fbpx
主頁, 硬件資訊, 電腦新聞 — 13/09/2013 at 7:31 pm

ASUS出NFC+Qi桌面電腦 自動Backup手機兼無線叉電

by

TF20130913_08P

呢排勁留意Desktop新聞, 因為真係好想出返部! ASUS剛公佈會推出內置NFCQi差電功能桌上型電腦— M70 PC! 機價發售日期未知, 不過睇見佢同好多流動產品嘅整合性, 相信有機會成為大趨勢!

首先講講佢NFC功能, 其實真係做得幾聰明, 只要你將部NFC手機放上去, 佢就會自動配對(呢啲就梗架啦!), 之後你就可以用手機走入Windows裏面, 分享檔案或執行程式, 其實有啲啲似遙控電腦一樣!

不過最好用係佢個Backup功能, 只要你裝有NFC Express軟件, 你就可以將相片、影片、電話簿等Sync入電腦; 而且只要你Sync過一次, 下只再放機上電腦, 佢就會自動Sync返嗰幾樣嘢項目, 唔會多又唔會少(例如你只Sync相片, 不次佢亦只Sync返相片)!

另一個我至愛嘅, 係佢有Qi無線充電功能, ! 我知佢係日本手機用嘅無線叉電制式, 不過香港腦場已經有加裝電路板產品, 令大部份熱門Android手機都玩到Qi(基本多數係可換電手機款式, 只要插一張紙咁薄嘅電路板, 喺電池同手機接觸位中間), 所以大家可能都可以玩吓無線叉電嘅快感! 不過更爽皮嘅, 係佢喺M70 PC裏面加咗個Uninterruptible Power Supply (UPS) , 其實就類似係儲電池+記憶體嘅混合體; 有咗佢, 就算電腦喺關機狀態, 都可以做到Sync資料(電腦再打開電池時, 會將資料從記憶體寫返入HDD)同無線叉電等功能。