fbpx

Articles by: 尉遲一

《司徒劍僑畫集》再版$300 開簽名會加推手繪封面展覽
by / on 25/02/2019 at 8:30 pm

《司徒劍僑畫集》再版$300 開簽名會加推手繪封面展覽

好後悔無買已搶售一空嘅《司徒劍僑畫集》,不過好彩有得補飛,事關司徒劍僑決定再版,「收藏家港漫專區」即日起開訂,每本$300,留意番,再版內容一樣但封面唔同。3月16日,司徒劍僑會駐場漫畫店,搞番個簽名同大家影相吹吹水;另,同場加映35本手繪畫集展覽,大家記得打卡。

Read more ›

海報輯錄成畫集 牛佬《百戰話當年》開訂$380
by / on 25/02/2019 at 7:58 pm

海報輯錄成畫集 牛佬《百戰話當年》開訂$380

身邊豬朋:「將每期海報輯錄成畫集,慳水慳力啲喎。」身邊狗友:「咁慳水慳力唔代質素差啫,牛佬係好嘢嘅。」無錯,呢鋪我都撐牛佬,好嘢輯錄成書,合理吖喂。之所以呢本《古惑仔》畫集《百戰話當年》,我係會捧場嘅。每本$380,無話貴唔貴,只有值唔值,仲要隨書附送《江湖巨人陳浩南》24×18吋巨型海報,有埋Bonus喇。我覺得值,係略嫌個封面簡單咗啲,唔夠搶眼啫。

Read more ›
《古惑仔》謎團!陳浩南同韓賓定大飛打躉?
by / on 22/02/2019 at 9:15 pm

《古惑仔》謎團!陳浩南同韓賓定大飛打躉?

今期第2211期《古惑仔》,主要交代毒蛇幫新貴方盛滿出場,方盛滿有型靚仔注重儀容,牛佬有心煲佢係文武兼備嘅厲害人物。我尤其鍾意白色頭髮嘅角色,昔日嘅太乙、羅心左,我Like,呢個方盛滿,亦好合我眼緣。入番正題,今期出咗個小錯誤,第31頁最尾一格,旁白說明係「這時,陳浩南正與韓賓茶聚……」,但畫面所見喺茶仔同南哥打躉嘅,卻係大飛背影,應該係手民之誤嘞。

Read more ›
《新著龍虎門》鐵五郎識龜波氣功? 因乜解究出波動雷拳?
by / on 22/02/2019 at 8:39 pm

《新著龍虎門》鐵五郎識龜波氣功? 因乜解究出波動雷拳?

搞乜?啲招式名真係咁難諗咩?堂堂通天教教主連波動拳都要出埋?今期第980期《新著龍虎門》,劇情繼續交代石黑龍同鐵五郎一戰,先唔講明明二揪一可以大增勝算,但石黑龍死都唔畀王小虎幫拖,仲單挑?家陣殺父大仇呀,切磋武藝咩。Anyway,隻揪就隻揪喇,咁石黑龍就繼續用第十一關金鐘罩應戰喇,好合理;但鐵五郎呢,噓,居然出一招──波動雷拳!懶諗招式對拆,算,但一嘢轟埋去都唔該改個靚仔啲嘅招式名吖。唔知仲以為鐵五郎練嘅係龜波氣功,甚麼神道經‧軒轅勁,不如掟埋一邊喇。

Read more ›
虎兒唔識雷公+海潮事件 瑞新認錯有擔當
by / on 21/02/2019 at 10:30 am

虎兒唔識雷公+海潮事件 瑞新認錯有擔當

就前期《火武耀揚》講到虎兒初遇雷公,上期講虎兒唔識海潮兼寸海潮係老竇黑骨棠隻私家雞,好多讀者都大呼有無搞錯。事實上三人一早相識,有讀者甚至摷舊書開Post兼Cap埋圖,力證瑞新記錯云云。為此,瑞新喺今期第1009期《火武耀揚》出道歉啟示Say sorry,自認粗疏引致故事出錯。都好嘅,錯就要認打就企定,肯認錯總算有擔當,好過乜都唔做,當無事發生。另,講番劇情,今期崩牙豹翻生,我覺得有啲牽強,牽強位唔喺臭口柱放生崩牙豹條橋,牽強在無理由虎兒會單單因為「人有相似」而將佢收歸旗下,莫非有天大陰謀?希望呢條疑似「崩牙豹殺雷公」橋可以行得靚啲喇。

Read more ›
伊藤潤二 x Hardcore Chocolate 出「漩渦」系列衛衣+Tee
by / on 21/02/2019 at 10:00 am

伊藤潤二 x Hardcore Chocolate 出「漩渦」系列衛衣+Tee

伊藤潤二嘅驚慄漫畫,我Like,佢聯乘日牌Hardcore Chocolate推出嘅「漩渦」系列Tee同衞衣,我同樣Like。Tee有兩款,各4300日圓;衛衣只得一款,售8500日圓。或者你會疑問,大大個恐怖漫畫Print著出街,會唔會怪怪哋?放心,唔會,有關方面搵埋疑似Model試衫,兼影埋相畀你睇,老實講唔覺突兀,仲有幾分潮味添。

Read more ›

有片:西班牙少年砌出Lego義肢 改寫人生
by / on 21/02/2019 at 9:30 am

有片:西班牙少年砌出Lego義肢 改寫人生

邊個話Lego得個玩字,砌得其所,絕對可以改變人生。西班牙19歲少年David Aguilar因遺傳病天生無右前臂,但依家讀緊生物工程系嘅佢無放棄,用Lego幫自己砌出一條義肢。從影片所見,義肢都幾有份量,符合正常人體比例,估計好墜手吓,可以做到屈曲同扭動嘅動作,最重要係有埋五隻「手指」。佢親身示範,套入義肢後,Lego手指可輕而易舉抓穩一個樽仔,真係方便到日常生活,抵畀叻。

Read more ›
Felix Ip x Toy Box x Dio Production House 出石油氣重機
by / on 21/02/2019 at 9:00 am

Felix Ip x Toy Box x Dio Production House 出石油氣重機

理論上,以Felix Ip創作力之旺盛,其香港重機系列係可以長畫長有嘅,如果將佢創作過嘅咁多隻機械人變成實體Figure,再一字排開,你都咪話無氣勢。嚟緊,就有一隻石油氣重機即將誕生,由Felix Ip本尊,聯乘Toy Box同Dio Production House三個單位共同開發,暫時尚在始創階段,只得繪圖睇,不過望望飾櫃嗰隻高質垃圾俠後,我對Felix Ip好有信心,希望快啲有完成品睇。

Read more ›
《壽星仔》x Hexactuss出Figure 人手上色限定四隻要搶
by / on 20/02/2019 at 7:00 pm

《壽星仔》x Hexactuss出Figure 人手上色限定四隻要搶

Wow,齋望相都覺得好精緻,講緊嘅係《壽星仔》聯乘搪膠品牌Hexactuss推出嘅元宵上色版壽星仔Figure,面相表情似十足,古古惑惑咁喇;身上太空衫以Shocking Pink做主調色,搶眼到暈;腳底有獨立編號「1」、「2」、「3」、「4」,係,由於全人手上色,所以真係限量得四隻,要搶!不過放心,唔係先到先得,即日起至2月21日喺面書專頁留言「要一」,多過四人就會抽籤,好公平架。每隻$880,送多個限定徽章,開心喇喂。

Read more ›
「小威港漫專區」開皮 方便澳門讀者
by / on 20/02/2019 at 6:45 pm

「小威港漫專區」開皮 方便澳門讀者

之前咪講過上官小威喺澳門插旗,喺某店舖闢一角成「小威港漫專區」嘅,加陣已經開幕有相睇喇。一如所料,規模唔大,三幾個書架咁,寄賣嘅都係佢呢三兩年嘅復刻之作,包括《洪拳》、《金漫畫》、《馬榮成短篇集》等等,連黃水斌《英雄本色鋼筆手繪漫畫》都有,總之就有新有舊,方便新知舊雨選購喇。

Read more ›
高質之作 崔成安武俠卡通系列
by / on 20/02/2019 at 6:30 pm

高質之作 崔成安武俠卡通系列

好鍾意瀏覽崔成安面書,事關佢老人家久唔久就有新作公諸同好,多產得嚟仲要水準奇高。呢期,佢畫緊個武俠卡通系列,唔係大堆頭塞爆畫面嘅巨幅,而係逐個武俠人物畫,暫時所見,中港台日乜年代乜角色都有,家陣已經畫到第50幅。畫嚟自娛?唔會啩,希望佢會印成Postcard公開發行喇,Must buy item是也。

Read more ›

遲送好過無送 多謝張君豪送Postcard
by / on 20/02/2019 at 6:26 pm

遲送好過無送 多謝張君豪送Postcard

話說《港漫景搜》作者張君豪兄上年送過Postcard,今年太忙無咗件事,搞到到依家先記得送,所以好搞笑咁喺面書話:「……但年又過完,唔知用乜藉口,今日元宵,就元宵送Postcard喇。」遲到好過無到,如果想擁有呢張加入咗Derek設計元素嘅蛋散Postcard的話,歡迎PM佢索取。

Read more ›
你已經死了! 《北斗之拳》x Seiko紀念手錶
by / on 19/02/2019 at 10:52 pm

你已經死了! 《北斗之拳》x Seiko紀念手錶

原哲夫《北斗之拳》35週年,聯乘Seiko推出紀念手錶,最正斗當然係暗紅錶面上面個拳四郎喇,由原哲夫親手繪畫,有標字嘅刻度只有頂頂「XII」,黃色,配埋同樣係黃色嘅七個傷口,啪啪啪啪啪啪啪,我彷彿聽到把聲話:「你已經死了。」每隻44800日圓,限3500隻,每隻錶底有由0001-3500嘅獨立編號,Fans必儲。

Read more ›
日本赤十字社x《工作細胞》 捐血送座檯月曆
by / on 19/02/2019 at 9:00 pm

日本赤十字社x《工作細胞》 捐血送座檯月曆

日本乜都可以同動漫扯上關係,今次有日本赤十字社同大熱漫畫《工作細胞》合作,由2月25日起,去指定捐血站捐血,頭15000位捐血者就可以得到座檯月曆一個。望相,月曆製作好精美,好想要。捐血可以救人一命,大家應該多多支持,唔知我哋特區政府幾時可以效法吓呢類宣傳方法?

Read more ›
Milk DoNg《凶案現場原畫展》1.5 開寵物派對
by / on 19/02/2019 at 8:45 pm

Milk DoNg《凶案現場原畫展》1.5 開寵物派對

之前欣賞過Milk DoNg嘅《凶案現場原畫展》,畫固然畫得靚,睇完亦感觸良多,全個地球最唔應該生存嘅生物,絕對係我哋人類。嚟緊,Milk DoNg會舉辦多個《凶案現場原畫展》1.5,主題係「寵物派對」,屆時有DJ分享養狗心得、寵物面相學、寵物旅遊講座同最最最最重要嘅──領養專區,有時間不妨捧場。另,專頁換咗大頭貼照,Milk DoNg以「無眼睇」造型出現,我覺得好型,講完。

Read more ›