Articles by: 尉遲一

Walk-in即買 Felix Ip《12 Amulets月曆》搞簽名會
by / on 29/11/2019 at 9:00 pm

Walk-in即買 Felix Ip《12 Amulets月曆》搞簽名會

好消息,忘記訂購又想買Felix Ip《12 Amulets月曆》的話,可以即場購買喎,事關Felix Ip會舉辦月曆簽名會,Walk-in購買仲可以搵佢本尊合照,得,得咗。

Read more ›

上官小威復刻《迷離世界》 送16張創刊號封面貼紙
by / on 29/11/2019 at 8:21 pm

上官小威復刻《迷離世界》 送16張創刊號封面貼紙

上官小威復刻《迷離世界》,我舉腳贊成,想當年細細個又要驚又要睇嘅日子,真係非常回味。好喇,家陣正式開訂,一次過訂購8期,即送3D立體畫版、A2創刊海報同16張貼紙。呢16張貼紙都好有心思,係16本漫畫嘅創刊號封面,到時拎上手,又睇吓記唔記得自己睇過邊本?

Read more ›
免費索取抗爭海報 捐款畀星火同盟
by / on 29/11/2019 at 8:13 pm

免費索取抗爭海報 捐款畀星火同盟

文宣喺逆權運動佔好重要一部份,一張有感染力嘅海報,勝過千言萬語。Now,有個名為《Yellow Objects》嘅展覽,有18個匿名設計師設計咗18張海報,每張海報印製咗500張,任君免費取閱。作為一個時代的見證,呢啲海報係好值得一Keep嘅,另,現場設有捐款箱,希望大家臨走前慷慨解囊,義款會全數撥捐星火同盟,多多益善,少少無拘。好現實,長期抗爭需要嘅係錢。

Read more ›
網圖分享:特朗普簽署《香港人權與民主法案》(二)
by / on 29/11/2019 at 7:41 pm

網圖分享:特朗普簽署《香港人權與民主法案》(二)

《香港人權與民主法案》正式落實,等緊啲無人性人形物體接受制裁,好老實我到依家都仲未興奮完。乜話?你都係?咁Fine嘞,繼續睇靚圖,Keep住興奮啦。

Read more ›
有片:柳廣成動畫 港鐵車廂的血與慘叫聲
by / on 28/11/2019 at 2:15 pm

有片:柳廣成動畫 港鐵車廂的血與慘叫聲

831太子站一役,香港人一世都唔會忘記。港鐵選擇繼續與民為敵,最新鮮滾熱辣有旺角站月台加裝鋼幕,月台等車乘客見唔到車廂裡面嘅乘客,車廂裡面嘅乘客見唔到月台等車乘客,如果車廂裡面再整多劑831,後果真係不堪設想。Of course我梗係唔想,但難保柳廣成呢個迷你動畫會喺未來嘅香港出現,記得聽埋聲效,啲慘叫聲好悽厲呀,好多血呀……

Read more ›
同路人唔該課金 義賣香港民主女神像
by / on 28/11/2019 at 12:45 pm

同路人唔該課金 義賣香港民主女神像

同路人唔該課金,實際支持幫我哋擋子彈嘅前線,家陣義賣香港民主女神像,你撐唔撐先?有米白色和理同仿銅色勇武兩個版本,各12cm高,各包「光復香港時代革命」旗幟、香港抗爭者裝備說明明信片、女神重現遮打花園集會立體背景卡同女神立於獅子山A3海報,各售$100。有關方面講得好清楚,義款去向如下:一,50%直接捐畀星火同盟等一系列前線援助機構;二,40%用於僱用本地因抗爭而失業人士、舉辦治療活動同籌備海外工場等;三,10%預留後續活動。記住,齋講無用,大家識做喇。

Read more ›

許景琛《漫畫少年4》 鐵定12月推出
by / on 28/11/2019 at 12:30 pm

許景琛《漫畫少年4》 鐵定12月推出

吓?乜原來已經出到第四期咩?死火,睇嚟我買漏咗第三期嘞,要去漫畫店補書。講緊嘅係《漫畫少年4》,許景琛喺面書透露將會喺12月推出,大家記得捧場。

Read more ›
網圖分享:特朗普簽署《香港人權與民主法案》
by / on 28/11/2019 at 12:08 pm

網圖分享:特朗普簽署《香港人權與民主法案》

小鳳姐又無得唞嘞,出招永遠估佢唔到嘅美國總統特朗普,今日終於正式簽署《香港人權與民主法案》,我諗有好多人有得震無得瞓嘞。齊鼓掌,香檳Please!

Read more ›
中國Coser騷本錢 事業心重
by / on 26/11/2019 at 7:45 pm

中國Coser騷本錢 事業心重

懨懨悶悶,都係睇靚女調整吓心情先,今日有請中國Coser「Loluuuuuu」出場。佢自報有157cm高,但我更想知嘅係三圍數字,實在太……有睇頭了。

Read more ›
請實際課金 撐Off the Wall HK抗爭Vans
by / on 26/11/2019 at 7:30 pm

請實際課金 撐Off the Wall HK抗爭Vans

Vans自我審查單嘢,大家應該略有所聞,有Fans嬲到掟晒一屋Vans甚或燒鞋,有人卻選擇將件事繼續發酵,乘勢搞眾籌計劃「Off the Wall HK」。呢個計劃搵嚟接近十個為逆權運動打氣嘅Vans鞋履設計,一旦眾籌成功就會正式進入生產程序,每對$350,講明當中最少有$200會捐去星火同盟。抗爭漫長,請課金做彈藥,希望大家支持吓。

Read more ›
《古惑仔》紅白酒系列 不日推出
by / on 26/11/2019 at 6:59 pm

《古惑仔》紅白酒系列 不日推出

牛佬喺面書專頁「古惑仔Teddyboy」報料,話將會推出百利達《古惑仔》紅白酒系列,暫時未知價錢。齋望酒標,無睇錯應該有陳浩南、山雞、包皮同大頭仔等四款。都係嗰句,我唔好酒,但鍾意個酒標,如果唔太貴的話,必定入手。

Read more ›

選舉勝了女兒卻不見了 短篇漫畫有洋蔥
by / on 25/11/2019 at 9:45 pm

選舉勝了女兒卻不見了 短篇漫畫有洋蔥

慎入!瀏覽面書專頁「SXTbit」,無意間睇到呢個有洋蔥短篇漫畫。漫畫由一個慈眉善目嘅媽媽Solo,講區議會選舉塵埃落定之後,佢走入女兒房間報捷,但佢只係對住空氣講說話,面對嘅係一張空盪盪嘅睡床,女兒從頭到尾都無出現過,而最尾一句對白:「你要是知道了,會不會安慰一點呢?」尤其催淚。我想到被浮屍、被空中飛人嘅抗爭者……唉,好慘。

Read more ›
短篇漫畫《如果天總也不亮》 為抗爭者打氣
by / on 25/11/2019 at 9:15 pm

短篇漫畫《如果天總也不亮》 為抗爭者打氣

Loop呀Loop,唔知點解Loop到面書專頁「一起吃早餐」,睇到呢個名為《如果天總也不亮》嘅短篇漫畫。睇完,唔係吹水,我雙眼係有丁點兒濕濕哋嘅。承作者所言,逆權運動漫長,我哋唔可以氣餒,「不要習慣了黑暗,就為黑暗辯護;不要為自己的苟且,而得意洋洋」,喺大是大非面前,我哋要鐵了心堅定立場,是其是,非其非,更加「不要嘲諷那些比自己勇敢更有熱量的人們」,相信前線,謹記核爆都唔割。我信,只要大家有耐性,肯堅持,天總會亮,因為邪不能勝正。呢個短篇漫畫,值得抗爭者一睇,就當係一支打氣強心針吧。

Read more ›
幫襯草日任何產品 即送有請小鳳姐襟章
by / on 25/11/2019 at 9:15 pm

幫襯草日任何產品 即送有請小鳳姐襟章

由於建制派大敗,何妖伏誅,鼎鼎收皮,所以今日小鳳姐都應該好攰吓。草日都決定賀一賀佢,只要今日內幫襯佢任何一樣產品並完成付款,即送有請小鳳姐襟章一個,呢鋪真係熱烈地彈琴熱烈地唱,歌聲多奔放個個喜氣洋洋……呢半年嚟,我最開心係今日呀喂。

Read more ›
誇張!牛佬大煙癮每日五包煙!
by / on 25/11/2019 at 8:33 pm

誇張!牛佬大煙癮每日五包煙!

非劇透,純粹有感而發,有啲心底話想同牛佬講吓。話說連續兩期《古惑仔》,牛佬都喺專欄透露自己煙癮勁大,上期佢咁話:「近排牛佬食煙比平時多咗好多好多,平時一日四包左右,最近升咗級──五包!目的係想將啲煙味噴落稿度,等你哋感覺到!」今期佢又咁講:「自己定下,一年必需洗牙一次,主要是自己抽煙過多,一日四五包之數,可以想像牛佬的一棚牙是甚麼模樣,不洗,見不得人。」嘩,一日五包煙,以每包煙約$60計,咪每日齋食煙都食成三舊水?都好重皮喎。查實呢,為隊靚稿又好為儀容洗牙又好,都奉勸牛佬食少兩支喇,錢事小,危害健康事大嘛。As幾廿年煙民,知道叫牛佬戒煙就肯定無可能架嘞,但終極目標減半有得傾嘞啩?慢慢減量,逐日逐日食少啲,有心一定做得到嘅。真心Mode,祝牛佬身體健康。

Read more ›