Articles by: 尉遲一

上官小威《金漫畫》第七至九期開訂
by / on 12/03/2018 at 8:57 pm

上官小威《金漫畫》第七至九期開訂

由上官小威扯頭纜,馬榮成、馮志明同謝志榮編繪嘅《金漫畫》出到第七至九期出版,今次玩贈品版,限100套,送第一、二、三、八期貼紙同《馬榮成漫畫作品回顧》小冊子,售$98。「收藏家港漫專區」開訂,要搶。

Read more ›

李香蘭《邂逅!山川人》展 睇靚畫兼遊山玩水
by / on 09/03/2018 at 9:45 pm

李香蘭《邂逅!山川人》展 睇靚畫兼遊山玩水

本周日有無嘢做?有無興趣睇吓畫展兼行吓山?連插畫家李香蘭在內嘅13畫藝術家,舉辦咗個「邂逅!山川人」藝術展。臨場有靚畫睇,仲可以攞到本《大帽山川龍百態地圖》,跟主地圖遊山玩水。睇畫展兼舒展筋骨,呢劑都算創先河囉。

Read more ›
有片:超慢鏡睇水果互撞 青紅蘋果互撞似開花
by / on 09/03/2018 at 8:30 pm

有片:超慢鏡睇水果互撞 青紅蘋果互撞似開花

好耐無睇過YouTube頻道「The Slow Mo Guys」影片,今次有慢鏡睇水果撞水果,畫面一樣咁治癒。先嚟試支發射大砲先,就咁向天射,水果係可以射到141咁遠嘅。之後到互撞環節,橙撞橙,橙汁四射;青蘋果撞紅蘋果,撞到好似朵花咁;最勁係青蘋果撞西瓜,爆晒!如果係人頭的話,我諗一樣會爆。

Read more ›
上官小威復刻元祖版《壽星仔》 限100套$98
by / on 07/03/2018 at 9:28 pm

上官小威復刻元祖版《壽星仔》 限100套$98

一條紅衫魚唔使,就可以擁有元祖版《壽星仔》一至四期、4張A5膠貼紙同紀念海報一張,真係抵到爛。元祖版《壽星仔》喺1973年面世,老實,嗰時我得幾歲人仔,未知連環圖為何物,所以未睇過呢套經典作品,上官小威肯復刻,誠港漫迷之福。限量100套,「收藏家港漫專區」開訂,要撐。

Read more ›
用雷神槌裝咖啡 係咪型先?
by / on 06/03/2018 at 9:00 pm

用雷神槌裝咖啡 係咪型先?

Mjolnir,即係連其他英雄都拎唔起嘅Thor雷神槌呀,擺喺公司係咪好型?係!肯肯定係!雖然係陶製,有番一定重量,但肯肯定人人都拎得起。不過只裝到20安士咖啡,容量好似少咗啲,同埋都好訝詐吓,每個19.99美金,又係抵玩之選。

Read more ›
漫道有禮送 送高地仁親筆畫板
by / on 06/03/2018 at 6:44 pm

漫道有禮送 送高地仁親筆畫板

有禮送!出版社漫道剛剛同漫畫家高地仁做咗個專訪,順便搞多個「漫道Like Like」有獎遊戲,都係Like完專頁送親筆畫板一類小遊戲喇,截址日期3月12日6:00pm。咪睇幅畫板構圖好似好簡單咁,高地仁手畫好勁架,唔信可以睇埋佢面書專頁「Codyan高地仁」。

Read more ›

《山海逆戰》3D立體特別版開訂 限量200套
by / on 06/03/2018 at 5:18 pm

《山海逆戰》3D立體特別版開訂 限量200套

好正,好難唔撐,嚟緊第68期《山海逆戰》出3D立體特別版,包一書一「一線天結界/黃帝晶體」立體海報,有林業慶同夏偉義兩個封面版任擇,各限量200套,各售$68。呢次煩嘞,兩個封面都好靚,點揀好?代福龍答:「買晒兩個咪得囉。」

Read more ›
有片:咪做低頭族 小心無聊人剝你鞋
by / on 05/03/2018 at 8:00 pm

有片:咪做低頭族 小心無聊人剝你鞋

地球很危險,以後喺街唔好掛住做低頭族嘞,要一眼關七,提防啲無聊人對你做無聊事,包括──失驚無神剝你鞋。玩人嗰個好開心,被玩嗰個好無奈,不過玩得嚟都算有品,至少唔玩女仔,同埋去到尾都會丟番低隻鞋。最痴線係無聊人可以趴低慢慢解完鞋帶先剝鞋,而成個過程又可以神不知鬼不覺……都係嗰句,少做低頭族喇。問題又嚟嘞,如果俾人玩嗰個係你,你會點?俾我捉到無聊人的話,肯定醒佢一招刻骨銘心爪。

Read more ›
英國漁夫之寶搞Gag宣傳 人類總要重複相同的口味!
by / on 05/03/2018 at 7:00 pm

英國漁夫之寶搞Gag宣傳 人類總要重複相同的口味!

「人類總要重複同樣的錯誤.jpg」唔使多介紹,估唔到有老牌子竟如此開明與Funny,用此jpg做宣傳。邊個老牌子?開估,係英國漁夫之寶!係呀,每次喉嚨痛都會諗起佢嘅老牌喉糖呀!「漁夫」+「寶」=「漁夫之寶」喎,再補多句「人類總要重複同樣的口味」。係,個Gag係好爛,但好eye catching;兼,可能笑點低,我真係笑咗出嚟。

Read more ›
有片:泥塑《回到未來》Emmett Brown博士 似到犯規
by / on 05/03/2018 at 6:00 pm

有片:泥塑《回到未來》Emmett Brown博士 似到犯規

又一睇到人嘩嘩聲嘅似到犯規之作!呢個《回到未來》Emmett Brown博士泥偶,簡直同真人一模一樣,個睩大眼傻更更表情,深得電影角色神髓。唔只五官面相頭髮,連衫褲造型都跟足,細緻到手拎住嘅儀器、腰袋同衫袋都做埋,強呀。

Read more ›
《怪異集》網劇開拍新故事〈鬼徵婚〉 幾時有得睇?
by / on 05/03/2018 at 5:14 pm

《怪異集》網劇開拍新故事〈鬼徵婚〉 幾時有得睇?

好似都過咗半年咯,之前報導過嘅《怪異集》改編網劇繼開拍第一個故事〈恐怖整容〉後,一直都無嚟聲氣,以為無下文添。好彩,最新消息已經開拍緊第二個故事〈鬼徵婚〉,有我非常欣賞嘅演員張松枝做男一,其他演員有葉暐、毛敏樺等等,飾演被強姦虐殺再化成厲鬼報仇嘅女一唐紫睿,OK靚女吓,身材亦唔錯,值得留意。不過講乜都假,究竟幾時播先?我有少少等到頸長。

Read more ›

The Paintful’s Law手作仔 肥妹掛飾提你做運動
by / on 05/03/2018 at 5:05 pm

The Paintful’s Law手作仔 肥妹掛飾提你做運動

大家鍾唔鍾意手作仔嘢?鍾意的話不妨留意面書專頁「The Paintful’s Law」推出嘅產品,本土創作心機貨,值得支持。剛過完新年,創作者翻煲完《花樣年華》,諗到用夾恤衫用嘅硬卡紙作畫,畫下肥版蘇麗珍,然後剪低利是封嘅燙花點綴畫旗袍,出來嘅效果確實唔錯。另一個木製拼貼畫掛牆飾物都唔錯,畫中肥妹肚腩大到跌出嚟,成身肥嘟嘟,掛起佢,日日望住,可以提醒你做多啲運動,郁呀,跑呀,唔好懶呀。

Read more ›
撐啊羊繪記《昨日公映》 向電影經典鏡頭致敬
by / on 03/03/2018 at 4:40 pm

撐啊羊繪記《昨日公映》 向電影經典鏡頭致敬

係,我都知有好多呢類向電影經典鏡頭致敬嘅迷你畫展,但唔知點解又睇極唔厭,或者因為太鍾意港產片啩。面書專頁「YeungDraw啊羊繪記」開畫展曰《昨日公映》,啊羊自2013開始畫電影Cap圖,至今已畫過百,王小虎眉如花、八兩金扮李小龍、《東成西就》大嘴梁朝偉、爆粗暴龍哥……等等,一睇已經想笑,呢啲咪係共鳴囉。大家有時間嘅不妨撐場,多多支持。

Read more ›
福龍突入《山海逆戰》 用收音機解釋勾徹升呢
by / on 03/03/2018 at 4:18 pm

福龍突入《山海逆戰》 用收音機解釋勾徹升呢

喺今期第66期《山海逆戰》,福龍喺第十頁粉墨登場,親自以舊式收音機如何接收頻道作例子,解釋勾徹如何調校番啱Channel,慢慢Get到其前世蚩尤嘅戰力,足可同姚星塵一鬥。呢個處理手法,我覺得好OK,可以當全期書由頭打到尾嘅一個喘氣位,最重要嘅係,睇到第十頁我真係笑得出;But,身邊朋友卻有唔同睇法,話咁樣好突兀,會破壞節奏,明明劇情好緊張,福龍咁樣突入搞一搞,道氣即時斷咗。利申,呢位朋友都係邱福龍死忠Fans嚟嘅,唔知大家又點睇?

Read more ›