fbpx

Author: 爆炸哥

新片速報《Hunter X Hunter 緋色之幻影》劇場版預告

新片速報《Hunter X Hunter 緋色之幻影》劇場版預告

冨樫真係唔係同你講笑,好有口齒,話停刊就係停刊,仲好認真咁停,停咗半年有多,一粒聲氣都冇,我係咪應該當佢完咗?仲好耐心等緊嘅獵人迷,嚟緊日本就有套劇場版《Hunter X Hunter 緋色之幻影》喺1月12日上映,啱啱又有新預告片,古勒比卡帶頭,加埋小岡、基路同里昂里奧亞血戰幻影旅團,睇嚟唔只搬孛過紙咁簡單,都可以期一期待,起碼一集過。

Read more ›

今日更新 《初音未來 -Project Diva- Dream Threater Extend》Ver.1.01

今日更新 《初音未來 -Project Diva- Dream Threater Extend》Ver.1.01

SEGA推出嘅PSP遊戲《初音未來 -Project Diva- Dream Threater Extend》,可以連接PS3睇到唔到歌曲演繹,而今日(5日)就推出咗Ver.1.01更新,除咗有「裏表ラバーズ」鑑賞模式外,仲追加「StargazeR」、「いろは唄」等嘅強化項目。

Read more ›
新片速報《Hitman Absolution》探討殺人生活

新片速報《Hitman Absolution》探討殺人生活

作為殺手,唔好睇佢成日西裝骨骨又剃光頭好有型,其實有時要扮酒店服務員,有時又要扮警察,仲要唔怕污糟辣塌入公廁用廁所泵殺人。呢條新片「Living, Breathing World」就睇到光頭殺手Agent 47嘅殺手生活,仲睇到無論係中國熱鬧大笪地定公廁,畫面都相當靚。呢隻Square Enix推出嘅《Hitman Absolution》,美版會喺11月20日推出PS3/Xbox360/PC版本,而日版就要等到下年1月24日。

Read more ›
PSP《Stellar☆Theater Portable》 2/28強化發售

PSP《Stellar☆Theater Portable》 2/28強化發售

Cyber Front喺2009年推出嘅PC用模擬戀愛遊戲《Stellar☆Theater》宣佈將會喺下年2月28日推出PSP版本。加強內容包括有新路線新劇情,另外亦會收錄由主題歌〈恋愛天体物理学〉MV等等。同時亦會有同梱版發售,內容會有原聲CD、限量橫向射擊小遊戲下載碼等等。普通版售價6,090円,特典版8,190円。

Read more ›
台場Gundam Front 「機動戦士ガンダム 第08MS小隊展」實況

台場Gundam Front 「機動戦士ガンダム 第08MS小隊展」實況

去東京旅行會山長水遠去台場拜高達,唔使講都係知你係行家。咁既然係行家,應該都睇唔少高達,對我嚟講,繼0079之後,《馬沙之反擊》係黃金年代,OVA就有《0080 口袋裏的戰爭》,機體靚到呢!再之後,就輪到《0083》同埋呢套寫實啲嘅《08小隊》!今個月(即日至30日)去拜完1比1高達上完香,記得上7樓Gundam Front,因為有個「機動戦士ガンダム 第08MS小隊展」舉行緊,有實景模型、設定圖等展出,仲有DVD、Blu ray買,包你駛大啲!

Read more ›
新片速報 《惡魔城》真人電影Simon揸鞭

新片速報 《惡魔城》真人電影Simon揸鞭

近年咁多遊戲改篇真人電影,點解仲未輪到又有吸血鬼又有動作場面嘅《惡魔城》?可能外國拍片單位START都係咁諗,所以就拍咗一套fans製惡魔城真人片,名為《Castlevania: Hymn of Blood》,故事係講阿鞭鞭有力嘅Simon啱啱25歲,好似未知自己有吸血鬼獵人血統嘅佢,家人被神秘組織襲擊,為咗捍衛家人,佢就揸起條片發發聲喇……呢套片啱啱出咗第二集,各位以前成日跳跳紮鞭啲蠟燭食心心嘅玩家,入嚟睇喇!

Read more ›

五大地標現身《GTA V》新圖流出

五大地標現身《GTA V》新圖流出

下年春天推出、Rockstar嘅《Grand Theft Auto V》,雖然官方話第二條預告片因為暴風侵襲美國而要延遲發佈,但都越嚟越多情報現身。不過今次就唔係官方發報,而係外國傳媒搵到嘅流出圖片,呢5張Location Images分別睇到Grapeseed、Vespucci Canals、Zancudo River、Vinewood Hills同Del Perro Pier地標,突然我啲感覺返晒嚟,越睇越期待。

Read more ›
到貨開箱文 《Halo 4》開心時刻

到貨開箱文 《Halo 4》開心時刻

Xbox360隻《Halo 4》聽日出,原來唔只香港Xbox同Pizza Hut合作,喺英國都一樣有推出遊戲連Pizza即日送貨服務,嘆住Pizza打機,男人浪漫。不過英國嗰邊個Pizza就冇搞花臣,唔似香港個士官長餅咁有型,不過,個盒都好鬼靚,英國Xbox就有Pizza開箱。最後,呢篇文章入面就有香港訂餅詳情,你聽日使唔使返工?

Read more ›
NDS《虎威戰士》推出 全面懷舊

NDS《虎威戰士》推出 全面懷舊

如果你係3字頭,你應該記得小學雞年代每日下畫播卡通嘅歡樂時光。嗰陣無記最鍾意就係搵嚟啲歐美卡通,有時都睇到人心神恍惚嘖嘖稱奇。不過,當中有一套我好鬼鍾意睇,就係呢套《虎威戰士(Thundercats)》, Thunder:Thunder,Thunder,Thunder,cats!」主角把劍就會變長!係,你都冇睇錯,10月30日出咗呢隻無論畫面同玩法都好懷舊嘅橫向動作遊戲係出喺NDS度,如果你咁啱仲有機又咁啱係美版機而且仲同我一樣好懷念呢套卡通嘅話,我諗,都要搵吓先買到。

Read more ›
愛藏心底裏 2 「人類補溫計劃」秋風起扮初號機

愛藏心底裏 2 「人類補溫計劃」秋風起扮初號機

愛藏心底裏系列第一集就介紹咗EVA X Hello Kitty嘅底褲,嚟到續集,我哋向上移,係腰封。秋風起,以免攝親大家都要小心,唔好冷親肚仔,呢個初號機同二號機嘅腰封我喺玩具日報睇到,係「人類保溫計劃」嘅重要道具,而且實在太有型,唔分享唔得,二號機款賣2,100円,初號機就賣2,340円。我唯一唔明,係點解唔搵個靚女做model示範。

Read more ›
新片速報 《Halo 4: Forward Unto Dawn》最後一集

新片速報 《Halo 4: Forward Unto Dawn》最後一集

好喇,Xbox360隻《Halo 4》聽日就出喇,你訂咗Pizza未呢?而佢呢套微電影亦都嚟到最後一集,睇埋就啱啱好開機打,妥晒!咁多集嚟講,今集可以話係最好睇,除咗有飛車場面之外,仲有特技做後幾好嘅打鬥場面,o依家要專心做嘢?唔緊要,食飯睇。

Read more ›

必入毒物 Enterbay米高佐敦12月推出

必入毒物 Enterbay米高佐敦12月推出

之前出嗰隻Kobe口碑都好好,所以嚟緊12月推出嘅1/6籃球之神Michael Jordan真係令籃球迷超期待,就算冇玩開12吋嘅個身都痕過俾蟻咬!先前已經出咗個頭,兼事先張揚會陸續出四個版本(最少),好!終於有全相睇!衫褲鞋都好得,最正係鞋款除咗AJ 11代之外,仲有兩代跟俾你,買齊四款,咪可以儲齊1-14代囉!呢招夠晒狠毒!仲話遲啲會有專屬NBA籃球架推出,MJ迷真係儲定錢都得。最後,提提有興趣嘅玩家,EB不設預訂買單,出貨前一星期倒會有消息,留意我哋嘅跟進報導啦!因為,我都要去搶呀!

Read more ›
遊戲流程遊戲圖 PS Vita/PSP《AKB1/149 恋愛総選挙》

遊戲流程遊戲圖 PS Vita/PSP《AKB1/149 恋愛総選挙》

未日之前你最想做咩?我想談戀愛,同AKB成員談,唔好妖住,你都做得到,因為PS Vita/PSP遊戲《AKB1/149 恋愛総選挙》趕得切喺12月20日推出,未計偷跑都有一日玩呢隻稱為「究極の恋愛妄想」嘅遊戲!今次就公開遊戲流程遊戲畫面,嚟啦!

Read more ›
新片速報《第二次超級機械人大戰OG》遊戲片段第1話

新片速報《第二次超級機械人大戰OG》遊戲片段第1話

PS3《第二次超級機械人大戰OG》喺11月29日推出,之前都好多PV、CM公佈咗,戰鬥畫面、必殺技特寫都睇過,但整個戰鬥流程呢?呢段就係喇,由行旗到用精神再攻擊都睇到,預先可以體驗煲機時嘅感覺。呢條先係第1話,即係有第2、3、4話或者5話,不過,我建議大家唔好睇晒咁多,因為遲啲你大把機會睇,一關起碼打兩次啦。

Read more ›
《第二次超級機械人大戰OG》合體攻擊 熱血新圖

《第二次超級機械人大戰OG》合體攻擊 熱血新圖

11月29日推出嘅《第二次超級機械人大戰OG》,係PS3第一隻機戰,對上一代機迷嚟講吸引力有幾大?搞到我有個本來淡出家用機壇嘅資深機迷,喺上個星期買番部PS3番屋企!啱啱又有新圖發佈,就係遊戲裏頭嘅合體攻擊場面,都係氣勢同熱血並重。另外,亦有新敵人登場。遊戲普通版售價8,379円,限定版『COMPLETE BD BOX』連廿隻藍光賣41,790円,勁。

Read more ›