Articles by: 尉遲一

「香港似顏繪」出《世界盃筆記簿》 每本$168送海報
by / on 18/05/2018 at 9:04 pm

「香港似顏繪」出《世界盃筆記簿》 每本$168送海報

我不嬲有追開面書專頁「香港似顏繪Hong Kong Caricature」,好Like佢哋畫嘅誇張搞笑畫風球星,而呢批球星,將會出現喺佢哋推出嘅《世界盃筆記簿》封面,一套15款任君選擇,每本$168。聽日首賣,買一本即送A4海報一張,買齊15本送A2大海報1張,兼……呢個正呀喂,即場幫你喺筆記簿畫番個獨一無二嘅似顏繪,係咪開心先?

Read more ›

有片:曉飛嘅凳你見過未?
by / on 18/05/2018 at 8:45 pm

有片:曉飛嘅凳你見過未?

如果話你聽,呢個世界有曉飛嘅凳,你信唔信?我本來都唔信,睇完呢條片不得不信。無睇錯的話,凳係有一定重量嘅實木四腳凳,用實木凳佢做機體,之後用卡板添對翼,前面加螺旋槳,最後整多四個轆,左砌右砌,最後真係砌到一架曉飛嘅遙控機,仲飛得好高好遠添,厲害。

Read more ›
如果《火鳳燎原》出廁紙 你撐唔撐?
by / on 18/05/2018 at 3:41 pm

如果《火鳳燎原》出廁紙 你撐唔撐?

係喎,時間過得好快,家陣已經係5月中,講吓講吓又就快書展。面書專頁「火鳳燎原」剛剛出Post,話惆悵緊唔知今年出乜精品好,原因係「《火鳳》讀者群年齡層比較大,所以精品種類唔可以太年輕化,加上佢哋有一定嘅消費力,又鍾意實際,所以每次都要搞盡腦汁去諗特別嘢」云云,之後反問讀者:「如果今年出司馬防次子廁紙同孫堅次子廁紙,有無得諗?」仲登咗張惡搞相出嚟畀大家睇睇辦。係呢,大家又想買乜精品?有乜好意見不妨PM佢哋喎。

Read more ›
阿林書房開倉 港日漫+精品$5有交易
by / on 17/05/2018 at 8:45 pm

阿林書房開倉 港日漫+精品$5有交易

嚟緊周六有開倉,放心,唔係叫你去逼銅鑼灣迫Sogo,係「阿林書房」搞周末小市集,港漫、日漫、小說、套裝、散書同精品等等,最低$5有交易。寶自己尋,總搵到心頭好,記得自備膠物袋同手推車仔,為環保出一分力呀老友。

Read more ›
Pen So《本土回憶:過去的我》不日推出 推新專頁「Pen So Case」
by / on 17/05/2018 at 7:45 pm

Pen So《本土回憶:過去的我》不日推出 推新專頁「Pen So Case」

先來個預告,Pen So嚟緊將會有新作《本土回憶:過去的我》,屬漫畫插圖集,預計2018年書展後推出。另外,佢有個新面書專頁「Pen So Case」,內裡分享咗啲加咗顏色嘅本地地標畫作,如油麻地美都冰室、老尖半島酒店、獅子山下、電車蹤跡等等,當中我最鍾意高街鬼屋嗰張,好有氣氛,大家幫吓手,給個「讚」唔該。

Read more ›
網圖分享:當超級英雄V手賣萌
by / on 17/05/2018 at 9:30 am

網圖分享:當超級英雄V手賣萌

好Like面書專頁「SpiderWee」呢系列超級英雄畫作,個個都港女V手式自拍賣萌呀喂,仲有心心添呀,一改打生打死嘅威風澟澟形象,攞嚟做Wallpaper,真真唔錯。

Read more ›

網圖分享:《龍珠》角色剪影畫
by / on 17/05/2018 at 9:00 am

網圖分享:《龍珠》角色剪影畫

《龍珠》角色一向多人畫,乜風格畫作都見過,但用角色半身剪影托地嚟襯托番主體個剪影,顏色又用得如此出神入化,卻實屬超吸眼球之作。呢幾幅畫出自面書專頁「Dragon Ball Z Exclusive」,值得畀Like。

Read more ›
邱福龍元祖版《鐵將縱橫》6月出版
by / on 16/05/2018 at 6:00 pm

邱福龍元祖版《鐵將縱橫》6月出版

之前講過邱福龍會復刻元祖版《鐵將縱橫》,家陣有進一步消息,全17册,一書雙封面,邱福龍會重新繪畫封面加埋元祖版封面,快嘞,6月推出,價錢未知,不過賣幾錢都要撐,因為可以買番回憶,係咪咁講先?

Read more ›
迷你短片〈鬼鞋〉 《怪異集》改編網劇有得睇
by / on 16/05/2018 at 4:30 pm

迷你短片〈鬼鞋〉 《怪異集》改編網劇有得睇

講咗N年嘅《怪異集》改編網劇,終於有一條超超超迷你短片〈鬼鞋〉推出,話超超超迷你,皆因只得2分55秒。成條片無乜對白,故事亦好簡單,有一兩個位都做到驚嚇效果,睇到我O一O嘴,倒抽一口涼氣。不過呢,畫面實在太黑,好難睇得清楚,連Cap圖都難,要改進。另,飾演買鞋嗰個女仔Denice Lio,我覺得好靚女吓。

Read more ›
阿傑多送小海報 推介面書專頁「獅子山羊」
by / on 16/05/2018 at 3:00 pm

阿傑多送小海報 推介面書專頁「獅子山羊」

開心!有嘢派呀!阿傑多剛出席咗深圳文化博覽會,兼特別印製咗介紹自家作品嘅小海報,有興趣嘅話,可以PM佢預留一張。大家可以望相,張小海報製作好精美吓,一啲都唔求其,好值得收藏。睇過佢面書啲留言,想擁有海報者眾,暫時亦未見佢話派晒,咁當然,有來有往,大家都支持吓佢個面書專頁「獅子山羊」,畀個Like喇唔該。

Read more ›
你知道嗎? 王小虎英文名叫Tiger
by / on 16/05/2018 at 2:46 pm

你知道嗎? 王小虎英文名叫Tiger

忙呀,又係到今日先有時間睇番上期第236期復刻《龍虎門》,又係今日先留意到下期隨書奉送嘅貼紙係乜東東。上次有石黑龍叫Turbo哥,今次有王小虎叫Tiger哥。齋直譯,小虎變Tiger,感覺削咗啲,無黑龍個英文名咁威。

Read more ›

林祥焜x西九龍中心 出Goodgirl Toy Bus巴士模型
by / on 14/05/2018 at 6:00 pm

林祥焜x西九龍中心 出Goodgirl Toy Bus巴士模型

林祥焜畫女靚到啪啪聲,呢點唔使多介紹喇。佢本《Super Good Good Girls》畫集,我有買;西九龍中心大Billboard靚畫,我有去打卡;印咗Super Good Girls嘅巴士車身,我喺街見過幾次但次次都影唔切相。Fine,家陣佢打算推出巴士模型Goodgirl Toy Bus,我真係不知幾開心,好難唔撐。學佢話齋,呢鋪正式「玩到入埋屋」,可以當精品儲,十個正。不過唔知賣幾多錢同量產幾多呢?

Read more ›
網圖分享:日日都係母親節
by / on 14/05/2018 at 4:44 pm

網圖分享:日日都係母親節

擒日氣溫高達攝氏31.5度,天文台話係唔知幾多幾多年以嚟最熱嘅母親節喎。大熱天時,大家又同母親大人去邊度慶祝呀?是日網圖分享,講Hot,一定係范興業嘅「圖文不符」靚畫,狄克幅畫就Sell溫馨,陳科琳就捉咗異形出嚟同大家講Happy Mother’s Day,阿傑多就簡簡單單畫咗支花,Pen So幅畫就有感而發,好有朱自清《背影》Feel……睇完畫,大家記住嘞,唔只母親節,要日日都孝順老媽呀。

Read more ›
畀個Like 擺「毒毒手記」畫版+貼紙
by / on 08/05/2018 at 10:00 pm

畀個Like 擺「毒毒手記」畫版+貼紙

唔知大家有無睇面書專頁「毒毒手記」?我覺得幾好睇嘅,有時都會睇到會心微笑。如果你都係Fans,想攞佢嘅親筆手繪畫版同精美貼紙的話,咁唔該Like「漫道」Page喇。

Read more ›
聽歌:邀請未收工嘅打工仔聽《放工未》
by / on 08/05/2018 at 8:42 pm

聽歌:邀請未收工嘅打工仔聽《放工未》

打呢條稿嘅刻下係晚上八時三十一分,我仲未收得工,而OT呢,係無補水嘅。你呢?你又收工未呀?未呀,咁就Fine嘞,不如聽吓陳詠謙呢首《放工未》,歌詞肯肯定講中晒你心聲,旋律好洗腦。依家我個腦不停Loop:「放工未,夠鐘未,借問老細講Bye Bye未,走得未,谷鬼氣,我陪你Hea到八點幾。」八點幾,八點幾……

Read more ›