Articles by: Joey Tank

新片速報《人中之龍 5》阿遙跳舞做偶像
by / on 26/10/2012 at 12:35 pm

新片速報《人中之龍 5》阿遙跳舞做偶像

12月6日推出嘅PS3獨佔遊戲《人中之龍 5(龍が如く5 夢、叶えし者)》又有新片,今次都係製作人訪談,而主題就係澤村遙成名之路。片段中睇到阿遙又要參加電視台節目,又要喺街頭表演,玩法就好似一般音樂節奏遊戲咁,跟節奏按唔同按鍵,唉,估唔到純潔嘅阿遙都要跳入娛樂圈呢個大染缸。

Read more ›

新片速報《Ninja Gaiden 3: Razor’s Edge》新武器「鎖鎌」再血腥
by / on 26/10/2012 at 12:26 pm

新片速報《Ninja Gaiden 3: Razor’s Edge》新武器「鎖鎌」再血腥

日版Wii U跟機喺12月8日推出嘅呢隻《Ninja Gaiden 3: Razor’s Edge》,雖然唔係全新遊戲,但就加入唔少新原素,其中一樣就係新武器「鎖鎌」。啱啱官方就有關於呢款武器嘅新片發佈。

Read more ›
SD版火影 春野櫻 日向寧次參戰!
by / on 26/10/2012 at 12:01 pm

SD版火影 春野櫻 日向寧次參戰!

Namco Bandai Games將會喺11月29日推出嘅3DS專用動作遊戲《NARUTO-ナルト-SD パワフル疾風伝》,橫向動作,角色可愛,啱晒輕機迷。今次發佈嘅新畫面就睇到更多忠於原作嘅劇情,仲有春野櫻同日向寧次參戰。呢隻遊戲聲稱任務超過100個以上,特典版送火影護額遊戲收藏盒,都買得過。

Read more ›
新片速報 Lego影院《魔戒》得啖笑
by / on 26/10/2012 at 11:32 am

新片速報 Lego影院《魔戒》得啖笑

隻《魔戒LEGO》遊戲就下個月推出,o依家就有第二段由Brotherhood Workshop拍嘅Lego版魔戒。頂!啲Lego有表情都幾搞笑,仲要有火燒大場面,除咗佛羅多同阿Sam之外,仲有阿拉岡出場,好威武!

Read more ›
新片速報《He-Man》手機遊戲 請骷髏頭堡賜我力量!
by / on 26/10/2012 at 10:45 am

新片速報《He-Man》手機遊戲 請骷髏頭堡賜我力量!

記唔記得佢?請骷髏頭堡賜我無窮力量呀!想當年,He-Man真係帶領潮流,佢個one-length頭,之後東京愛的故事個江口洋介同埋我哋香港個鄭伊健都要學。你睇,咁多年後,佢仲咁靚仔!所以呢隻啱啱推出嘅《He-Man》iPhone手機遊戲你點能夠唔玩?橫向動作簡單得嚟又有得出必殺技,動作都唔算單調,玩落感覺唔差,而且,經典角色骷髏魔同佢隻無膽貓都有登場喎!係冇「輸娜」差啲囉。

Read more ›
新片速報《聖鬥士星矢Ω 終極小宇宙》黃金聖衣現身!
by / on 25/10/2012 at 5:27 pm

新片速報《聖鬥士星矢Ω 終極小宇宙》黃金聖衣現身!

CM完又PV,CM第二彈之後又輪到PV第二彈。不過,有新畫面睇,作為聖鬥士fans,都係要睇。今次呢條宣傳片主要介紹一眾黃金聖鬥士,有動畫有遊戲畫面。呢隻Namco Bandai Games推出嘅PSP動作遊戲《聖鬥士星矢Ω 終極小宇宙(アルティメットコスモ)》,將會喺11月29日推出。

Read more ›

《閃乱カグラ -少女達の真影-》葛城攬枕 滑鼠墊1月登場
by / on 25/10/2012 at 5:03 pm

《閃乱カグラ -少女達の真影-》葛城攬枕 滑鼠墊1月登場

寂寞的人有福了!3DS遊戲《閃乱カグラ -少女達の真影-》嘅葛城將會推出欖枕同滑鼠墊,原画八重樫南,高木謙一郎監修。滑鼠墊就梗係立體嗰隻,有嘢會墊住你隻手。至於攬枕就有雙面嘅,一個奔放啲,一個勁奔放,唔……滑鼠墊3,675円,攬枕12,000円,分別都有特典送毛巾仔,明年1月推出。

Read more ›
新片速報《Real》X 森永飲品廣告 松山研一 X 戶川清春 夢幻合演
by / on 22/10/2012 at 5:14 pm

新片速報《Real》X 森永飲品廣告 松山研一 X 戶川清春 夢幻合演

呢條片上星期已經喺日本見街,後知後覺我都超級興奮,因為係井上雄彥嘅《Real》呀!呢段係《Real》 X 森永製菓ウイダーin飲品嘅廣告,雖然唔係《Slam Dunk》,但一樣超熱血!松山研一穿過一幅又一幅《Real》嘅漫畫圖……總之睇過你就知超正!你以為係CG做,裏面有花絮圖俾你睇,真係好大幅圖呀!仲有,呢個宣傳活動仲會送Tigers波衫同手機飾物,我很想要。

Read more ›
新片速報 喪屍結婚相 PS喪執全記錄
by / on 22/10/2012 at 3:56 pm

新片速報 喪屍結婚相 PS喪執全記錄

可能我葡萄,見親人哋啲結婚相,我都好不安,做咩啫?做咗明星咩你哋?我明,你哋背後受咗好多苦,一係就幾皮嘢去外國俾人指指點點,一係就夏天熱冬天凍荒山野嶺又換衫又餵蚊嘛!對於結婚相呢樣嘢,外國人就有創意啲,好似呢輯令我諗起《變種屍新娘》嘅喪屍結婚相就好有型,呢段片仲睇到點樣用Photoshop去令張靚相由普通花園正常人變成廢墟喪屍群……死佬,乜你覺得結婚真係咁恐佈咩?

Read more ›
新機體追加《機動戰士Gundam Extreme VS Full Boost》
by / on 22/10/2012 at 3:34 pm

新機體追加《機動戰士Gundam Extreme VS Full Boost》

街機遊戲《機動戰士Gundam Extreme VS Full Boost》將會喺聽日(23日)追加新機體,包括嚟自《Gundam EXA》嘅「エクストリームガンダム(type-レオス)アイオス・フェース」同埋嚟自《Z Gundam》嘅「Mk-II」。另外亦有名為「ギアナ高地」嘅新戰場登場。

Read more ›
第5集連動 新增難易度《人中之龍 1 & 2 HD Edition》
by / on 22/10/2012 at 3:11 pm

第5集連動 新增難易度《人中之龍 1 & 2 HD Edition》

SEGA嘅《人中之龍》第5集12月6日推出,想重溫番頭兩集嘅內容,11月1日就可以買番隻《人中之龍 1 & 2 HD Edition(龍が如く 1&2 HD EDITION)》玩吓。高清版之餘,仲新增咗Easy + Heatup難易度,能源增加,而且冇咁易扣晒,等你輕輕鬆鬆學日文。另外,官方亦宣佈遊戲可以同嚟緊第5集作連動,開始第5集時有呢個遊戲嘅save就會有特別元素。遊戲售價5,229円,下載版4,700円。

Read more ›

新片速報《聖鬥士星矢Ω 終極小宇宙》第二彈CM 華麗超必再現
by / on 22/10/2012 at 1:28 pm

新片速報《聖鬥士星矢Ω 終極小宇宙》第二彈CM 華麗超必再現

Namco Bandai Games將會喺11月29日推出嘅PSP動作遊戲(係,又係PSP。)《聖鬥士星矢Ω 終極小宇宙(アルティメットコスモ)》,啱啱又有新宣傳片。以新動畫為背景,光牙、蒼摩等角色都會登場,當然唔少得一眾黃金聖鬥士啦。雖然出喺PSP,但畫面絕對唔差,今次條片睇到遊戲畫面外,仲有超必嘅特寫鏡頭,入面仲有初回特典送嘅設定集資料!

Read more ›
新片速報 《BioShock Infinite》新遊戲片段
by / on 22/10/2012 at 11:33 am

新片速報 《BioShock Infinite》新遊戲片段

2K Games喺下年2月26日推出嘅PS3/Xbox360/PC第一身射擊續作《BioShock Infinite》,啱啱就由外國媒體發放名為「The Beast of America」嘅新片段。片段入面見到繼續奇幻嘅世界觀,仲有大量熟悉嘅角色登場。

Read more ›
新片速報 Wii U英國廣告
by / on 22/10/2012 at 11:21 am

新片速報 Wii U英國廣告

歐美地區最早11月18日就有得玩,仲有一個月唔夠,咁任天堂啲廣告都係時候出籠啦。英國就率先有廣告曝光,係好低清,但都睇到佢想講咩,除咗嗰啲咩機能呀、咩體感呀之餘,佢講出咗重點,就係以後唔使同阿媽、女友、老婆爭電視,打打吓機阿媽要睇林峰咩?百行孝為先,我用Gamepad玩囉!係咪正先?阿媽,嚟啦!俾三千蚊我買啦!

Read more ›
《人中之龍 5》大量枝節故事 鐵漢拉車
by / on 18/10/2012 at 4:59 pm

《人中之龍 5》大量枝節故事 鐵漢拉車

12月6日推出嘅PS3遊戲《人中之龍 5》繼續喺日本《Fami通》有新情報,呢隻小遊戲足夠你玩一年嘅遊戲,貫徹多枝節故事嘅傳統,今集有五大主角,位位有主線之餘,仲有大量得意故仔任務要你完成。例如,桐生一馬要喺福岡・永洲街拉人力車車人去目的地;冴島大河又會喺冰天雪地見到小紅帽(!?);遙就同同學仔食大阪燒;仲有之前係棒球手嘅品田雄喺名古屋・錦栄町做便利店……

Read more ›