Articles by: 尉遲一

網圖分享:白冰的超萌Q版Super Heros
by / on 22/05/2018 at 5:30 pm

網圖分享:白冰的超萌Q版Super Heros

唔係第一次分享白冰嘅插畫,今次佢又獻新猷,畫N咁多個超級英雄,畫風繼續玩Q版化,暫時只畫咗黑寡婦、蜘蛛俠、鐵甲奇俠、雷神、美國隊長、Thanos等人。講番先,未齊人嘅,事關佢喺面書登埋張草稿圖,再畫落去應該會有一幅大堆頭群角圖,熱切期待。白冰,千其唔好中途放棄呀,睇好你呀,掌聲鼓勵。

Read more ›

「獅子山羊」出Tee 出齊十二星座
by / on 22/05/2018 at 4:32 pm

「獅子山羊」出Tee 出齊十二星座

由阿傑多同葉明發扯頭纜嘅「獅子山羊」又有新點子,今次係出Tee,黑底,前幅有大大幅靚畫,後面有個小Logo,雖然講明「coming soon」,暫時只睇到嘅係相而非實物,但整體感覺係型嘅,絕對著得出街唔會嬲嗰隻。阿傑多透露如果搞得成,會出齊十二星座,一套十二件,又係值得珍藏喎,不過唔知賣幾錢呢?

Read more ›
《古惑仔》巨星之戰競猜遊戲 估洪興同三聯五比五平手收場
by / on 21/05/2018 at 10:30 pm

《古惑仔》巨星之戰競猜遊戲 估洪興同三聯五比五平手收場

《古惑仔》三聯對洪興嘅巨星之戰正式開打,男一陳浩南戰牛姑,一開波牛姑就處於劣勢。為煲大呢壇大戰,牛佬搞咗個「巨星之戰競猜遊戲」,邊個估中十場對戰勝出者,即送「得奬者本人與陳浩南一起的彩畫一張」,獨一無二親筆畫,正呀喂,截止日期5月27日午夜12時正。我呢,就咁估,頭場陳浩南險勝、第二場李成克慘勝、第三場何小海勝迪文死、第四場甘尚武大勝、第五場北正恩使詐勝、第六場加藤二勝小馬死、第七場郭秀青勝、第八場立花正仁勝天川秀死、第九場佐維極速勝、第十場大梵完勝亞披勒死,結果係五比五打成平手,廃後輪到金尊貴出場執死雞,唔知估唔估得中呢?

Read more ›
有片:韓國電視版《街頭霸王》 印度佬變和尚/蘇聯佬變肥仔
by / on 21/05/2018 at 10:00 pm

有片:韓國電視版《街頭霸王》 印度佬變和尚/蘇聯佬變肥仔

呢條舊片畫質係差咗啲,但無阻我由頭睇到尾嘅興致,皆因此乃韓國真人電視版《街頭霸王》也,搞笑程度達十粒星。成條片都係角色們因應招式走出嚟嗌兩嘢、紮個馬、踢吓腳、推吓手、轉吓圈、打個觔斗咁,即係角色簡介囉。至於造型咯喎,春麗應該尚算OK標緻嘅,Ryu都應該幾靚仔……但Ken個假髮實在太假,亦唔知點解印度佬會變咗少林和尚,軍佬又太過肉騰騰,蘇聯佬變咗肥仔腹肌六合一……總之就唔多掂,純粹有啖笑咁喇。

Read more ›
文嘉宏《退魔傳》第二輯 5月23日見街
by / on 21/05/2018 at 9:30 pm

文嘉宏《退魔傳》第二輯 5月23日見街

文嘉宏《退魔傳》,出過實體書,無記錯的話我肯肯定有課金捧場,但年代實在太久遠了,故事講乜已經唔記得。Anyway,新一輯《退魔傳》鐵定5月23日重啟,喺文嘉宏面書裡面連載,大家記得多多支持,畀個Like呀。

Read more ›
「香港似顏繪」出《世界盃筆記簿》 每本$168送海報
by / on 18/05/2018 at 9:04 pm

「香港似顏繪」出《世界盃筆記簿》 每本$168送海報

我不嬲有追開面書專頁「香港似顏繪Hong Kong Caricature」,好Like佢哋畫嘅誇張搞笑畫風球星,而呢批球星,將會出現喺佢哋推出嘅《世界盃筆記簿》封面,一套15款任君選擇,每本$168。聽日首賣,買一本即送A4海報一張,買齊15本送A2大海報1張,兼……呢個正呀喂,即場幫你喺筆記簿畫番個獨一無二嘅似顏繪,係咪開心先?

Read more ›

有片:曉飛嘅凳你見過未?
by / on 18/05/2018 at 8:45 pm

有片:曉飛嘅凳你見過未?

如果話你聽,呢個世界有曉飛嘅凳,你信唔信?我本來都唔信,睇完呢條片不得不信。無睇錯的話,凳係有一定重量嘅實木四腳凳,用實木凳佢做機體,之後用卡板添對翼,前面加螺旋槳,最後整多四個轆,左砌右砌,最後真係砌到一架曉飛嘅遙控機,仲飛得好高好遠添,厲害。

Read more ›
如果《火鳳燎原》出廁紙 你撐唔撐?
by / on 18/05/2018 at 3:41 pm

如果《火鳳燎原》出廁紙 你撐唔撐?

係喎,時間過得好快,家陣已經係5月中,講吓講吓又就快書展。面書專頁「火鳳燎原」剛剛出Post,話惆悵緊唔知今年出乜精品好,原因係「《火鳳》讀者群年齡層比較大,所以精品種類唔可以太年輕化,加上佢哋有一定嘅消費力,又鍾意實際,所以每次都要搞盡腦汁去諗特別嘢」云云,之後反問讀者:「如果今年出司馬防次子廁紙同孫堅次子廁紙,有無得諗?」仲登咗張惡搞相出嚟畀大家睇睇辦。係呢,大家又想買乜精品?有乜好意見不妨PM佢哋喎。

Read more ›
阿林書房開倉 港日漫+精品$5有交易
by / on 17/05/2018 at 8:45 pm

阿林書房開倉 港日漫+精品$5有交易

嚟緊周六有開倉,放心,唔係叫你去逼銅鑼灣迫Sogo,係「阿林書房」搞周末小市集,港漫、日漫、小說、套裝、散書同精品等等,最低$5有交易。寶自己尋,總搵到心頭好,記得自備膠物袋同手推車仔,為環保出一分力呀老友。

Read more ›
Pen So《本土回憶:過去的我》不日推出 推新專頁「Pen So Case」
by / on 17/05/2018 at 7:45 pm

Pen So《本土回憶:過去的我》不日推出 推新專頁「Pen So Case」

先來個預告,Pen So嚟緊將會有新作《本土回憶:過去的我》,屬漫畫插圖集,預計2018年書展後推出。另外,佢有個新面書專頁「Pen So Case」,內裡分享咗啲加咗顏色嘅本地地標畫作,如油麻地美都冰室、老尖半島酒店、獅子山下、電車蹤跡等等,當中我最鍾意高街鬼屋嗰張,好有氣氛,大家幫吓手,給個「讚」唔該。

Read more ›
網圖分享:當超級英雄V手賣萌
by / on 17/05/2018 at 9:30 am

網圖分享:當超級英雄V手賣萌

好Like面書專頁「SpiderWee」呢系列超級英雄畫作,個個都港女V手式自拍賣萌呀喂,仲有心心添呀,一改打生打死嘅威風澟澟形象,攞嚟做Wallpaper,真真唔錯。

Read more ›

網圖分享:《龍珠》角色剪影畫
by / on 17/05/2018 at 9:00 am

網圖分享:《龍珠》角色剪影畫

《龍珠》角色一向多人畫,乜風格畫作都見過,但用角色半身剪影托地嚟襯托番主體個剪影,顏色又用得如此出神入化,卻實屬超吸眼球之作。呢幾幅畫出自面書專頁「Dragon Ball Z Exclusive」,值得畀Like。

Read more ›
邱福龍元祖版《鐵將縱橫》6月出版
by / on 16/05/2018 at 6:00 pm

邱福龍元祖版《鐵將縱橫》6月出版

之前講過邱福龍會復刻元祖版《鐵將縱橫》,家陣有進一步消息,全17册,一書雙封面,邱福龍會重新繪畫封面加埋元祖版封面,快嘞,6月推出,價錢未知,不過賣幾錢都要撐,因為可以買番回憶,係咪咁講先?

Read more ›
迷你短片〈鬼鞋〉 《怪異集》改編網劇有得睇
by / on 16/05/2018 at 4:30 pm

迷你短片〈鬼鞋〉 《怪異集》改編網劇有得睇

講咗N年嘅《怪異集》改編網劇,終於有一條超超超迷你短片〈鬼鞋〉推出,話超超超迷你,皆因只得2分55秒。成條片無乜對白,故事亦好簡單,有一兩個位都做到驚嚇效果,睇到我O一O嘴,倒抽一口涼氣。不過呢,畫面實在太黑,好難睇得清楚,連Cap圖都難,要改進。另,飾演買鞋嗰個女仔Denice Lio,我覺得好靚女吓。

Read more ›
阿傑多送小海報 推介面書專頁「獅子山羊」
by / on 16/05/2018 at 3:00 pm

阿傑多送小海報 推介面書專頁「獅子山羊」

開心!有嘢派呀!阿傑多剛出席咗深圳文化博覽會,兼特別印製咗介紹自家作品嘅小海報,有興趣嘅話,可以PM佢預留一張。大家可以望相,張小海報製作好精美吓,一啲都唔求其,好值得收藏。睇過佢面書啲留言,想擁有海報者眾,暫時亦未見佢話派晒,咁當然,有來有往,大家都支持吓佢個面書專頁「獅子山羊」,畀個Like喇唔該。

Read more ›