官小威《南拳北腿原畫集》$8!

$8?究竟係乜玩法?話晒都係一本畫集,居然定價唔使$10?我諗唔明,望唔透。講緊嘅係上官小威推出嘅《南拳北腿原畫集》,無花無假售$8,輯錄佢年幾以嚟畫嘅《南拳北腿》畫板,仲要送多張南拳磨紗白墨卡。上官小威講到明「訂一本蝕一本」,而最新消息係,加多$100,可以多兩幅畫板或5張英雄牌,大家有無興趣捧吓場?

Read more ›