fbpx
PS3, 主頁, 遊戲新聞 — 30/05/2012 at 2:30 pm

《TOKYO JUNGLE》香港6月7日推出送博美狗

by

6月7日將會喺PS3推出嘅冒險動作遊戲《TOKYO JUNGLE》,香港啱啱公佈咗最新消息。除咗碟版之外,仲會有下載版同日推出,價錢平少少啦,賣HK$296 (碟版賣HK$328),另外,初回版本可以攞倒特典 – 黑/白博美狗下載卡一張,咩係博美狗?即係松鼠狗呀!

遊戲本來上年推出,不過因為日本地震發生,呢隻講東京消失嘅遊戲太敏感,最後延遲到今年6月推出,最吸引係有埋中文版,另外遊戲玩法都幾特別,故事背景係東京人類突然銷聲匿跡,動物變得同野生動物一樣,要喺變成叢林嘅東京經歷嚴酷嘅生存競爭,遊戲提供50種以上嘅動物任玩家挑選。玩家要化身為其中一種動物,用盡任何手段,想盡辦法生存。

另外遊戲分為「故事模式(STORY)」同「生存模式(SURVIVAL)」,前者要玩家搵返人類從東京消失嘅原因,以及動物們所面臨嘅結局;後者玩家可以透過「狩獵」、「捕食」、「佔領地盤」、「世代交替」等行動,獲得相應的生存點數,遊戲支援線上排行榜,比你同朋友鬥吓邊個生存能力高啲,趁世界末日唔到,練習定求生都好。