Category: 主頁

杜比小說《四環 命運規劃委員會》 網上連載

杜比小說《四環 命運規劃委員會》 網上連載

久違了的面書專頁「THE ONE COMICS一漫年」忽然有新Post彈出來,講真我差啲忘記呢個網頁存在了。有乜新料?原來係杜比推出網上連載小說《四環 命運規劃委員會》,暫時Post咗兩個序章同兩回內容。我睇晒,甚有追看性,圍繞「解離症」、多重人格、天才學霸、人類精英、宇宙解讀、驚天大陰謀等等。文字好睇,插圖亦係上佳之作,值得一撐。

Read more ›

為鬧而鬧? 《新著龍虎門》2500期封面何罪之有?

為鬧而鬧? 《新著龍虎門》2500期封面何罪之有?

鄺彬強《新著龍虎門》來到2500期了,無論鍾唔鍾意呢本書都好,始終都係一個值得高興嘅里程碑,但觀乎各大中小討論區同面書專頁,我發覺贈興者極少,嘲笑者極極極極極極極多,嘲乜?嘲個龍虎三皇打手勢做「2500」嘅封面,甚麼——「好核突。」、「懶風趣。」、「好老土」、「隻手畫到唔知想點。」、「BL三皇」諸如此類。呢個封面真係咁肉酸咩?個人認為,橫睇掂睇都不但合格有餘,仲幾靚幾搶眼添⋯⋯

Read more ›
塵阿力開班教畫人像畫

塵阿力開班教畫人像畫

之前介紹過塵阿力10月14日有個《留下雅座》作品展,無得唔睇,我一定去打卡。羨慕佢一手好畫?唔使羨慕,直接拜師學藝咪得囉,事關佢真係開咗個《Procreate進階人像繪畫班》,咁霎眼望吓啲Terms,估計都要有一定功底先可以報名,所以咪「進階」囉。收費方面,6堂$2280,每堂個半鐘,有興趣就PM佢本尊喇。

Read more ›
邱福龍有擔當要讚 《虎甲人》送大貼紙補鑊

邱福龍有擔當要讚 《虎甲人》送大貼紙補鑊

有時真係抵邱福龍多Fans的,早兩個禮拜有部份第13期《虎甲人》甩轆,第五至八頁出現印刷移位同紙痕問題,雖則讀者們猛話唔介意直頭當錯體版咁儲,但佢都即刻出Post say sorry,兼Promise送貼紙補鑊,而貼紙將會喺今期第15期隨書附送,仲要一送就送兩大張。不過話時話,今次貼紙係釘裝埋喺書入面,如果可以獨立兩張好似《復刻龍虎門》咁夾喺書中間奉送就更佳了,方便攝入卡簿收藏嘛。Anyway,有錯即認,做個找數真漢子,要讚。龍少,加油。

Read more ›
邱瑞新《火武耀揚2》第三期 10月14日見街

邱瑞新《火武耀揚2》第三期 10月14日見街

我係好鍾意睇江湖書的,《火武耀揚2》碩果僅存,點可以唔買?最新消息係,第三期將於10月14日見街,呢個10月我又要乖乖畀錢邱瑞新使了。照舊全書116頁,每本$128。今期封面見到道理哥,唔通新記坐館正式出場?係就好咯,因為我好鍾意睇道理哥講道理。

Read more ›
廖光祖+Felix Ip=《燈箱遇上貓》

廖光祖+Felix Ip=《燈箱遇上貓》

之前講過廖光祖《貓面具少年》同Felix Ip嘅燈箱君會聯乘,已經有定案嘞,就係呢本《燈箱遇上貓》,已經喺剛過去嘅D2 PLACE「玩具收藏家販售展──秋之祭」首發。杜小虎同燈箱君會擦出乜嘢火花呢?買本睇吓囉。

Read more ›

港漫動力2七作者聚首 慢7拍簽名分享會

港漫動力2七作者聚首 慢7拍簽名分享會

「港漫動力2」有後續活動,偉安《靈幻異界》、Art Ling《親愛的44號》、SandyPig《自由之歌》、Enoch Sin《神明任務》、六榊《Q》、彭康兒《時間列車》、鄺志傑《靛藍》等7位漫畫家舉辦「慢7拍簽名分享會」,買咗書嘅可以同作者互動影相,未買書嘅可以即場買書搵作者簽名。Fine,此不失為一個好節目,有時間可以捧場,課金實際支持。

Read more ›
《新著龍虎門》總2500期慶典 龍喜卡+角色立牌+海報

《新著龍虎門》總2500期慶典 龍喜卡+角色立牌+海報

仲有兩期《新著龍虎門》就會踏入總2500期(新著1220期),咁話晒都係一個里程碑,搞番啲慶典活動唔過份。活動一,由1220期開始,普及版連續18期送龍喜卡,每期隨機送兩款,Total有36張,即係博你每期買兩本囉;活動二,限量立牌版$78,隨書送栢迪《龍虎門GO!!》角色立牌一個,由1220期開始至1223期止,先後推出角色為王小虎、石黑龍、王小龍同王風雷,四個角色我都鍾意,想要晒;活動三,《龍虎門》經典降龍十八腿海報限量立牌特別版第一彈,即係估計仲有二三四五六七彈,暫時未有定案。係呀,呢啲絕對係消費死忠嘅操作,估計唔會對升書有好大幫助,但一日死忠一世死忠,我點都係舉腳支持嘅。惟望鄺彬強可以搞番好本書,等我可以撐得再心甘情願啲。

Read more ›
必睇!王澤《老夫子‧花前月下》個展!

必睇!王澤《老夫子‧花前月下》個展!

一提起「老夫子」三個字,又諗番起以前喺飛髮舖飛完髮賴死唔走睇《老夫子》,嗰時仲係小學雞嘅我邊有錢買書,真係面皮厚到老闆趕都唔走架。家陣人大了,有錢買書卻無買,不過呢個王澤《老夫子‧花前月下》個展都好有興趣睇睇嘅,當緬懷吓昔日美好歲月吧。展覽除咗「冇失效日」、「好時光」、「冇問題」、「把握當下」、「弦外之音」、「+-×÷‧天曉得」等系列作品外,焦點係25幅王澤父子珍貴手稿,打卡係時候。

Read more ›
有新港漫睇 曹偉樑《國士無雙》開訂

有新港漫睇 曹偉樑《國士無雙》開訂

Good吖,確實係好消息,又多一本新港漫睇。曹偉樑《國士無雙》現已接受訂購,全書108頁,普及精裝版$120,早鳥優惠送一套4款《國士無雙》彩色明信片;手繪畫版特別版$700,除四張明信片外,加送多幅彩色私人畫板。放心,一期完故事,保證唔會爛尾,希望大家多多支持吓喺現今市道仍堅持出書嘅熱血有心人。有興趣請PM佢本尊訂購事宜。

Read more ›
廖光祖《貓面具少年》 x Felix Ip燈箱君有新企劃

廖光祖《貓面具少年》 x Felix Ip燈箱君有新企劃

Why not together?對,既然大家都咁受歡迎,不如聯乘啦,話唔定會擦出新火花。講緊嘅係廖光祖《貓面具少年》同Felix Ip嘅燈箱君,將會合作推出新產品。繪本?話集?漫畫?精品?未知,暫時只得四張插圖畀大家睇吓辦吊吓你癮。我就好啱睇嘞,拭目以待。

Read more ›

黃玉郎《神兵玄奇》珍藏本第二期 9月22日見街

黃玉郎《神兵玄奇》珍藏本第二期 9月22日見街

係呀,繼續食老本呀,係咪好事?當成個市場只賣舊不賣新,我諗一定唔會係好事囉。But,As一個普通讀者,黃玉郎作品推出珍藏本,我又真心Mode拍掌叫好喎。咁真係想翻睇吖嘛,真係想Keep番成套書嘛。係,係好矛盾,但如何矛盾都唔會阻止到我買《神兵玄奇》珍藏本第二期,9月22日見街,普通版$128,硬皮特別版$188,報告完畢。

Read more ›
撐!《如詩如畫.湖月照我影:李志清書畫展》!

撐!《如詩如畫.湖月照我影:李志清書畫展》!

「李志清」三個字,我諗都唔使多介紹嘞,此Post純粹提你睇《如詩如畫.湖月照我影:李志清書畫展》,畫作以小品為主。清哥歷來大中小畫展,一向都係我杯茶,今次都唔例外,必去。

Read more ›
許景琛《超霸世紀》第九期 9月22日見街

許景琛《超霸世紀》第九期 9月22日見街

幾耐無出新一期《超霸世紀》呀,我唔記得咯,分分鐘連許景琛本尊都唔太Sure。Anyway,最新《超霸世紀》第九期今日出版,普通版繼續分「正」同「邪」兩個版本,各售$68。特別版A送八張人物卡同一張閃卡,售$118。特別版B送中武妖、青惠同教世者3D打印公仔各一,兼送透明卡同簽繪盒,售$380。豐儉由人,自己揀喇。

Read more ›
鄧俊棠《崩塔原稿展》 睇畫+買書+講座+現場繪畫

鄧俊棠《崩塔原稿展》 睇畫+買書+講座+現場繪畫

利申,我係無買鄧俊棠x望日本《崩塔》嘅,去動漫節嗰陣明明見到,但就係唔知點解無買,可能封面吸引唔到我啩。而家陣,我輕輕有點後悔了,事關網上幾乎一致好評,搞到我好想買番本睇睇。又真係咁啱得咁橋,格子周六搞咗個《崩塔原稿展》,除咗可以睇原稿外,鄧俊棠仲喺小說《崩塔B-side》裡面揀咗個遊戲,新畫24頁短篇漫畫限量發售,即係整定我要課金了。除咗睇畫,大家仲可以參加講座,題目係《畫漫畫難定寫小說難?》,解構鄧俊棠同望日如何跨界別合作,咁現場繪畫示範梗少得喇。

Read more ›