Articles by: 尉遲一

有片:很想試吧?漢堡包味炒雪糕!
by / on 14/12/2018 at 9:00 am

有片:很想試吧?漢堡包味炒雪糕!

好難想像凍冰冰雪糕同油淋淋漢堡包可以扯上甚麼關係,但原來呢個世界居然有漢堡包味炒雪糕。唔使諗到咁複雜,製法係直接壓爛成個Burger King落鑊炒,由固體炒到變溶溶爛爛,再炒到一Pat嘢咁,呈類似午餐肉咁上下嘅顏色,之後剷起直接食用。如此這般,實在大有撈埋做瀨尿牛丸吖笨嘅況味,唔知係乜味道呢?我想試吓。

Read more ›

Tubbyfellow 2019月曆 買兩個送畫板
by / on 13/12/2018 at 9:15 pm

Tubbyfellow 2019月曆 買兩個送畫板

年年都有,無理由今年無嘅,Tubbyfellow個2019年月曆有個好霸氣嘅名,叫「霸皇美姬曆」,想知點霸皇法又點美姬法,買番兩個就一清二楚。點解買一孖?因為買兩個有親筆畫板送囉。

Read more ›
MastaMic x How2work x 井上三太出Figure ToySoul 2018有售
by / on 13/12/2018 at 8:45 pm

MastaMic x How2work x 井上三太出Figure ToySoul 2018有售

「茫茫酆都中重重金剛山,靈寶無量光洞照炎池煩;九幽諸罪魂身隨香雲旛,定慧青蓮花上生神永安~」一聽MastaMic首《破地獄》,又不自覺地洗腦式跟住唱嘞……入番正題,早前報導過話MastaMic會聯乘井上三太再聯乘How2work推出Figure,家陣終於聞到樓梯響嘞,Figure戴帽著衛衣戴黑超造型,有支無線咪仔,左右鞋底各有簽名,售$680,《ToySoul亞洲玩具展2018》有售,報告完畢。

Read more ›
搞大《三國誌異》個勢 鄭健和組Fans Club
by / on 13/12/2018 at 8:00 pm

搞大《三國誌異》個勢 鄭健和組Fans Club

港漫成日俾人話死氣沉沉,係有必要搞興個市嘅。鄭健和喺今期第181期《西遊》為2019年新作《三國誌異》賣廣告,食住個勢搞活動。一,《三國誌異》人物設計活動,自問畫得一手好畫嘅,唔好吝嗇時間,投稿去面書專頁「Bookone」喇,話唔定有機會錄用;二,組織一葉賓館Fans Club,Wow,用《殺道行者》間賓館做Fans Club名,型呀喂,會費$250,加入即送壹本創作群俠2019月曆同一葉賓館會員證匙扣。睇到呢度,我有啲心郁郁,唔知你又點睇?

Read more ›
第二輯《火武耀揚》豪華珍藏本 至Goal Club開訂送親筆簽名
by / on 13/12/2018 at 7:28 pm

第二輯《火武耀揚》豪華珍藏本 至Goal Club開訂送親筆簽名

邱瑞新喺今期第999期《火武耀揚》專欄,登咗第二輯《火武耀揚》豪華珍藏本嘅首期封面相,依舊係男一火武掛帥,背托大大個「忠」字,係型嘅。提提你,此書一套九期完,每本$48,鐵定12月19日出版,家陣去「至Goal Club」落訂,可以有埋瑞新親筆簽名,係咪爽皮先?

Read more ›
Felix Ip垃圾俠出黑色會場版 限量10隻要搶
by / on 12/12/2018 at 11:45 pm

Felix Ip垃圾俠出黑色會場版 限量10隻要搶

Felix Ip隻廢箱重機垃圾俠又推出多一個版本喇,今次喺《Toysoul亞洲玩具展2018》Night Market開訂,除咗之前嘅橙同黃色外,今次添加咗隻黑色,限量10隻。But,唔佑點解,我都係鍾意原版橙色多啲;再But,如果未買嘅,Why not一次過買晒三隻?呢句我幫Felix講嘅,哈哈。

Read more ›

張君豪 x Tiny微影 推《港漫景搜》限定版
by / on 12/12/2018 at 11:30 pm

張君豪 x Tiny微影 推《港漫景搜》限定版

多一個版本選擇,無壞吖,張君豪將聯乘Tiny微影推出限定版《港漫景搜》,封套重新製作,《ToySoul亞洲玩具展2018》開訂。12月15日,張君豪本尊仲會親臨現場,公開分享創作點滴,大家記得多多捧場。

Read more ›
有片:兜圈再兜圈 畫圓畫出個瑪莉蓮夢露來
by / on 12/12/2018 at 11:15 pm

有片:兜圈再兜圈 畫圓畫出個瑪莉蓮夢露來

知係畫緊畫,但初頭真係唔知畫乜,但見片中人不斷圍住一個同心圓向外兜圈,隻手好定,筆嘴兜呀兜,轉呀轉,線條忽粗忽淺間……Wow,居然係透過畫圓圈畫緊瑪利蓮夢露。我翻Loop,張畫紙事先又唔見有任何用鉛筆起稿嘅痕跡,有無咁強呀,真神人也。

Read more ›
有片:草菇Timelapse片好有《異形》Feel
by / on 12/12/2018 at 8:16 pm

有片:草菇Timelapse片好有《異形》Feel

呢條草菇繁殖Timelapse片,就係有本事吸引我睇咗三次,啲唔知乜菇物菇五顏六色,有長有短有圓有扁,失驚無神喺地下鑽出嚟,畫面好鬼死有《異形》Feel,有種菇仲要一啲都唔似菇,貼住地面好似個網咁向外撒出嚟……真係多麼奇妙的大自然。

Read more ›
唔係清潔龍 Tiny Toy出香港垃圾蟲Figure
by / on 10/12/2018 at 3:15 pm

唔係清潔龍 Tiny Toy出香港垃圾蟲Figure

睇清楚,呢隻唔係清潔龍,而係垃圾蟲,有番咁上下年紀嘅六七十後一定唔會陌生,佢係八十年代清潔香港嘅政府Character,當年唔覺佢咁Cute,家陣睇番又幾可愛。Tiny Toy推出香港垃圾蟲Figure,限量300隻,嚟緊「ToySoul亞洲玩具展2018」會現場發售100隻,好明顯Sell集體回憶,我Buy。

Read more ›
揮春+明信片+磁力貼 《上官家族漫畫集》多贈品
by / on 10/12/2018 at 2:45 pm

揮春+明信片+磁力貼 《上官家族漫畫集》多贈品

上官小威有心搞興咁市,嚟緊又會推出《上官家族漫畫集》嘞,睇宣傳海報都知陣容有幾強勁。強勁唔只星級陣容,仲有一系列贈品,包括揮春、明信片、磁力貼,製作精美,懷舊味道出晒嚟,好難唔買。

Read more ›

ZCWO許紹雄警察臥底Figure 歡喜哥似社團大佬
by / on 10/12/2018 at 1:26 pm

ZCWO許紹雄警察臥底Figure 歡喜哥似社團大佬

甘草演員許紹雄演乜似乜,做警方臥底一樣難唔到佢,仲記唔記得佢喺《使徒行者》裡面飾演嘅社團大佬歡喜哥嗎?呢個由ZCWO出品嘅Police Undercover警察臥底系列Figure Happy哥,我就覺得做得非常唔錯,有晒佢喺戲裡面做黑幫龍頭嘅神髓。

Read more ›
有片:笑爆嘴!火柴人版《Slam Dunk》主題曲!
by / on 08/12/2018 at 10:00 am

有片:笑爆嘴!火柴人版《Slam Dunk》主題曲!

五體投地!真心服咗呢個名為「差畫家」嘅高手高手高高手,居然諗到用史上最慳皮嘅方法,將《Slam Dunk》主題曲《想大聲說我喜歡你》重新「畫」番出嚟。嗱,真係畫架,亦以動畫方式重新演繹一次,係切切實實嘅一條片嚟架,不過畫嘅係火柴人公仔,如果唔配番右下角小視框真實原版,莫講話邊個係櫻木花道,肯肯定你連佢畫乜都未知。厲害!我笑咗!兼睇晒條片!

Read more ›
網圖分享:超靚台灣OL之日常
by / on 08/12/2018 at 9:00 am

網圖分享:超靚台灣OL之日常

台灣插畫家「天之火」手畫當真靚到無倫,尤其鍾意佢輯「台灣OL系列」畫作。構圖係靚嘅,畫作裡面嘅台灣OL都係好靚嘅,下次去台灣旅行,我都想見到呢啲台灣妹……

Read more ›
東尼電機出公仔 中英對照貨品簡介笑爆嘴
by / on 07/12/2018 at 8:45 pm

東尼電機出公仔 中英對照貨品簡介笑爆嘴

「東尼電機」話撈唔掂所以要賣身出公仔,出公仔無乜特別,但佢喺面書發佈嘅幾張宣傳相片,就真係笑到我出腹肌。好惹笑,貨品簡介如下──「嚴選祖國制造,才可做到每一隻都不同。/Salt choose strong control produce, sin can do to each one knife not same.」、「頭髮用咗過期髮泥,會像剛睡醒,不要介意。/Hair use ed pass flag hair mud, will like just wake up, no mind.」,附中英文對照呢下夠晒啜核。喂,每個只不過$98,未有實物喺手已經博到你一笑,一舊水唔使,抵撐喇。

Read more ›