Articles by: 尉遲一

網圖分享:拜拜2018擁抱2019
by / on 31/12/2018 at 9:30 pm

網圖分享:拜拜2018擁抱2019

就快到2019年,雖然無乜實質改變,但無穿無爛可以健健康康過一年,始終都係值得開心嘅事。以下賀圖,我最有Feel嘅係Cuson畫嗰幅,「Bye Bye,唔開心嘅事!」非常啱聽。

Read more ›

有片:葉明發畫石黑龍賀2019年
by / on 31/12/2018 at 9:20 pm

有片:葉明發畫石黑龍賀2019年

睇高手畫畫,從來都係賞心樂事,葉明發畫興大發,新鮮滾熱辣剛剛喺面書掟咗條實時作畫短片,畫嘅係《龍虎門》三皇之一嘅石黑龍,仲順便留言補多句「Happy New Year」。Fine,大家大可當2019新年賀圖咁睇,如果可以送呢幅畫板畀我就好咯。

Read more ›
Lego新貨玩舞龍賀歲 嚟緊豬年啱砌
by / on 31/12/2018 at 9:00 pm

Lego新貨玩舞龍賀歲 嚟緊豬年啱砌

合理嘅,越來越多中國人鍾意砌Lego,所要出番副舞龍賀歲(型號80102)絕對計啱數。乜餡呢?簡單直接龍一條,由五個Minifigure舞動,有個粉紅色疑似「大頭佛」角色帶頭,造型卻係隻豬,出年係豬年吖嘛。睇片見到條龍可以上下擺動,唔會硬邦邦唔識郁,配色都係大紅大金好喜慶Feel。我知實有人話老土,但我真心Mode鍾意喎,有無人送畀我?

Read more ›
有片:TC CANDLER嚴選2018百大最美女星臉孔 周子瑜奪亞
by / on 31/12/2018 at 8:45 pm

有片:TC CANDLER嚴選2018百大最美女星臉孔 周子瑜奪亞

2018年仲有幾粒鐘就過去,又係時候回顧乜回顧物,我鍾意睇靚嘢,既然要湊熱鬧回顧咯,就梗係睇由「TC CANDLER」舉辦嘅年度「The 100 Most Beautiful Faces of 2018」喇。第一名係法國嫩模Thylane Blondeau,唔係唔靚,但唔係好啱我口味。俾我重點推介的話,我會揀排第2嘅韓國女團Twice成員周子瑜,其他如排第19嘅妙麗艾瑪屈臣、排第31嘅日本女星小松菜奈、排第43嘅日本女星石原聰美、排第64嘅中國女星林允、排第84嘅日本女星籐崎愛同排第88嘅韓國女歌手張員瑛都係我杯茶,唔知大家點睇?

Read more ›
香港海賊王餐廳聽日執笠 精品7折發售
by / on 31/12/2018 at 7:19 pm

香港海賊王餐廳聽日執笠 精品7折發售

唔知你打咗卡未,我就來不及朝聖已執笠,講緊嘅係「香港海賊王餐廳」,聽日即係2019年1月1日就正式結束營業。呢間《One Piece》主題餐廳,裝修佈置到烈陽號咁款,有路飛、娜美等9個角色1:1塑像,N咁多個打卡位,家陣要關門大吉,相信唔少Fans都感到可惜。散貨又好,回饋Fans又好,餐廳決定將指定香港限定精品7折出售喎。經過開嘅,咪撐撐場囉。

Read more ›
很想要吧?高橋聖子滑鼠墊好澎湃!
by / on 29/12/2018 at 10:00 am

很想要吧?高橋聖子滑鼠墊好澎湃!

繼三上悠亞後,日本成人網站「Fanza」為另一AV女優高橋聖子(Shoko Takahashi)推出滑鼠墊。上次三上悠亞著粉紫紅色Bra,今次高橋聖子就著大鮮紅色Bra,顏色更惹火,觀感亦更加澎湃。

Read more ›

日本Coser kyoma 腳長高顏值
by / on 29/12/2018 at 9:30 am

日本Coser kyoma 腳長高顏值

今日天氣凍呀,無乜嘢都唔好出街,此時此刻有乜好做呢?不如睇吓靚靚Coser喇。呢個日本Coser Kyoma,唔知大家啱唔啱睇?我就覺非常OK,腳長長,顏值唔錯,拖出街應該會有大把人望。

Read more ›
鄭健和《三國誌異》1月3日見街
by / on 29/12/2018 at 9:00 am

鄭健和《三國誌異》1月3日見街

《西遊》完結,鄭健和新作《三國誌異》鐵定1月3日見街,面書專頁「Bookone」剛剛釋出疑似正式封面,究竟疑似封面係畫緊邊個三國人物呢?仲有幾日咋,等吓啦,萬二分期待。

Read more ›
麥少峯《灰飛不滅》原稿展 夜光版小梅Figure限量10個
by / on 29/12/2018 at 12:41 am

麥少峯《灰飛不滅》原稿展 夜光版小梅Figure限量10個

「紙本分格」聯乘麥少峯出鬼古合集《灰飛不滅》,為宣傳搞展覽,屆時會展出合集裏面兩個故事《灰飛不滅》同《黃油紙路》嘅原稿,有得慢慢聞原畫,我就至Like嘞。另外,場地會闢一角作為工作室,展出角色小梅嘅模型雛型。喂喂喂,未講完呀,仲有展覽版小梅Figure供近距離觀賞,由麥少峯親手上色,有埋夜光效果添。睇啱嘅,即買喇,限量10個。

Read more ›
《壽星仔》搪膠人形有現貨 送紀念卡一張
by / on 28/12/2018 at 9:15 pm

《壽星仔》搪膠人形有現貨 送紀念卡一張

之前有無訂《壽星仔》45週年紀念搪膠人形呀?後悔無?唔緊要,收風話「壽星專門店」仲有少量現貨發售。老實,唔知有幾少量,亦唔知各個版本Exactly有幾多現貨,只知買邊個版本都會送紀念卡一張。有興趣入手嘅,打個電話問吓囉。

Read more ›
過年要買 食完團年飯砌「團圓‧團年飯」Lego
by / on 28/12/2018 at 8:45 pm

過年要買 食完團年飯砌「團圓‧團年飯」Lego

弊喇,屋企仲有十盒八盒未砌,但又心郁郁想買「團圓‧團年飯」Lego(型號80101)。官方話呢盒係首次以農曆新年為主題嘅Lego,場景係中國傳統大宅,有埋花樽插住年花,大家開開心心圍住食飯咁喇,檯面有團年飯必備嘅大魚大肉,有六個著住賀年衫嘅Minifigure,大紅大金,總之就非常喜慶Feel喇,1月3日。過新年,買番份應節玩具,成件事好合理吖……我用呢個唔知算唔算藉口嘅藉口說服緊自己中。

Read more ›

鄭健和親筆簽名《西遊》完結號 至Goal Club有售
by / on 28/12/2018 at 8:29 pm

鄭健和親筆簽名《西遊》完結號 至Goal Club有售

鄭健和《西遊》大結局喇,我畀90分,故事無敵,對白精彩,如果公仔可以畫得番《殺道行者》咁細緻就更加Perfect喇。唔捨得嘅唔只廣大讀者,連文嘉宏都作畫一幅以示不捨之情,而「至Goal Club」呢,亦搵咗鄭建和喺第183期完結號封面親筆簽名,限30本。吓?早兩日已經買咗書?我都係,不過唔緊喇,經過開MK嘅,咪買多本撐撐場,當一個美麗終結囉。

Read more ›
台灣Coser雨波 超激突劍之聖女
by / on 27/12/2018 at 11:00 pm

台灣Coser雨波 超激突劍之聖女

乜Coser未見過?我唔會俾呢個台灣Coser雨波完全迷倒,但佢Cos《哥布林殺手》劍之聖女輯相確實係吸睛,所以很不爭氣地,我也不自覺地Save as wallpaper了。

Read more ›
葉明發x《漫畫Buddy》推出月曆
by / on 27/12/2018 at 10:30 pm

葉明發x《漫畫Buddy》推出月曆

無錯係遲咗啲,但遲到好過無到,葉明發聯乘《漫畫Buddy》出2019座檯月曆,Size係14cm x 17cm,收錄10幅《漫畫Buddy》賀圖同兩幅全新作品,每個$78,限量100個,有買趁手。

Read more ›
網圖分享:重伊藤潤二Feel暗黑畫作 撕開面皮露骷髏頭
by / on 27/12/2018 at 10:00 pm

網圖分享:重伊藤潤二Feel暗黑畫作 撕開面皮露骷髏頭

是日推介面書專頁「Demographick」,畫嘅係簡單粗線條黑白畫,畫風好重伊藤潤二Feel。唔敢話青出於藍,但當撕開美少女面皮露出骷髏骨頭、撕開同光頭仔面皮露出腦袋、撕開胸膛扯出心臟、拉開聖誕樹見到妖怪等等,稍稍加少少紙藝Skill,作品即時3D咗,出嚟嘅效果亦更暗黑,令人留下深刻印象。

Read more ›