Articles by: 尉遲一

今年和你宵 玩《PO捕殺》勿忘抗爭
by / on 31/12/2019 at 10:30 am

今年和你宵 玩《PO捕殺》勿忘抗爭

今年年宵無乾貨檔,大家都知箇中原因,Fine,政府唔搞,咁咪自己年宵自己搞囉。如果你都支持黃色經濟圈,咁誠意邀請你一逛「和你宵」。產品方面,不妨留意吓卡牌遊戲《PO捕殺》,玩法同狼人殺大致相同,不過就配上抗爭者同攬炒之母林奠等角色,創作者開宗明義話:「希望以文宣融合遊戲,讓運動以其他形式延續」,意念清晰,收到晒。

Read more ›

塵阿力年曆卡 同路人有必要擁有
by / on 31/12/2019 at 10:00 am

塵阿力年曆卡 同路人有必要擁有

有人話近呢大半個月,逆權運動有漸漸熄火趨勢,我覺得唔係下下都要有人送頭先叫抗爭嘅,繼續做文宣同支持黃色經濟圈,都係Keep it alive手段一種。之所以呢張塵阿力正式授權製作嘅2020年曆卡,同路人有必要擁有。唔係靠佢睇日子,而係將之攝喺銀包或擺喺檯頭當眼處,提醒自己抗爭未完,未來日子仲有大把路要走,咪麻木,咪氣餒。

Read more ›
網圖分享:日本網民3D畫 禰豆子躍然紙上
by / on 31/12/2019 at 9:30 am

網圖分享:日本網民3D畫 禰豆子躍然紙上

日本網民Aria畫得一手3D畫,老實講唔算X級Hyper-realistic,但霎眼望都幾可亂真,立體感好出,係幾賞心悅目嘅。我尤其鍾意《鬼滅之刃》嗰幅,成個禰豆子戙企起身,好似真係喺張紙走出嚟咁,名副其實躍然紙上,正呀喂。

Read more ›
收藏家港漫專區收2020年會員 送福龍匙扣+貼紙+會員證
by / on 31/12/2019 at 9:00 am

收藏家港漫專區收2020年會員 送福龍匙扣+貼紙+會員證

「收藏家港漫專區」1月1日開始招收2020年新會員,會費$0,不過呢,就要幫襯買番套《刀劍笑》立體3D現金卷,面值$200可當現金使,我覺得好抵玩吖。另,一成為會員即送幻變立體《刀劍笑》收藏家會員證一張、《山海逆戰》八個封面未切割貼紙一張同最最最重要嘅──邱福龍自畫像金屬匙扣一個,係咪正先?

Read more ›
香港動漫海濱樂園 漫畫家免費幫市民肖像速畫
by / on 30/12/2019 at 9:15 pm

香港動漫海濱樂園 漫畫家免費幫市民肖像速畫

政府有幾支持香港動漫業界,心照,Anyway,有總Better than nothing。2020年2月,香港動漫海濱樂園會搞番個速寫活動,有漫畫家即場幫市民畫肖像,總算係個開心節目,值得支持。不過唔係到嗰日走埋去就有得參加架,要預先喺App自拍,又要上面書呃夠Like先有份參與,兼名額有限,大家有時間就湊吓熱鬧喇。

Read more ›
《R4MBLER 1/2·Felix lp x Sam Tse──The Memory of Tomorrow》Zine手繪封面版開訂
by / on 30/12/2019 at 9:00 pm

《R4MBLER 1/2·Felix lp x Sam Tse──The Memory of Tomorrow》Zine手繪封面版開訂

好得很呀,Felix Ip是個值得敬愛的找數真漢子,之前佢話過喺馬來西亞Comic Fiesta推出嘅《R4MBLER 1/2·Felix lp x Sam Tse──The Memory of Tomorrow》Zine會預埋香港人一份,家陣兌現承諾喇。除咗會喺1月中舉行嘅格子市場公開發售普通版外($100),依家仲可以預訂手繪雙封面特別版($1000)。Felix同謝森龍異手畫唔使多介紹嘞啩,限量50本,正嘢,大家要搶呀。

Read more ›

Felix Ip+馬學偉開畫班 教黑白畫風
by / on 30/12/2019 at 8:30 pm

Felix Ip+馬學偉開畫班 教黑白畫風

Felix Ip同馬學偉開班授徒呀,今次教學主題係「黑白畫風」,講到明適合「所有對繪畫有興趣或對繪畫有初步基礎之朋友」參加,即係話門檻好低,平時只懂畫龜嘅你我他這等新新新新新手,都可以拜佢兩個為師。預2020年1月正式開課,有興趣就WhatsApp佢哋喇。

Read more ›
馮志明《大漠蒼狼》簽名會 買書影相送紀念籌
by / on 30/12/2019 at 8:00 pm

馮志明《大漠蒼狼》簽名會 買書影相送紀念籌

老馮Fans留意,今個禮拜六晏晝唔好約人,事關佢會親臨「收藏家港漫專區」主持《大漠蒼狼》簽名蓋章儀式,到時仲會送簽名紀念籌畀讀者。可以同馮志明吹水影相,呢個禮拜六有好節目喇?

Read more ›
網圖分享:2019聖誕賀圖(三)
by / on 25/12/2019 at 10:30 am

網圖分享:2019聖誕賀圖(三)

今日聖誕節,本網站謹祝大家Merry Christmas,希望今晚唔會有不愉快事件發生。如果成條街無一件Green Object的話,就真係萬世歡騰了。

Read more ›
網圖分享:《Street Fighter》格鬥家的日常
by / on 25/12/2019 at 10:00 am

網圖分享:《Street Fighter》格鬥家的日常

是日分享日本插畫家A4mitsuori嘅《Street Fighter》系列作品,E-Honda喺溫泉浴室站崗、軍佬出現喺空軍機場、Cammy買嘢食悠閒逛街、Vega除低面具抹汗等等。無估錯的話,主題應該係「格鬥家的日常」?乜主題都好,畫得靚就OK喇,係咪咁講先?

Read more ›
請支持同路人 包川田義賣月曆$100
by / on 25/12/2019 at 9:30 am

請支持同路人 包川田義賣月曆$100

聖誕節應份玩到癲,但玩還玩,千期唔好忘記為我哋捱子彈嘅手足。佢哋唔係Condom,課金支持最實際,包川田將自己嘅反送中主題插畫,輯錄成26頁座檯香港人月曆義賣,每個$100,扣除$30成本,將全數捐畀立場新聞Or守護孩子Or星火同盟等組織。唔廢話,大家係同路人的話,多多支持喇。

Read more ›

網圖分享:多利繪的黃色經濟論
by / on 25/12/2019 at 9:00 am

網圖分享:多利繪的黃色經濟論

多利繪出咗兩幅關於黃色經濟圈嘅文宣圖《手足都要食飯》1及2,我覺得帶出嘅訊息好合理,亦好值得同路人反思,訊息一:直接支持良心商店吧!訊息二:不要把黃色經濟的審判標準無限提高呀!結論歸納如下──「希望大家都可以用各種方法來賺錢存活渡過這個難關,而不是設定道德標準要求別人遵守才支持。」言簡意賅,中晒Point。想黃色經濟圈壯大兼持續發展,最根本一樣嘢係團結,即係回歸最初心嘅核爆都唔割,而唔係刻意挑剔甚至篤灰。甚麼偽黃、藍扮黃,日久見人心,時間自會證明一切。至於邱騰華講嘅歪理、空姐講嘅謬論,我哋就更加唔使理,做好本份自然可以睬佢哋有味。就快2020年,大家要緊守崗位,撐落去呀。

Read more ›
吔屎啦你/你大我呀/我要晒 香港星光大道推出有聲對白襟章
by / on 24/12/2019 at 9:15 pm

吔屎啦你/你大我呀/我要晒 香港星光大道推出有聲對白襟章

如果你係影迷,應該對「吔屎啦你!」、「乜又係你呀陳生?」、「我要晒!」、「你大我呀?」等經典港產片對白唔會陌生,想當年約埋班Friend蒲MK柴娃娃入戲院睇戲嘅日子,真係多麼的開心,非常回味。Based on呢個集體美好回憶,香港星光大道推出嘅呢系列有聲襟章、Postcard、迷你聖誕指示牌等精品,應該不乏捧場客,如果有人送畀我做聖誕禮物就好咯。

Read more ›
張君豪xTiny 推出《屋邨景搜》+模型/巴士套餐
by / on 24/12/2019 at 8:30 pm

張君豪xTiny 推出《屋邨景搜》+模型/巴士套餐

信我,張君豪兄本《屋邨景搜》絕對係好嘢來的,其精雕細琢,每一幅畫都可以逐條線慢慢聞。之前無買?唔使遺憾,嚟緊香港冬季購物節2019有得補購,仲聯乘Tiny推出兩個套餐添。套餐一,華富邨模型加《屋邨景搜》,$520;套餐二,大丸巴士加《屋邨景搜》,$160。大家收到未?

Read more ›
馮志明《大漠蒼狼》出限量紀念版 附玫瑰金火漆印鑑
by / on 24/12/2019 at 8:15 pm

馮志明《大漠蒼狼》出限量紀念版 附玫瑰金火漆印鑑

馮志明《大漠蒼狼》年頭奪日本國際漫畫賞銅獎,咁威威,梗係要出番個限量紀念版賀一賀佢。《大狼蒼狼》分橫飛驚版同霸刀無敵版,各限量150本,各售$380。但凡呢類特別版,都會附送甚麼跟編號獨立證書之類,今次仲勁,《大狼蒼狼》書面附獨立玫瑰金火漆印鑑,斷估應該好型仔吓。

Read more ›