fbpx

Author: 尉遲一

網圖分享:甘小文畫C朗飲水

網圖分享:甘小文畫C朗飲水

C朗確係巴閉嘅,唔單只喺歐國盃對匈牙利省入兩粒,仲喺記者招待會拎開兩支可樂,勸人多啲飲水。據報佢咁語重深長地勸一勸大家注意飲食健康,可口可樂股價即由56.1跌至55.22美元,市值蒸發40億美元!呢啲咪巨星影響力囉。甘小文唔知有無聽話飲多啲水,但有出圖抽吓水,仲畫埋C朗入波後個嘟嘴招積表情,好Funny。

Read more ›

網圖分享:葉慶全繪不知火舞紮糉+春麗捧糉

網圖分享:葉慶全繪不知火舞紮糉+春麗捧糉

早幾日,葉慶全開咗個面書專頁「葉慶全繪畫世界」,都係以畫會友希望熱熱鬧鬧咁喇。咁啱今日端午節,佢順勢畫咗兩幅以糉為主題嘅畫作,一幅係不知火舞紮糉,另一幅係春麗捧糉,都捧得好令人想入非非吓。唔講咁多,大家快啲按讚喇。

Read more ›
壹本創作十五週年紀念Tee 6月14日開訂+發售

壹本創作十五週年紀念Tee 6月14日開訂+發售

純粹跟進番,壹本創作十五週年紀念T恤「黑龍回歸」同「猿王仰天」,鐵定6月14日正式預訂。想早買早享受?亦得,嗰日會有少量現貨喺「至Goal Club」同「古妮之部屋」優先發售,OK?

Read more ›
「東立 x Food & Style期間限定店」轉場 大埔新達廣場玩到20號

「東立 x Food & Style期間限定店」轉場 大埔新達廣場玩到20號

「東立 x Food & Style期間限定店」轉場了,今天移師到大埔新達廣場,即日起擺Booth至6月20日。主打漫畫套裝書係《鬼滅之刃》、《約定的夢幻島》、《火鳳燎原》、《進擊之巨人》同《鏈鋸人》,有無時間去補書?有無需要去補書?

Read more ›
Derek Woo重金屬Figure 早訂優惠價$750

Derek Woo重金屬Figure 早訂優惠價$750

話說之前《火伙》畫集發佈會,我有買書兼抽埋盲盒,本身諗住抽Derek Woo隻Mini Figure重金屬,可惜失望了。Fortunately,家陣有大版可以買番。重金屬Figure size係90x90x150mm,有黑同紅兩色選擇,售$800,6月30日前預訂平$50,7月中出貨。於我,呢幾舊水,無得慳了。

Read more ›
撐!Felix Ip《燃燒吧!香港重機03》!

撐!Felix Ip《燃燒吧!香港重機03》!

喂呀,啱啱先留意到,Felix Ip聯乘余兒同陳四月推出嘅《燃燒吧!香港重機》出咗第三期喇,搶先書展推出咁話喎。我有買開第一同第二期,So第三期必撐。你呢?

Read more ›

許景琛《龍虎門Z》韋陀番外篇 6月11日見街

許景琛《龍虎門Z》韋陀番外篇 6月11日見街

多啲嚟,密啲睇。許景琛《龍虎門Z》又推出番外篇,今次主角係韋陀,將於6月11日見街。一如以往喇,除普通版加推兩個兩個特別版,特別版A包韋陀鋁片銀卡、8張人物卡,售$118;特別版B包王小龍、西城勇、金羅漢迷你3D打印公仔各一、1張珍珠卡’簽繪白盒同Postcard,售$380。鍾意邊個版本,自己揀,報告完畢。

Read more ›
父子日常 文嘉宏《超人父子怪家庭》

父子日常 文嘉宏《超人父子怪家庭》

一向幾鍾意文嘉宏手畫,家陣除鄭健和《黑天龍》書尾「一本軍團」一頁完漫畫外,大家仲可以喺佢面書欣賞到最新出鑼嘅《超人父子怪家庭》超短篇列漫畫。畫風照舊,主題Sell父子日常,啲對白幾得意幾溫情的,為人父者應該幾有共鳴。

Read more ›
網圖分享:美少女《午夜怪談》

網圖分享:美少女《午夜怪談》

是日分享面書朋友仔Kwok Ho Kwok嘅《午夜怪談》系列畫作,放心,唔恐怖的,可愛四眼美少女做主角,尤其鍾意馬桶伸出鬼手畀心心嗰一幅,好正。

Read more ›
網圖分享:Error二創圖+WhatsApp Sticker

網圖分享:Error二創圖+WhatsApp Sticker

本土插畫師「丹尼爾。海的兩三事」作品,有畫作有WhatsApp Sticker,主題都係圍繞呢期大受歡迎嘅Error喇。我最鍾意Based on《鹹濕荒島俏博士》同《睡到三點》嗰兩幅二創圖,畫風萌萌哋,一睇就想笑,唔錯。

Read more ›
格子 x ChaCha Fans要睇Ian水彩畫展覽

格子 x ChaCha Fans要睇Ian水彩畫展覽

又確係幾靚仔嘅,又大隻,笑容又Sweet,抵Mirror成員Ian紅嘅。因為紅,所以畫師Cha Cha聯乘格子舉辦《賢日子Ian Chan Fanart Show》,展出多幅水彩畫,有寫實風有Q版。同場有水彩繪畫示範,仲有明信片同文件夾派發,相信Ian嘅Fans應該好好好好好Like。

Read more ›

提你買書 鄭健和《西遊》珍藏本卷十一6月1日見街

提你買書 鄭健和《西遊》珍藏本卷十一6月1日見街

時間過得好快,鄭健和《西遊》珍藏本卷十一將於6月1日見街,故事已經推進到〈妖怪大道篇〉大結局,售$128。老例,隨書附送明信片一張,提提大家咪買漏。

Read more ›
阿塗紙本分格實體店的另類創作 電線收納管道變3D天橋

阿塗紙本分格實體店的另類創作 電線收納管道變3D天橋

失禮,開張咗咁耐,到依家我都仲未拜訪紙本分格實體店,Fine,呢個禮拜尾一於的起心肝去朝聖先,因為又多一個打卡位。話說插畫家阿塗超好創意,以店內近天花板位置嘅電線收納管道作畫布,就住管道形狀同伸展方向繪畫天橋同樓梯,用嘅只係黑色水筆一支,視覺效果即時3D晒,強!

Read more ›
西九龍中心x林祥焜Goodgirl巴士 不日推出

西九龍中心x林祥焜Goodgirl巴士 不日推出

嗱,仲未正式推出,不過建議大家多多留意消息呀。林祥焜將會推出「西九龍中心x林祥焜Goodgirl巴士」,1:120,Total有7款。係呀,女呀,Goodgirl呀,就係掛喺西九龍中心大幕牆嗰幾幅靚靚插畫呀,家陣齋睇相都覺得好正,到可以真正拎上手肯定大滿足,你無理由唔入手呀?

Read more ›
聽歌!《太鼓次郎》版193《睡到三點》!

聽歌!《太鼓次郎》版193《睡到三點》!

喂,過百萬Views喇,有無聽Error成員193單飛作品《睡到三點》?我有,感覺係旋律易記唱功合格咁喇,最養眼當然係MV女主角Ah Gi同阿冰,兩個都幾清純靚女,I really like her and her。首歌紅,紅到有埋《大鼓次郎》版,「I’m loving you baby all the time,I’m loving you all day all night~」,打住拍子聽歌,都幾好Feel。

Read more ›