Articles by: 尉遲一

網圖分享:戴慶賢畫《Kill Bill》栗山千明
by / on 16/04/2020 at 9:15 pm

網圖分享:戴慶賢畫《Kill Bill》栗山千明

仲記唔記得《Kill Bill》裡面嘅日本校服女殺手?揸鏈球血滴子嗰個栗山千明呢?倔住你恨不得撕開你兩邊嗰個兇惡表情,令人非常心寒,至今難忘。戴慶賢剛剛出手,畫咗幅《Kill Bill》栗山千明,畫到成幅電影海邊咁,好靚呀喂,絕讚!

Read more ›

當壽司魚形豉油膠樽仔變成燈
by / on 16/04/2020 at 8:45 pm

當壽司魚形豉油膠樽仔變成燈

食日本壽司附送嘅魚形豉油膠樽仔,見慣見熟,用完即棄,斷估你眼尾都唔睄多佢一眼。若將之放大N倍兼變得曉發光呢,卻肯肯定你會另眼相看,估唔到原來可以咁靚。此燈名為「Light Soy」,澳洲設計公司Feliograf出品,有座檯燈同吊燈兩種款式選擇,哈日族應該好Like。不過真係唔平呀,賣$590.00澳幣,即係成2,900蚊港幣!

Read more ›
謝志榮3D虛擬畫展 足不出戶睇60幅水墨畫
by / on 16/04/2020 at 8:15 pm

謝志榮3D虛擬畫展 足不出戶睇60幅水墨畫

疫情持續,有畫展都未必敢親身落場睇,唔出街睇,咪上網睇囉。謝志榮搞咗個《水墨清音──3D虛擬水墨畫展》,拎住手機Loop呀Loop,隔住個Mon就可以一次過睇晒40幅作品。係,無得聞真跡係打咗個折扣架喇,但有總好過無,謝志榮呢個新嘗試,值得支持。

Read more ›
Felix Ip《香港重機》Art Print公開發售
by / on 15/04/2020 at 9:15 pm

Felix Ip《香港重機》Art Print公開發售

真係好靚,靚到要用畫框裱起佢,靚到好想擁有佢。Felix Ip呢六幅A3 Art Print,Including《電車街道》、《晚上的人人》、《MechaJumbo》、《Flying Jumbo》、《HK Mecha Protect HK》同《星渡輪》,係公開售賣嘅,有興趣嘅可以PM佢。

Read more ›
崔成安30呎巨幅《龍的傳奇》上色中
by / on 15/04/2020 at 9:00 pm

崔成安30呎巨幅《龍的傳奇》上色中

崔成安喺面書Post相交代進度,30呎長《龍的傳奇》巨幅已經去到上色階段,睇個勢唔使幾耐就可以完成。唔係吹水,齋睇相都Feel到有幾澎湃,如果到時會推出實體印刷品就好了。But,當真係出得成,咁長又點出好呢?斬件式Postcard,似乎係一個辦法。

Read more ›
當《Street Fighter》所有角色梳軍佬頭
by / on 15/04/2020 at 8:45 pm

當《Street Fighter》所有角色梳軍佬頭

畢竟係經典,相信大家對《Street Fighter》眾角色嘅衣飾、造型同面相都好熟識。有無想像過全部角色清一色梳晒軍佬頭?又有無想像蘇聯佬Cosplay其他角色個Look係點?有辦你睇,原來係咁……係幾好笑嘅。

Read more ›

貝多芬誕生250週年 浦澤直樹獻畫紀念
by / on 15/04/2020 at 8:30 pm

貝多芬誕生250週年 浦澤直樹獻畫紀念

貝多芬呀,唔多識呀,浦澤直樹我就識。咁兩人有乜關係?話說今年係貝多芬誕生250週年,唱片公司Universal Music Japan搵浦澤直樹畫咗幅主題插畫以資紀念,成件事就係咁囉。

Read more ›
Felix Ip x 馬學偉開班 教黑白畫風
by / on 14/04/2020 at 9:30 pm

Felix Ip x 馬學偉開班 教黑白畫風

添食!馬學偉同Felix Ip嘅畫班招新生,預計5月中開課,主題繼續係黑白畫風,教你點用唔同類型嘅黑色筆寫工具,Including科學毛筆、走珠筆、平頭筆等等。有興趣的話,快快報名。

Read more ›
曹志豪認真問:幾多人想睇《神兵F》?
by / on 14/04/2020 at 9:15 pm

曹志豪認真問:幾多人想睇《神兵F》?

呢鋪真係老夫子之耐人尋味嘞,曹子豪忽然開Post問:「究竟有幾多人想睇《神兵F》?」仲呼籲讀者畀Like兼開心Share,方便佢統計一下。係咪重畫《神兵玄奇F》?摸唔透,因為佢又咁話:「我公司亦營運得不錯,不會回歸舊公司,想像力極豐富的朋友不用猜測。」咁即係點?好曖昧呀喂。不過點都好喇,如果曹志豪真係重畫《神兵玄奇F》或之類題材嘅漫畫,我諗好多讀者都會拍爛手掌。

Read more ›
網圖分享:《海虎》大白鯊之斷疫道
by / on 14/04/2020 at 9:00 pm

網圖分享:《海虎》大白鯊之斷疫道

唔係第一次開心Share面書朋友仔Yeak Looi作品,今次佢畫咗幅《海虎》大白鯊,仲好過癮地將其武功名字改為「斷疫道」。大白鯊之天道曰:「他媽的肺炎給我斷尾吧。」真係承佢貴言,希望呢個地球快啲斷疫喇。

Read more ›
上網補購漫畫滿$60免運費 Citicomics Shop開張
by / on 11/04/2020 at 9:00 am

上網補購漫畫滿$60免運費 Citicomics Shop開張

唔出得街,睇漫畫喇。文化傳信剛剛開咗個漫畫文化網店「Citicomics shop」,方便大家上網補購日本漫畫,暫時可補購Item唔算好多,不過全單購物滿$60就免港澳運費。

Read more ›

網圖分享:譚德塞發爛渣(二)
by / on 10/04/2020 at 9:15 pm

網圖分享:譚德塞發爛渣(二)

俾人屈,條氣梗唔順喇,就阿世界衛生組織(WHO)秘書長譚德塞自稱受台灣歧視一事,台灣人嬲到眾籌落《紐約時報》全版廣告,反擊譚德塞發放世界級假訊息……面就人哋畀,假就自己丟,呢個咪活生生例子囉。

Read more ›
葉明發畫《阿修羅》賀圖
by / on 10/04/2020 at 9:00 pm

葉明發畫《阿修羅》賀圖

雖然遲咗啲,但一樣值得拍手掌呀喂。鄭健和《阿修羅》出到第三期,葉明發模仿創刊號封面,來一幅無相神功式賀圖,真心覺得正。話時話,創刊號封面位人兄係邊個?係咪成人版有魚?而睇完今期,我覺得最終時雨會變成出賣兄弟嘅奸角……

Read more ›
DDED出WhatsApp sticker 歡迎下載
by / on 10/04/2020 at 8:45 pm

DDED出WhatsApp sticker 歡迎下載

Don’t ask me why,我係好鍾意DDED筆下嘅四方頭人仔嘅,佢出Post話:「DD仔貼圖低調上架」,出WhatsApp sticker呀喂!DD仔啲表情唔錯,係略嫌「多多指教」、「OK!」、「有冇人呀?」、「正呀喂」、「哦」等等對白大路咗啲,唔多夠奔放。Anyway,大家快快下載,支持吓。

Read more ›
《古惑仔》南哥殺好友! 立花之死講唔講得通?
by / on 10/04/2020 at 8:30 pm

《古惑仔》南哥殺好友! 立花之死講唔講得通?

隨住《古惑仔》完結倒數,陳浩南同立花正仁一戰大局已定。我係估錯咗嘅,我估陳浩南死,但死嘅睇個勢係立花正仁,除非再扭橋,否則立花正仁都好難翻生。睇完今期第2329期,對於牛佬呢條二必死其一戲碼,大家收唔收貨?老實,於我,只係叫做勉強講得通。原因有二,一,暗黑之門啲殺手家陣好強咩?立花正仁係神人,以一人之力𢫵返轉頭滅佢門都仲得啦,驚唔夠抽,搵埋佐維、大梵幫手咪唔得咩?Fine,就算反咬不成,要自保都應該綽綽有餘啩?二,既然立花正仁老早洞悉黑澤村陰謀,點解唔可以事先同陳浩南單聲,兩人夾檔扮打生打死,合演一場好戲坤殺手博文上釣咪得囉,使唔使真係以命相搏先?BTW,牛佬營造生離死別嘅氣氛確有一手,大飛一句:「亞南!留手呀!」盡顯激動之情;而立花正仁遺言:「南……我點會殺你!」唉,更加睇到我好Sad。

Read more ›