Articles by: 尉遲一

網圖分享:求忘記小夫的失憶手電筒
by / on 04/08/2020 at 8:45 pm

網圖分享:求忘記小夫的失憶手電筒

不能只有我看到,但我好後悔有看到,「小夫我要進來了!」呢七粒字依家仲洗緊我腦,童年崩壞呀大佬,創作《哆啦AV夢》嘅禾野男孩,呢鋪真係多得你唔少。今日,抽《哆啦AV夢》水嘅二創插圖Or漫畫鋪天蓋地洗晒版,但我諗好多人都同我一樣,希望世界真係有面書專頁「百鬼夜行誌Black Comedy」所畫嘅失憶手電筒,扑一聲敲吓個頭,就可以乜都唔記得晒。

Read more ›

撐Pen So《Hong Kong‧Home Kong》聯展 香港是我家
by / on 04/08/2020 at 8:45 pm

撐Pen So《Hong Kong‧Home Kong》聯展 香港是我家

有展覽睇,Pen So同馬國榮、慧惠開《Hong Kong‧Home Kong》聯展。Home呀,主題即係香港是我家喇,喺呢個人人都喊住要移民嘅刻下,唔知會唔會睇得特別有共鳴呢,又或勾起你甚麼美好回憶呢。屆時,Pen So會展出八幅畫,有新作有舊圖,我會準時去打卡的。

Read more ›
網圖分享:戇男的《小仆街》+王風雷
by / on 01/08/2020 at 10:00 am

網圖分享:戇男的《小仆街》+王風雷

戇男是個很勤力的漫畫家,喺面書出圖好密。呢期港漫界熱話非黃玉郎復刻《小流氓》不果莫屬,佢都玩嘢地出番幅《小仆街》封面圖贈吓興,構圖當然係龍虎三皇喇,寫明「正牌戇男作」,「每頁六毫封面另計」,仲話「如果賣到一千書,我可以計到數做!」哈哈哈,雖然明知吹水,但我真心笑咗。另一個港漫界焦點,當然係即將推出嘅《新著王風雷》,戇男都有出賀圖呀,簡簡單單大頭王風雷一幅,好靚!

Read more ›
網圖分享:梁偉家畫張道陵
by / on 01/08/2020 at 9:30 am

網圖分享:梁偉家畫張道陵

留家抗疫,人人有責,梁偉家被困屋企,選擇作畫解悶,今次仲嘗試用新紙作畫。乜新紙?仿古半生熟宣紙喎,好深,唔識,我淨係知畫中張道陵好有霸氣。

Read more ›
網圖分享:馬榮成畫「冷月寒星」
by / on 01/08/2020 at 9:00 am

網圖分享:馬榮成畫「冷月寒星」

斷估應該係畫興大發,又或者打算順便幫上官小威《復刻李小龍》做宣傳,馬榮成忽然依唔知第幾期《李小龍》內文嘅銀螳螂戰九紋龍為藍本,喺面書出圖一幅,仲話當中一招「冷月寒星」令佢印象深刻喎。雖則好多C-Hing話馬Sir丟低支筆太耐,畫功已經回晒塘,但睇完呢幅圖,我覺得絕無此事,真係Keep到咁上下高水準喎,唔知大家點睇?

Read more ›
「龍虎」當道惹來網民奇想 港漫畫家一人一本龍虎乜龍虎物
by / on 31/07/2020 at 9:15 pm

「龍虎」當道惹來網民奇想 港漫畫家一人一本龍虎乜龍虎物

話說家陣既有長壽《新著龍虎門》喇,又有新推出無耐嘅《龍虎5世3世仇》喇,嚟緊9月有本《龍虎門Z》,數落仲有本《復刻龍虎門》添呀,一時間港漫界好似乜都「龍虎」咁。有C-Hing留意到呢點,好搞笑話如果香港漫畫家一人編一本龍虎乜龍虎物的話,書名應該係咁喎:一,邱福龍編《龍虎超人》;二,許景琛編《龍虎快打》;三,徐大寶編《龍虎淫門》;四,肥良編《他媽的龍虎》;五,鄭健和編《龍虎西行》;六,曹志豪編《龍虎群俠傳》;七,邱瑞新編《龍虎蠱惑》;八,牛佬編《上海龍虎鬥》;九,謝志榮編《龍虎天師》;何志文編《龍虎無雙》,哈哈,C-Hing堅有想像力,呢鋪我真係笑咗,不過我覺得未盡齊全。馮志明呢?編《龍虎笑》?馬榮成呢?編《龍虎天下》?仲有劉雲傑,編《龍虎100%》?

Read more ›

許景琛報料唔關戰虎事 疑似新作叫《龍虎門Z》
by / on 31/07/2020 at 2:45 pm

許景琛報料唔關戰虎事 疑似新作叫《龍虎門Z》

  哎吔,唧牙膏式報料真係好鬼吊人癮嘅啫。擒日報導過許景琛9月將有新書出,佢剛剛又喺面書開Post曰:「唔係戰虎,係王小虎。2020文化傳信授權作品。」而新書則疑似叫《龍虎門Z》,唔關戰虎事呀,關王小虎事呀,咁係Q版?正傳?外傳?前傳?後傳?乜傳物傳?繼續拭目以待啦各位。

Read more ›
照顧香港毒L 蕭邦仲港式H漫《MK妹》$90
by / on 31/07/2020 at 9:30 am

照顧香港毒L 蕭邦仲港式H漫《MK妹》$90

Goodest,蕭邦仲……吖,唔係,係「MK復興會主席」龜頭生野郎本《MK妹》,家陣連香港毒L們都有機會睇喇。實體書,可以捧上手慢慢聞,每本連郵費$90。內容簡介如下──「一個毒撚晚上在屋邨的OK便利店前被MK妹勒索,一氣之下直接把MK妹弄暈,再把她擄走在公屋Gathering的故事」──齋睇呢幾行Description,腦海即時浮起青春可愛背心熱褲MK妹倩影,呢啲咪親切感囉;再先睹為快多幾格內頁,Wow,不愧為港式H漫,個封面好吸睛呀,啲對白好本土呀,啲構圖好間接地直接呀,啲畫面好有H漫Feel呀,真係睇到我額頭有啲熱,耳仔有啲紅,仲有啲口乾添。

Read more ›
陳笑洛字畫雙絕 鄺志德買《未來戰士》水墨畫
by / on 31/07/2020 at 9:00 am

陳笑洛字畫雙絕 鄺志德買《未來戰士》水墨畫

有麝自然香,好嘢自然多人欣賞,之前報導過坐鎮廟街嘅陳笑洛,字畫雙絕,鄺志德也甚欣賞,親臨檔口幫襯買番幅《未來戰士》水墨畫。另,佢又出Post話兩年前畫過一件港漫Tee,畫嘅係王小龍,無記錯靈感應該係來自《龍虎門》〈劫數難逃〉嗰期嘅封面,非常高質。很想要是常識吧,不過Sorry,無得買!因為佢話已經唔喺佢手,所以唔使問價,咁惟有睇咗當買咗囉。

Read more ›
黃玉郎道歉撻Q 送《小流氓》計劃胎死腹中
by / on 30/07/2020 at 10:15 pm

黃玉郎道歉撻Q 送《小流氓》計劃胎死腹中

Sure咗架嘞,係肯肯定無得睇復刻《小流氓》架嘞,黃玉郎喺今期第10期《龍虎5世3世仇》「玉郎一周」詳細交代送書計劃胎死腹中原因:一,人手不足,Call唔到咁多馬幫手包裝入書喎;二,收到「另一出版公司的律師信,說《小流氓》的版權及商標是屬於他們的,暫時不宜將《小流氓》隨書附送」。咁樣算唔算欺騙讀者?雖則好失望,但我唔想用「欺騙」兩個字嚟形容,畢竟送書係Bonus,有就錦上添花,無亦無傷大雅。不過呢,為表誠意,單單撩幾字道歉係唔夠嘅,我覺得黃玉郎應該考慮作出補償,我大膽建議──下期畫多一半篇幅,一期書出夠期半頁數,即係Total有45頁,照舊賣番$23──咁就保證讀者們條氣順番晒,Do you agree?

Read more ›
陳科琳報料《勝利人生李浩東》復刊有望 牛佬精神唔錯
by / on 30/07/2020 at 3:15 pm

陳科琳報料《勝利人生李浩東》復刊有望 牛佬精神唔錯

《勝利人生李浩東》繼續停刊,相信唔少讀者都同我一樣,好擔心牛佬近況。猶幸有好消息了,陳科琳剛喺面書報料曰:「啱啱同牛佬吹完水~睇嚟佢精神唔錯!」仲話「復刊有望」添,咁就Very good了。BTW,想講嘅係,呢個Post裡面有張相,相裡面有個煙灰缸,煙灰缸裡面有八個煙頭……為健康著想,牛佬你不如戒煙喇,就算戒唔成,都盡量食少啲喇,身體要緊呀。

Read more ›

Felix Ip x Kaiju One RoboTaxi 8月8日開賣
by / on 30/07/2020 at 10:00 am

Felix Ip x Kaiju One RoboTaxi 8月8日開賣

Felix Ip繼續香港重機實體化,繼續同Kaiju One聯乘,今次輪到RoboTaxi登場,仲有紅綠兩色以供選擇添。紅綠兩色都係我杯茶,但話時話,仲有大嶼山藍的喎,點解唔出埋藍色呢?8月8日開賣。

Read more ›
網圖分享:崔成安畫《秦俑》
by / on 30/07/2020 at 9:30 am

網圖分享:崔成安畫《秦俑》

第三彈了,又係穿越劇,崔成安今次畫嘅係大卡士大製作《秦俑》。屈指一算,已經係30年前舊電影了,鞏俐呀,張藝謀領銜主演嗰套呀,主題曲係《焚身以火》呀,記得未呀?Click入嚟睇睇,之前介紹過嘅第一And第二彈《九五至尊》同《尋秦記》,有埋著色版睇。

Read more ›
幫襯格子滿$200 即送Man僧靚靚明信片
by / on 30/07/2020 at 9:00 am

幫襯格子滿$200 即送Man僧靚靚明信片

疫情搞到今年無書展,各大中小出版社惟有諗計自救。出版社格子改喺荔子角工作室Sell新書,咁為咗唔浪費Man僧幫手畫嘅書展Backdrop靚畫,出版社將之印成明信片,無論親臨工作室或幫襯Online Store,只要單次購物滿$200即送一張,又係正啫。

Read more ›
《漫畫治賓3》8月見街 阮大勇畫封面
by / on 29/07/2020 at 8:45 pm

《漫畫治賓3》8月見街 阮大勇畫封面

綜合漫畫《漫畫賓治3》將於8月推出,每本$104,包漫畫1本、郵費同公文紙袋包裝,寄到你手,即係唔使出街撲書呀。值得留意嘅係,第三期封面係由有「海報師」之稱嘅阮大勇操刀,真真天大的面子了!唔該望吓相,係咪好靚先?希望大家多多支持本地創作喇。

Read more ›