其實唔覺唔覺，日本一Coser「えなこ」其實都已經26歲，所以熟熟哋都好正常。啱啱佢喺Twitter出咗晚裝圖，好有大人感覺，原來係上EDAMAME Arcade Channel一個節目……

SEGA曾經有藤岡弘著柔道袍演代言人物「せがた三四郎」，嚟到60周年(6月3日正式60周年)，有新人物「せが四郎」現身，演出嘅就係藤岡弘嘅長子藤岡真威人！網民話佢似山崎賢人，某啲角度睇真係有啲，真係幾威。

做社交平台真係要好小心，唔記得轉番自己個人帳戶就出post呢啲成日都有發生，小則尷尬大則隨時份工都冇埋。最新就有日前Bandai Namco US嘅Twitter突然出咗段字，就係講到任天堂最近爆人氣嘅《動物森友會》Animal Crossing: New Horizons，話要玩家逼埋喺一個島爭奪資源係不愉快嘅經歷……不過當然好快就已經剷咗，又當然好快就有人cap咗圖……

每日有成1億2000萬以上到訪嘅動作電影網站Pornhub，本來係有俾錢嘅服務Premium會員，不過又係因為想大家留家齊心抗疫啦，即日至4月23日，只要入去入個名入個密碼留個email就可以免費睇，全球通行，啱啱試過，冇塞車，好暢順。

首先，呢位日本網民就喺Twitter出咗兩張圖，同一個背景，肥仔變瘦仔，佢仲話自己啱啱喺京都大學法學部畢業，呢四年學咗好多法律知識又唔見咗好多脂肪。不過之後就有網民發現佢張靚仔相頸部位置嘅背景出現時空扭曲嘅情況，疑似執過吓……但其實睇其他相，係瘦咗嘅，不過可能嗰張再加工咁解啫。

外國有好多地區都唔俾市民出街，除非有特別理由。咁可以有咩特別理由？飲酒？食車仔麵？呢位77歲西班牙伯伯嘅理由竟然係玩《Pokémon Go》！雖然聽落幾搞笑，不過伯伯都係乖乖哋留喺屋企，好似呢張網民整嘅「Pokémon Dont Go」圖咁啦，人冇事先做到世界冠軍嘛。

網上漫畫《100日後死亡的鱷魚》爆人氣之後，似「100日後」系列可能會成為潮流。最新有《ハヤテのごとく》作者畑健二郎喺網上連載《100日後に結婚する二人》，暫時去到「5日目」，似乎都係講主角有幾窮，不過見佢有餵流浪貓，支持吓啦。

嚟緊年尾都出PS5喇，而家會買機嘅，可能係部機壞咗又想玩嚟緊《FINAL FANTASY VII REMAKE》同《The Last of Us Part 2》等大作？又會唔會有人一直冇出機，到而家尾期反而忍唔住手？嚟緊會《FINAL FANTASY VII REMAKE》就會出同梱機，4月10日發售，PlayStation 4 Pro FINAL FANTASY VII REMAKE Pack(HDD：1TB)賣39,980円＋税，PlayStation 4 FINAL FANTASY VII REMAKE Pack(HDD：500GB)就29,980円＋税，部機個樣冇特別，但會送Cloud個經典背影主題。另外同期仲會有PS4面板『FINAL FANTASY VII REMAKE』EDITION(4,000円＋税)同掛頸耳機ウェアラブルネックスピーカー『FINAL FANTASY VII REMAKE』EDITION(29,380円＋税)發售。

如果你好想買部Switch玩動物之森，但要過屋企海關嗰關，最簡單就係有誠意地直接開口問啦。咁問完之後，如果真係收到一部Switch……但係曲奇嚟嘅，可以食落肚嘅，你會有咩反應？嗱，最好連埋件曲奇，將好想講嗰句說話吞番落肚，深呼吸冷靜啲諗一諗，會唔會回應一句：「嘩仲開心過收到真嗰部Switch呀！」之後算喇唉，自己俾錢買部返去再自首，會簡單同順利少少？呢位日本「菓子絵本作家」上岡麻美，佢就因為丈夫話考慮想買部Switch而率先整咗曲奇版俾佢喇……

Cosplay有時除咗還原動漫角色，仲可以加入創意。好似呢位Mexico City嘅cosplayer Salvador Hernandez咁，佢就製作咗呢套哥斯拉戰甲著上身，其實幾有型。不過呢套戰甲唔係佢設計嘅，設計者係藝術家Bat Zemo，Hernandez只係跟佢嘅藍本製作再著上身。

東京奧運確定延期一年舉行，都係無可奈何啦……近排疫情又嚟，如果一定要出街，似乎行山、露營等去效外嘅戶外活動，已經係最安全嘅節目？咁講到露營，你又鍾意睇動畫定真人版？《ゆるキャン△》嚟緊會有第二季，啱啱正式確定，會喺2021年1月放送，而且仲有新圖睇到。

啱啱「春の家庭用ガンダムゲームまつり2020」直播當中，就有家用PS4《機動戦士ガンダムEXVSマキシブーストON》呢隻Gundam對戰遊嘅消息，街機玩唔到可以喺屋企玩啦，7月30日發售，部份設計會有同，亦會加入BGM編輯機能，o依家仲直播緊，可以去睇睇。

近排有冇喺Netflix睇番《千と千尋の神隠し》？入面間「油屋」係好靚嘅，如果可以成間油屋砌出嚟，而且仲有埋入夜後嘅神秘神光效果……呢位日本模型高手就整咗一間，超靚！係淨啲水啫。

如果你打緊機，甚至係直播緊打機，有人喺你後面跳啲好怪嘅舞，你會有咩反應？日本YouTube頻道わたゆりチャンネル嘅女友ゆり就試吓喇，咁男友會有咩反應呢？

之前已經公開咗，啱啱有片睇喇，首先係PS4嘅《鬼滅の刃 ヒノカミ血風譚》，由CyberConnect2製作，都算穩陣嘅。另一隻就係電話遊戲《鬼滅の刃 血風剣戟ロワイアル》，近月咁多fans，可以留意吓啦。