Articles by: 尉遲一

Felix Ip《香港重機》講座 買書送埋親筆畫
by / on 15/10/2018 at 9:30 am

Felix Ip《香港重機》講座 買書送埋親筆畫

信我,我買咗,兼睇咗,Felix Ip《香港重機》真係好正的。未買,又心郁郁想買的話;又或買咗,想搵Felix Ip簽名合照的話,呢個禮拜勞煩出老尖一趟。屆時Felix Ip會喺老尖誠品書店出現,開講座分享畫集創作過程,唔好同佢客氣,買完書屈Felix Ip畫親筆畫喇,佢份人勁Nice,九成九應承。

Read more ›

網圖分享:港漫人的《毒魔》
by / on 15/10/2018 at 9:00 am

網圖分享:港漫人的《毒魔》

未睇《毒魔》,無睇劇評,所以唔知套戲講乜,不過就好鍾意毒魔個造型,樣衰,但型,尤其條舌,揈揈吓真係好鬼正。講完,睇畫喇,不乏高質靚畫,慢慢欣賞。

Read more ›
《新著龍虎門》西狂死得無厘頭 四大教主之戰開打
by / on 12/10/2018 at 7:47 pm

《新著龍虎門》西狂死得無厘頭 四大教主之戰開打

睇完第961期《新著龍虎門》,唔知有無C-Hing同我一樣,覺得西狂裘百川死得好無厘頭?無厘頭之處有三,一,血影神功講到幾勁幾勁,點知連石黑龍嘅金鐘罩都打唔贏,初頭仲估佢至少同獵神者極樂魔僧、金神魔君同Grade,點知十期唔夠玩完,著實嘍囉咗啲;二,唔明南傑歐陽世傑為乜要趕盡殺絕,話晒之前都同一陣線打過天下無敵,墮四大奇隱威名好小事啫,斷估不至深仇大恨到要置西狂於死地啩?三,西狂仲戇居,東奇祈萬里明明話咗保持中立,兩不相幫,點解係都要將血煞三悔第三悔「玉石俱焚」打向東奇,而唔係打向南傑?咁同撩鬼攞命無乜分別。Anyway,下期四大教主之戰正式開皮,希望可以做番場好戲啦。

Read more ›
阮大勇x總廚推滋味醬 為商標Fans要儲
by / on 12/10/2018 at 9:00 am

阮大勇x總廚推滋味醬 為商標Fans要儲

阮大勇畫海報叻,畫人像一樣咁叻。話說因為一餐飯,佢同「葡匯咪走雞葡國餐廳」行政總廚Michael Franco一見如故,阮大勇愛上總廚撚手廚藝,Michael Franco對海報師畫藝亦一見傾心。吹多兩嘴,兩人一拍即合,阮大勇決定為總廚畫咗幅極像真肖像,仲打算將肖像印成即將推出嘅葡國砵酒同南美特色滋味醬商標……係,大家個飾櫃會多咗樽醬And砵酒,感覺係怪咗啲,但既屬阮大勇作品,係Fans嘅,點都要儲。

Read more ›
手藝新嘗試 梁偉家捏出個2.0版天師來
by / on 11/10/2018 at 10:45 pm

手藝新嘗試 梁偉家捏出個2.0版天師來

早幾日報導過梁偉家捏咗個天師陶泥公仔,仲自謙話「一竅不通」。今日,佢整咗個2.0版,天師背脊戙多咗把劍,整體感覺就好似喺厚厚雲層穿出嚟咁。好期待3.0版,最好就上埋色喇,加油。

Read more ›
網圖分享:Park JunKyu的裝甲少女戰士
by / on 11/10/2018 at 10:15 pm

網圖分享:Park JunKyu的裝甲少女戰士

好靚,是日推介韓國插畫師Park JunKyu,佢有個「裝甲少女戰士」系列畫作,幅幅都係精品。個人認為最正係二創《Street Fighter》Cammy嗰幅,對機械腿設計到好似著咗高跟鞋咁,好有心思。

Read more ›

父女檔上陣 張君豪推出《進擊吧!馨雅‧爸爸》
by / on 11/10/2018 at 10:00 pm

父女檔上陣 張君豪推出《進擊吧!馨雅‧爸爸》

剛剛推出《港漫景搜》嘅張君豪兄,喺面書透露打算推出一個短篇,收錄喺一本綜合漫畫之內,而短篇名字好鬼正斗,叫《進擊吧!馨雅‧爸爸》。「馨雅」者,張君豪兄寶貝千金是也,佢成日喺面書Post愛女相片,我有跟足,誇張啲講,感覺就好似睇住佢大咁,估計係Sell父女日常嘅溫馨小品,所以我是十分期待的。

Read more ›
台灣啦啦隊員峮峮 「兄弟」兩字掛心口
by / on 11/10/2018 at 9:21 pm

台灣啦啦隊員峮峮 「兄弟」兩字掛心口

呢位台灣靚女叫峮峮,呢期爆紅,全因心口……「兄弟」兩字掛兩邊,話說佢係台灣中信兄弟捧球隊旗下啦啦隊Passion Sisters隊員,喺一場主場迎戰Lamigo桃猿嘅賽事中,自High彈來彈去跳舞,仲笑得好甜,係見到都令人感到好開心嗰種甜。爆紅合理吖,靚女幾時都吸睛,身材好嘅靚女兼肯跳嘅靚女,當然吸睛+1啦。

Read more ›
戇男出Tee你撐唔撐?
by / on 10/10/2018 at 5:15 pm

戇男出Tee你撐唔撐?

好得很,就係鍾意戇男夠坦白,話說佢打算出Tee,剛剛喺面書留言曰:「2019出貨!訂購幾多做幾多,售價貴就做得靚……所以未定價!我肯定花錢玩包裝!」訂購額多啲出嚟件Tee質素就好啲,嗯……咁大家識做喇。幫手開心Share呢個訊息,等多啲Fans支持戇男喇。

Read more ›
中國Coser銘銘扮高達 細有細嘅好
by / on 10/10/2018 at 4:32 pm

中國Coser銘銘扮高達 細有細嘅好

是日推介中國Coser銘銘,輯輯相都好吸睛,尤以Cos高達嗰幾張相最吸引我眼球。縱然係平,但露出度高,貧乳一樣可以性感無極限。大固然令人睇到噴血,查實細亦一樣有細嘅好,嗯……我係講年紀呀,你諗咗去邊。

Read more ›
浮世繪刺繡襟章 文青啱用
by / on 09/10/2018 at 9:00 pm

浮世繪刺繡襟章 文青啱用

幾鍾意呢系列刺繡襟章,圖案來自葛飾北齋同東洲齋寫樂等日本浮世繪經典畫作,個Feel文青得嚟顏色又夠搶眼,每個$190,齋儲唔用都抵。

Read more ›

鼓勵廣東話 Kit Man送「日常毛巾」
by / on 09/10/2018 at 8:30 pm

鼓勵廣東話 Kit Man送「日常毛巾」

鍾唔鍾意Kit Man勁揪體?我Like,仲好Like,所以都好想得到呢條「為咗記錄呢啲廢得嚟好L重要嘅生活部份而設計」嘅「日常毛巾」。毛巾有兩行問話符號作留白,大家可以用廣東話幫手填埋佢,玩法係填香港人Including我你他常用嘅廣東話,填前五個字後四個字,邊個填得好,即送呢條28x99cm嘅毛巾。想要?動腦筋喇。

Read more ›
謝志榮派《鬼妝》 水墨畫真跡公諸同好
by / on 09/10/2018 at 7:13 pm

謝志榮派《鬼妝》 水墨畫真跡公諸同好

面書朋友仔謝志榮好勤力,花心力完成《鬼妝》嘅同時,仲可以經常喺面書Post水墨畫公諸同好,厲害呀。剛剛佢又喺面書Post咗一幅靚靚水墨畫嘞,我覺得係咁多幅之中最靚嘅一幅。而喺10月13日,佢會駐場「收藏家港漫專區」,向已訂購《鬼妝》嘅讀者派發新書,仲話會帶埋呢幅真跡上去添。有得睇原畫,又係開心啫。

Read more ›
梁瑋豪 x Kaiju One推出阿花公仔 「人間廢業」夠核突我鍾意
by / on 08/10/2018 at 10:15 pm

梁瑋豪 x Kaiju One推出阿花公仔 「人間廢業」夠核突我鍾意

呢鋪真係要撐一撐梁瑋豪,君不見坊間出親Figure,九成九都係Sell靚Sell萌,梁瑋豪卻反其道而行之,聯乘Kaiju One推Kaiju One「人間廢業」阿花公仔,夠創意!邊個係阿花?梗係如花喇,孖辮、鬚根、厚唇加五短身材著學校,真係核突到一個點……But,我鍾意!隨公仔附送書包同一隻撩鼻屎手,神髓出晒嚟喇喂。每個$500,有買趁手。留意番,第一彈係呢個阿花,第二彈仲有痴漢,一樣咁猥瑣,正呀喂。

Read more ›
台北偽娘Coser玥玥  可愛過真女仔
by / on 08/10/2018 at 10:00 pm

台北偽娘Coser玥玥 可愛過真女仔

「我是男的啦!」係,你無睇錯,我亦無寫錯,呢個喺台北嘅Coser叫玥玥,係佢喺自己facebook大聲疾呼,而且仲引嚟fans求婚,佢就話:「當然不行啊,我直男捏。」佢係男,但化身偽娘真係好可愛;變番男仔呢,亦一樣係花樣男子,厲害。

Read more ›