fbpx

Articles by: 尉遲一

網圖分享:馬榮成真心Fans的《中華英雄》角色系列畫
by / on 16/11/2018 at 9:45 pm

網圖分享:馬榮成真心Fans的《中華英雄》角色系列畫

是日推介面書專頁「黄书庆漫画」,負責人如無意外應該叫黃書慶,亦如無意外地係馬榮成超級Fans,佢畫嘅《中華英雄》角色實在係十粒星正。面相動作極似,但又唔可以稱為十足十嘅無相神功,畫作雖然只得黑白,但隱隱然又有個人風格在,究竟點可以畫得咁似樣嘅呢?Anyway,係值得開心Share嘅。

Read more ›

《漫畫Buddy》第五期 競投謝森龍異+陳志祥賀圖
by / on 16/11/2018 at 9:15 pm

《漫畫Buddy》第五期 競投謝森龍異+陳志祥賀圖

好得很,搞興個市先係路,熱熱鬧鬧先至好,《漫畫Buddy》第五期出版在即,撚吓花臣絕對合理。今次玩競投,底價$1000,包謝森龍異台灣原稿賀圖同硬皮封面《漫畫Buddy》第五期;同樣地,都係玩競投,底價都係$1000,包陳志祥雙賀圖同《漫畫Buddy》第五期。價高者得,11月22日截止,收到未?

Read more ›
一藝傳承 阿傑多開班教封面彩稿
by / on 16/11/2018 at 8:30 pm

一藝傳承 阿傑多開班教封面彩稿

一本公仔書嘅封面確係好重要,直到依家我都仲有鋪聞封面癮,尤其邱福龍《山海逆戰》,簡直期期封面都係精品,實在愛不釋手,賞之再三不為過。亞傑多又開班嘞,今次「一藝傳承」教嘅正正係「封面彩稿技術課程」,大家想唔想做佢弟子?

Read more ›
黃水斌《英雄本色電影鋼筆手繪漫畫2.0》 11月30日見街
by / on 16/11/2018 at 7:57 pm

黃水斌《英雄本色電影鋼筆手繪漫畫2.0》 11月30日見街

開心!我都等咗好耐,黃水斌本《英雄本色電影鋼筆手繪漫畫2.0》終於有眉目喇,佢剛剛喺面書釋出黑白封面,仲鐵定11月30日見街。鬼叫佢畫得咁靚咩,慢工出細貨,係值得等嘅。

Read more ›
阿根廷Coser Sophie Valentine好吸引
by / on 15/11/2018 at 5:45 pm

阿根廷Coser Sophie Valentine好吸引

是日推介嘅Coser叫Sophie Valentine,來自阿根廷,好鍾意動漫女角色,明白香、貓女、Cammy、Superwoman、Rogue、不知火舞、春麗都扮齊,連《Mortal Kombat》嘅Kitana都有,露出度唔使好高,但鬼妹不嬲好身材,玲瓏浮突,所以……係好吸引嘅。

Read more ›
網圖分享:悼Stan Lee(二)
by / on 15/11/2018 at 1:43 pm

網圖分享:悼Stan Lee(二)

Marvel之父Stan Lee逝世,動漫迷實在太哀傷,呢兩日仲係洗版不斷,悼圖繼續蜂擁而至。唔講咁多,繼續睇畫。

Read more ›

Man僧出手 為新餐廳「捌哥‧捌哥」畫壁畫
by / on 14/11/2018 at 10:30 am

Man僧出手 為新餐廳「捌哥‧捌哥」畫壁畫

早個零禮拜瀏覽Man僧面書,已見佢刊登佢自己塗鴉白牆嘅相片;今日,終於知道是甚麼一回事了,原來係幫新舖「捌哥‧捌哥特色馬拉茶啡廳」畫壁畫。相片裡,但見Man僧擔晒梯擒高又踎低咁,可見畫作面積之大。出嚟效果如何?齋睇相都覺得吸睛,果然不愧「港版金政基」之名,想一賭真跡,一定要去呢間新餐廳朝聖兼打卡。

Read more ›
上官小威復刻《洪拳》 加送趙汝德+黃國興贈品
by / on 14/11/2018 at 10:00 am

上官小威復刻《洪拳》 加送趙汝德+黃國興贈品

好嘢當然要煲大佢喇,上官小威賣行晒廣告話復刻《洪拳》,最新消息除原有贈品外,仲有黃國興同趙汝德兩師兄弟合力炮製嘅加料贈品。而趙汝德已率先喺面書刊登手搞一幅,雖然黑白,但已屬正到無朋友之作,非常期待正式推出嗰陣係著色版,大家識做喇。

Read more ›
大頭靜出場 Pariz Wong出2019年月曆
by / on 14/11/2018 at 9:30 am

大頭靜出場 Pariz Wong出2019年月曆

面書朋友仔Pariz Wong出2019年座檯月曆,佢畫嘅大頭靜肥嘟嘟好得意,四眼妹造型感覺論論盡盡咁,好討人歡心。買番個擺返公司,希望可以好似封面咁講:「精神D喇!」每個$78,有興趣就PM佢喇。

Read more ›
文地貓2019日曆 搞發佈簽名會
by / on 14/11/2018 at 9:00 am

文地貓2019日曆 搞發佈簽名會

文地貓出2019年日曆呀,留意番,係厚厚嘅日曆,並唔係得十二頁嘅月曆。為此,佢會喺「走馬燈」搞番個發佈簽名會,屆時唔只可以影相簽名,仲可以叫佢喺指定日子寫「生日快樂」、「乜乜物物周年紀念日」呀之類,方便你送畀朋友做禮物。嗯,我睇到嘅係誠意!抵撐!

Read more ›
玩有獎問答遊戲 送陳浩南特別版Phoenix飛鏢卡
by / on 13/11/2018 at 10:00 pm

玩有獎問答遊戲 送陳浩南特別版Phoenix飛鏢卡

之前報導過嘅《古惑仔》聯乘Phoenix Dart推出飛鏢卡,原來仲有後續!唔淨只齋買卡,仲有得抽卡添,抽獎個獎呀,都係讚好兼玩有獎問答遊戲嗰類嘢喇。中獎者,即送陳浩南特別版Phoenix飛鏢卡一張,遊戲分兩輪,名額有6個。講明係非賣品,報告完畢。

Read more ›

Wing Law義賣港漫套裝書 送複印畫
by / on 13/11/2018 at 9:15 pm

Wing Law義賣港漫套裝書 送複印畫

唔係第一次推介Wing Law嘅漫畫義賣日,不過今次開倉有啲唔同,因為除咗做善事,將收益全數捐畀深水埗明哥以幫助基層人士外,買書仲有畫送──買港漫套裝書一套100本以下,送港漫複印畫一張,一套100本以上,送夠三張。望過啲複印畫,真係乜港漫畫家作品都有,先到先得。提一提大家,有心捧場,請自備購物袋同手推車,齊來出一分力支持環保呀喂。

Read more ›
高手模型友  高達x麥當勞叔叔=McGundam?
by / on 13/11/2018 at 8:15 pm

高手模型友 高達x麥當勞叔叔=McGundam?

好難將高達同麥當勞扯上關係,但高手從來都在民間,面書專頁「Al De Perio」負責人就用1/144 HGUC MSA-0011 S-Gundam作本體,創造咗呢隻「McGundam」,大紅大黃,顏色配搭一睇就知聯乘緊麥當勞叔叔,背有麥樂雞盒做Backpack,最過癮係兩碌大砲物體,原來係兩包大薯條,好嘢!

Read more ›
網圖分享:悼Stan Lee
by / on 13/11/2018 at 4:23 pm

網圖分享:悼Stan Lee

又一重量級人物撒手人寰,Marvel之父Stan Lee今日仙遊,相信好多電影迷、漫畫迷都好唔捨得佢,《復仇者聯盟4》之後都唔會見到佢喺電影客串喇,R.I.P.。

Read more ›
網圖分享:香港社會辦公室「禮儀系列」  觀塘小葉總插圖超有共鳴
by / on 10/11/2018 at 5:00 pm

網圖分享:香港社會辦公室「禮儀系列」 觀塘小葉總插圖超有共鳴

面書專頁「觀塘小葉總」好好睇,事關有好多香港人睇到特別有共鳴嘅插圖配文字,諸如──「跟同事飲茶時,不要叫貴價單件點心如灌湯餃」、「不要將冷氣溫度調太高或太低,如有需要可自備外套或風扇」、「不要在升降機內放屁」、「不要挨柱」、「抵達閘前應先將咭拿出來,也不要高估讀咭器的感應度」,全部都係你我他辦公室內、交通工具內、電梯內等等嘅生活日常,總有一幅勾起你回憶,惹來會心微笑。最吸引我嘅一幅,係俾網民Cap圖Cap過億次嘅二創「MK妹.jpg」,配文字云「吸煙禮儀之不要做流動火車頭」,簡直正到痹。不過話時話,家陣旺角好似已經無乜MK妹,查實MK妹係好一道社區風景,是需要保育的。

Read more ›