E3仲有兩日幾三日就舉行，所以近日嘅情報大多數都係得字冇圖……梗係啦，圖同片都留番即場公佈，聲勢勁啲嘛！今日就收到兩單新消息。
Square Enix雖然隻《Final Fantasy Versus XIII》都未找數，仲講明今次E3繼續走數，但就竟然話會有關於《Final Fantasy XIV》更新Version 2.0嘅最新消息同宣傳片喺E3公開。呢隻FF系列第二隻MMORPG遊戲，將會喺今年10月推行更新。
另一個消息就關於Xbox360陣營嘅《Gear of War》，呢隻喺上年推出咗第三集嘅第三身射擊大作，啱啱喺最新一期美國遊戲雜誌《Game Informer》封面公佈新圖片，並將會喺E3有新作資料公佈，美國時間周一就嚟料，昅實GameoverHK睇最新料啦！