QUMARION
苦茶畢生志願係做一個漫畫人！唔使好似馬Sir搵咁多錢，多佢少少就心都願；不過可惡嘅中學美術先生，喺我一次畫Q太郎時，竟然大讚我畫食鬼嗰隻鬼好靚之後，從此，我唔再畫漫畫！好彩日本新科技令我嘅自信心再返晒嚟！QUMARION──用3D技術，用一隻公仔扭扭扭，就會做出相應3D圖像，再變成2D圖像，畫公仔就係咁簡單！
睇片發現，呢隻公仔真係仲勁過山口式，人做到嘅動作，佢都差唔多做到！而且仲會用120FPS記錄在電腦內，當你覺得Pose靚靚，你就可以透過專用程式，以上下左右、上天落地不同角度，再睇返原圖像，老實，以後使乜學畫畫先！
不過最重要係你可以幫公仔換皮，你要佢化身成補元計劃嘅凌波麗又得、補姦計劃嘅凌波麗亦得，做漫畫家就係咁簡單！
嚟緊6月21日日本開賣，價錢67,800日圓，約價$62,00，我覺得要入返隻！
httpvh://www.youtube.com/watch?v=0Ny7xmCGu80
活動關節，同真人差無幾。
嘩！萌Look呢吓死得，佢兩隻手托住乜？
高難動作仲有活動台架！你要佢上天入地都得！
網址：http://www.clip-studio.com/quma/