fbpx
Android, Mobile games, 主頁, 手機/電腦 — 24/05/2012 at 10:05 am

Google街景三輪車抵港 小街小巷3D化

by

睇見呢架三輪車,苦茶就諗起細路哥年代,擺街「石頭」咁硬嘅芒果甜筒!唔知我講乜?唔緊要!因為完全唔關事!佢係Google最新登陸香港嘅「街景三輪車」,以後3D街景圖有咗佢,甚麼花街小巷,大家都可以網上用《Street View》虛擬穿梭。

講開又講啦,Google呢架街景三輪車,自2009年意大利羅馬同法國巴黎首度亮相之後,就陸續喺不同國家登場,例如西班牙、英國、日本、澳洲、美國加州、新加坡、台灣等,早已經開始俾佢影全相;不過話時話,點解要熱到30幾度先嚟香港碌呢?不過苦茶好期待,呢個時間先開拍,街上人人短衫熱褲,一定高收視!

Google話呢架街景三輪車,「沒有去不到的地方!」仲話會走入眾多熱門景點進行拍攝,例如離島、歷史古蹟、教育機構、主題公園、宗教建築、康樂場地等,旨在讓全球網民可 以得到更多更詳盡的香港景點資訊,隨時隨地以電腦和流動裝置暢遊香港。

查詢網址:http://www.google.com