Articles by: 尉遲一

買贈品版《漫畫樂園》 送黃國興呃Like海報
by / on 09/08/2019 at 8:45 pm

買贈品版《漫畫樂園》 送黃國興呃Like海報

前日報導過上官小威會復刻《漫畫樂園》,贈品本身已經多籮籮,但上威覺得唔夠喉,所以決定加碼。現但凡購買贈品版《漫畫樂園》,除本身嘅一書五贈品外,再送123漫畫店黃興豬呃Like A3海報一張,正嘞啩?

Read more ›

邱瑞新無心機寫週記 《火武耀揚》替香港人打氣
by / on 09/08/2019 at 8:15 pm

邱瑞新無心機寫週記 《火武耀揚》替香港人打氣

呢排香港水深火熱,相信唔少人都情緒低落,彷彿唞啖氣都唔順,抽口煙都冒不出輕鬆。好明顯邱瑞新都心情麻麻,今期第1033期《火武耀揚》直頭無心機到唔想寫字,原因係「心情沉重,無法執筆,瑞新周記暫停一期。」並附璀璨維港夜景照一張,上書「天佑香港,香港人加油」。唉,真係「恐怕這個璀璨都市光輝到此」,天呀,幾時先可以畀番個無催淚彈嘅香港我呀?

Read more ›
謝牛佬發聲 《古惑仔》封面紀錄持槍人形物體
by / on 09/08/2019 at 7:54 pm

謝牛佬發聲 《古惑仔》封面紀錄持槍人形物體

今期第2259期《古惑仔》封面個光頭人形物體好熟口面呀呵?拎住支槍個Pose好有型呀呵?神態好威猛呀呵?真係呸呸呸呸呸!牛佬話:「講吓今期封面──今期封面,算係紀錄近期社會某啲令人印象難忘嘅畫面!第日睇番,就知道香港曾經發生啲咁嘅嘢!」多謝牛佬站喺雞蛋一邊,而呢個畫面,我諗所有香港人都一世難忘。

Read more ›
吼吼吼!Felix Ip畫西書籃球鞋!
by / on 08/08/2019 at 10:00 am

吼吼吼!Felix Ip畫西書籃球鞋!

真係無嘢可以難到多產嘅Felix Ip,最新創作係畫籃球鞋。人稱「西書」嘅NBA雷霆球星Russell Westbrook,將推出第二代簽名波鞋Why Not Zer0.2 SE,而Felix Ip則負責喺新鞋模型上創作,畫咗西書入樽後嘅招牌向天狂嘯表情,吼吼吼……好威猛呀。

Read more ›
許景琛Q版畫集 不日推出
by / on 08/08/2019 at 9:30 am

許景琛Q版畫集 不日推出

久違了的許景琛,喺面書話將會推出第二本Q版畫集《Cyber Q》,主題係「機械載體」,同時登咗一幅圖畀大家止止咳。佢手Q版畫有幾勁,我諗唔使多介紹,拭目以待。

Read more ›
日本網民創作祭品精靈馬 小黃瓜砌裝甲騎兵
by / on 08/08/2019 at 9:00 am

日本網民創作祭品精靈馬 小黃瓜砌裝甲騎兵

呢兩隻機械人好型呀呵?梗係型喇,呢啲叫「精靈馬」,係畀祖先用架嘛。話說每逢清明節,日本人都會用牙籤加小黃瓜砌隻馬,用矮瓜砌隻牛,當係畀祖先來回陽間同陰間嘅交通工具,傳統習俗嚟架。咁日本人不嬲以創意見稱,有網民「榊 柾人@執筆稼業」就用小黃瓜砌咗呢隻裝甲騎兵Votoms,係咪犀利先?

Read more ›

喬靖夫籃球短篇小說 重新修訂《Medium》連載
by / on 07/08/2019 at 10:00 pm

喬靖夫籃球短篇小說 重新修訂《Medium》連載

舊作嚟嘅,但我未睇過,剛剛睇番,OK熱血,有股衝動想即刻落籃球場跟隊。講緊嘅係喬靖夫喺2013年幫Nike創作嘅籃球短篇小說系列,佢負責文字,馮展鵬負責插畫,依家重新修訂喺《Medium》連載。小說共九篇,暫時只登咗三篇,每篇獨立成章,有主題,附後記,講番每篇小說嘅創作概念同波鞋有乜關係,幾有趣味,幾有電影感,真心不俗。不過更加期待,係佢之後嘅籃球小說新作啦!

Read more ›
張君豪x翠華超大壁畫 《翠華日報》原來係Menu
by / on 07/08/2019 at 9:45 pm

張君豪x翠華超大壁畫 《翠華日報》原來係Menu

張君豪手超勁實景畫,唔只可以買佢本《港漫景搜》捧上手慢慢睇,仲可以親自走去砵蘭街朗豪坊對面嗰間「翠華餐廳」打卡。蛋散聯乘翠華推出企劃,有相你睇,畫作係超大Size壁畫,雖然只得黑白,但大大幅確實有氣勢。同場加映《翠華日報》,同樣出自張君豪手筆,日報實情係Menu,製作好有心思。作為Fans,呢個禮拜一定去MK朝聖吓。

Read more ›
網圖分享:挑機失敗的豬頭
by / on 07/08/2019 at 8:45 pm

網圖分享:挑機失敗的豬頭

挑機,敗走,落單,砰砰嘭嘭,笑咗!阿傑多譜嘅對白好頂癮,Man僧就直頭畫出豬頭喇叭嘴嘅神髓……畫緊誰?你懂的,不解釋。

Read more ›
網圖分享:殺死了王小龍的雷射光
by / on 07/08/2019 at 8:33 pm

網圖分享:殺死了王小龍的雷射光

觀星筆等於雷射槍?咁都得?講得出口又唔面紅呢下好嘢嘛。服喇,Nothing to say喇,仲有乜好講。呢壇嘢不禁令我想起,雷射光又好激光又好,真係殺得死人架,不過只存在於漫畫世界。三皇之一嘅王小龍,就係為救戒仔而冒死飛身衝向激光球,慘被激光貫穿身體同小腿而死。唔知大家對舊著《龍虎門》此經典一役,仲有無印象?

Read more ›
撐!上官小威復刻《漫畫樂園》!
by / on 06/08/2019 at 6:15 pm

撐!上官小威復刻《漫畫樂園》!

復刻停不了,上官小威重推《漫畫樂園》,全書100頁,齋書售$48,贈品版貴廿皮。贈啲乜呢?包括截拳道第一式A2海報、小醉仙四色心意彩卡、小醉人雙面明信片、洪拳情意卡同李小龍67-68期貼紙兩張。懷老香港的舊,大家有無興趣?

Read more ›

邱福龍將推出《山海逆戰》封面畫集
by / on 06/08/2019 at 4:00 pm

邱福龍將推出《山海逆戰》封面畫集

論畫功論構圖,邱福龍係強中之強。我買每期《山海逆戰》,都習慣先花一分半分鐘時間仔細聞封面,之後睇福龍周記,之後再睇內文,過程非常享受,之所以得悉將會推出《山海逆戰封面畫集‧山之書》,我直豎拇指。暫時詳細資料欠奉,只知會以「豪華硬皮+UV+擊凸+鐳射+幻彩」形式推出。老實講,賣貴少少唔拘喎,最緊要成品靚,我代龍哥Fans講嘅。

Read more ›
戇男網店開張 Tee+Cap帽+滑板瓣瓣有
by / on 06/08/2019 at 3:30 pm

戇男網店開張 Tee+Cap帽+滑板瓣瓣有

等得久矣,戇男網店「Onnam Club」終於開張,暫時推出嘅Product唔算多。望勻啲相,感覺Tee同Cap帽都幾靚仔實用吓,最頂癮係連滑板都有,算幾新穎。遲啲仲會推出會員證頸鏈、牛仔褲等等,戇男Fans記得實際課金支持吓。另,網頁相片值得一讚,明顯落過心機影,唔係求求其其攤吓檯面爆兩下閃光燈交行貨,有埋Model同Styling。話時話,我覺得個女仔Model仲幾靚女添。

Read more ›
RIP!資深漫畫家雪晴離世!
by / on 06/08/2019 at 1:44 pm

RIP!資深漫畫家雪晴離世!

好好好好好Sad,擒晚半夜先有時間認真瀏覽面書,方得悉資深漫畫家雪晴原來喺6月26日已經離開咗我哋,終年49歲。其facebook管理人Coffee交代呢件事。唉,際此風雨飄搖嘅日子,心情沉鬱,更加唔知講乜好,難忘雪晴燦爛笑容,一路好走。

Read more ›
動漫節補購T-dult產品一覽
by / on 26/07/2019 at 11:00 am

動漫節補購T-dult產品一覽

係,係舊貨嚟,但可以一次過買番晒,都唔錯吖。T-dult喺動漫節2019都會擺攤位,會翻推《R4MBLER: The Memory Of Tomorrow》畫集($180)、《R4MBLER: The Memory Of Tomorrow》Postcard($120)、《阮大勇的影畫藝術》($450)、《今晚打喪屍》小說Tee($150)、《風雲》漫畫Tee($220)同《新著龍虎門》漫畫Tee($120)。之前買漏嘅,咪補番囉。

Read more ›