Articles by: 尉遲一

謝志榮《鬼妝》 至Goal Club返書有售
by / on 22/10/2018 at 9:30 pm

謝志榮《鬼妝》 至Goal Club返書有售

謝志榮復刻作《鬼妝》聽講口碑同銷情都唔錯,之前無去「收藏家港漫專區」參加發佈會嘅朋友,可以去「至Goal Club」補書,全部有親筆簽名,一期完,每本$20。

Read more ›

Kit Man勁揪體面世開蚊型展 原稿+精品大晒冷
by / on 22/10/2018 at 9:00 pm

Kit Man勁揪體面世開蚊型展 原稿+精品大晒冷

燈燈燈凳,歷時4年,Kit Man苦盡甘來,6000個勁揪體字詞終於正式面世,點唔能夠搞番個蚊型展賀一賀佢?望資料,展覽其實一啲都唔蚊型,有為數幾百個字嘅「原稿展區」,真係相都有排你影呀;又有可以互動嘅「文字瀑布」投影,玩得又睇得;咁當然唔少得精品區啦,有乜買先?一系列勁揪體產品包括海報、Totebag、HONGKONGER刺繡襟章、小學雞偽粗口刺繡扣針、勁揪別注啤酒、揀圖案手刮Tee等等,一句到尾,撳定錢喇老友。Kit Man,勁揪!加油!撐你呀!

Read more ›
懷念櫻桃子 皇室堡小丸子展覽
by / on 22/10/2018 at 8:30 pm

懷念櫻桃子 皇室堡小丸子展覽

「問題天天都多,Beli Bala Beli Bala,不驚會跌倒,Beli Bala Beli Bala,爸媽當我寶……」《櫻桃小丸子》作者櫻桃子8月中離世,為紀念佢,皇室堡搞咗個「櫻桃子老師‧感謝您」紀念活動,有立體漫畫同展板睇,有大大個小丸子立體裝置同紙牌公仔俾你影相,有作品同生平介紹,有花花留言牆等等,小丸子Fans唔好錯過。

Read more ›
有片:日本網民執貝殼 做小刀切青瓜
by / on 22/10/2018 at 8:00 pm

有片:日本網民執貝殼 做小刀切青瓜

成件事好獵奇,但又好浪漫,有無諗過喺沙灘執到嘅一隻貝殼,可以變成一部小小小小小刀?嗰種「小」法,係只適合Lego Mini-figure拎上手嗰隻Size。有日本網民就親自示範如何製刀,拎貝殼返屋企先清潔表面,之後又磨又刮,再剪裁成刀鋒形狀,仲要做埋精緻迷你木刀柄……萬事俱備,開鋒!唔係講笑,可以當真刀用切青瓜,絕對係攻擊性武器,唔覺意揩到,肯定見血。

Read more ›
靚仔搶眼 林皮2019月曆$61.5
by / on 19/10/2018 at 8:30 pm

靚仔搶眼 林皮2019月曆$61.5

時間過得好快,計計吓,仲有個零月就2019年,新一年月曆又係時候出動。林皮2019年月曆正式上架,望落幾搶眼靚仔,每個$61.5,唔知啱唔啱大家心水?

Read more ›
再添食 《馬榮成短篇集》普通珍貴版$98
by / on 19/10/2018 at 7:21 pm

再添食 《馬榮成短篇集》普通珍貴版$98

先恭喜上官小威,《馬榮成短篇集》尊貴金版反應熱烈,尊貴銀版直頭售罄添,可喜可賀。喜完賀完,梗係要添食喇,上官小威決定再出多個普通珍貴版,售$98,優先訂購送書簽八選一,不過呢……呢個版個名好似古怪咗啲,普通又點珍貴呢,既珍貴又如何普通呢?Anyway,馬榮成Fans值得一撐嘅。

Read more ›

Felix Ip《香港重機》月曆 玩具收藏家販售展首賣
by / on 19/10/2018 at 2:00 pm

Felix Ip《香港重機》月曆 玩具收藏家販售展首賣

追睇Felix Ip面書係好開心嘅,因為佢多產,作品多,參與Event又多。嚟緊,佢會喺「玩具收藏家販售展」首賣2019《香港重機》月曆,必撐Item。而為此,佢仲畫咗幅「重機周末路線備忘」圖,大家可以跟住時間捧佢場呀。

Read more ›
日本Coser扮《KOF》Shermie 有身材唔知有無樣
by / on 19/10/2018 at 1:29 pm

日本Coser扮《KOF》Shermie 有身材唔知有無樣

睇完相,我話呢個日本Coser花房マキ扮《The King of Fighters》Shermie扮得好似,身邊口痕友話:「好難唔似,有番咁上下身材就得。」又有道理喎,呢個角色,係咁意搵執頭髮遮咗半邊面就乜神髓都出晒嚟,真係好難唔似……咁靚唔靚女呢佢?嗯……都OK索嘅。

Read more ›
上官小威繼續復刻 至尊金版《馬榮成短篇集》$150
by / on 17/10/2018 at 11:08 pm

上官小威繼續復刻 至尊金版《馬榮成短篇集》$150

繼續復刻,今次上官小威推出嘅至尊金版《馬榮成短篇集》,超限量200本,附1至200編號紀念證書、貼紙兩張,每本$150,估計應該好多老港漫迷會鍾意,所以要搶,「收藏家港漫專區」開訂。上官小威放埋風,遲啲仲有個銀版,等得嘅,睇定啲先入手都唔遲。

Read more ›
由橙變黃 Felix Ip廢箱重機+垃圾俠2.0
by / on 17/10/2018 at 10:48 pm

由橙變黃 Felix Ip廢箱重機+垃圾俠2.0

Read more ›
重口味AV版《屍殺片場》 女優風間由美致敬作
by / on 17/10/2018 at 10:00 am

重口味AV版《屍殺片場》 女優風間由美致敬作

標榜37分鐘一Cut過嘅日本電影《カメラをとめるな!》,台灣叫《一屍到底》,即係嚟緊10月25日喺香港上映嘅《屍殺片場》,被喻為低成本神作,我真心好想入場睇,至於呢套擺明向《屍殺片場》致敬/惡搞嘅《カザマを止めるな!》……嗯,有機會都想見識吓。由拍過超過2000套AV嘅熟女風間由美(Kazama-Yumi)擔網演出,雖則睇相頭就真係重口味咗啲,但個AV封面著實搶眼,同樣係大黃底,角色擺位明抄,抄得好Funny,至於片名呢,「カザマを止めるな!」者,「唔好停呀風間!」是也!唔好停喎,唔好停啲乜呢?點解唔好停呢?真係令人有無限幻想空間。

Read more ›

Happiplayground化身萬聖節嘩鬼 大本型打卡
by / on 17/10/2018 at 9:00 am

Happiplayground化身萬聖節嘩鬼 大本型打卡

線條簡單、色彩鮮艷、治癒,就算我男人老狗都幾鍾意Happiplayground啲Character。嚟緊Halloween,Happiplayground將聯乘大本型擺佈景裝置,搞到成個商場都係嘩鬼咁喎。咁經過開嘅,咪影番張相囉;影完相咯,咪幫幫手Upload番上面書專頁「Happiplayground」,支持吓咁囉。

Read more ›
上香港雙節棍總會打卡 送崔成安漫畫手機環
by / on 16/10/2018 at 9:45 pm

上香港雙節棍總會打卡 送崔成安漫畫手機環

正呀喂,又係送禮呀,劉萬梁師傅為推廣雙節棍運動,決定送崔成安繪畫嘅漫畫手機環一個。咁著數?就係咁著數,係,擺明係吸引你上去「香港雙節棍總會」Look一Look。先讚好網頁,再上總會打個卡即送,名額50個,收到未?

Read more ›
大館《關公駕到》展覽 李志清以扇作賀畫
by / on 16/10/2018 at 9:15 pm

大館《關公駕到》展覽 李志清以扇作賀畫

三國名將關公,無理唔知乜水啩?係呀,黑白兩道都拜嗰個呀,揸青龍偃月刀嗰個呀,知吖嘛,咁有無興趣睇喺大館舉辦嘅主題展覽《關公駕到》呀?個心仲十五十六?Fine,屆時李志清會展出一幅舊作《桃園結義》,而興之所致,佢仲剛剛喺面書登咗幅賀畫,以扇為紙,一扇兩面,一面畫義薄雲天關雲長,另一面題字楊慎《臨江仙》,好型。大家有時間嘅,今個禮拜五去捧吓場囉。

Read more ›
祝牛佬生日快樂 《古惑仔》陳浩南頭髮分錯色
by / on 16/10/2018 at 8:39 pm

祝牛佬生日快樂 《古惑仔》陳浩南頭髮分錯色

今期第2174期《古惑仔》,金尊貴同陳浩南之戰終於收皮,結果係一記頭槌拼膝頭後,前者符碌勝後者跌落海輸。對於呢個戰結果,我無異議,因為喺我心目中陳浩南已經贏咗,唔好忘記之前佢同牛姑打過一場,帶傷之身鍊多場僅敗畀毒蛇幫幫主,夠交代有餘。不過呢,今期第八頁疑似分色出錯喎,第二格明明畫緊向前衝嘅南哥大頭,但頭髮就分錯色變咗金尊貴嘅金黃色,少少瑕疵咁喇。另,牛佬喺專欄「牛佬的話」自爆生日,本網站祝牛佬身體健康,長命百歲,日日都過得開開心心。

Read more ›