Articles by: 尉遲一

專頁「十萬個激嬲女友的理由」擺攤 「你又話唔鍾意大波妹」布章買得過
by / on 30/01/2019 at 10:00 am

專頁「十萬個激嬲女友的理由」擺攤 「你又話唔鍾意大波妹」布章買得過

我幾鍾意睇面書專頁「十萬個激嬲女友的理由」,啲啜核金句同錯摸場景幾幽默,係博到熱戀中男女一笑嘅。專頁今年擺年宵攤檔,連攤檔名都頂癮過人,曰「恭喜發嬲」,賣嘅貨物有刺繡布章,質料如何唔知,淨係知布章上面嘅對白依舊好笑,甚麼「你又話唔鍾意大波妹」、「我冇嬲」、「夠膽你就玩得開心啲」、「我哋少鬧交佢鬧我就多」等等,係咪你拍拖生活寫照?買番個捧吓場喇喂。

Read more ›

上官小威《李小龍新傳》開訂 六漫畫六精品$180
by / on 29/01/2019 at 11:00 am

上官小威《李小龍新傳》開訂 六漫畫六精品$180

好佩服上官小威嘅魄力,可以同時間搞咁多本書,嚟緊又有一本《李小龍新傳》開訂喇,六漫畫六份精品$180。精品一啲都唔削,包括杯墊、證書、磁力貼、上官小寶同趙汝德合繪嘅彩畫、12張貼紙同立體畫板,限量300套。又係嗰句,要搶架。

Read more ›
加料兼送卡 《港漫回憶錄》完全版
by / on 29/01/2019 at 9:30 am

加料兼送卡 《港漫回憶錄》完全版

幾年前出版嘅《港漫回憶錄》,你有無捧場?無的話,家陣機會嚟喇飛雲,為紀念港漫誕生50周年呢個里程碑,「豐林文化」決定出多個《港漫回憶錄》完全版。點完全法?送多張阮大勇繪畫嘅紀念卡、整多張港漫誕生地圖、加多27個名家訪問、添多個港漫外傳咁囉。內容好似增強唔少咁,唔知大家有無興趣?

Read more ›
有片:DDED出揮春膠紙 扮工室/蝸居專用
by / on 29/01/2019 at 9:30 am

有片:DDED出揮春膠紙 扮工室/蝸居專用

DDED啲宣傳片好好笑,花咁多心思諗畫面寫VO再配音,好難唔畀面唔幫襯。嚟緊佢喺維園擺檔,會推出揮春膠紙。揮春膠紙分兩款,一,扮工室專用,祝福語有天下所有打工仔都鍾意嘅「射呀射射波吧」、「有嘢唔使做」、「腦細又吹我唔漲」、「腦細早走遲返」等等;二,蝸居專用,「因為香港啲屋越出越細,玩具又越買越多,搞到揮春都無位貼呀」呢幾句Soundbite,笑到我幾乎噴飯。

Read more ›
上官小威復刻《鐵橋》開訂 六漫畫五精品$120超值
by / on 28/01/2019 at 9:30 pm

上官小威復刻《鐵橋》開訂 六漫畫五精品$120超值

Good嘞,終於有詳細資料,上官小威復刻《鐵橋》正式開訂,包全套六期漫畫、磁力貼、上官小寶連環八腿八張卡、趙汝德全新彩畫、紀念證書、12張貼紙,超抵價$120。預計3月面世,咁抵玩,好難唔買。

Read more ›
Q版林正英 Tiny微影推出《殭屍先生》Figure $320
by / on 28/01/2019 at 9:00 pm

Q版林正英 Tiny微影推出《殭屍先生》Figure $320

八九十年港產片大盛,林正英主演嘅《殭屍先生》系列電影大受歡迎,功夫+殭屍+笑料+少少鹽花呢條方程式,家陣翻睇都仲笑得出。所以呢,呢套由「Tiny微影」出品嘅中國殭屍加林正英道士造型Figure組合套裝,我心郁郁想買,每套$320唔貴。Q版,我鍾意。

Read more ›

《香港漫畫三七面》格展 Felix Ip出瑞獸重機Sticker Set
by / on 28/01/2019 at 9:00 pm

《香港漫畫三七面》格展 Felix Ip出瑞獸重機Sticker Set

係,又係關《香港漫畫三七面》格展事,話說參展漫畫家們都各有精品推出,最新有Felix Ip呢套Sticker Set,姑且將之命名為「瑞獸重機」系列貼紙,將展畫化成貼紙畀你帶番屋企,又係爽皮啫。

Read more ›
《香港漫畫三七面》格展 草日老師畫揮春
by / on 28/01/2019 at 8:30 pm

《香港漫畫三七面》格展 草日老師畫揮春

時間過得好快,一個我認為非常成功嘅《香港漫畫三七面》格展,玩埋呢個禮拜就正式結束,未去嘅,真係要把握時機。喺埋齋嗰日,壓軸有草日老師「草日揮春加持大會」,大家多多捧場喇。

Read more ›
有片:日本橡皮章神人 自己雕自己印超自癒
by / on 28/01/2019 at 7:55 pm

有片:日本橡皮章神人 自己雕自己印超自癒

橡皮章,相信小學時代嘅你上啲甚麼勞作堂都玩過,雕出獨一無二嘅花紋圖案,再印喺紙上面,係幾過癮兼有滿足感嘅。日本橡皮章神人有呢個田口奈津子,自己雕圖案,線條極密難度極高,一層又一層好複雜;單個章印得,幾個章拼埋一齊印亦得,印完疊喺上面再用另一個章印都仲得,五顏六色效果極正斗,感覺好治癒。藝術,簡直就係藝術,好佩服。

Read more ›
by / on 26/01/2019 at 6:15 pm

係厲害嘅,唔係求求其其搵張爛鬼紙畫到似就算,而入實牙實齒用Cardboard製作3D《變形金剛》面罩,頭盔有咁多個面,佢就逐個面剪裁番出嚟,裁完再逐塊Cardboard黐番埋一齊,可以真真正正戴番上頭。面罩仲識開合架,方法係喺側邊加多兩支針筒,用水壓推動,都幾好心思。其實唔難吖,我知你實咁講架,不如……睇埋條片先講喇。

Read more ›
練黑龍的崩壞揮春 May The Force Be With You
by / on 26/01/2019 at 5:30 pm

練黑龍的崩壞揮春 May The Force Be With You

面書專頁名叫「練黑龍」,初頭睇錯仲以為係「石黑龍」添。Anyway,既自稱「Calligrapher」即書法家,手字真真不俗,寫中文字掂係應份嘅,難得用毛筆寫英文字都好有個人風格──「With Great Power Comes Great Responsibility」好勵志呀喂,「May The Force Be With You」亦係型到一個點啫。佢話歡迎課金訂購呢類「崩壞揮春」喎,嗯……寫番句「誰大誰惡誰正確」畀自己,又或寫番句「Nothing’s Gonna Change My Love For You」畀女友,有無得諗?

Read more ›

新年特別版瑞獸勇者 大大個「福」字盾牌好吸睛
by / on 26/01/2019 at 4:30 pm

新年特別版瑞獸勇者 大大個「福」字盾牌好吸睛

瑞獸勇者,並唔係卡通片名,亦唔係漫畫名字,而係Figure。顧名思義,即係以甚麼南獅呀北獅呀乜獅物獅為造型,效果係估你唔到咁型仔,我心郁郁都想買番隻。就嚟豬年,會推出限量新年特別版瑞獸勇者,大金加大紅為主調色,造型非常醒目,Fit晒節慶氣氛,左手揸刀,尤其鍾意右手揸住個寫住「福」字嘅盾牌,擺喺飾櫃,肯定吸睛。

Read more ›
老祖宗+邪神+石黑龍 梁瑋豪出《龍虎門》角色Figure
by / on 26/01/2019 at 3:45 pm

老祖宗+邪神+石黑龍 梁瑋豪出《龍虎門》角色Figure

好消息,梁瑋豪聯乘文化傳信、Kaiju,推出三個《龍虎門》角色Figure。邊三個角色?分別係「天下無敵九死邪功震乾坤」嘅老祖宗、「黑級浮屠無相神功火雲掌」嘅火雲邪神同埋「金鐘罩十字追魂棍刀疤仔」嘅石黑龍。至今尚在Coming soon階段,價錢如何未知,不過就透露咗會玩70年代港漫風格造型,真心Mode好期待。

Read more ›
有片:6呎高3307磅重 一比一Lego版Chevrolet農夫車登場
by / on 25/01/2019 at 9:30 am

有片:6呎高3307磅重 一比一Lego版Chevrolet農夫車登場

久唔久就有啲一比一乜一比一物Lego作品面世,今次有呢架美國雪佛蘭Chevrolet Silverado農夫車。交代吓資料先,18位Lego技師一齊砌、用咗334,544塊Brick、花超過2,000小時製作、重3307磅、6呎高、超過20呎長,對比番實物真相,九成九似。砌架車為乜?為宣傳嚟緊上映嘅《LEGO英雄傳2》囉。另,我比較想知,18位Lego技師人工如何?呢份工正宗寓工作於娛樂,我都想玩埋一份。

Read more ›
真心笑得出!Lowcostcosplay繼續低成本創作!
by / on 25/01/2019 at 9:00 am

真心笑得出!Lowcostcosplay繼續低成本創作!

每逢悶悶哋,我都會下意識Click入面書專頁「Lowcostcosplay」,事實上無一次令我失望過,次次我都笑得出。連「小岡」隻眼睛都有得Cos,我發覺,已經無乜嘢係佢Cos唔到的了。

Read more ›