Articles by: 尉遲一

網圖分享:「盧渣古」踢比利時隊超勁
by / on 19/06/2018 at 9:17 pm

網圖分享:「盧渣古」踢比利時隊超勁

明明係同一個人,點解曼聯嘅盧卡古同比利時嘅盧卡古爭咁遠嘅?踢曼聯就成日失機,擒日對巴拿馬就好醒地梅開二度。為此,面書專頁「McDog麥狗體育台」即刻出惡搞圖,以盧渣古明寸呢個比利時國腳,但見佢一腳伸走高達,都不知幾威猛,好勁呀。

Read more ›

雙一+富江現身手機殼 伊藤潤二Fans留意
by / on 18/06/2018 at 8:15 pm

雙一+富江現身手機殼 伊藤潤二Fans留意

伊藤潤二Fans留意,澳門手機殼品牌Flame Macau推出四款手機殼,分別係「至死不渝的愛」、「雙一恣意的詛咒」、「富江」同「魔之斷片」,iPhone 7/8、iPhone 7+/8+同iPhone X適用,各限量100個。望過吓相,圖案同色水都唔錯,俾我揀會揀雙一嗰款,無他,我Like雙一嘅恐怖邪惡表情。

Read more ›
張君豪爛口乖x港漫系列畫板 爆粗都可以好過癮
by / on 18/06/2018 at 7:00 pm

張君豪爛口乖x港漫系列畫板 爆粗都可以好過癮

張君豪剛剛成立個人品牌「爛口乖」,品牌名好正,讀出嚟夠響,嗒落有玩味,「爛口」即係成日講粗口喇,但又好「乖」喎,係咪盞鬼先?爛口乖X港漫系列畫板都好過癮,甚麼「海虎!詐糊!」、「睇過小流氓,唔慌係好人」、「山雞浩南古惑仔,宜家市道無晒計」、「絕世無雙,飲西瓜霜」等等,爆粗爆得咁過癮,睇完應該會發出會心微笑,如果你係真心鍾意港漫的話。

Read more ›
Blackbrick Toys出張家輝1比6 Figure 每個$780
by / on 18/06/2018 at 5:26 pm

Blackbrick Toys出張家輝1比6 Figure 每個$780

Blackbrick Toys推出1比6張家輝Figure,西裝造型,有把槍有個酒樽揸吓。比例OK嘅,無話夾硬將手腳拉長,五官表情都尚算OK喇,唔算超級像真,但肯肯定一眼就認得出係邊個。不過純個人喜好,我就略嫌件老西唔多夠貼身,同埋膚色好似黑咗啲。每隻$780,價錢唔過份,張家輝Fans應該會收貨。

Read more ›
《山海逆戰》玩「鞭」 火將被兜鞭摑+傲嵐:「給我含吧!」
by / on 15/06/2018 at 10:03 pm

《山海逆戰》玩「鞭」 火將被兜鞭摑+傲嵐:「給我含吧!」

笑到我Gap Gap聲呀喂!今期第81期《山海逆戰》處處見「鞭」,這邊廂先有火將為保性命下跪清潔胯下巨鞭,姚星塵盛怒下腰肢一扭,兜鞭狠狠摑咗火將一大巴,火將無噴血但被摑到嘔火,畫面好搞笑。那邊廂傲嵐同子狂雷聯手鬥鹹濕異獸山魅,山魅胯下長鞭直鑽傲嵐褲管,企圖強姦,不過傲嵐都唔弱,成把寶劍插入山魅嘴巴,再加多句:「給我含吧!」哈哈,真係睇到我大呼過癮。

Read more ›
李志清贈封面題字四揀一 馬雲呼籲投票幫幫眼
by / on 15/06/2018 at 9:45 pm

李志清贈封面題字四揀一 馬雲呼籲投票幫幫眼

李志清水墨畫強,寫毛筆字一樣耍家,堪稱字畫雙絕。話說作家馬雲透露青雲工作室將會喺書展推出《黃飛鴻傳奇》,透請咗李志清幫手替封面題字,李志清不但無推卻,仲一口氣寫咗四個Version添。咁問題嚟嘞,四個墨寶都咁靚,用邊個好呢?馬雲揀唔到,惟有公開俾人投票,大家請用心望望,留言畀啲意見喇。

Read more ›

Felix Ip勁呀喂!《香港重機》系列出實體Figure!
by / on 15/06/2018 at 9:15 pm

Felix Ip勁呀喂!《香港重機》系列出實體Figure!

《香港重機》作品集尚未推出,Felix Ip已經透露會推出埋相關玩具。佢喺面書出咗張宣傳圖,從圖中所見,無估錯應該係垃圾蟲同垃圾桶造型Figure,好正!留意番,《香港重機》系列有N咁多幅畫作,如果全部變晒實體玩具的話,一字排開擺喺飾櫃,可以想像到有幾震撼。

Read more ›
有片:三上悠亞做世界盃宣傳大使 露腰波衫搭短裙
by / on 15/06/2018 at 8:57 pm

有片:三上悠亞做世界盃宣傳大使 露腰波衫搭短裙

擒晚2018世界盃開鑼戰,沙地阿拉伯簡直慘不忍睹,堪稱麥花臣水準,仲要係元老盃嗰隻,成班球員慢吞吞行行企企都唔知踢乜,輸俾俄羅斯五比零,真係無眼睇。輸波輸錢唔緊要,因為有三上悠亞哄番我,呢位澳門彩票有限公司MacauSLOT世界盃宣傳大使,剛剛喺Twitter放咗條片,著住件性感露腰波衫搭短裙仔,扭吓擰吓。雖然唔知佢講乜,但亦無需要知佢講乜,有靚女睇,我心情的確好番唔少。

Read more ›
練獨一無二嘅金鐘罩 石黑龍慘變肥仔
by / on 14/06/2018 at 10:17 pm

練獨一無二嘅金鐘罩 石黑龍慘變肥仔

話說今朝坐地鐵睇今期第944期《新著龍虎門》,笑咗出嚟,點解?因為到依家先知原來練金鐘罩會變肥仔。劇情講到身處泰國嘅石黑龍遇上蚩尤,大打出手,期間石黑龍谷金鐘罩上十一關,功力達至「剛如堅鋼,柔似棉絮」境界,咁畫面點表達呢?剛者,畫正常版石黑龍,柔者,畫肥仔版石黑龍,一堅一柔,一瘦一肥,畫面真係非常搞笑。睇咁多年港漫,一個角色忽然變肥變脹,只有兩個原因,一,中毒毒發;二,俾對手用功力谷爆中;今日,有第三個,就係練「獨一無二」嘅金鐘罩,問你服未?另,今期交代咗石武夫由鐵五郎所殺,石黑龍同蚩尤仲有偈傾,都係好事嚟嘅。

Read more ›
Yeak Looi自製一比一《武神》兇刀!寫個服字!
by / on 14/06/2018 at 9:28 pm

Yeak Looi自製一比一《武神》兇刀!寫個服字!

面書朋友仔Yeak Looi應該好迷《武神》,迷到自己動手「做」兵器。留意番,係由零到有嘅「做」,並唔係「紙上畫兵」,仲要唔係三幾吋長嘅劍仔,而係一比一拎得上手舞嘅超巨Size,呢把兇刀「悟」,啲Detail位做得好細緻。物料同製法方面,佢影埋相放上面書公諸同好,睇落唔難?自己動手試吓囉。

Read more ›
網圖分享:《聖鬥士星矢》化身世界盃足球員
by / on 14/06/2018 at 7:29 pm

網圖分享:《聖鬥士星矢》化身世界盃足球員

仲有幾粒鐘就2018世界盃開鑼喇,好興奮呀,插畫師Liruohai同我一樣咁興奮呀,仲興奮到出咗幅聖鬥士化身足球員嘅正圖。留意番佢個Deviant Art account,發覺佢本身好鍾意《聖鬥士星矢》,有大量相關作品,水準奇高,值得畀Like。

Read more ›

2018年新港漫 一鋒x李重豪x鄺世傑《大災難師》
by / on 13/06/2018 at 9:32 pm

2018年新港漫 一鋒x李重豪x鄺世傑《大災難師》

想當年每日都有新一期港漫睇嘅美好日子,唉,俱往矣,2018年都去咗一半,連龍頭玉皇朝都好似放軟手腳咁,唉,實在太耐無新港漫出啦。好彩,過咗半年後嘅今日,終於收到消息話有新港漫出,名為《大災難師》。詳細資料未知,只係知7月27日出版,監制係鄺世傑,仲有李重豪參與,而主筆係香港新晉漫畫家一鋒。睇面書專頁登嘅廣告,我O咗嘴,直頭係電影海報級數,真心Mode,我好期待。

Read more ›
有片:adidas世界盃廣告 陳奕迅做MC碧咸話想落場踢
by / on 13/06/2018 at 8:49 pm

有片:adidas世界盃廣告 陳奕迅做MC碧咸話想落場踢

adidas 「Creativity is the answer」系列廣告有N咁多版本,好多球星何只無對白,直頭出場都唔夠一秒,一閃即逝。我哋香港人,就梗係撐番自己友,睇陳奕迅做MC嗰個版本喇,廣告中佢話:「創造,唔係跟風,推翻限制,打破規範,呢一刻由你創造。」都OK型嘅,不過幾型都唔及碧咸一句:「我都好想落場呀。」係囉,如果你話碧咸都可以落場踢2018世界盃,你話幾好呢?撐英格蘭!撐撐!撐!

Read more ›
超強!Edward Yu的暴走《黑膠人》泥塑曝光
by / on 12/06/2018 at 10:45 pm

超強!Edward Yu的暴走《黑膠人》泥塑曝光

Edward Yu兄不愧天字第一號戇男Fans,之前佢整嗰隻《黑膠人》泥塑尚在雛型,家陣完完整整有成品睇喇,暴走姿勢一流,五官尤其正斗,爆牙無鼻,有眼框無眼珠,伸舌頭表情好招積,唔只四肢肌肉紋理,連背脊嘅疑似刺甲物體都做得好Detail。我諗戇男見到實物一定好開心,真心Mode跪求,希望Edward Yu兄可以上埋色,咁就Perfect咯。

Read more ›
紙本分格x麥少峯 出靈異漫畫《黃油紙路》要撐
by / on 12/06/2018 at 10:03 pm

紙本分格x麥少峯 出靈異漫畫《黃油紙路》要撐

好消息!有新港漫睇!網頁「紙本分格」推出漫畫計劃,聯乘麥少峯推出短篇作品《黃油紙路》。《黃油紙路》係個鬼古,話好好好好恐怖就呃你嘅,不過半夜三更熄晒燈自己一個人對住個Mon睇,個心都少不免會寒一寒,啲分鏡好帶動到氣氛,個結尾我係有啲估佢唔到嘅。香港已經無靈異漫畫,《黃油紙路》有昔日《怪異集》、《迷離境界》嘅味道,我非常Like。

Read more ›