Articles by: 尉遲一

上官小寶《洪拳》復刻 每本廿皮仲有嘢送咁抵玩?
by / on 02/10/2018 at 8:26 pm

上官小寶《洪拳》復刻 每本廿皮仲有嘢送咁抵玩?

復刻停不了,上官小威又打算復刻上官小寶《洪拳》,仲登咗張標示「HK$20」嘅疑似漫畫書封面相。佢喺面書留言曰:「另外送上小寶當年在《喜報》所贈的『連環八腿』貼紙及懷舊粉卡……還有,還有,除了懷舊禮物,還有最新製作的李小龍磁力貼……」如果咁多嘢送都只不過賣廿皮,又真係好難唔撐。話時話,以前啲封面雖然構圖簡單,但大黃底襯綠藍紅字,男主角擺開拖架式置中,左右畫多隻飛鶴同老虎,虎鶴雙形乎?簡單得嚟又確係搶眼喎。

Read more ›

本地薑Coser顏值高 Arisa Chan性感得起
by / on 02/10/2018 at 8:12 pm

本地薑Coser顏值高 Arisa Chan性感得起

睇得日韓歐美Coser多,不如轉吓口味睇吓本地薑,Arisa Chan(小莎)來自香港,相片要賣萌有賣萌,要性感又性感得起,連最新嘅「庫巴姬」都有!

Read more ›
有片:掟扇加超必   男Coser拍片扮不知火舞
by / on 28/09/2018 at 9:30 pm

有片:掟扇加超必 男Coser拍片扮不知火舞

之前介紹過嘅男Coser A.K. Wirru,為扮不知火舞倒模假胸都未夠,睇嚟齋擺Pose影相已經滿足唔到佢,仲要拍埋片模仿遊戲裡面嘅不知火舞。跨步、掟扇、打觔斗、踎低出重腳等動作都做得幾似模似樣,睇片嗰陣記得聽埋聲,保證你睇得更投入。

Read more ›
睇住先 Pen So《本土回憶.過去的我》公開畫稿
by / on 28/09/2018 at 9:15 pm

睇住先 Pen So《本土回憶.過去的我》公開畫稿

嗯,又真係慢咗啲喎,Pen So係5月公開《本土回憶.過去的我》首張畫稿,去到早幾日先Post第二張,可唔可以快手啲呀?忽然叮一聲諗,兩張稿都係大橫度,究竟到時本實體畫集係乜嘢形狀?Anyway,佢喺面相咁留言:「有確實出版時間會再交代,向本身期待出版的朋友深表歉意,希望各位繼續耐心等待。」我期待架,家陣唯一可以做嘅係同你打氣喇,努加!加油!

Read more ›
網圖分享:極道畫師的《工作細胞》系列作
by / on 28/09/2018 at 8:46 pm

網圖分享:極道畫師的《工作細胞》系列作

是日推介極道畫師超強畫作,打開佢面書相簿,真係幅幅大作都靚到可以做Wallpaper。我認,除咗《工作細胞》、Iron Man、豪鬼同小丑女等等,其他日本動漫角色我真係唔多曉,但無損欣賞之心。信我,保證睇到你嘩嘩聲。

Read more ›
Image-1-43
by / on 28/09/2018 at 1:10 am

網圖分享:Man僧的《街頭霸王》系列作

又係靚到啪啪聲不得不Share之作,Man僧呢期好似好鍾意《街頭霸王》,一口氣畫咗蘇聯佬、印度佬、Ken、軍佬等等角色,咁畫得最靚就梗係春麗喇。Fine,我哋一齊畀多啲掌聲鼓勵佢,唔好停,一於畫晒所有角色為止。

Read more ›

一鋒《大災難師》 登陸「漫画人」apps
by / on 27/09/2018 at 11:00 am

一鋒《大災難師》 登陸「漫画人」apps

一鋒《大災難師》登陸apps「漫画人」,暫時連載到第二期。我有買開實體書,期期買足,家陣睇完apps有感。先讚,一,連專欄都有埋,好足本;二,顏色比實體書印出嚟更Sharp,畫面好靚。讚完要彈,一,我係老派人,對於碌手機睇漫畫始終唔慣,實體書有得儲有嘢揸手,感覺實在啲;二,本書本身好多字,依家用條漫方式睇更加辛苦,又要放大又要縮小,會窒住晒打亂晒睇書節奏。不過點都好,我係支持《大災難師》嘅,多個途徑畀其他人認識呢本港漫,係好事嚟嘅。

Read more ›
螢點制作Kwok Ho出Tee $280
by / on 27/09/2018 at 10:00 am

螢點制作Kwok Ho出Tee $280

差啲Miss咗,「螢點制作」推出嘅Tee都唔知第幾彈咯,總之就彈彈都係好嘢喇,今次有Kwok Ho嘅Fxxk Black Tee同God of the Elephant Tee,各售$280,一黑一白,任君選擇。支持本地創作,睇啱嘅,課金Please。

Read more ›
《山海逆戰》100期出特別版 每套$300限量要搶
by / on 27/09/2018 at 9:00 am

《山海逆戰》100期出特別版 每套$300限量要搶

唔覺唔覺,邱福龍《山海逆戰》原來出到差唔多100期。里程碑,梗要搞吓嘢紀念吓,整番個《山海逆戰》100期龍迷圓滿尊貴限量版,分A同B兩款,各限100套,各附獨立編號證每套$300。三舊水咁貴?睇清楚先唔該,包巨型3D立體勾徹千人陣海報、380mm x 580mm精美印刷海報、電鍍磨沙至尊金卡、全新繪畫封面之山海異獸狸力/白澤尊刊、異獸狸力/白澤紀念貼紙同親筆簽名證書。呢三舊水,抵畀喇。咁平少少都有嘅,有請《山海逆戰100期》紀念版,林業慶畫封面,一專刊一貼紙一3D立體明信片,限量300本,售$38。最緊要捧龍少場,豐儉由人喇。

Read more ›
T-dult《風雲》Tee別注色 聶風握冰藍色雪飲刀
by / on 26/09/2018 at 9:59 pm

T-dult《風雲》Tee別注色 聶風握冰藍色雪飲刀

留意番,9月26日即係今晚十點,T-dult推出嘅《風雲》、《今晚打喪屍》同《新著龍虎門》Tee會上架。《今晚打喪屍》同《新著龍虎門》Tee係舊款,家陣優惠價發售;至於聶風Print嗰件,就算係新嘅,事關係Based on之前風雲結局畫展推出嘅同一款,不過今次就將雪飲刀換上冰藍色,都OK型,值得入手。

Read more ›
周勝新作《醒獅》 邱福龍賀圖加持
by / on 26/09/2018 at 9:30 pm

周勝新作《醒獅》 邱福龍賀圖加持

久違了的周勝,有新作《醒獅》推出。故事講乜?只有以下短短簡介:「改編自舞劇、講述南拳與醒獅故事,以傳統港漫高質素方式製作,將香港漫畫風格特色輸出!發揚光大!延續港漫文化!」即係點?即係好老實要睇過先知點,不過一來有邱福龍賀圖加持,二來封面又畫得幾靚仔,三來「周勝」兩個字對我嚟講始終有號召力,所以如無意外都會撐一撐。《醒獅》有兩個版本,劇場版$98、普及版$40,限量500本,「至Goal Club」開售,有買趁手。

Read more ›

有片:DDED x LIFE Mart雜牌積木廢柴機械人大戰 幾廢有辦睇
by / on 26/09/2018 at 9:15 pm

有片:DDED x LIFE Mart雜牌積木廢柴機械人大戰 幾廢有辦睇

之前介紹過DDED會舉辦甚麼「雜牌積木廢柴機械人大戰」,心諗呢啲膠膠地玩意肯定笑到碌地,心郁郁已經想去;家陣佢出埋條片,好讓大家睇吓啲機械人可以膠到乜程度,真係隔住個Mon都笑得出。大戰規則詳細如下:先繳交「好平」參賽費,之後各參賽者均獲派一個摩打和大量雜牌積木作零件,再之後你有10分鐘時間Design獨一無二機械人,不過唔准上電測試,真正比賽時間一分鐘,輸家無投訴,勝出者即刻進入下一Round,期間唔准維修。規例唔Harsh,不過好考創意,到時應該會有餐笑。

Read more ›
網圖分享:第二屆台灣漫畫節賀圖
by / on 26/09/2018 at 8:34 pm

網圖分享:第二屆台灣漫畫節賀圖

雖則無機會親身參與10月5日舉辦嘅「第二屆台灣漫畫節」,但作為香港漫畫迷的你我他都可以透過靚畫感受吓氣氛。以下係澳門漫畫家同插畫師賀圖,主題係「台灣美食」,當中不乏高水準之作,慢慢欣賞。

Read more ›
《新著龍虎門》不思議事件 銘心爪變爆脊+白朗翻版Owen?
by / on 26/09/2018 at 6:59 pm

《新著龍虎門》不思議事件 銘心爪變爆脊+白朗翻版Owen?

初頭睇第958期《新著龍虎門》唔多覺,但翻Loop後隱隱然覺得唔妥。唔妥在,一,點解阿廣法堂白朗個造型咁熟口熟面嘅?活脫脫就係死鬼陳傲雲,斗膽講,其實唔只似,係直頭五官面相加髮型倒模而出,分別只在有無眼罩,求其咗啲喎;二,石黑龍咬住西狂唔放,埋尾一頁出刻骨爪破腕式加爆脊式,破腕無問題,但爆脊嗰招明明係打心口,明明係刻骨銘心爪,點解會咁嘅?唔通西狂咁奇妙的人體,背脊生喺前面?睇嚟編劇們要做多啲校對了。

Read more ›
中秋賀圖2018(三)
by / on 25/09/2018 at 3:28 pm

中秋賀圖2018(三)

係喇,無理由架嘛,講唔通架嘛,有乜理由邱福龍會唔出賀圖先,家陣終於等到喇。追月日,放假日,大家開開心心玩埋今日喇喂。

Read more ›