fbpx
主頁 — 29/05/2012 at 11:43 am

3DS《GUILD 02》稲船敬二 創新短作

by

 

老實講,我一直覺得LEVEL-5即將推出嘅3DS遊戲《GUILD 01》(遊戲公會01) 個封面好有型,簡約又有神秘感;不過原來佢嘅行為仲型,第一集《GUILD 01》仲有兩日先出,已經率先公佈定第二集內容,等你邊玩邊等。

嚟到第二集《GUILD 02》(遊戲公會02) ,單睇陣容已經令我期待,今集有3款遊戲集合埋一齊推出,陣容包括有製作過《鬼武者》同《洛克人》嘅著名製作人稲船敬二、《真恐怖驚魂夜》麻野一哉與我孫子武丸嘅雙人組,仲有《我的暑假》系列嘅生父 ─ 綾部 和,牌面幾出色。

 

稲船敬二

 

麻野一哉與我孫子武丸

 

《我的暑假》系列之父 ─ 綾部 和

 

《蠕蟲坦克》

先講稲船敬二嘅《蠕蟲坦克》,故事夠晒迷離,講二次大戰後一架失踪嘅戰車,去咗個「螞蟻大個戰車」嘅世界,玩家要同不斷攻擊你嘅昆蟲戰鬥,睇倒啲放大咗嘅蟲真係令人毛管彤架。

 

 

 

 

 

 

《ALONE》

至於偵探小說作家麻野一哉與我孫子武丸出嘅冒險遊戲《ALONE》,玩家要喺密室之中瞭解發生過咩事,自己身在何處,Who am I等存在主義問題,睇畫面都有濃重嘅密室恐佈感,鍾意密室逃脫遊戲類型嘅玩家應該會鍾意。

 

 

 

 

 

《怪獸出現的星期五》

最後一款係我好鐘意嘅《怪獸出現的星期五》,同前作《我的暑假》系列一樣咁清新脫俗,背景發生喺昭和40年代後半,玩家扮演10歲少年,體驗同巨大怪獸一齊生活嘅遊戲世界,單睇畫面已經好有懷舊校園感覺。

 

 

 

 

《GUILD 01》Trailer:

httpvh://www.youtube.com/watch?v=zJzCmjSS2i0