主頁, 動漫資訊, 潮玩新聞 — 20/09/2013 at 12:00 pm

《新著中華英雄2013》金屬卡封面 拉頁3D效果

by
第五期《新著中華英雄2013》金屬卡封面特別版$28
第五期《新著中華英雄2013》金屬卡封面特別版$28

講呢期漫畫界,最出位一定係大渡出版有限公司,開山作《新著中華英雄2013》期期都玩唔同花臣,今期第五期玩金屬卡封面特別版,暗紅色型到爆核,正!

唔係同大渡賣廣告,純訴衷腸,呢廿八蚊,我認為係非常非常抵畀嘅。所謂嘅金屬卡封面特別版,有無金屬成份我唔知,但摸上手滑一滑,近距離睥,立立令到可以倒映出自己個樣,用類似Iron man嗰隻暗紅色,奪目得嚟唔算太浮誇,封面華英雄同上期一樣有凹凸紋,正到無嘢好講!印象中應該無港漫玩過呢隻封面。睇到中間跨頁,又有驚喜,上期玩宣紙,今期改玩金屬卡紙,畫面交代服部千軍誤中機關,俾前左右三個鉛球壓到埋身,佢用把刀苦苦支撐,危在旦夕,跌落地嗰支電筒,射出嚟嘅光好似真嘅一樣,誇啲講句,離遠少少睇,真係有少少疑似3D效果,又係無得彈。一本漫畫有無誠意,讀者一定睇得出,鄺彬強,加油,支持你呀。

3p

無吹水,中間拉頁有疑似3D效果,好正。
無吹水,中間拉頁有疑似3D效果,好正。