主頁, 動漫資訊, 潮玩新聞 — 08/10/2013 at 7:33 pm

《洪興仔》經典珍藏本創刊

by
《洪興仔》經典珍藏本創刊號$33

《洪興仔》經典珍藏本創刊號$33

呢條News遲咗啲呀呵?無計,上周五創刊,諗住收工先買,點知賣晒;周六落觀塘,又賣晒;周日叫相熟書報攤問發行留書,輾輾轉轉搞到今朝先終於到手。

依家睇番《洪興仔》,先發覺十年前嘅黑社會公仔書原來咁有江湖味,粗口橫飛、打交劈友、上夜總會攬女劈酒、鬥車鬥晒馬,故事非常寫實,牛佬唔好嬲,我覺得甚至比依家嘅《古惑仔》更加好睇,加上格數勁密,拎上手足足半粒鐘先煲得晒,抵睇到爛。講公仔,就梗係同依家無得比架嘞,主角洪興伊健同東英垃圾經常走樣,人物比例唔準,頭大身細手短腳短,背景又畫得無咁細緻,但勝在書中個個古惑仔都夠響夠獎,人物性格鮮明,忠就忠,奸就奸,隊你就隊你,確係睇得異常投入。一句講晒,呢$33抵畀,我書架又多一套書要儲嘞。