Articles by: 尉遲一

網圖分享:當《龍珠》角色換上泳裝
by / on 28/05/2018 at 9:30 pm

網圖分享:當《龍珠》角色換上泳裝

天氣好熱,行街,連透口氣都好似燒喉嚨咁,睇番啲消暑嘢為自己降降溫先。面書專頁「Dragon Ball Z exclusives」專以《龍珠》角色作畫,呢系列畫作主題夠晒Cool,水泡呀,沙灘蓆呀,泳褲呀,比堅尼呀等等出齊,賞心悅目。

Read more ›

馬遜宣佈《蘇生戰銃》出實體書
by / on 28/05/2018 at 9:07 pm

馬遜宣佈《蘇生戰銃》出實體書

係囉,一早應該要咁喇,我認自己心態老,始終好難接受上網篤漫畫。篤完仲要聞Mon,左拉右拉放大縮小,咁睇漫畫邊舒服架?之所以馬遜今日喺面書宣佈打算推出《蘇生戰銃》實體單行本,我舉腳贊成。斷估出薄裝就唔多大機會,出精裝方便收藏就更加好,我諗我講中好多真‧漫畫迷心聲。

Read more ›
梁瑋豪自製模型情景 藍老虎頭+高達身+太空坦克臂
by / on 24/05/2018 at 6:42 pm

梁瑋豪自製模型情景 藍老虎頭+高達身+太空坦克臂

無聊瀏覽梁瑋豪面書,從留言間得悉佢整咗隻獨一無二嘅高達模型……不過,其實仲算唔算係高達呢?皆因模型藍老虎頭,半雷射大砲半高達身,有一條臂胳屬於太空坦克,兼抵死在手執嘅唔係激光劍,而係小雲成日篤住周圍行嘅米田共,加埋後面充滿科幻感嘅地台情景,成品真係好正。有Fans問佢整咗幾耐,佢答:「半生。」並透露已將之還原,厲害。

Read more ›
超細緻異形頭戒指 反晒光夠招搖
by / on 24/05/2018 at 3:32 pm

超細緻異形頭戒指 反晒光夠招搖

「TorchTorch」出品,將異形頭戴上手……指,一式三款有銀(54,000円)、黑鍍銀(54,000円)同白金(1,296,000円),有四個Size選擇,戴出街肯肯定好招搖。睇相都見反晒光,造工超細緻,《異形》迷一定Like,我唔算超迷《異形》都有啲心郁。

Read more ›
格子夏日動物市集 買精品+睇原稿
by / on 23/05/2018 at 10:30 pm

格子夏日動物市集 買精品+睇原稿

天氣咁熱,不如行吓工廈市集喇,「格子夏日動物市集」有精品賣,有親筆原稿睇,有嘢食,最重要係有水吹。駐場插畫家有Yoda Factory、林競開、阿柱@OIC親子丼、鵝王Cliffy、肥佬、大Y、小Y、[email protected]賞味期限、熊貓日和等等。個人幾Like林競開嘅籃球主題襟針同貼紙,籃球人豎起中指嗰張貼紙,感覺好招積,又好得意。

Read more ›
Felix Ip《香港重機》 7月書展推出
by / on 23/05/2018 at 10:00 pm

Felix Ip《香港重機》 7月書展推出

仲記唔記得之前介紹過Felix Ip充滿香港元素嘅可變形機械人系列畫作?家陣又好消息,就係畫作將會輯錄成畫集《香港重機》,喺嚟緊7月推出。正喇喂,隔住Mon得個齋聞同拎上手睇完全係兩回事,逐頁揭逐頁慢慢欣賞先係王道嘛。建議Felix Ip將畫集出得大Size啲,賣貴啲都唔係問題,我話嘅。

Read more ›

牛佬《金蒙空》唔出實體書 科月費$65有得睇
by / on 23/05/2018 at 9:45 pm

牛佬《金蒙空》唔出實體書 科月費$65有得睇

有啲失望,又有啲心郁,講咗唔知幾多年嘅《金蒙空》,牛佬終於決定推出,但可惜嘅係並非推出拎得上手翻煲又翻煲嘅實體書,而係網上連載。畀月費$65,就可以「欣賞到由牛佬及倫裕國之獨家日刊連載,外加五套全新週刊式漫畫及30套完整漫畫」,日刊,即係每日更新添。老實講,價錢一啲都唔貴,想睇就肯肯定百分百想睇架嘞,但一諗到要篤住個Mon放大縮細打橫打掂睇,我始終唔慣,所以依家個心仲十五十六中……唔知大家又點睇?

Read more ›
有片:超像真死侍蛋糕 睇得食得
by / on 23/05/2018 at 9:15 pm

有片:超像真死侍蛋糕 睇得食得

呢期死侍好多Noise,呢個Marvel角色癲喪搞笑,個個都話唔睇《死侍2》係損失喎。既然咁紅,唔爭在睇埋呢條製作死侍蛋糕短片喇。睇完,你可以話其實唔難,都係剪剪切切、按按貼貼,但要做得咁精細仲要上埋色兼食得入口,絕對唔易囉。

Read more ›
文化傳信微電影創作大賽 《可愛惡主》奪金獎
by / on 23/05/2018 at 3:00 pm

文化傳信微電影創作大賽 《可愛惡主》奪金獎

「文化傳信微電影創作大賽」已經塵埃落定,金獎由以《可惡教主》為藍本嘅《可愛惡主》奪得,導演呂珮琳、梁慧賢。之前,我睇晒所有參賽短片,雖然金獎得主唔係我心水,但都算實至名歸。迄今港漫尚係一潭死水,多啲漫畫公司搞呢類周邊搞作,絕對係好事,恭喜晒。

Read more ›
《山海逆戰》一書一立體海報$68 家陣開訂
by / on 22/05/2018 at 7:00 pm

《山海逆戰》一書一立體海報$68 家陣開訂

嚟緊第80期《山海逆戰》要留意,因為有特別版推出,一書一立體海報套裝盛惠$68,有A同B兩款選擇,各限量200本。海報有3D效果,構圖係大大個蚩尤,靚到啪啪聲之作,值得捧福龍場。

Read more ›
網圖分享:白冰的超萌Q版Super Heros
by / on 22/05/2018 at 5:30 pm

網圖分享:白冰的超萌Q版Super Heros

唔係第一次分享白冰嘅插畫,今次佢又獻新猷,畫N咁多個超級英雄,畫風繼續玩Q版化,暫時只畫咗黑寡婦、蜘蛛俠、鐵甲奇俠、雷神、美國隊長、Thanos等人。講番先,未齊人嘅,事關佢喺面書登埋張草稿圖,再畫落去應該會有一幅大堆頭群角圖,熱切期待。白冰,千其唔好中途放棄呀,睇好你呀,掌聲鼓勵。

Read more ›

「獅子山羊」出Tee 出齊十二星座
by / on 22/05/2018 at 4:32 pm

「獅子山羊」出Tee 出齊十二星座

由阿傑多同葉明發扯頭纜嘅「獅子山羊」又有新點子,今次係出Tee,黑底,前幅有大大幅靚畫,後面有個小Logo,雖然講明「coming soon」,暫時只睇到嘅係相而非實物,但整體感覺係型嘅,絕對著得出街唔會嬲嗰隻。阿傑多透露如果搞得成,會出齊十二星座,一套十二件,又係值得珍藏喎,不過唔知賣幾錢呢?

Read more ›
《古惑仔》巨星之戰競猜遊戲 估洪興同三聯五比五平手收場
by / on 21/05/2018 at 10:30 pm

《古惑仔》巨星之戰競猜遊戲 估洪興同三聯五比五平手收場

《古惑仔》三聯對洪興嘅巨星之戰正式開打,男一陳浩南戰牛姑,一開波牛姑就處於劣勢。為煲大呢壇大戰,牛佬搞咗個「巨星之戰競猜遊戲」,邊個估中十場對戰勝出者,即送「得奬者本人與陳浩南一起的彩畫一張」,獨一無二親筆畫,正呀喂,截止日期5月27日午夜12時正。我呢,就咁估,頭場陳浩南險勝、第二場李成克慘勝、第三場何小海勝迪文死、第四場甘尚武大勝、第五場北正恩使詐勝、第六場加藤二勝小馬死、第七場郭秀青勝、第八場立花正仁勝天川秀死、第九場佐維極速勝、第十場大梵完勝亞披勒死,結果係五比五打成平手,廃後輪到金尊貴出場執死雞,唔知估唔估得中呢?

Read more ›
有片:韓國電視版《街頭霸王》 印度佬變和尚/蘇聯佬變肥仔
by / on 21/05/2018 at 10:00 pm

有片:韓國電視版《街頭霸王》 印度佬變和尚/蘇聯佬變肥仔

呢條舊片畫質係差咗啲,但無阻我由頭睇到尾嘅興致,皆因此乃韓國真人電視版《街頭霸王》也,搞笑程度達十粒星。成條片都係角色們因應招式走出嚟嗌兩嘢、紮個馬、踢吓腳、推吓手、轉吓圈、打個觔斗咁,即係角色簡介囉。至於造型咯喎,春麗應該尚算OK標緻嘅,Ryu都應該幾靚仔……但Ken個假髮實在太假,亦唔知點解印度佬會變咗少林和尚,軍佬又太過肉騰騰,蘇聯佬變咗肥仔腹肌六合一……總之就唔多掂,純粹有啖笑咁喇。

Read more ›
文嘉宏《退魔傳》第二輯 5月23日見街
by / on 21/05/2018 at 9:30 pm

文嘉宏《退魔傳》第二輯 5月23日見街

文嘉宏《退魔傳》,出過實體書,無記錯的話我肯肯定有課金捧場,但年代實在太久遠了,故事講乜已經唔記得。Anyway,新一輯《退魔傳》鐵定5月23日重啟,喺文嘉宏面書裡面連載,大家記得多多支持,畀個Like呀。

Read more ›