fbpx
主頁, 動漫資訊, 潮玩新聞 — 06/10/2013 at 5:24 pm

《拳道》得三個月貨仔,勉強無爛尾!

by

993731_618697374847044_432434975_n

司徒劍僑本《拳道》,向李小龍致敬不成,玩到今十二期,Total三個月貨仔期突然收皮,故事勉強無爛尾,但非常落雨收柴Feel,No good囉。

睇得出《拳道》係一漫年心血之作,食正李小龍逝世四十周年熱,加上司徒劍僑有固定Fans,諗住可以同《九龍城寨》一樣可以玩番一年半載,點知讀者唔受就係唔受。分析死因,一,故事太無厘頭,主軸係李小龍大戰關德興,看誰是天下第一云云,非常之得啖笑然後呱呱叫;二,太超現實,一棍藕爆籃球架、一腳踢爆荔園摩天輪、截拳道大戰精武指,真真太呼頂唔順;三,太過食老本,七爺根本就係現代版關七,阿力根本就係現代版王小石,造型以致人物性格同說話方式都九成似,但又偏偏同《群俠傳》無關係,唔知想點;四,無高潮位,呢個同編劇有好大關係。Anyway,見唔好就收,讀者如我同一漫年本身都總算同步止蝕,雙贏啦,期望司徒劍僑下一本作品會再創高峰啦。

《拳頭》玩到第十二期,突然完結。

《拳頭》玩到第十二期,突然完結。