Articles by: 尉遲一

Pen So送2019 Postcard 兩款任揀
by / on 27/12/2018 at 8:16 pm

Pen So送2019 Postcard 兩款任揀

好消息!秉承優良傳統,Pen So今年繼續送Postcard,繼續由日本寄出,即係話會有埋日本當地郵Chok,正呀喂。今年佢會畫高尾山同東京鐵塔,即係話會送出兩款Postcard,每款都須要大家答中個別問題先會送出,聽日有詳細活動資料,大家記得留意佢面書喇。 資料來源:https://www.facebook.com/pen.so.10

Read more ›

網圖分享:2018聖誕賀圖(二)
by / on 25/12/2018 at 2:56 pm

網圖分享:2018聖誕賀圖(二)

擒晚玩到幾夜?又或者應該咁問,玩到今朝幾點?點都好,紅日應份繼續玩。2018聖誕賀圖繼續送上,大家繼續Happy,繼續Merry Christmas喇喂。

Read more ›
係Sweet嘅 Cuson幫《武林怪獸》畫插圖
by / on 24/12/2018 at 9:45 pm

係Sweet嘅 Cuson幫《武林怪獸》畫插圖

Cuson幫電影公司畫插畫,一啲都唔出奇,畫完掟上網公諸同好兼幫電影宣傳,亦屬合理,之所以佢咪喺面書出圖兼留言囉。一切正常,但懇請大家留意留言,佢咁寫喎:「電影公司邀請我為《武林怪獸》畫幅畫,喺禽晚首映禮送畀古天樂同方中信,女友好鍾意古仔,順便帶佢去滿足埋佢~」嗯,最尾兩句……嗯,有少少燦眼,亦好Sweet。

Read more ›
梁偉家賀聖誕出條漫 《滅絕遊戲2018之無限結印》高質
by / on 24/12/2018 at 9:30 pm

梁偉家賀聖誕出條漫 《滅絕遊戲2018之無限結印》高質

過時過節出賀圖已成港漫人老例,大家睇畫開心吓,何樂而不為?梁偉家更加有誠意,今次唔只出「圖」,直頭出「漫畫」,喺面書公開條漫《滅絕遊戲2018之無限結印》。一貫畫風,一貫高質,一貫出色分鏡,佢話辛辛苦苦畫咗十幾日,作為聖誕禮物送畀大家喎。大家記得畀Like,家家,加油呀。

Read more ›
有片:Stephen Curry上日本電視節目表演 78秒入20個位置超快手
by / on 24/12/2018 at 9:00 pm

有片:Stephen Curry上日本電視節目表演 78秒入20個位置超快手

區區射入20個位置,其實唔難,我知,但限90秒內完成又點睇?Stephen Curry上日本電視節目表演,最終以78秒完成。我認真數過,期間,佢喺超近距離「2」號位炒咗一次、蘆葫頂「13」號三分位炒咗兩次、零角度「17」號三分位炒咗一次、三分線踏後兩步嘅「19」號位炒咗兩次,而最後一球喺中場線「20」號位則一Shot搞掂,準到屈機仲要超快手,唔到你唔服。

Read more ›
核突但有型 我睇咗啲乜之角色崩壞雕塑
by / on 24/12/2018 at 8:15 pm

核突但有型 我睇咗啲乜之角色崩壞雕塑

我究竟睇咗啲乜?究竟「Beastmode Creation」呢個網站搞乜嘅呢?網站簡介咁寫:「歡迎來到beastmodecreation(野獸模式),我們造樂趣可愛的雕塑,所有作品都是手工造的,很多作品沒有標準和限制的,可能會出現一些血腥暴力的畫面,可能會感到不安。」OK,明白了,血腥、暴力,我Like;手造、無限制,直頭要加分添啦。雕塑以崩壞動畫角色為己任,甚麼阿童木呀、蝙蝠俠呀、美少女戰士呀、麥當奴叔叔呀,唔係專登造到手腳唔啱比例,就係搞到面相猙獰核突,但奇怪在我越睇就越硬,拳頭硬呀,硬硬吓,又忍唔住睇晒落去。

Read more ›

網圖分享:2018聖誕賀圖
by / on 24/12/2018 at 7:10 pm

網圖分享:2018聖誕賀圖

今日平安夜,收工未?約咗女友未?諗到去邊開Party未?Wow,大家都好節目豐富呀吓,不過玩到癲之前,不如欣賞埋2018聖誕賀圖先,搞興個氣氛,今晚一於劈個不醉無歸。Merry Christmas,Yeah。

Read more ›
網圖分享:Man僧的《Slam Dunk》系列畫作
by / on 21/12/2018 at 9:00 pm

網圖分享:Man僧的《Slam Dunk》系列畫作

真係不得不佩服Man僧,快手,多產,高質,仲要幅幅畫作都呃到Like。最新畫作有《Slam Dunk》系列,至今已經畫咗櫻木花道、宮城良田、赤木晴子、彩子,當然唔少得「我想打籃球」嘅三井壽。唔好停,至少要湊夠湘北一隊,畫埋木暮公延同赤木剛憲呀,我哋一齊畀啲掌聲鼓勵佢,啪啪啪啪啪。

Read more ›
助養東尼公仔$98 添多個馬桶畀多$30
by / on 21/12/2018 at 8:45 pm

助養東尼公仔$98 添多個馬桶畀多$30

啲Description係幾好笑嘅,面書專頁「東尼電機」出公仔,有以下Hardsell內容:「山區兒童助養東尼計劃,推出最新座廁版,每日只需$3.26一個月供斷,就可以令東尼得到溫飽,立即行動!」笑完,認真睇價錢,齋東尼公仔$98,要埋個馬桶就$128,價錢唔貴,請大家多多支持。又,有無發覺,東尼公仔個面相,有少少似馬榮成自己畫自己嘅Q版馬Sir?

Read more ›
啊羊繪記x十萬個激嬲女友的理由 聖誕節搞展覽
by / on 21/12/2018 at 8:15 pm

啊羊繪記x十萬個激嬲女友的理由 聖誕節搞展覽

大家有無睇面書專頁「十萬個激嬲女友的理由」?啲男女拍拖小故事都幾高質的,啲互寸對白都好啜核,幾乎次次都睇到我笑;嚟緊聖誕檔期,該專頁會聯乘另一專頁「YeungDraw啊羊繪記」搞小型展覽,啲畫多數係電影場景,都畫得唔錯架。今次正喇喂,既有字,又有畫,我諗會更加好笑,更易惹人共鳴。

Read more ›
係幾甜嘅 日本筋肉女才木佳玲扮聖誕女郎
by / on 21/12/2018 at 6:48 pm

係幾甜嘅 日本筋肉女才木佳玲扮聖誕女郎

就快聖誕節,好多女仔應份鍾意扮聖誕女郎,好多男仔亦應份鍾意睇女仔扮聖誕女郎,咁喺做Gym界出晒名嘅日本筋肉女才木佳玲,大家又有無興趣?無錯佢手瓜起晒展,膊頭寬闊大大隻,但原來扮聖誕女郎都幾靚女,笑容仲幾甜添。

Read more ›

有片:疑似《街頭霸王》場景 戇男光刀vs Cody Chow波動拳
by / on 20/12/2018 at 10:00 am

有片:疑似《街頭霸王》場景 戇男光刀vs Cody Chow波動拳

Round one,Fight!戴帽Cody Chow喪出波動拳,戴眼鏡戇男喪出阿力咕,就如此這般的波來光刀去。人物面相同衣飾都好似本尊,呢條二創《街頭霸王》疑似Game片,究竟點整架?過癮呀喂。

Read more ›
《上官家族漫畫集》買一得六$58 上官小寶出手賜彩畫
by / on 20/12/2018 at 9:30 am

《上官家族漫畫集》買一得六$58 上官小寶出手賜彩畫

送贈品作招徠,總有一定吸引力,至少吸引到我。訂購上官小威《上官家族漫畫集》齋書,即送貼紙兩張,售$48;如果畀多$10,送埋李小龍磁石貼、明信片、揮春、紀念證書同李小龍彩畫各一。當中,以李小龍彩畫我最Like,皆因由上官小寶繪畫。大師出手,好應該撐撐嘅。

Read more ›
張小偉聖經港漫《我是王》 出書兼喺Cafe搞原畫展
by / on 20/12/2018 at 9:00 am

張小偉聖經港漫《我是王》 出書兼喺Cafe搞原畫展

孤陋寡聞,真係唔知原來有關於聖經嘅港漫,講嘅係張小偉新作《我是王》,開宗明義話到明係聖經漫畫,售$50。為此,佢喺「Pavilion Cafe」搞咗個原畫+複製原畫展,合共展出約廿幅作品,現場既有新書亦有舊作《使徒行傳》同時發售。觀其畫風好重港漫Feel,線條幾密質質畫面幾細緻吓,真係好有興趣買番本睇睇。

Read more ›
畫展+座談會+買精品 撐《格展:香港漫畫三七面》
by / on 19/12/2018 at 10:30 am

畫展+座談會+買精品 撐《格展:香港漫畫三七面》

於我,甚麼類型嘅漫畫展都係睇極唔厭嘅,所以知道嚟緊1月又有《格展:香港漫畫三七面》,我very happy。先講展覽Artist陣容,包括奶茶通俗學Milktealogy、阿塗、草日漫畫、Cliffy、Felix Ip、黎達達榮、Man僧、OIC親子丼同Tubbyfellow。有畫睇,有座談會,有pop-up store,有精品買,不難消磨一個下晝,希望大家都多多支持喇。

Read more ›