Articles by: 尉遲一

螢點制作Kwok Ho出Tee $280
by / on 27/09/2018 at 10:00 am

螢點制作Kwok Ho出Tee $280

差啲Miss咗,「螢點制作」推出嘅Tee都唔知第幾彈咯,總之就彈彈都係好嘢喇,今次有Kwok Ho嘅Fxxk Black Tee同God of the Elephant Tee,各售$280,一黑一白,任君選擇。支持本地創作,睇啱嘅,課金Please。

Read more ›

《山海逆戰》100期出特別版 每套$300限量要搶
by / on 27/09/2018 at 9:00 am

《山海逆戰》100期出特別版 每套$300限量要搶

唔覺唔覺,邱福龍《山海逆戰》原來出到差唔多100期。里程碑,梗要搞吓嘢紀念吓,整番個《山海逆戰》100期龍迷圓滿尊貴限量版,分A同B兩款,各限100套,各附獨立編號證每套$300。三舊水咁貴?睇清楚先唔該,包巨型3D立體勾徹千人陣海報、380mm x 580mm精美印刷海報、電鍍磨沙至尊金卡、全新繪畫封面之山海異獸狸力/白澤尊刊、異獸狸力/白澤紀念貼紙同親筆簽名證書。呢三舊水,抵畀喇。咁平少少都有嘅,有請《山海逆戰100期》紀念版,林業慶畫封面,一專刊一貼紙一3D立體明信片,限量300本,售$38。最緊要捧龍少場,豐儉由人喇。

Read more ›
T-dult《風雲》Tee別注色 聶風握冰藍色雪飲刀
by / on 26/09/2018 at 9:59 pm

T-dult《風雲》Tee別注色 聶風握冰藍色雪飲刀

留意番,9月26日即係今晚十點,T-dult推出嘅《風雲》、《今晚打喪屍》同《新著龍虎門》Tee會上架。《今晚打喪屍》同《新著龍虎門》Tee係舊款,家陣優惠價發售;至於聶風Print嗰件,就算係新嘅,事關係Based on之前風雲結局畫展推出嘅同一款,不過今次就將雪飲刀換上冰藍色,都OK型,值得入手。

Read more ›
周勝新作《醒獅》 邱福龍賀圖加持
by / on 26/09/2018 at 9:30 pm

周勝新作《醒獅》 邱福龍賀圖加持

久違了的周勝,有新作《醒獅》推出。故事講乜?只有以下短短簡介:「改編自舞劇、講述南拳與醒獅故事,以傳統港漫高質素方式製作,將香港漫畫風格特色輸出!發揚光大!延續港漫文化!」即係點?即係好老實要睇過先知點,不過一來有邱福龍賀圖加持,二來封面又畫得幾靚仔,三來「周勝」兩個字對我嚟講始終有號召力,所以如無意外都會撐一撐。《醒獅》有兩個版本,劇場版$98、普及版$40,限量500本,「至Goal Club」開售,有買趁手。

Read more ›
有片:DDED x LIFE Mart雜牌積木廢柴機械人大戰 幾廢有辦睇
by / on 26/09/2018 at 9:15 pm

有片:DDED x LIFE Mart雜牌積木廢柴機械人大戰 幾廢有辦睇

之前介紹過DDED會舉辦甚麼「雜牌積木廢柴機械人大戰」,心諗呢啲膠膠地玩意肯定笑到碌地,心郁郁已經想去;家陣佢出埋條片,好讓大家睇吓啲機械人可以膠到乜程度,真係隔住個Mon都笑得出。大戰規則詳細如下:先繳交「好平」參賽費,之後各參賽者均獲派一個摩打和大量雜牌積木作零件,再之後你有10分鐘時間Design獨一無二機械人,不過唔准上電測試,真正比賽時間一分鐘,輸家無投訴,勝出者即刻進入下一Round,期間唔准維修。規例唔Harsh,不過好考創意,到時應該會有餐笑。

Read more ›
網圖分享:第二屆台灣漫畫節賀圖
by / on 26/09/2018 at 8:34 pm

網圖分享:第二屆台灣漫畫節賀圖

雖則無機會親身參與10月5日舉辦嘅「第二屆台灣漫畫節」,但作為香港漫畫迷的你我他都可以透過靚畫感受吓氣氛。以下係澳門漫畫家同插畫師賀圖,主題係「台灣美食」,當中不乏高水準之作,慢慢欣賞。

Read more ›

《新著龍虎門》不思議事件 銘心爪變爆脊+白朗翻版Owen?
by / on 26/09/2018 at 6:59 pm

《新著龍虎門》不思議事件 銘心爪變爆脊+白朗翻版Owen?

初頭睇第958期《新著龍虎門》唔多覺,但翻Loop後隱隱然覺得唔妥。唔妥在,一,點解阿廣法堂白朗個造型咁熟口熟面嘅?活脫脫就係死鬼陳傲雲,斗膽講,其實唔只似,係直頭五官面相加髮型倒模而出,分別只在有無眼罩,求其咗啲喎;二,石黑龍咬住西狂唔放,埋尾一頁出刻骨爪破腕式加爆脊式,破腕無問題,但爆脊嗰招明明係打心口,明明係刻骨銘心爪,點解會咁嘅?唔通西狂咁奇妙的人體,背脊生喺前面?睇嚟編劇們要做多啲校對了。

Read more ›
中秋賀圖2018(三)
by / on 25/09/2018 at 3:28 pm

中秋賀圖2018(三)

係喇,無理由架嘛,講唔通架嘛,有乜理由邱福龍會唔出賀圖先,家陣終於等到喇。追月日,放假日,大家開開心心玩埋今日喇喂。

Read more ›
網圖分享:中秋賀圖2018(二)
by / on 25/09/2018 at 12:48 am

網圖分享:中秋賀圖2018(二)

中秋節,人月兩團圓,好應開開心心嘅,所以賀圖陸續有來,好合理。本網站祝大家中秋節快樂,反正聽日唔使返工,玩夜啲,蒲多啲,食多啲,最緊要係笑多啲呀喂。

Read more ›
網圖分享:悼高錕
by / on 24/09/2018 at 11:58 pm

網圖分享:悼高錕

高錕(1933-2018)仙去,舉世沉痛,網友們出悼圖,大呼捨不得。說真,我哋好應該多謝佢,事關無呢個光纖之父,家陣你上網都無上得咁爽皮,打機都無打得咁暢快。高錕,一路好走喇。

Read more ›
網圖分享:中秋賀圖2018(一)
by / on 24/09/2018 at 7:01 pm

網圖分享:中秋賀圖2018(一)

今晚中秋節,大家有乜好節目?食月餅、玩燈籠、約班Friend蒲天光之前,不如睇埋以下中秋賀圖,當打定底,感受吓歡樂氣氛先喇。

Read more ›

小忌廉3D八達通配飾 9月26日7仔開售
by / on 19/09/2018 at 9:30 pm

小忌廉3D八達通配飾 9月26日7仔開售

實不相瞞,雖則我男人老狗,但《小忌廉》都勉強地算係我杯茶。笑我?細路仔時代鍾意睇卡通片吖嘛,睇得多就自然鍾意架喇,好出奇咩?更出奇嘅都有呀,就係我打算買小忌廉3D八達通配飾添呀,分兩款,包括璀燦星環版同甜美魔法版,各售$188,9月26日7仔開售。係……係唔敢帶出街用呀,買嚟儲唔得咩,仲打算買晒兩款添,哼哼。

Read more ›
張君豪《港漫景搜》 格子市集少量發售
by / on 19/09/2018 at 9:00 pm

張君豪《港漫景搜》 格子市集少量發售

跟進番先,之前介紹過嘅畫集《香港景搜》,張君豪兄已正名為《港漫景搜》;Then,如果你想買書又同我一樣都鍾意行市集的話,咁可以留意吓「格子巿集-香港三七面」,因為到時會有少量《港漫景搜》發售,可以先睹為快,報告完畢。

Read more ›
王澤出席《老夫子漫畫•形色萬千展》 簽名影相係時候
by / on 19/09/2018 at 8:28 pm

王澤出席《老夫子漫畫•形色萬千展》 簽名影相係時候

正呀喂,下周六有個《老夫子漫畫•形色萬千展》,唔使諗爆頭搵節目喇。屆時除咗有老夫子、大番薯、秦先生、老趙同陳小姐陪你一個晏晝,王澤都會出席開幕儀式,搵佢影相簽名係時候啦喂。

Read more ›
網圖分享:港漫人的血獸(二)
by / on 18/09/2018 at 10:15 pm

網圖分享:港漫人的血獸(二)

由於颱風關係,我係仲未睇《鐵血戰士:血獸進化》嘅,好衰唔衰一眾面書朋友仔繼續出血獸圖,畫得極靚,搞到我好心急想快啲入戲院睇……今個禮拜尾喇。

Read more ›