Articles by: 尉遲一

動漫節《火鳳燎原》出「不止用一次防疫套裝」
by / on 11/07/2020 at 11:45 pm

動漫節《火鳳燎原》出「不止用一次防疫套裝」

唔係福袋,係明碼實價套餐價。今年動漫節,會有《火鳳燎原》「不止用一次防疫套裝」出售,屬會場限定,分兩款,平啲嗰個小孟套餐,包單行本第68期、五虎將口罩收納套、Q版小孟彩色簽名板、二選一酒精搓手液,售$98;貴啲嗰個八奇套餐,除上述Item外再包酒精搓手液兩支、小孟八奇盒裝紙巾同殘兵Cap帽,售$388。報告完畢。

Read more ›

Kaiju One香港人搪膠玩具系列 和平的皇者李力場
by / on 11/07/2020 at 11:15 pm

Kaiju One香港人搪膠玩具系列 和平的皇者李力場

今年動漫節,Kaiju One推出嘅「香港人搪膠玩具系列」仲有呢個「和平的皇者」,有名你叫李力場。李氏力場呀,每逢打親風都總有香港人提起佢嘅李超人呀,此Figure造型慈目善目,笑笑口咁,我覺得幾有福氣。

Read more ›
網圖分享:李健良畫狂王+王小龍+伯益
by / on 11/07/2020 at 10:45 pm

網圖分享:李健良畫狂王+王小龍+伯益

李健良人緣係好嘅,因為有《山海逆戰》邱福龍、《阿修羅》和仔大人同《新著龍虎門》鄺志德幫佢免費賣書展廣告。為此,良哥作畫一幅以表謝意,佢畫嘅狂王、王小龍同伯益,又係另一種味道。

Read more ›
無《勝利人生李浩東》睇 祝牛佬早日康復
by / on 11/07/2020 at 10:30 pm

無《勝利人生李浩東》睇 祝牛佬早日康復

今日落書報攤見唔到《勝利人生李浩東》,若有所失。後瀏覽「古惑仔Teddyboy」面書,得悉牛佬尚未復元,所以第二期繼續脫期。暫時無公仔書睇好閒,最緊要人無事,祝牛佬早日康復。

Read more ›
Felix Ip《香港重機・回收號大押》開訂 三版本任擇
by / on 10/07/2020 at 3:00 pm

Felix Ip《香港重機・回收號大押》開訂 三版本任擇

早兩日報導過嘅Felix Ip《香港重機・回收號大押》,今日正式開訂,仲有三個版本畀大家選擇添。一,普通版,售$128;二,特別版,包多一塊小畫板連子木架、大押收據造型證書,售$280;三,手繪封面版,包手繪封面書套同大押收據造型證書,售$880。張證書真係盞鬼,我好Like。

Read more ›
網圖分享:Cuson抽自己水Sell《疫流怪叔》
by / on 10/07/2020 at 10:00 am

網圖分享:Cuson抽自己水Sell《疫流怪叔》

話說早兩日Cuson女友話最愛香港插畫家係門小雷而唔係Cuson呢單嘢有後續,Cuson今日再出圖抽自己水。圖中所見,有讀者拎住門小雷本《Sisterhood》,對Cuson Sell新書視而不見、充耳不聞。呢下自嘲式宣傳好高水準,我真係笑咗。Anyway,佢已經出埋書展簽名時間表,咁大家記得幫襯怪叔叔買番本《疫流怪叔》喇。

Read more ›

網圖分享:崔成安畫《九五至尊》
by / on 10/07/2020 at 9:30 am

網圖分享:崔成安畫《九五至尊》

崔成安又畫興大發,畫咗一幅原鉛筆畫,並鬼馬地畀貼士曰:「十分喜愛穿越題材,鉛筆稿七張,估吓邊套劇?」估到未?有C-Hing畀咗答案,話係2002年電視劇《九五至尊》,由江華、張可頤、吳美珩等主演。我未睇過,所以估唔到。

Read more ›
網圖分享:啊羊繪記超鍾意《幻愛》
by / on 10/07/2020 at 9:00 am

網圖分享:啊羊繪記超鍾意《幻愛》

有無睇《幻愛》?我無,不過心郁郁想睇,因為影評不俗,講精神分裂康復者同心理輔導員譜出一段疑幻疑真嘅戀情,好似好有嘢咁。面書朋友仔「啊羊繪記」睇咗,話勁鍾意,鍾意到「忍唔住要畫畫」,因為「男女主角顏值好高」兼「故事好入肉畫面好靚」,查實佢畫嗰幅畫都好靚啫,值得開心Share。

Read more ›
Pen So本土回憶Postcard set Series 03 每套8張$85
by / on 09/07/2020 at 8:30 pm

Pen So本土回憶Postcard set Series 03 每套8張$85

Pen So推出嘅本土回憶Postcard set來到Series 03,今次以香港景物畫為主題。我見到珍寶海鮮舫、史釗域道6號、吳松街臨時熟食小販市場、大金龍蔘茸海味店、上環太平山街濟公廟、信興酒樓、油麻地戲院同畢打里配匙鐵皮屋攤檔,Total八張,售$85,書展與動漫節皆有售,報告完畢。

Read more ›
李小龍會書展推出《馬少飛隨心畫冊》$128
by / on 09/07/2020 at 8:15 pm

李小龍會書展推出《馬少飛隨心畫冊》$128

啲畫稿咁高質素,點只隨心喇,直頭好有心機就真。今年書展「李小龍會」會推出《馬少飛隨心畫冊》,全書240頁,售$128,隨書附送兩張李小龍時裝八達通卡貼。留意番,馬少飛畫嘅其實唔只李小龍,仲有Marvel電影角色、Ramboo等等,好多瓣數,有排欣賞。

Read more ›
網圖分享:奉袁家寶諭 龍虎群英Big 4提你戴口罩
by / on 09/07/2020 at 7:45 pm

網圖分享:奉袁家寶諭 龍虎群英Big 4提你戴口罩

唉,今日香港又唔知新增幾多個本地個案,武漢肺炎究竟幾時完呀?好煩呀。呻煩都無用,惟有奉袁家寶諭,繼續注意個人衛生,記得戴口罩。啱架,龍虎三皇And王風雷武功幾高強都唔係大晒,最怕係唔知自己中咗招又傳染畀人。咁大家記得乖乖戴口罩、勤洗手同多休息,少去啲多人嘅地方喇。

Read more ›

上原亞衣+波多野結衣+佳苗Cos《鬼滅之刃》
by / on 09/07/2020 at 7:30 pm

上原亞衣+波多野結衣+佳苗Cos《鬼滅之刃》

原來我最愛的上原亞衣都係《鬼滅之刃》Fans來的,佢剛剛喺Twitter派糧,扮彌豆子嗰Look好可愛呀。佢仲拉埋AV女優一齊玩Cosplay,波多野結衣、佳苗るか,都係陪過我好多個寂寞夜晚嘅好女仔,仲有ぽんちゃんだよ……

Read more ›
Kaiju One香港人搪膠玩具系列 大奇跡日股壇之俠者
by / on 08/07/2020 at 8:15 pm

Kaiju One香港人搪膠玩具系列 大奇跡日股壇之俠者

《大時代》!大奇跡日!劉青雲!Kaiju One推出嘅「香港人搪膠玩具系列」又添一員,今次有請股壇之俠者──疑似方展博出場!正,我好Like,動漫節必買Item之一也。

Read more ›
Felix Ip書展推出《香港重機‧回收號大押》
by / on 08/07/2020 at 8:00 pm

Felix Ip書展推出《香港重機‧回收號大押》

Felix Ip真的很多產,除《燃燒吧!香港重機2》外,今年書展仲有本新作《香港重機‧回收號大押》。此書主題係「幕幕曾忽略之片段,在心底再次跳躍翻騰」,即係你我他的美好「童年回憶」喇,大家記得買埋呀。

Read more ›
畫展睇陳某《火鳳燎原》複製原稿 買八奇/小孟搓手液
by / on 08/07/2020 at 3:00 pm

畫展睇陳某《火鳳燎原》複製原稿 買八奇/小孟搓手液

唔講唔覺,原來陳某《火鳳燎原》即將踏入廿週年,咁搵啲嘢搞吓都好應份,所以今年書展東立會喺攤位闢一角,展出陳某部份複製原稿,畀大家打吓卡。另外,仲會推出《火鳳燎原》搓手液,喺樽身貼張貼紙仔咁囉,有八奇同小孟兩款,Q版畫風,都幾過癮。

Read more ›