Articles by: 尉遲一

文地貓出特集《十下十下》 分享會有新產品售賣
by / on 10/08/2018 at 10:00 am

文地貓出特集《十下十下》 分享會有新產品售賣

文地貓Fans留意,為紀念office漫畫十週年,文地貓推出特集《十下十下》賀一賀佢,仲搞埋簽名分享會添。同場有Figure、Pouch、杯、證件套、Tee等新產品發售,又有限量福袋,兼有曲奇義賣。仲有仲有呀,一有幫趁即送小摺扇一大把,大家記得去捧場。

Read more ›

「コスプレ妄想寫真館」 春麗餐廳打工?
by / on 10/08/2018 at 9:00 am

「コスプレ妄想寫真館」 春麗餐廳打工?

呢輯相出自Red Bull「コスプレ妄想寫真館」,第一彈係蘇聯佬,今次就係春麗喺一間中華料理打工嘅日常,工作範圍包括睇Menu喇、抹枱喇、Set場喇、入廚房幫手切蔥喇、揸電單車送外賣喇等等,埋尾梗係食埋個靚麵同個多汁小籠包,嗯……至於Cosplay嗰位,可能你唔認得個樣都認得佢後面,係倉持由香。

Read more ›
古天樂設計香水樽 樽身《Star Wars》黑武士
by / on 10/08/2018 at 1:00 am

古天樂設計香水樽 樽身《Star Wars》黑武士

古天樂有個私人倉庫擺放玩具,勁迷《Star Wars》係人都知,所以佢幫香水品牌Guerlain設計The Bee Bottle香水樽,都用《Star Wars》做主題,成件事好合理。香水樽純黑,樽身以黑武士為籃本,係幾型,好想知究竟係乜嘢味。留意番,只要喺面書留意支持古天樂,Guerlian就會為每個帖文捐出$5,支持國際培幼會「愛‧女孩」行動,善事嚟嘅,大家支持吓。

Read more ›
名古屋World Cosplay Summit 2018 墨西哥隊扮印度佬+春麗奪冠
by / on 10/08/2018 at 12:28 am

名古屋World Cosplay Summit 2018 墨西哥隊扮印度佬+春麗奪冠

名古屋World Cosplay Summit 2018幾日前落幕,喺36隊裡面,冠亞季分別係墨西哥隊、印尼隊同泰國隊。墨西哥隊兩個Coser扮印度佬同春麗對戰,他們的造型好似,係,係「他們」,因為兩個Coser都係男人。睇晒成條片,發覺佢哋格鬥動作好純熟,打晒觔斗擘晒一字馬,噴火、出波、旋風腿、百裂隊都有做,雖然有借助道具,但畫面著實搞笑,最過癮係有埋Bonus Round拆車,我笑咗。

Read more ›
DDED x Life Mart手作市集 雜牌積木廢柴機械人大戰即砌即鬥
by / on 09/08/2018 at 11:30 pm

DDED x Life Mart手作市集 雜牌積木廢柴機械人大戰即砌即鬥

    D2 Place搞過N咁多個市集,老實講都行到有啲悶。今次有啲唔同嘞,嚟緊9月尾Life Mart手作市集將會聯乘DDED,搞個「雜牌積木廢柴機械人大戰」,新鮮感爆燈。零門檻、無準備、利用大會提供嘅積木即砌即鬥,係呢個大賽嘅宗旨,柴娃娃嗌到坼天,可以想像到時會有幾熱鬧。

Read more ›
Fans要搶! 崔成安《書畫集》超限量20本!
by / on 09/08/2018 at 5:31 pm

Fans要搶! 崔成安《書畫集》超限量20本!

呢次真係超限量,全人手製作嘅崔成安《書畫集》依家開訂,「123漫畫精品專門店」有售,分兩個版本,標準版一書、兩海報、一親筆畫手稿,售$1000;袖珍版一書、兩海報、一親筆畫手稿,售$880,各限量10套咁大把。唔廢話,好嘢,真係要搶架。

Read more ›

買楊嘉文《My Double May》寫真集 送簽名造型卡+海報
by / on 08/08/2018 at 7:41 pm

買楊嘉文《My Double May》寫真集 送簽名造型卡+海報

講真,買就真係未必會買,但有靚女睇,呢個墟原本都想上趁吓嘅,可惜早幾日尚在外遊中,未能出席「至Goal Club」舉辦嘅楊嘉文《My Double May》寫真集簽名會,甚可惜。If,你都想撐一撐呢個靚女的話,家陣去「至Goal Club」買書,即送簽名海報同由陳奇源繪畫嘅簽名Q版造型卡,限量20套,每本$168,有買趁手。

Read more ›
《怪異集》故事〈恐怖整容〉變網劇
by / on 08/08/2018 at 5:32 pm

《怪異集》故事〈恐怖整容〉變網劇

喂,進度慢咗啲噃,離上一個網劇〈鬼鞋〉都成三個月時間,可唔可以快啲呀?等得好辛苦呀。今次網劇改編自《怪異集》另一故事〈恐怖整容〉,印象中有睇過漫畫,但已經唔記得內容講乜,依家有得睇番都幾開心。而呢條Trailer呢,最恐怖喺最尾一個Shot,女主角攞界刀割自己塊面,都有少少驚嚇感覺。不過呢,有錯別字呀,改「編」唔係改「篇」,恐「怖」唔係恐「佈」,要留意校對喇。

Read more ›
過大海撐戴慶賢 首個個展《異想世界》
by / on 08/08/2018 at 3:12 pm

過大海撐戴慶賢 首個個展《異想世界》

戴慶賢手畫有幾勁,唔使多介紹,佢將會舉辦首個個人畫展《異想世界》,不過地點喺澳門教科文大心。佢喺面書留言話:「澳門居住的朋友,請多多支持!」無錯係山長水遠咗啲,但查實唔止澳門人,香港人都好應該支持吓,有時間嘅,搭程船撐吓場啦喂,期待快快喺香港搞番次個展。

Read more ›
Pen So x Good Goods好好社企 繪畫月餅禮盒包裝封面
by / on 07/08/2018 at 10:45 pm

Pen So x Good Goods好好社企 繪畫月餅禮盒包裝封面

嘩,原來今日已經立秋喇,點解天氣仲熱成咁架?即係話,就快又中秋節喇,今年Pen So為「Good Goods好好社企」畫咗兩張畫,用嚟做三個月餅禮盒包裝封面。封面有名堂謂四色薈萃、皎月霓裳同雙皇映月,好Old school?係,確實係Old school,但中佬如我望到盒面,兒時玩燈籠、煲蠟、食月餅等美好回憶,統統返晒嚟。那些年,真好。

Read more ›
銀芽騎士團 x Felix Ip《香港重機》 五機械人曝光
by / on 07/08/2018 at 10:15 pm

銀芽騎士團 x Felix Ip《香港重機》 五機械人曝光

面書專頁「銀芽騎士團」聯乘Felix Ip,用Lego砌出《香港重機》呢壇嘢,真係越玩越大,話咁快已經完成咗5隻機械人,分別為獅頭二哥、地龍、狂野14/16/19座、大巴人同進擊之街井,並以此為Phase 1「完滿到站」。有謂高手在民間,呢班Lego迷真係創意無限,值得鼓掌。專頁仲公開接受挑戰,如果大家想佢哋砌邊隻香港重機,即管出聲留言,期待有更多好作品見街,努力,加油。

Read more ›

「螢點」啟動 頭炮Bullshit tee $280
by / on 07/08/2018 at 9:45 pm

「螢點」啟動 頭炮Bullshit tee $280

由張君豪、戇男、Derek Woo、Noel、Kwok Ho同蓮生牽頭嘅創作單位「螢點」正式啟動,意念係「實體化漫畫,從此不再單一」,即係先出周邊產品再出漫畫?如果係,呢個Idea都唔錯,期待有更多精品推出。而頭炮,有白色Bullshit x Derekwoo Tee、黑色Bullshit BullDog Tee,各售$280,個人認為個Print唔錯,黑同白色易襯衫,著出街唔MK,撐得過。

Read more ›
買崔成安《雙節棍連環圖譜》 送限量版雙節棍
by / on 07/08/2018 at 9:20 pm

買崔成安《雙節棍連環圖譜》 送限量版雙節棍

買書送雙節棍,呢份贈品都算大手筆咯。即日起,喺指定書店購買崔成安《雙節棍連環圖譜》,憑有效發票即送棍道八言雙節棍限量版一支,每支價值$150,數量有限,有買趁手。信我,呢本圖譜絕對係好嘢,值得入手。

Read more ›
馬遜《蘇生戰銃》8月11日見街 第一二期同步推出各$48
by / on 28/07/2018 at 1:48 am

馬遜《蘇生戰銃》8月11日見街 第一二期同步推出各$48

有確切推出日期喇,嚟緊8月又多一本港漫睇,正呀喂。馬遜開Post話《蘇生戰銃》單行本鐵定8月11見街,第一同第二期同步出版,各$48。當日,佢會喺「收藏家港漫專區」駐場,同大家簽名影相,兼會推出三本親筆簽繪版,時間係2:30pm,大家記得預留時間捧場喇。

Read more ›
利志達金屬襟章 動漫節有賣
by / on 28/07/2018 at 1:39 am

利志達金屬襟章 動漫節有賣

利志達除新作《Solar Eclipse日食》外,今個動漫節都有精品推出,其中以一套四個金屬襟章最吸睛,不過睇錯的話只得10套,要搶。

Read more ›