Articles by: 尉遲一

《聖鬥士星矢》內褲 青銅聖衣系列登場
by / on 12/09/2018 at 9:30 pm

《聖鬥士星矢》內褲 青銅聖衣系列登場

都唔知第幾彈咯,《聖鬥士星矢》內褲出到青銅聖衣系列,天龍座、天馬座、鳳凰座、仙女座同白鳥座有齊,紫龍、星矢、一輝、瞬同冰河你鍾意邊款?各3024日圓。講明男女都啱著喎,不過話雖如此,但我唔會揀瞬囉,若真個著上身,硬係覺得唔知點咁。

Read more ›

有片:港產超合金黃金俠 Pose+拍片教變身
by / on 12/09/2018 at 8:51 pm

有片:港產超合金黃金俠 Pose+拍片教變身

港產玩具品牌「Pose+」個超合金黃金俠,聽講大受好評,又難怪嘅,雙腳可以做到咁修長但又收得入火機身,變身方法又可以咁精準刁鑽,係值得畀隻手指公嘅。有關方面喺面書專頁拍埋片,介紹機體有磁石機械心臟、高24cm、雙眼如何發紅光同組裝。睇完,我Feel到自己已經購買慾大增,唔知大家點睇?

Read more ›
張君豪畫集《香港景搜》 10月推出
by / on 10/09/2018 at 10:15 pm

張君豪畫集《香港景搜》 10月推出

Good,「螢點制作」搞作不斷,繼Tee之後,張君豪會喺10月推出畫集《香港景搜》,由Derek Woo負責美術設計,暫時未見內頁,只有封面止住癮。我追開君豪兄面書,但見佢久不久就會掟啲靚景畫上網,公諸同好,水準確實係高。呢本畫集,值得捧場。我呢,就貪心啲,佢面書啲畫作多數係黑白,如果畫集有彩色稿就更加好咯。

Read more ›
網圖分享:賀第二屆台灣漫畫節 港漫人的台灣美食神獸
by / on 10/09/2018 at 9:30 pm

網圖分享:賀第二屆台灣漫畫節 港漫人的台灣美食神獸

話說第二屆台灣漫畫節將會喺10月5日開皮,一眾港漫人紛紛獻畫賀之,主題係「台灣美食神獸錄」。曹志豪畫便當、Yas Cheng畫胡椒餅、尹泰利畫街頭小食、梁偉家小籠包等等畫作固然係靚,小甜健同Tin Hoi Leung筆下嘅神獸就直頭有啲Cult。有靚畫睇,絕對係好事吖。

Read more ›
門小雷x望月 出靚靚插畫宣傳月餅
by / on 10/09/2018 at 9:00 pm

門小雷x望月 出靚靚插畫宣傳月餅

門小雷同好多瓣聯乘,小塵埃喇、Clarins喇,家陣同「望月」合作,畫插畫幫手宣傳旗下月餅。佢喺面書留言曰:「成日都想試吓畫美食漫畫,今次同望月Wang Yue合作,終於有機會喇~佢哋嘅月餅太好味,所以都畫得好開心呀。」味道如何,未試過難下定論,但門小雷手畫呢,就有眼睇嘅都一定覺得正。

Read more ›
有片:超正!聶風火麒麟雕像開箱!
by / on 10/09/2018 at 8:22 pm

有片:超正!聶風火麒麟雕像開箱!

馬榮成喺面書透露,上年10月咁上下開始接受預訂嘅聶風火麒麟雕像,上星期已經開始派貨。家陣有開箱片睇,之前話嘅可拆眼罩普通頭、額頭有麒麟眼嘅入魔頭有找數;揮手刀、反手持刀等姿勢擺到好順滑;頭髮亦做到飄逸感覺,四肢比例唔錯;座下隻火麒麟亦做得好有氣勢,係唔知點解火麒麟身體唔做成火紅色,取而代之卻係類似鱷魚身體咁嘅顏色。整體嚟講,水準係好高嘅,一定吸睛,如果我可以擁有就好咯。

Read more ›

迷你二合一街機鎖匙扣 打《Pac-Man》+《Space Invaders》
by / on 06/09/2018 at 10:00 am

迷你二合一街機鎖匙扣 打《Pac-Man》+《Space Invaders》

造型夠Retro,呢部超超超迷你街機3.5吋、1.75闊、1.8吋深,Screen細個吋半,細到可以當鎖匙扣用,有Joystick有掣,真係可以打到機,而啲遊戲都好Retro,有八十年代嘅《Pac-Man》、《Ms. Pac-Man》同《Space Invaders》選擇。正在每個只賣19.99美金,抵玩喇。

Read more ›
有片:高手在廟街 陳笑洛的水墨異形
by / on 06/09/2018 at 9:00 am

有片:高手在廟街 陳笑洛的水墨異形

高手在民間,吖,精確啲,應該係高手在廟街。話說面書朋友仔陳笑洛有檔口喺老廟,早兩日示範咗一幅水墨異形。鬼佬嘢用中國水墨畫出嚟,效果竟然出奇地好,構圖有留白,輕輕有做番啲氣氛,我尤其鍾意異形嘅擺尾姿態,一句到尾,強呀。

Read more ›
米奇+馬學偉+葉偉青開班 教特撮畫風
by / on 05/09/2018 at 9:15 pm

米奇+馬學偉+葉偉青開班 教特撮畫風

又有港漫人開畫班喇,今次導師有馬學偉、米奇同葉偉青,主題係「特撮畫風」,教畫風同上色技巧,此所謂「畫風聚,著色技」也。張宣傳海報都已經靚到啪啪聲,到時有真人教學肯定更精采,手痕未?手痕就PM佢哋喇。

Read more ›
Wing Law中秋義賣 邱福龍贈親筆畫表揚
by / on 05/09/2018 at 8:45 pm

Wing Law中秋義賣 邱福龍贈親筆畫表揚

大好人Wing Law又做善事喇,嚟緊會喺「兄弟二手漫畫店」舉辦「關懷弱勢社群·同心同行愛心義賣」,港漫薄裝散書每本$10,日漫套裝漫畫每本$10起。一如以往,籌得善款會捐畀深水埗明哥,惠及基層。好事傳千里,Tommy、鄧達軒、林業慶同邱福龍都贈親筆畫畀Wing Law,以表讚揚,呢啲咪好人有好報囉,請大家多多支持喇喂。另,提埋大家,為環保出一分力,請自備手推車同環保購物袋。

Read more ›
Felix Ip《香港重機》報捷再版 封面玩轉色
by / on 05/09/2018 at 8:30 pm

Felix Ip《香港重機》報捷再版 封面玩轉色

. 恭喜Felix Ip,《香港重機》銷量報捷,「創造館」阿頭余兒喺面書話:「《香港重機》的庫存書已是0本,換言之:喺時候再版加推了!」書展過咗無耐,咁快就可要再版,厲害。咁再版咯,梗要玩吓嘢賀一賀,封面購圖不變,但會由第一版嘅銀色底色,變成再版嘅銅鐵色托底。我有買《香港重機》,有睇,真心覺得好睇,祝快快有再再再再再版嘅出現。

Read more ›

踩過界? 謝霆鋒 x Bape推出月曲奇禮盒!
by / on 05/09/2018 at 8:01 pm

踩過界? 謝霆鋒 x Bape推出月曲奇禮盒!

究竟係Chef Lemon定Bape踩過界?呢個問題我唔識答,我淨係知,就算我唔多好月餅,但都真心喜歡呢個謝霆鋒聯乘Bape推出嘅月曲奇禮盒……因為個盒著實係型,好唔好味都只係其次。But,聽講係無得公開發售,要喺某某專門店消費滿$5000先贈送……嗯,$5000,Wow,嗯嗯。

Read more ›
有片:Yeak Looi的靚畫是如何煉成的
by / on 04/09/2018 at 10:00 pm

有片:Yeak Looi的靚畫是如何煉成的

  又係呢個我好喜歡嘅面書朋友仔Yeak Looi,佢喺幾日前開咗個YouTube頻道「Yeak & Soon TWINS ART」,內有佢用iPad Pro創作《龍珠》畫作嘅過程短片,由零到起稿到畫線到著色到陰影到做氣氛到Last修飾,張張靚圖就是如此這般煉成了。支持吓,幫吓手Subscribe唔該。

Read more ›
鄭問《三國誌》x Speyside Region威士忌 周瑜上場
by / on 04/09/2018 at 9:15 pm

鄭問《三國誌》x Speyside Region威士忌 周瑜上場

  鄭問《三國誌》系列典藏威士忌嚟到第四彈,今次有周瑜Speyside Region 1988。周瑜,「既生瑜,何生亮」嘅周公謹呀喂。酒齡30年,酒精濃度50.9%,蒸餾年份1988年,限量256支。我唔多好酒,但酒標實在係靚,連個酒盒都係靚,如果有人送畀我,我會好開心的。

Read more ›
極惡‧麥當勞叔叔 超強Lego麥記角色人物Moc
by / on 04/09/2018 at 8:15 pm

極惡‧麥當勞叔叔 超強Lego麥記角色人物Moc

無聊瀏覽到面書專頁「你砌我又砌Lego Moc」,登時嘩嘩聲,事關內有用Lego砌出嘅「i’m brickin’it」麥記角色系列作品。麥當勞叔叔造型極惡,係面目猙獰隨時上擂台開拖咁款,而其他角色如漢堡神偷、小飛飛、滑嘟嘟等統統可以變身,之後又好似百獸王咁可以合體,變成極惡‧麥當勞叔叔嘅武器、座駕或護甲,型到啪啪聲。

Read more ›