Articles by: 尉遲一

網圖分享:中秋節賀圖2019
by / on 11/09/2019 at 8:32 pm

網圖分享:中秋節賀圖2019

往年,臨近中秋嗰個禮拜,慣常地,有默契地,各大中小漫畫家or插畫家or純粹鍾意畫公仔嘅C-Hing,都會畫番幅賀圖;今Day,離中秋節正日仲有4日,網上尚未見大量賀圖出現。明嘅,2019年,香港人注定過一個不一樣的中秋。月依舊圓,人月能否兩團圓?唉……睇畫啦。

Read more ›

撐《第一屆香港貼紙展2019》
by / on 10/09/2019 at 2:45 pm

撐《第一屆香港貼紙展2019》

唔知大家有無儲貼紙癮?有的話,可以考慮吓參加《第一屆香港貼紙展2019》,主題係「貼壇開庫之『童』人貼」。望過張宣傳Poster,見到Felix Ip都有份玩,仲見到香港重機貼紙添。舉辦地點係灣仔茂羅街7號,即係前動漫基地,話時話,動漫基地散Band後我都未去過,又多個藉口去捧場。

Read more ›
Felix Ip香港重機實體模型化 Hong Kong Freedam 01+勇武渣古
by / on 10/09/2019 at 2:01 pm

Felix Ip香港重機實體模型化 Hong Kong Freedam 01+勇武渣古

Felix Ip產量多而精,最新香港重機成員有以高達為藍本嘅Hong Kong Freedam系列,系列已經去到第七彈,加埋勇武渣古同小吉姆,陣容強勁。從來都話高手在民間,有模型高高高高手Based on佢嘅二創實體化,Owt Maccow創作出Hong Kong Freedam 01模型守護香港人、Jay Yau創作出勇武渣古模型向衝衝子致敬,形神俱似,旗幟鮮明,強呀。請畀啲掌聲,啪啪啪啪啪……

Read more ›
撐《WeConnect日系動漫音樂籌款》!捐款畀星火同盟!
by / on 10/09/2019 at 9:30 am

撐《WeConnect日系動漫音樂籌款》!捐款畀星火同盟!

作為動漫迷,唔上前線都可以幫到手,「Project Echo Studio」舉辦《WeConnect日系動漫音樂籌款》,Coser、DJ齊齊出錢出力搞場Show畀大睇,限定參與人數300位。留意番,入場費係Free嘅,當然你可以隨心捐款,多多益善少少無拘,而Count番人數,每一個觀眾出席,主辦單位會捐$30畀「星火同盟」作抗爭支援。善心,善事,請多多支持。

Read more ›
利志達x香港傷健協會 《他視點》海報
by / on 10/09/2019 at 9:00 am

利志達x香港傷健協會 《他視點》海報

利志達替香港傷健協會繪畫《他視點》系列海報,希望普羅大眾多多了解傷殘人士嘅日常生活,藉以宣傳無障礙生活環境嘅重要性。海報有云:「對你,這只是一級樓梯」、「對他,這不只是一條罅隙」,講得啱,做人要有愛心,傷健共融,希望以後大家見到輪椅人士,都可以幫幫手喇。

Read more ›
網圖分享:Fung Kin Fan高質文宣圖
by / on 09/09/2019 at 9:45 pm

網圖分享:Fung Kin Fan高質文宣圖

無意中Click入Fung Kin Fan面書,發現好多幅紀錄逆權運動嘅高質畫作──網球拍揮走催淚彈、右手掩眼、絕食陳伯、口罩情侶、振臂高呼、手拖手強大背影、紅海讓路救護車等等……隔住個Mon聞畫,越聞腦海就越多畫面係咁Playback,揮之不去。香港人,加油。

Read more ›

有片:伊藤潤二《漩渦》動畫化 Teaser黑白Tone好詭異
by / on 09/09/2019 at 9:00 pm

有片:伊藤潤二《漩渦》動畫化 Teaser黑白Tone好詭異

正呀喂,《漩渦》將改編成動畫,伊藤潤二Fans有福了。動畫由美國有線電視頻道Cartoon Network同Production I.G聯合製作,預計2020年播放。《漩渦》剛剛出咗Teaser,零對白,但記得開聲睇,因為配樂好詭異,唔知點形容,好令人起雞皮,感覺陰陰寒寒。成條Teaser黑白Tone,希望動畫成品都Keep住全套黑白,黑白先有Feel。

Read more ›
黎達達榮《十六樓油雞》簽名版$90
by / on 09/09/2019 at 8:45 pm

黎達達榮《十六樓油雞》簽名版$90

黎達達榮「18樓系列」第三部曲開賣,有請《十六樓油雞》出場,「至Goal Club」有簽名版賣,每本都黎達達榮都畫埋公仔,保證獨一無二,每本$90。撐開《十八樓燒肉》同《十七樓叉燒》,無理由唔撐埋《十六樓油雞》,係咪咁講先?

Read more ›
Pen So操刀《古惑仔》封面 路過銅鑼灣的陳浩南
by / on 09/09/2019 at 8:21 pm

Pen So操刀《古惑仔》封面 路過銅鑼灣的陳浩南

今期第2268期《古惑仔》有個不一樣的封面,操刀者Pen So,畫嘅係路過銅鑼灣嘅陳浩南。點解咁畫?Pen So喺面書曰:「收到邀請畫《古惑仔》封面,我第一時間決定畫銅鑼灣景物,之後再諗,南哥要做乜,好型咁企喺度?坐欄杆?我想寫實啲,有日常感覺,最後決定畫南哥過馬路,驀然回首,回想以前自己喺銅鑼灣嘅經歷……」無刀刀劍劍,無血腥,無色情,我諗如此零殺氣零江湖味嘅《古惑仔》封面,都只此一個咯。我幾Like,唔知大家點睇?

Read more ›
《鬼書皇》第14至18期開訂$100 送海報+紀念卡
by / on 06/09/2019 at 6:51 pm

《鬼書皇》第14至18期開訂$100 送海報+紀念卡

好老實,上官小威復刻咁多本港漫,唔係本本都啱我口味,而《鬼書皇》呢,我卻連專欄每粒字都睇得津津有味。最新消息,一次過頂訂第14至18期,繼續科水$100,五書之外另可額外獲得1至18期A3紀念海報一張同夕美紀念卡兩張,有著數記得攞盡,快啲落訂啦。

Read more ›
網圖分享:栢迪再出圖 繼續同香港人打氣
by / on 06/09/2019 at 4:23 pm

網圖分享:栢迪再出圖 繼續同香港人打氣

多謝有良心的栢迪,繼續出圖同香港人打氣。仇少傑愛香港,斯莉亞愛香港,龍之首領都愛香港。齊上齊落、同憤同心、大是大非,幾大都要頂住呀,收到晒。香港人,加油。

Read more ›

有片:美紙x塵阿力映畫 一切由Fan Art開始
by / on 05/09/2019 at 10:30 am

有片:美紙x塵阿力映畫 一切由Fan Art開始

我係面書專頁「塵阿力映畫」Fans來的,好鍾意佢啲畫,幅幅都直達電影海報水準。話說「美紙」拍片訪問塵阿力,探討佢成立面書專頁初心──純粹因為鍾意睇戲同畫公仔,所以將自己心目中最鍾意嗰百幾套戲畫出嚟──如此這般就慢慢變成Fan Art。佢仲話阮大勇對佢好大影響,因為「阮大勇唔只畫咗一幅畫,係畫咗一整個年代出嚟」。至於《逆流大叔》Poster緣起,佢亦有詳細交代。有時,真係好羨慕畫得一手好畫之人,塵阿力兄,加油呀。

Read more ›
香港星光大道搞鬼古比賽 「捉你去新屋嶺過夜」夠恐怖
by / on 05/09/2019 at 10:00 am

香港星光大道搞鬼古比賽 「捉你去新屋嶺過夜」夠恐怖

無意中Click入面書專頁「香港星光大道Avenue of Stars Hong Kong」,發覺專頁搞咗個「第一屆極短鬼故比賽」,規則係10個字之內講出一個「令人毛骨悚然、頭皮發麻標冷汗」嘅鬼古。或者因為宣傳海報抵死地舉咗個例:「你咁樣係唔會令我驚架!」啟發咗參賽者無窮創意,搞到啲留言好鬼正──「五大訴求之壽終正寢」、「我爸爸係警察」、「捉你去新屋嶺過夜」、「Er Er Er Er Er Er Er Er Er Er」──嘩,呢啲鬼古真係好恐怖呀,唔好呀,驚驚呀。係呢?大家又有無興趣玩吓?

Read more ›
有片:退役AV女優沖田杏梨 開YouTube示範畫畫
by / on 05/09/2019 at 9:30 am

有片:退役AV女優沖田杏梨 開YouTube示範畫畫

沖田杏梨呀,41吋上圍呀,人類最強Body呀,曾經何時我都好鍾意嘅AV女優呀,點估到2016年退役嘅佢居然讀過藝術院校識畫畫,仲打算轉行做網紅。佢開咗個YouTube頻道「Atelier Anri沖田杏梨CH」分享作畫短片,開宗明義話:「I used to study in Art University in England before. Therefore, I realised that I want to put myself more into artistic world.」好老實,佢手畫當然唔可以同日本動漫大師相比,但起稿、落色、勾線都尚算有紋有路,畫作絕對見得人。唯一唔明嘅係,示範畫畫啫,點解要解開心口兩粒鈕呢?涼爽啲手感會好啲?

Read more ›
日本網民係砌紙板高手 砌千歲鷹無難度
by / on 05/09/2019 at 9:00 am

日本網民係砌紙板高手 砌千歲鷹無難度

「ダンボール」者,Cardboard即紙板是也,日本網民大野萌菜美嘅紙板作品,飛機大砲杯杯碟碟、跑車賽車電單車、機械人令牌手錶朱古力等等乜都有,好似乜都難佢唔到咁,最誇張嘅係連細節超複雜嘅千歲鷹都砌到出嚟。或者你又會話:「其實唔難。」係唔難架,紙板邊個買唔到啫,係考你有無心思同耐性之嘛。

Read more ›