fbpx

Author: 爆炸哥

免費即玩 Fans自製《Rockman》Flash遊戲

免費即玩 Fans自製《Rockman》Flash遊戲

食飽飯又未想開工住,真係上吓facebook再上網睇吓嘢先,咁就啱喇,不如入呢個網打舖機先!懷舊《Rockman》洛克人遊戲,有得跳有得射有得爆氣有得儲炮攻擊,一開即玩唔嘥時間,完成度幾高,仲有boss打添!老細行埋嚟咪熄咗佢先,行開又再玩過,吹咩?另外,日本《Fami通》都有新Rockman手機遊戲情報,社交遊戲卡玩法,香港gamer應該冇乜興趣。

Read more ›

新片速報提提你 後日玩《紙箱戰機 W》

新片速報提提你 後日玩《紙箱戰機 W》

由LEVEL 5開發嘅PS Vita/PSP動作RPG遊戲《紙箱戰機 W(ダンボール戦機 W)》先前延咗期,不過後日(18日)終於推出!喺推出前呢幾日,官方都發佈咗一條新片提提你去俾錢,動畫戰鬥連線玩法都唔差,仲有熱血嘅雙男主角聯手拯救地球嘅故事襯底!PSP同PS Vita嘅遊戲售價一樣都係4,980日元,下載版則4,480日元。其實我已經有game到手,不過想問問,有冇人有興趣睇呢隻嘅開機試玩?如果有,我今晚拍,隨便吩咐。

Read more ›
Compile Heart新作 官網開張 登陸PS Vita

Compile Heart新作 官網開張 登陸PS Vita

RPG加美少女主角加惡搞原素,就係《神次元戰機少女》嘅成功之處。開發商Compile Heart啱啱又發佈咗為PS Vita開發新作嘅消息,唔係神次元移植版,而係名為《限界凸騎 Monster Monpiece(限界凸騎 モンスターモンピース)》嘅遊戲,消息唔多,只係講咗會有超過50個插畫家參與製作、吉祥物係海狗,同埋係角色扮演動作遊戲。詳情會喺10月25日《電擊Playstation》首發,而且官網已經開張,睇到張圖,我諗係我鍾意嘅類型……

Read more ›
新片速報 《Silent Hill》山迷24分鐘微電影

新片速報 《Silent Hill》山迷24分鐘微電影

人哋套戲《Silent Hill: Revelation》今個月都上映喇,但近排都仲有套免費睇嘅fans film推出,就係Jay Ness、Lon Lon Studios Production製作嘅同人片《Silent Hill: Anniversary》。製作又係超認真,有特技有炒車,遊戲中著名角色女護士都會登場,而且仲忠於原著咁好身材,我好欣賞。仲有,睇完你就知,其實呢套係一個可歌可泣嘅愛情故事。

Read more ›
本周試玩 《PlayStation All-Stars Battle Royale》

本周試玩 《PlayStation All-Stars Battle Royale》

唔講真係唔記得,原來PS今年嘅大作《PlayStation All-Stars Battle Royale》喺10月23日就推出喇。呢隻PS3/PS Vita大亂鬥動作遊戲,仲會喺今個星期喺美國(16日)、歐洲(17日)推出試玩版俾PS Plus會員下載,至於其他普通會員,下星期就可以下載。遊戲可以用Kratos、Sweet Tooth、Colonel Radec、Sly Cooper、PaRappa同Fat Princess,有兩個舞台,2打2。咦?下星期隻game咪出咗囉?多謝你俾我試玩呀!

Read more ›
新片速報 《Call of Duty:Black Ops 2》又嚟喪mode

新片速報 《Call of Duty:Black Ops 2》又嚟喪mode

唔知係咪時近萬聖節,繼續都係喪屍料,Activision喺11月13日推出嘅PS3/Xbox360/PC/Wii U(歐版跟機出)《Call of Duty:Black Ops 2》,之前已經有段喪屍模式片發佈,絕對係血淋淋發洩妙品。啱啱呢段片,仲話俾大家聽記得周圍執吓嘢,隨時會有寶物,例如呢個用木條整嘅喪屍盾……最衰睇唔到撞埋喪屍度之後會變成點。

Read more ›

《人中之龍 5》回復體力飲品 居酒屋有得飲

《人中之龍 5》回復體力飲品 居酒屋有得飲

      12月6日推出嘅PS3《人中之龍 5 (龍が如く5 夢、叶えし者)》又有新搞作!喺遊戲內,去到札幌・月見野或者名古屋・錦栄町嘅「居酒屋はなこ」,就可以飲到回復體力嘅飲品。咁現實中嘅「居酒屋はなこ」又點可以冇?由11月1日開始,全國嘅「居酒屋はなこ」都會有以下三款特飲推出,當然,香港係冇嘅,去開日本都唔會特登去飲杯嘢啦,又唔係咩特別!咁……大家都明我出呢段news嘅苦心啩?

Read more ›
新片速報 JORDAN CP3.VI短片唔識郁

新片速報 JORDAN CP3.VI短片唔識郁

雖然唔係好關遊戲動漫事,但我見到本地小說作家喬靖夫facebook分享咗呢條片,我又忍唔住想借嚟share吓。JORDAN CP3.VI籃球鞋最新宣傳片,搵嚟好多個Chris Paul,好多個籃球同好多人拍咗段唔郁嘅短片《Cut Through L.A.》,唔郁嘅片有幾好睇?睇過就知。

Read more ›
PS Vita《鍊金術士托托莉Plus~アーランドの錬金術士2~》初回小惡魔泳裝

PS Vita《鍊金術士托托莉Plus~アーランドの錬金術士2~》初回小惡魔泳裝

GUST旗下PS3嘅RPG遊戲將會喺11月29日推出PS Vita移植版《鍊金術士托托莉Plus~アーランドの錬金術士2~》,,啱啱官方就有新情報發放。新畫面睇到PS Vita版會加入新敵人同新下載內容外,仲有服飾嘅調配,同埋初回特典嘅天使與惡魔泳裝,萌到飛街。

Read more ›
新片速報 《三國無雙》新作玩倒數

新片速報 《三國無雙》新作玩倒數

又係三國,又係無雙,又係玩倒數……Tecmo Koei嘅無雙製作團隊ω-Force啱啱開咗個倒數網,11月1日公佈有咩睇,不過睇嚟,又係同條新片有關,睇完都可以肯定係三國新作……我知,之後又出猛將傳、Empires乜乜物物版吖嘛,老老實實,我真係悶到有啲想嘔。

Read more ›
新片速報 《NARUTO 疾風傳:Ultimate Ninja Storm 3》第三段PV

新片速報 《NARUTO 疾風傳:Ultimate Ninja Storm 3》第三段PV

Namco Bandai喺下年春天推出、CyberConnect 2開發嘅PS3/Xbox 360《NARUTO 疾風傳:Ultimate Ninja Storm 3(NARUTO-ナルト- 疾風伝 ナルティメットストーム3)》,啱啱官網就有第三段PV發佈,新嘢就唔算多,係最後有我愛羅嘅忍連合軍集結完畢同埋展示「第四次忍界大戰」畫面!另外,外國網站IGN亦有 New York Comic-Con實機試玩片發佈,入面有link睇。

Read more ›

新片打孖《魔域戰士》合隻 新作齊發佈

新片打孖《魔域戰士》合隻 新作齊發佈

前日(11日)喺紐約舉行嘅New York Comic-Con,Capcom都搞咗個發佈會,主力就係《魔域戰士》,即係你細個落機舖打,又吸血殭屍又木乃衣又小紅帽嗰隻格鬥遊戲呀!首先就係第一次曝光嘅新作影片,名為《Darkstalkers Are Not Dead》,裏面有搖滾喪屍Zabel出場,仲有唔少得男主角Demitri!另外,官方亦決定推出1、2集合版,加入啲啲新原素,即睇新片!

Read more ›
新片速報「DIE HARD 5」新預告片  型到無女友

新片速報「DIE HARD 5」新預告片 型到無女友

下年2月14日我唔會約女朋友,因為我暫時都未有,更重要係呢日係男人嘅Good Day,我已經約咗布斯韋利士。呢個約會係喺我啱啱睇完「The Good Day Die Hard」(虎膽龍威5 ) 條新Trailer之後決定嘅。今集繼續講主角喺莫斯科同恐佈分子博老命,一句講晒,型到無朋友。呢啲生死關頭兒女私情梗係要放低啦。不過咁,如果果日有女仔約我我都會認真考慮嘅,不過只限睇戲囉。

Read more ›
自爆!任天堂官網拆解Wii U

自爆!任天堂官網拆解Wii U

唓,又係啲網將部機拆開影堆相嗰啲報導吓嘛?我開頭都以為係,但其實呢個係官網!任天堂自爆拆解即將推出嘅Wii U內部,而且仲請嚟幾位技術人員一邊拆一邊講解裏面係點結構,同舊機Wii有咩分別。成幾頁英文,如果你真係咁有興趣知道你屋企部機裏頭係啲咩,可以入條link度睇睇。可能睇完你可以落鴨記,執齊啲料,自己砌部Wii U出嚟,咁咪冇分區碼囉?不過冇保養。

Read more ›
現實與幻想 強國獵奇動漫蛋糕

現實與幻想 強國獵奇動漫蛋糕

其實我明,佢哋係有苦衷嘅,如果整得太似,係會有侵犯版權嘅問題。所以,天涯網就有人post咗一系列嚟自強國、令人無奈嘅藝術品。雖然現實同佢俾客睇嘅樣辦唔同,亦都唔似原著人物,但如果我收到,肯定會笑到gap gap聲,生日快樂。

Read more ›