fbpx

幪面超人FOURZE主角出寫真

by

 

 

 

FOURZE都算係幪面超人,如果Gohsan係石之森章太郎,一定響棺材彈返起身!

 

幪面超人FOURZE主角出寫真

 

我認為係史上最樣衰,似《天地雙龍》多過幪面超人的《幪面超人FOURZE》,飾演男主角如月弦太朗的福士蒼汰,5月30日剛過19歲生日,最近推出一本處男寫真集《After Chicken Rice Go To Merlion》,直譯係「食完雞飯去搵魚尾獅」,作為20歲成人前的紀念,基本上同FOURZE一樣騎呢!

福士蒼汰做幪超做到出寫真,總算威威

 

原來呢本寫真集主題係福士仔一個人去新加坡旅行,所以內容有不少當地風景,包括去下食海南雞飯,參觀名勝魚尾獅等,希望拍出幪面超人以外,作為一個最後一年做10代年輕人的福士仔,最天真無邪一面;老實,Gohsan見到呢個幪面超人已極度唔開胃,到依家都接受唔到!個男主角就更……不過鹹魚青菜,各有所愛,6月2日他在東京三省堂舉行一個寫真發賣紀念,都有成百人參加,女Fans爭住同佢握手。

 

唔少女Fans聞風搶住買寫真,順便揸下佢…….隻手仔啦!

 

話時話,平成幪面超人都捧起左幾個男演員,好似「空我」的小田切讓,仲有「電王」、依家做埋真人版「劍心」的佐藤健。