fbpx

Author: 尉遲一

有片:高質Gundam插畫是如何煉成的

有片:高質Gundam插畫是如何煉成的

睇到我嘩嘩聲者,Princesskimiko1超強高達系列畫作是也,佢自稱Self-Taught digital artist,自學咁厲害;又自稱係一個Gundam Illustrator,即係好好好好好愛高達喇。Click入嚟望望,除咗大把高質插圖睇,仲有片示範如何有零到有創作,係好強嘅。

Read more ›

Pen So x 號印普洱 出茶葉+紅糖禮盒

Pen So x 號印普洱 出茶葉+紅糖禮盒

Pen So都有份參與《庚子年賀年市集》,今次仲會聯乘號印普洱推出茶葉同糖果禮盒,紅金二色,構圖係北角春秧街,紅色嗰盒有枸杞子、桂花、洛神花、紅棗、原味、老薑、益母草、玫瑰、生薑等12粒古方手工紅糖,售$380;金色嗰盒有高山歲月七子餅、勐海熟茶磚、勐海野生大葉種七子餅同樣樣好七子餅4種茶葉,售$500。Fine,於我,餡其實唔重要,我Care嘅係個靚盒,畫得咁靚,齋買盒都抵喇。

Read more ›
有片:鳳無雙賀何志文生日

有片:鳳無雙賀何志文生日

原來今日係何志文牛一,佢喺面書Post咗條超短片,片裡面有鳳無雙講Happy Birthday。咁唔爭在我哋喇,本網站謹代表廣大讀者,祝何志文身體健康、心想事成、生活愉快,恭喜恭喜。

Read more ›
馮志明《少林奇兵》復刻 2月見街

馮志明《少林奇兵》復刻 2月見街

都估到會復刻埋馮志明《少林奇兵》架喇,家陣心想事成,十萬個開心。復刻版《少林奇兵》有三個版本,一,普通版$128;二,國際版$168;三,香港版$168,預2月上旬見街。「先達漫畫店」同「收藏家港漫專區」開訂,大家有買趁手。

Read more ›
奧脫福Lego 曼聯死忠球迷必入

奧脫福Lego 曼聯死忠球迷必入

As一個死忠曼聯球迷,就算唔砌,都有必要買呢副奧脫福(10272)Lego返屋企看門口;But,As一個買親曼聯上下盤都輸嘅曼聯球迷,即係我,我講緊自己啫,卻尚在猶疑中。點解唔即刻入手?因為賣$299.99美金囉,兌番港紙二千三百幾蚊……嗯,睇嚟有必要認真度一度今晚場足總盃曼聯對狼隊。

Read more ›
《實驗品家庭》複製原稿首賣 Yanai現場加工

《實驗品家庭》複製原稿首賣 Yanai現場加工

憑動畫《實驗品家庭》而廣為人知嘅Yanai,將會出席嚟緊周六嘅《庚子年賀年市集》。屆時除有複製原稿首賣,Yanai仲會即場為原稿加工,撩番三兩筆,令每幅原稿都變得獨一無二。

Read more ›

草日繪本《春十二物語》 《庚子年賀年市集》首賣

草日繪本《春十二物語》 《庚子年賀年市集》首賣

草日有新作《春十二物語》推出,喺《庚子年賀年市集》首賣,全書28頁,內容講過年習俗同忌諱,全家大細都啱睇,當親子讀物都唔錯。

Read more ›
有片:日本YouTuber古怪實驗 千磅木樁舂最硬布甸

有片:日本YouTuber古怪實驗 千磅木樁舂最硬布甸

日本網紅Sushi Ramen【Riku】又來一個古靈精怪嘅實驗,今次玩矛盾之戰。佢用大量明膠製作布甸同啫喱,硬得嚟超韌,用普通刀切唔開,掟落地唔會散,用10kg鐵槌都打唔爛,此之謂盾;至於矛,就係一碌唔知幾多千磅重嘅舂木用木樁,吊到6米高,殺傷力驚人。戰幔展開,布甸同啫喱先後放喺地下,之後6米高木樁垂直舂落去,勝負一瞬間,你估布甸同啫喱有無爛?結果嚇人一跳……

Read more ›
李志清金庸小冊子印成利是封 有無得派?

李志清金庸小冊子印成利是封 有無得派?

話說李志清之前畫咗本金庸人物小冊子,又話說有圖書公司將小冊子內嘅人物印成紅噹噹利是封,再話說李志清開Post話:「今年可有得派了,只是放大了線條有點甩,美中不足呢!」我覺得最美中不足並唔係線條甩唔甩,而係無講點派法,作為Fans嘅我們究竟點先可以得到呢?希望李志清快快開估。

Read more ›
《漫畫Buddy》告別號 1月16日見街

《漫畫Buddy》告別號 1月16日見街

《漫畫Buddy》Vol 6有正式出版日期嘞,鐵定1月16日見街。價錢方面,普通版$78;金城/阿恩親筆油畫板套裝版、陳志恆親筆彩圖/黑稿套裝版,各售$390;限量Buddy小畫板套裝版,售$220。買邊個版本都好,都會送袁家寶製作嘅海報一張。今期係告別號,出埋今期就無架嘞,希望大家多多支持。

Read more ›
堅料!《戇男+漫畫故事》不日登場!

堅料!《戇男+漫畫故事》不日登場!

Wow,絕對堅料呀喂,戇男出Post話肯肯定會推出《戇男+漫畫故事》,兼釋出一封畫咗自己同十五少個樣嘅疑似封面圖,以隔住個Mon都Feel到嘅雄心壯志宣佈:「唔好以為流料,開始合縱連橫!三十年刊有~溫永聰、吳文輝、李重豪、牛輝……好樣的,隨時厚過阿基拉!」Wow,厚過《阿基拉》添,非常拭目以待。收到呢個消息,相信好多港漫迷同我一樣都咁開心興奮,我哋一於畀啲掌聲以示支持啦喂,啪啪啪啪啪……

Read more ›

《漢民鬼故事》開訂 加送1至8期封面貼紙

《漢民鬼故事》開訂 加送1至8期封面貼紙

上官小威繼續復刻之路,今次輪到《漢民鬼故事》登場,1至8期訂購價$160。老例,早訂有著數,送1至8期封面貼紙、A2櫻花海報、A3橫直彩卡各一、A4橫直彩卡各一。「收藏家港漫專區」依家正式開訂,限量嘅,有買趁手。

Read more ›
邱福龍簽名《山海逆戰》 擺烏籠簽「2019年」

邱福龍簽名《山海逆戰》 擺烏籠簽「2019年」

每期《山海逆戰》都有所謂嘅早書,即係比正式出版日期早一日半日見街咁喇。咁今期第163期都唔例外,不過龍少就擺咗個烏籠,簽名嗰陣一時錯手簽咗「2019年」,有無人同佢一樣都仲未適應2020年已經正式來臨?Anyway,又唔係甚麼大錯,當錯版咁儲囉。話時話,今期書名叫〈叛逆之大拳〉,究竟真正嗰本《大拳》幾時出?

Read more ›
118幅明信片砌百鼠圖展覽牆 行市集打卡

118幅明信片砌百鼠圖展覽牆 行市集打卡

又係市集推介呀,今次係D2 Place One搞嘅《百鼠圖市集及百鼠圖展覽》,咁就嚟農曆新年咯,買番啲賀年飾物係合理嘅。呢次有超過80個攤檔,認真行嘅應該有排行,同場有寫揮春同絲網印刷揮春之類嘅義買活動,大家可以幫襯吓。咁最重要係,記得行埋去由118張明信片砌成嘅百鼠圖展覽牆,打番個卡。

Read more ›
網圖分享:超可愛!尤達大變身!

網圖分享:超可愛!尤達大變身!

呢鋪真係要用隔籬位中女同事把裝少女腔高八度講一句:「真係好得意呀~~~呀!」講緊嘅係插畫家MJ. Hiblen嘅尤達系列畫作。估唔到尤達同小丑、Iron Man、蜘蛛俠、聖誕老人、美國隊長、John Wick等角色Crossover,效果可以咁可愛。高質插畫,值得Save低佢。

Read more ›