「Golden Touch」好唔好玩，見仁見智，以免費Game嚟講，我覺得算係咁，起碼消磨時間一流，搭車等人無無聊聊，篤篤吓真係有排你Hea。
唔係吹水，係唔係見到暈得一陣陣先？
終於明白何謂眼花瞭亂！又係鑽石方法類遊戲，不過今次大玩顏色掩眼法，每塊鑽石都由底色同圖案組成，底色有深藍、淺藍、紅、黃、紫之分，圖案有黃閃電、白漩渦、綠葵扇、藍水滴之分，你要選擇兩塊有相同圖案嘅鑽石，互換位置，務求換完要有四個或以上相同底色嘅讚石連線。連線方面，橫、直、L、曲呎皆可，連到線有分加，畫面仲會好低能地出現「Great」字眼另加一條彩虹鼓勵你。信我，唔難玩，但玩完你一定眼都花埋。
iPhone下載：http://itunes.apple.com/hk/app/golden-touch/id507731030?l=zh&mt=8&ls=1