Articles by: 尉遲一

網圖分享:中秋賀圖2018(二)
by / on 25/09/2018 at 12:48 am

網圖分享:中秋賀圖2018(二)

中秋節,人月兩團圓,好應開開心心嘅,所以賀圖陸續有來,好合理。本網站祝大家中秋節快樂,反正聽日唔使返工,玩夜啲,蒲多啲,食多啲,最緊要係笑多啲呀喂。

Read more ›

網圖分享:悼高錕
by / on 24/09/2018 at 11:58 pm

網圖分享:悼高錕

高錕(1933-2018)仙去,舉世沉痛,網友們出悼圖,大呼捨不得。說真,我哋好應該多謝佢,事關無呢個光纖之父,家陣你上網都無上得咁爽皮,打機都無打得咁暢快。高錕,一路好走喇。

Read more ›
網圖分享:中秋賀圖2018(一)
by / on 24/09/2018 at 7:01 pm

網圖分享:中秋賀圖2018(一)

今晚中秋節,大家有乜好節目?食月餅、玩燈籠、約班Friend蒲天光之前,不如睇埋以下中秋賀圖,當打定底,感受吓歡樂氣氛先喇。

Read more ›
小忌廉3D八達通配飾 9月26日7仔開售
by / on 19/09/2018 at 9:30 pm

小忌廉3D八達通配飾 9月26日7仔開售

實不相瞞,雖則我男人老狗,但《小忌廉》都勉強地算係我杯茶。笑我?細路仔時代鍾意睇卡通片吖嘛,睇得多就自然鍾意架喇,好出奇咩?更出奇嘅都有呀,就係我打算買小忌廉3D八達通配飾添呀,分兩款,包括璀燦星環版同甜美魔法版,各售$188,9月26日7仔開售。係……係唔敢帶出街用呀,買嚟儲唔得咩,仲打算買晒兩款添,哼哼。

Read more ›
張君豪《港漫景搜》 格子市集少量發售
by / on 19/09/2018 at 9:00 pm

張君豪《港漫景搜》 格子市集少量發售

跟進番先,之前介紹過嘅畫集《香港景搜》,張君豪兄已正名為《港漫景搜》;Then,如果你想買書又同我一樣都鍾意行市集的話,咁可以留意吓「格子巿集-香港三七面」,因為到時會有少量《港漫景搜》發售,可以先睹為快,報告完畢。

Read more ›
王澤出席《老夫子漫畫•形色萬千展》 簽名影相係時候
by / on 19/09/2018 at 8:28 pm

王澤出席《老夫子漫畫•形色萬千展》 簽名影相係時候

正呀喂,下周六有個《老夫子漫畫•形色萬千展》,唔使諗爆頭搵節目喇。屆時除咗有老夫子、大番薯、秦先生、老趙同陳小姐陪你一個晏晝,王澤都會出席開幕儀式,搵佢影相簽名係時候啦喂。

Read more ›

網圖分享:港漫人的血獸(二)
by / on 18/09/2018 at 10:15 pm

網圖分享:港漫人的血獸(二)

由於颱風關係,我係仲未睇《鐵血戰士:血獸進化》嘅,好衰唔衰一眾面書朋友仔繼續出血獸圖,畫得極靚,搞到我好心急想快啲入戲院睇……今個禮拜尾喇。

Read more ›
有片:激似!葉明發的隨筆Joker!
by / on 18/09/2018 at 9:30 pm

有片:激似!葉明發的隨筆Joker!

  無聊瀏覽面書,見到葉明發面書有以下留言:「第一次畫Joker,簡單隨筆都要半小時。」呢個Joker示範畫作,隨筆屬實,但一啲都唔簡單囉,畫得咁鬼死似,要畀咗手指公佢!

Read more ›
有片:男Coser扮不知火舞  超巨胸+巨蘿靠倒模
by / on 18/09/2018 at 9:00 pm

有片:男Coser扮不知火舞 超巨胸+巨蘿靠倒模

一街都係不知火舞Coser,悶唔悶呀?可以肯肯定答你唔會悶,唔信睇睇呢位居於澳洲嘅Coser A.K. Wirru……嗯,係咪好獵奇先?超巨胸搭巨蘿再配極粗象腿一雙,咦?男人嚟嘅,就係男人嚟,問你服未?有埋相片解構佢點樣自製巨胸同巨蘿,又倒模又剪裁又盛,衣服自己用車衣機車出嚟,好有心機的;又拍埋片練習不知火舞射摺扇動作,好專業的。

Read more ›
黃符遮三點 超性感殭濕子Figure
by / on 18/09/2018 at 8:30 pm

黃符遮三點 超性感殭濕子Figure

嘩,正呀喂,如果真係有咁索嘅殭屍,俾佢咬一啖又何妨。呢隻由「Strange Works」推出嘅殭濕子,名字已經好令人想入非非,遮住三點嘅黃符更加係神來之筆,身材如此誇啦啦,造型真係極性感。全身高22cm高,唔算好大隻,唔知買番屋企可唔可以辟邪兼保家宅平安呢?白模1690台幣,上色完成品3960台幣,唔貴,抵玩。

Read more ›
徐啟源《0分俠》網上連載 支持本地創作
by / on 13/09/2018 at 9:45 pm

徐啟源《0分俠》網上連載 支持本地創作

徐啟源有新網絡漫畫《0分俠》連載,第一回只得六格,古仔講除暴安良嘅0分俠,夢想成為香港英雄云云,暫時未知想表達乜,要畀啲耐性追落去。支持本地創作,希望大家關注吓。另,如可以,每回可唔可以畫多幾格?咁故事先可以推進得快啲,家陣實在太短咯。

Read more ›

網圖分享:港漫人的血獸
by / on 13/09/2018 at 9:30 pm

網圖分享:港漫人的血獸

《鐵血戰士:血獸進化》剛剛上映,我打算入戲院睇,但刻下未得閒睇,所以只好睇住邱福龍、米奇同Pen So嘅畫作止住咳先。

Read more ›
張國榮1:6人偶 重現《倩女幽魂》寧采臣風采
by / on 13/09/2018 at 9:05 pm

張國榮1:6人偶 重現《倩女幽魂》寧采臣風采

擒日張國榮生忌,面書洗版盡係哥哥影子,咁多套由哥哥擔正男一嘅電影,你最鍾意邊套?選擇困難症呢?正常,不過我估《倩女幽魂》一定榜上有名。呢個由人偶品牌Enterbay新推出嘅寧采臣1:6人偶2.0,我自己就非常喜歡嘞。頭雕堪稱神還原,衣飾造型同戲畫面嘅角色一模一樣,配件有手鈴、紙油畫、骨灰龕、竹背包同可以發光嘅燈籠等等,售$1788。點睇?啱睇囉。

Read more ›
要儲!《老夫子》「行街睇戲食飯幾味」郵票
by / on 12/09/2018 at 10:30 pm

要儲!《老夫子》「行街睇戲食飯幾味」郵票

我無集郵癮,但我愛《老夫子》,所以對呢套由香港郵政推出嘅《老夫子》郵票都幾有興趣。唔係求其畫架,有主題云「行街睇戲食飯幾味」,八個字,代表一套八款郵票,呢啲咪係香港人Including我你他嘅日常囉,份外有親切感。另有兩款郵票小型張,其中一款有王澤簽名與燙壓效果,加加埋埋都係三幾條草,抵玩喇。

Read more ›
有片:Pen So無聊試App 《香港災難》動起來了
by / on 12/09/2018 at 10:00 pm

有片:Pen So無聊試App 《香港災難》動起來了

有無撐Pen So《香港災難》?無的話,不如睇睇呢條Pen So因「無聊試App」製作嘅短短短短短片,話唔定你會想買番本嚟睇咁話。條片係將舊畫作變成動畫,原來原本靜止嘅海嘯呀、氾濫呀、死人塌樓呀、地震呀等等,一有Movement即時真實感強好多。唯一要挑剔嘅係,背景音樂唔夠慘,如果旋律再Dark啲,我諗效果會更效。

Read more ›