Articles by: 尉遲一

網圖分享:Park JunKyu的裝甲少女戰士
by / on 11/10/2018 at 10:15 pm

網圖分享:Park JunKyu的裝甲少女戰士

好靚,是日推介韓國插畫師Park JunKyu,佢有個「裝甲少女戰士」系列畫作,幅幅都係精品。個人認為最正係二創《Street Fighter》Cammy嗰幅,對機械腿設計到好似著咗高跟鞋咁,好有心思。

Read more ›

父女檔上陣 張君豪推出《進擊吧!馨雅‧爸爸》
by / on 11/10/2018 at 10:00 pm

父女檔上陣 張君豪推出《進擊吧!馨雅‧爸爸》

剛剛推出《港漫景搜》嘅張君豪兄,喺面書透露打算推出一個短篇,收錄喺一本綜合漫畫之內,而短篇名字好鬼正斗,叫《進擊吧!馨雅‧爸爸》。「馨雅」者,張君豪兄寶貝千金是也,佢成日喺面書Post愛女相片,我有跟足,誇張啲講,感覺就好似睇住佢大咁,估計係Sell父女日常嘅溫馨小品,所以我是十分期待的。

Read more ›
台灣啦啦隊員峮峮 「兄弟」兩字掛心口
by / on 11/10/2018 at 9:21 pm

台灣啦啦隊員峮峮 「兄弟」兩字掛心口

呢位台灣靚女叫峮峮,呢期爆紅,全因心口……「兄弟」兩字掛兩邊,話說佢係台灣中信兄弟捧球隊旗下啦啦隊Passion Sisters隊員,喺一場主場迎戰Lamigo桃猿嘅賽事中,自High彈來彈去跳舞,仲笑得好甜,係見到都令人感到好開心嗰種甜。爆紅合理吖,靚女幾時都吸睛,身材好嘅靚女兼肯跳嘅靚女,當然吸睛+1啦。

Read more ›
戇男出Tee你撐唔撐?
by / on 10/10/2018 at 5:15 pm

戇男出Tee你撐唔撐?

好得很,就係鍾意戇男夠坦白,話說佢打算出Tee,剛剛喺面書留言曰:「2019出貨!訂購幾多做幾多,售價貴就做得靚……所以未定價!我肯定花錢玩包裝!」訂購額多啲出嚟件Tee質素就好啲,嗯……咁大家識做喇。幫手開心Share呢個訊息,等多啲Fans支持戇男喇。

Read more ›
中國Coser銘銘扮高達 細有細嘅好
by / on 10/10/2018 at 4:32 pm

中國Coser銘銘扮高達 細有細嘅好

是日推介中國Coser銘銘,輯輯相都好吸睛,尤以Cos高達嗰幾張相最吸引我眼球。縱然係平,但露出度高,貧乳一樣可以性感無極限。大固然令人睇到噴血,查實細亦一樣有細嘅好,嗯……我係講年紀呀,你諗咗去邊。

Read more ›
浮世繪刺繡襟章 文青啱用
by / on 09/10/2018 at 9:00 pm

浮世繪刺繡襟章 文青啱用

幾鍾意呢系列刺繡襟章,圖案來自葛飾北齋同東洲齋寫樂等日本浮世繪經典畫作,個Feel文青得嚟顏色又夠搶眼,每個$190,齋儲唔用都抵。

Read more ›

鼓勵廣東話 Kit Man送「日常毛巾」
by / on 09/10/2018 at 8:30 pm

鼓勵廣東話 Kit Man送「日常毛巾」

鍾唔鍾意Kit Man勁揪體?我Like,仲好Like,所以都好想得到呢條「為咗記錄呢啲廢得嚟好L重要嘅生活部份而設計」嘅「日常毛巾」。毛巾有兩行問話符號作留白,大家可以用廣東話幫手填埋佢,玩法係填香港人Including我你他常用嘅廣東話,填前五個字後四個字,邊個填得好,即送呢條28x99cm嘅毛巾。想要?動腦筋喇。

Read more ›
謝志榮派《鬼妝》 水墨畫真跡公諸同好
by / on 09/10/2018 at 7:13 pm

謝志榮派《鬼妝》 水墨畫真跡公諸同好

面書朋友仔謝志榮好勤力,花心力完成《鬼妝》嘅同時,仲可以經常喺面書Post水墨畫公諸同好,厲害呀。剛剛佢又喺面書Post咗一幅靚靚水墨畫嘞,我覺得係咁多幅之中最靚嘅一幅。而喺10月13日,佢會駐場「收藏家港漫專區」,向已訂購《鬼妝》嘅讀者派發新書,仲話會帶埋呢幅真跡上去添。有得睇原畫,又係開心啫。

Read more ›
梁瑋豪 x Kaiju One推出阿花公仔 「人間廢業」夠核突我鍾意
by / on 08/10/2018 at 10:15 pm

梁瑋豪 x Kaiju One推出阿花公仔 「人間廢業」夠核突我鍾意

呢鋪真係要撐一撐梁瑋豪,君不見坊間出親Figure,九成九都係Sell靚Sell萌,梁瑋豪卻反其道而行之,聯乘Kaiju One推Kaiju One「人間廢業」阿花公仔,夠創意!邊個係阿花?梗係如花喇,孖辮、鬚根、厚唇加五短身材著學校,真係核突到一個點……But,我鍾意!隨公仔附送書包同一隻撩鼻屎手,神髓出晒嚟喇喂。每個$500,有買趁手。留意番,第一彈係呢個阿花,第二彈仲有痴漢,一樣咁猥瑣,正呀喂。

Read more ›
台北偽娘Coser玥玥  可愛過真女仔
by / on 08/10/2018 at 10:00 pm

台北偽娘Coser玥玥 可愛過真女仔

「我是男的啦!」係,你無睇錯,我亦無寫錯,呢個喺台北嘅Coser叫玥玥,係佢喺自己facebook大聲疾呼,而且仲引嚟fans求婚,佢就話:「當然不行啊,我直男捏。」佢係男,但化身偽娘真係好可愛;變番男仔呢,亦一樣係花樣男子,厲害。

Read more ›
第十期《大災難師》出特別版 送豬仔師父限300套
by / on 08/10/2018 at 9:19 pm

第十期《大災難師》出特別版 送豬仔師父限300套

時間過得特別快,又係時間講拜拜,《大災難師》話咁快去到第十期完結。而作為創業第一炮,一鋒梗要搞番啲花臣好好紀念,就脆脆推出番個特別版咁喇。《大災難師》第十期特別版同普通版唔同封面,隨書附送豬仔師父一個,售$45,限300套。指定書屋有售,大家多多捧場。

Read more ›

林皮x東角打卡點 蘇飛變可愛巫婆
by / on 05/10/2018 at 8:15 pm

林皮x東角打卡點 蘇飛變可愛巫婆

屋企盒月餅都未食晒,唔覺唔覺又10月,Happy Halloween又嚟緊咯喂。大家如果行經 銅鑼灣東角,不難見到林皮創作嘅蘇飛已經變成可愛巫婆,有大大個飾板喺門口,主題係「神秘魔幻世界」,記得打卡支持吓。

Read more ›
Felix Ip唐樓機械人Postcard 市集限定
by / on 05/10/2018 at 7:30 pm

Felix Ip唐樓機械人Postcard 市集限定

聽日撐「格子巿集-香港三七面」,Felix Ip嘅唐樓機械人Postcard屬市集限定,已屬我必買Item之一。另,佢喺面書登咗清單,屆時會場有賣《Robox Sketchbook》、《香港感染‧旺角站》、《香港重機》同垃圾等舊作。睇啱嘅,記得捧場。

Read more ›
網圖分享:我愛明玉 來看崔成安的《延禧攻略》畫作
by / on 05/10/2018 at 6:18 pm

網圖分享:我愛明玉 來看崔成安的《延禧攻略》畫作

個個都煲《延禧攻略》,唔通個個都識得畫《延禧攻略》咩,除咗崔成安。佢喺面書登咗幅大作,話用咗意大利畫家莫蘭迪的用色風格。甚麼莫蘭迪風格,我才疏學淺,唔識,但畫到全劇裡面我最愛嘅明玉咁靚女,我就覺得goodest嘞。無錯,魏瓔珞都係靚女,但唔知點解,我都係覺得喺劇裡面用鉸剪自盡嘅明玉索好多。

Read more ›
DDED推出梳膠公仔 豎起中指嘅道歉神器
by / on 04/10/2018 at 11:00 pm

DDED推出梳膠公仔 豎起中指嘅道歉神器

DDED啲精品一向盞鬼搞笑,最新有呢個道歉神器「梳膠公仔」,說穿了不過係個關節曉郁兼豎起兩隻中指嘅地盤工人公仔,不過其四四方方造型、起晒角嘅手腳同衰衰格格嘅表情,又確實好討到人歡心。DDED拍埋宣傳片,教埋大家此公仔用法、擺姿勢方式,如何填埋甚麼「SOR9 to梳膠對象」、「Offended date得罪人日期」、「Reasons因下列原因」、「Please call嬲完請玫電」列表,尤其笑死我。佢話女友如果嬲咗你,可以送梳膠公仔哄番佢,我就強烈建議唔好,因為分分鐘火上加油搞到分手,都係買番屋企齋擺飾櫃穩陣。

Read more ›