《動物森友會》近日超多人玩，當中應該亦有不少名人玩？呢位Fans就喺Twitter出圖出片，話佢個島因為大頭菜價格夠高，竟然吸引到《魔戒 The Lord of the Rings》演員「佛羅多」Elijah Wood要求探訪！而且去到佢仲好有禮貌好nice，仲傾吓偈，講到佢哋都鍾意嘅《Star Wars: The Last Jedi》導演Rian Johnson，最後仲引埋Rian Johnson喺Twitter出圖！成件事好夢幻！如果有名人探訪你個島，你最想係邊個？

越熟越性感嘅深田恭子已經37歲啦，不過越戰越勇喎，嚟緊5月13日又會推出新寫真《Brand new me》。咁今日(23日)發售嘅《週刊ヤングジャンプ》21號，佢就上咗封面宣傳。最後當然就係回帶佢近年嘅寫真啦。

【本周預訂新貨】Tiny合金車仔系列，B8L巴士($80)。當中平治Antos汽車運輸車($495)比例仲係1/64。最後仲有Scania消防處泵車($152)。

如果早前因為冇Switch而冇玩到Switch/Steam版《ドラえもん のび太の牧場物語》嘅PS4機主，有好消息，因為據最新一期嘅《Fami通》嘅消息，就係呢隻遊戲會喺7月30日發售PS4版。到時預定會同步免費更新各版本，仲會加入比主線多達5倍嘅支線任務加入！辛苦你喇大雄！

香港機迷可能好耐都冇入機舖，甚至冇見過正常嘅非「賭場」機舖喇？日本呢，都有唔少街機機舖，所以當大家都留家抗疫，可能有機迷會好懷念機舖嘅聲音……於是，岩手縣呢間機舖Techno World早前就直播咗4小時機舖背景音放上網，希望大家開咗喺度倍感親切，人都精神啲！講真，依家聽到呢啲聲，都有種好懷念嘅感覺呀，如果你經歷過日日落機舖嘅日子，留意，係落，即係落街就有機舖嘅日子……

又有新嘢，記唔記得《千與千尋》「鍋爐爺爺」嗰度啲煤炭屎鬼搬星星一幕？有人就喺《あつまれどうぶつの森》用特別方面還原，就係將圖案整喺地，之後再放星星碎片上去……其他人喺入面玩嘅吉卜力元素，之後仲發現，原來外國都有玩家咁玩！

早幾日先報完，有人對比番《Evangelion》監督庵野秀明親筆信，話舊TV版入面「葛城美里」嗰張福利照片上面嘅字跡，其實都係出自庵野秀明之手，令好多人幻想破滅！啱啱官方Twitter仲有嘢講，又原來新劇場版呢個「Evangelion」字，都係庵野秀明親筆寫！

日本動漫改編荷里活真人版電影，聽見都驚呀呵？不過人類總希望自己下次唔會犯錯，所以又有新嘢啦。今朝傳出消息就係Sony會開拍《One Punch Man》真人版電影，會由《Venom》寫劇本嘅Scott Rosenberg、Jeff Pinkner負責，Avi Arad監製。之後漫畫原作者ONE都喺Twitter確認拍真人版電影呢個消息……如果搵光頭洋人做主角，邊個好呢？有日本網民俾咗啲提議……

電話用嘅紅外線熱能感應鏡頭有咩用？原來好有用，而且係日常都用到。有日本網民去超市買即食炸薯餅，就用咗呢個鏡頭睇吓邊件係新鮮熱辣，果然俾佢發現其中兩件係比較熱嘅……

到底咩人會買一盒龍蝦模型返屋企砌？砌完又會諗到將佢同一隻戰蟹合體？日本有人就咁做，呢個生化機械混合體，令唔少網民諗起其他作品出現過嘅怪物。

可能你都試過，打緊機咩都唔理，女朋友或阿媽叫你做咩都聽唔到……不過都唔會夠呢班高達駕駛員專心，影片中見到機舖有個位出煙，警鐘又響緊，但鏡頭一轉，駕駛員繼續專心作戰……

之前已經有報道，指日本京都旅遊點好少遊客，唔只少咗中國嗰班，日本遊客都少咗，有好多日本人仲因為酒店有中國人住而取消booking。Twitter就啱啱有網民出圖出價錢，表示京都酒店價錢的確大減。其實我哋有同事都準備下星期出發去京都，發現喺訂酒店平台消取booking再訂同一間酒店價錢都平咗一半，不過到底出唔出發好呢？

曾幾何時，香港都玩到大型街機，好似呢隻《機動戦士ガンダム 戦場の絆》咁，滿足唔少新類型人嘅幻想。喺香港好難搵到冇老虎機有機打嘅機舖時，今日(8日)喺幕張舉行嘅「JAEPO2020」就宣佈製作《機動戦士ガンダム 戦場の絆II》！

講到Cos《龍珠Z》「人造人18號」，念念不忘都係DJ Soda啦，不過講到好打，呢位應該先係。20歲嘅平田樹係日本MMA選手，打職業賽贏咗兩場，啱啱佢就變身「人造人18號」，準備去印尼Jakarta打下一場比賽……唔知佢男朋友係咪光頭？

「傳說巨神」只係排第2，而「超天元突破グレンラガン」就係第3，咁第1到底係邊隻機械人呢？我諗好難估得到，但見到結果之後，諗諗吓又覺得係喎！